ملف عن خلطات تكثييييييف الشعر وانباته

مرحبا بنات...

هذا ثاني ملف اجمع فيه خلطات من نفس التصنيف عشان اريحكم من تعب البحث في المنتدى وبعضها بحطها مع الرابط وبعضها اذا كنت ناقلتها على ورقة عندي بكتبها لكم من غير الرابط لاني مااعرفه واتمنى يسمحولي اصحاب الوصفات الاصلية وبالنهاية الفايدة بتعم عالجميع انشالله واللي تحب تشارك بخلطة خاصة فيها اوجربتها ياليت ماتبخل علينا.


هذي اول خلطة من الاخت قماري وهذا هو الرابط:http://forum.hawaaworld.com/showthread.php?threadid=61285


يابنات اللي صلعت تتفضل..خلطه تنبت الشعر وتكثفه
السلام عليكم..

مرحباااااااا يا بنات يا حلوات...الله يجزاكم خير على خلطاتكم ووصفاتك صراحه هبلتوبي..خخخخخخخخ ما اطلع من المطبخ....محتاسه وكل يوم خلطه خخخخخخخخ

على العموم انا عضوه جديده معاكم انشاء الله اقدر افيدكم...

اليوم جيتكم بأول مشاركه لي وهي عباره عن وصفه لتنبيت الشعر وكثافته..
انا صراحه لقيتها في احد المنتديات وصارلي اكثر من شهر ماشيه عليها والحمدلله النتيجه مذهلة...
المهم مابطول عليكم....

الوصفه عباره عن ثوم و زبدة لورباك......

المقادير:
2 فص ثوم مبشور
ربع قالب زبده لورباك

الطريقــه:
ضعي الزبده في اناء معدني وابشري الثوم عليه وضعيه على نار هادئه لإذابة الزبده فقط من غير ماتحرقيها...وبعدين طفي النار وغطي الأناء لمدة عشر دقائق..لكي يتفاعل الثوم مع الزبده... ثم صفي الخليط وضعيه على الفروه لمدة ساعتين ثم اغسلي الشعر...تدرون ليش صفينا الخليط؟؟ لان فائدة الثوم خلاص موجوده بالزبده ولو فركنا الفروه بالثوم المبشور بتمسك الريحه اكثر ومابتروح بسهوله....
على العموم الريحة لابد منها لكن مابتحسون فيها بعد ماينشف الشعر...لكن كالما هو مبلول بتشمونها...

يا بنات لا تنسون تسوون مساج للشعر وانتوا تحطون الخلطه لانه يحرك الدوره الدمويه وطالما ان الزبده دافيه يعني مسام الفروه بتتفتح والخلط بيتغلغل فيها اسرع...
يا حلوات يا متزوجات ياويلكم ويا سواد ليلكم اذا جربتوا الوصفه وخاصة ليلة الخميس خخخخخخخخخخ ولاتقولون اني ماقلتلكم.... اما انتوا يالبنات خذوا راحتكم....

اتمنى اني اكون افدتكم...واذا اي وحدها عندها استفسار لا تتردد...انا في الخدمه

=====================================================
هذي وصفة من الاخت rori79 وهذا الرابط: http://forum.hawaaworld.com/showthread.php?threadid=108847

وصفة لعلاج تساقط الشعر
انا شفت الوصفة دي في منتدي و ناس كتير شكرت فيها
يا رب تعجبكم

هذه الوصفة تستعمل على الرأس لمدة مرتين أسبوعيا في حالات التساقط الشديده أما الخفيفه فمرة أسبوعيا تكفي بالغرض وهي غير مضرة...
المقادير:-
كوب من زيت الخروع- كوب من زيت اللوز - كوب من زيت المحلب ..
الطريقة|:-
تمزج هذه المقادير جيدا مع بعضها ثم تعبأ في زجاجه وعند الاستخدام يؤخذ قدر الحاجة ثم يخلط بقليل من الخل الأبيض ويوضع على الشعر لمدة ساعة تقريباً ويغسل ....

=====================================================

هذي وصفة من الاخت نعومي وهذا هو الرابط: http://forum.hawaaworld.com/showthread.php?threadid=109475


خلطة لتكثييييييييير الشعرر....
مرااحب بنااات...

فيه خلطة يقولون زينه وتكثر الشعر حبيت انزلها للفايده والامانه قريتها في منتدى ثاني

لكن ماجربتها...

الخلطه هي :

4 صفار بيض + 2 ملعقه زيت خرووع... توضع على الشعر يوم كاامل

وتغسل بعده..

منقووووول من منتدى ثاني ..

تحيااتي للجمييع

=====================================================

هذي وصفة الاخت فلورينا وهذا هو الرابط: http://forum.hawaaworld.com/showthread.php?threadid=107861



السدر..لازاله الصلع نهائيا باذن الله
السدر مفيد جدا للشعر

هاذي وصفه لااحلى الحلوين
وخصوصا لورود الدار

ثلاث ملاعق سدر+كاسه مويه
تذوبيها الى ان يصير له رغوه
وتخليه نص ساعه عشاتن يتخمر
وتحطيه على الشعركله
و على مكان الصلع وتدعكي خفيف

اهم شيء الدعك وتخليه 10 دقايق او اكتر

بعدين اغسلي شعرك بالشامبو والبلسم

والله وصفه مضمونه ومجربه وشفت نتايجها بعيني
امي الله لا يوريكم كان شعرها سييييييء
ومن الامام صلع مش طبيعي
لمن تروح للكوافيرات يحتاروا اش يعملوا
وكيف يغطوها
جربت كل شيء من عيادات ووصفات وخلطات
والله مافاد الا السدر

ودمتم

=====================================================

هذي وصفات الاخت شانيل وهذا هو الرابط: http://forum.hawaaworld.com/showthread.php?threadid=107760


حبايبي الخلطة لتنعيم الشعر هي:
عصير ليمونة +علبة زبادي كاملة +ما احدد كمية الحنة على حسب طول شعرك بس
تقدرون تقلصون الفترة تخلونها 10 ساعات على حسب شعرك (خشن او عادي او ناعم) وللي صابغة شعرها تقدر تشيل الحنة وتحط بدالها زيت زيتون يصير ليمونة + زيت زيتون +بيض يطلع فظييييييييييع للمعان الشعر
لتمليس الشعر وازالة القشرة نهااااااااااااااااااااااااااااائيا:
12ليمونة(عصيرها)+نصف كاسة خل +علبة جلسرين وتقدرين تحطين هاذي الخلطة مثل الدهون اللي تدهنين فية شعرك كل يوم لما تتروشين عادي بس المهم يوميا بس ريحتها خل..
لأزالة ريحة الحلبة:
تطحنين مسك + ريحان +محلب +مسمار طحن ناعم وحطي المكونات بماي وحطية على شعرك وشوفي بتظل ريحة الحلبة ولا لأ ويصير شعرج كل ما لفحتي فية الناس بتسألك شنو الريحة الحلوووة هاذي وقولي شانيل ما قالت...

=====================================================
هذي وصفة الاخت KOKY وهذا هو الرابط: http://forum.hawaaworld.com/showthread.php?threadid=107863

جايبه لكم سر يوقف تساقط الشعر من اول مرة وسهل ومتوفر...تصدقون؟...

سلالالالالالالالالالال
الالالالالام

كيفكم بنات
ادري كلكم ما تعرفووووني
اغطسسسسسسس كثير
عموما اليوم جايبه لكم طريقه توقف .. او تقلل تساقط الشعر بشكل كبيييييييير
ومن اول مرة.....


الخلطه هي... او السر هو
الارطى... ويسمونه الدباغ...
الي يستعملونه بعد الولادة لشد .......

يطبخ مقدار فنجال مليان من الارطى .. بماء ويخلى يغلي .. دقايق...

مويت الارطى هذي اخلطي فيها الحناء وبس.


والله يبنات ناس كانت شعورهم تطيح بالهبل بطلت ومن اول مرررررررررررررة

او في اسواء حال قلتتتتتتت كثيييييييييييييير

بالنسبه للي صابغيه ..
مدري بس ممكن يحطون هالمويه بلحالها جربو...<< مويت الارطى

وبس
سهله صح؟...
استاهل دعوة؟
ادعو لي ربي ييسر امري وينولني الي بالي ويعطيني الخيرة


ومشكوراااااااااااااااات

=====================================================

هذي وصفة الاخت الهواوية وهذا هو الرابط: http://forum.hawaaworld.com/showthread.php?threadid=105965


طبقي كل هالخلطاااات وجربي هذي الطريقه صدقوني والله العظيم انها مضمونه ميه %
السلام عليكم يابنات اليوم حبيت اكتب لكم طريقه تخلي الشعر ينبت بسرعه رهييييييبه وصدقوني في واااايد جربوها وقالوا والله شي ممتاز وأنا أعرف بنت شعرها ما يتشااااهد بس عقب ما جربتها شو شعرها ما شالله رووووعه طويييل وغادي مثل الحرير ولونه كنه الدجا ساكننه وكثيييف يالله الحين بقولكم الطريقه :



بسم الله الرحمن الرحيم

المقادير ( طبخه ) ههههههه
1 تيبين آله يبيعونها في الصيدليه ب 150 درهم وهي آله بخار للشعر
2 وتيبين بخاخ فيه ماي
3 أي دهان تحبين تستعملينه مثال ( الخروع - براشوت )
4 كيس مال السباحه هذا اللي يستخدمونه السباحات اذا ما يبون يخيسوون شعورهم بالماي
الطريقه :-
أول شي تسحين شعرج الليفه خخخخخخخ
بعدين تحطييين الدهان على شعرج يعني توزعينه عدل
وترشييين بالبخاخ شوية ماي على فروة راسج
وتحطين الكيس
وتشغلين الآله
صدقوني بنات انه الشعر ينبت بشكل خيالي وبطريقه حلوه طبعا
ملاحظه :
تعرفووون ليش حطينا الماي عشان يوم نشغل الآله يتبخر الماي وتتفتح المسامات ويدخل الزيت شفتوا الذكاااااء
يالله جربوها وقولولي النتايج وأنا متأكده ان النتايج مضمونة.

=====================================================

هذي نصيحة الاخت الهاجسة وهذا هو الرابط: http://forum.hawaaworld.com/showthread.php?threadid=105568


بنات اللي تبي الغزاره تجي عندي
هلا والله

كيفكم بنوتات ايش اخباركم

عندي لكم موضوع روعه اللي تبي شعرها يغزر باسبوع

والله يابنات اني مااكذب عليكم

عندي جارتي باالبنايه هنديه وماشالله ماشالله شعر بنتها الكبيره 3 سنوات غزززززززززير مره

وعندها بنتها الصغيره شعرها مو مثل شعر اختها خفيف خصوصا من فوق وفيه فراقات وايد

من اسبوع راحت عند اختها ولا شفته ويوم جات اليوم والله ماصدقت والله يابنات اني مااقول الا الحقيقه ما شالله ماشالله فروة راسها اللي كانت واضحه متغطيه كلها بالشعر وغزير بس
ماطول وايد شوي بس غزاره غزاره
والله اني اندهشت مره
وعلى طول سالتها ايش حاطه لها كنت متوقعه انها ودتها وضربت لها ابر براسها علشان يطلع الشعر

قالت لا صديق زوجها شاف البنت كذا وعلمهم على زيت لشعرها تقول دوروه كم محل الى ماحصلوه
وهو رخيص مو غالي 14 درهم يعني 14 ريال

انا رحت على طول ودقيت على السوبر ماركت اللي جنبنا وعطيتها التلفون قلت لها اساليه

اذا عنده او لا ويوم سالته قال موجود حتى هي استغربت شلون موجود وهي مدورته بكم مكان

وجابه لي ومن اليوم بديت على شعور عيالي

وان شالله اذا طلعت النتيجه بخبركم

والزيت اسمه
anoop
ويعلم الله ان كل اللي قلته صحيح
=====================================================
هذي وصفة الاخت مـــــــــ القلب ـــــلاك وهذا هو الرابط: http://forum.hawaaworld.com/showthread.php?threadid=107119


.............{ اصليعات ادخلووووووو} ............
ههههههههههههه
هههههههههههههههه
حلو الموضوع مو
بصراحه عندي لكم خلطه بس شئ عجيب اتنبت الشعر بشكل عجيب يعني اللي تسويها وطبقها زي مااقول راح تدعي لي طول عمرها وراح تصير شعوركم مثل شعور جداتنا زماااان
شوفوا اول شي تجيبون قشور الرمان وتجففونها بس مو على اشعه الشمس لا خليها بالبيت ليمن تنشف وبعدين اطحنيها واخلطيها مع الحناء والمقادير على حسب طول الشعر بس يستحسن ان كميه الرمان تكون اكثر من الحناء بشوي موواجد احذركم اشوي انا قلت
وبعدين تستحدمينها كل يوم لمده اسبووووووع وبعد الاسبوع تستخدمينها لمه ثلاث مرات يوم ايه ويوم لا وبعدين تستخدمينها مرتين لمده اسبوعين المد الكامله شهر وبعد كذا لمن تعجبك النتيجه تجربينها ثاني مره طبعا لمده اربع ساعات وترى عادي اذا تبغون تحطون بشعوركم زيت وراه ايش رايكم باالموضوع

=====================================================
هذي وصفة من الاخت الصبار وهذا هو الرابط: http://forum.hawaaworld.com/showthread.php?threadid=103786


خلطة لتكثير الشعر وتنعيمه
من العطار فيه حاجة أسمها الكثيره لونها ابيض وعلى شكل قطع يؤخذ منها قطعة وتنقع في ماء بس حطيها بشئ زجاجي هي بعدين تكبر وتصير زي الجلي طبعا نقعيها ليلة في الثلاجة وبعدين اخلطيها مع أي كريم لشعر وضعيها على شعرك ساعتين تراها ممتازة وكثير استفادوا منها جربوها

=====================================================

هذي وصفة ريماس المزيونة وهذا هو الرابط: http://forum.hawaaworld.com/showthread.php?threadid=108317


الشعر الكثيف مع .....سورسير العجيب !!!!!!!!!!!!
السلام عليكم يابنات :
عندي لكم سر من أسراري العجيبة ......... لتكثيف الشعر و هو تونيك للشعر مع الشامبو واسمة
ســـورسيـــــر
وهو تستعملينة علشان يكثف الشعر ويطولة ... وآنا من ناحيتي استعملته لأختي الصفيرة كانت النتيجة ...............جنااااااااااااااااااااااااااااااااااااااااان
يكثف الشعر لأن من محتوياته الاساسية الثوم
أدري انكم راح تسالون عن الريحة : :
لاتخافون مالة أي ريحة
والنتيجة خلال 3 أسابيع ............ ويمكن على حسب الشعر.
طريقة استعمالة :
أولا : تغسلين شعرك بالشامبوا .... حقه ( سورسير )
ثانيا: يدلك الشعر ( بعد الحمام ) بالتونيك ( سورسير )
بأطراف الأصبع على الشعر جيدا .
ويكررذلك التدليك مرتين يوميا لأنه يساعد على انبات الشعر في المناطق اللي مافيها شعر ويكثف الشعر .
أما بالنسبة لسعرة فهو بحدود 140 ريال س
أما وين نلقاه فهو موجود بكل الصيدليات ( لاحظوا أنه طبي )
واي استفسار أنا حاضر
مع تمنياتي لكم بشعر كثيف وطويل
=====================================================

هذي وصفة الاختshosha وهذا هو الرابط: http://forum.hawaaworld.com/showthread.php?threadid=104318


الحل الاكيد لتساقط الشعر
عشان توقفي تساقط الشعر عليكي بزيت الجرجير ريحته ياساتر ولا الحرقان اللي بيعمله على الفروة
لكن بيعالج التساقط وينعم الشعر كمان وما عليكم ما للجرجير من فوائد للشعر جربوه واستحملوا شوية الريحة والحرقان البسيط

=====================================================
هذي وصفات الاخت دلع الجوري من هذا الرابط: http://forum.hawaaworld.com/showthread.php?threadid=105691

اختي ضاع العمر وswan
انا شعري مقصف وجاف الاطراف بسبب البروكسيد تركيز 30%9
VOL
يعني انتو طبيعه وانا لاعبه فيه بمواد واعتقد بيتغير شعركم للاحسن

انا ماجربتهم بس على الله جربو >>>

1. وصفه جديده للشعر خاصة التالف من الصبغات والسشوار وغيره.

والوصفة هي عبارة عن زبادي مخلوط مع حلبه سعودية مطحونة يوضع لمدة 2 ساعة

ويغسل . تستخدم لمدة شهر ونصف أو حتى يستعيد الشعر عافيته

او
2-هذه خلطة مجربة ومفعولها سريع جدا في إعادة الصحة للشعر بإذن الله:

ملعقه عسل

زيت لوز

تخلط وتوضع على الشعر لمده 2ساعه أو اكثر ثم اغسلي شعرك كالعادة وسترين الفرق.


اما هاذي والله ثم والله جربتها
حطو طريقتي الي رجعت شعري ولله الحمد وهي:

ملعقه عسل + ملعقه زيت زيتون + ملعقه زيت عافيه + بيضه = تخلط مع بعض وتوضع على الشعر واحط كيس واتركها لمدة نصف ساعه لاكن انا وربي اتركها ساعات بشعري على الاقل 8 ساعات

ملاحظه:
زيدي المقادير على حسب كثافه وطول شعرك

وجربي فشكول بالثوم او بلسم الاطفال جونسن بيبي بعد الشامبو

والله شعري رجع طبيعي وحرير مثل اول ولله الحمد

وادعولي بالغيب
===================================================== هذي نصيحة الاخت اسيرة السعودية من هذا الرابط: http://forum.hawaaworld.com/showthread.php?threadid=105229


بناااات الى شعرها يتساقط وبغزاره الحل عند اسوره مجرب 100%

بنات انا أول مره اشترك فى موضوع
كنت دائما اتصفح وآخذ من تجاربكم

لكن الحين قلت لازم اشترك وآقول لهم عن تجربتى

من كم شهر كان شعرى يتساقط وبغزااااااااااره

صرررررررررررراحه خفت وما خليت شى الا وجربته
وحسيت باكتئاب شديد لأن زوجى كان دايما يقول لى شعرج وايد حلو
يبييييييييييييييين صكننننننننننننننى بعين

ومرررررررره زوجى كان مع صديقه وقال له عن مشكلتى
قاله خلها اتجرب هالكبسولات وتدعيلى

وفعلا ما صدقت بان اجرب شى علشان هالشعر

مااااااااا تصدقون خلال ثلاثة ايام حسيت ان شعري صار احسن
ومع استمرار فى اخذ الكبسولات
وااااااااااااو ما تصدقون شعرى رجع مثل اول لااااااااا وكثيف بعد

انا فعلا دعيييييييييييييييت له
آبيــــــكم اتجربون وتدعوووووووووووووووووون لى


اســـــــــــــــــــــــــم الكبســــــــول Pantogar

===================================================== هذي نصيحة الاخت nightlight وهذا هو الرابط: http://forum.hawaaworld.com/showthread.php?threadid=104082



placentexانبوله لاعاده نمو الشعر المتساقط
السلام بنات
راح اقولكم اليوم عن انبولات لوقف التساقط واعادة النمو للشعر المتساقط اسمها بلاسنتكس انا جربتها بنفسي ممتازه نصيحه مني لكم استخدموها وراح تدعون لي صناعتها فرنسيه سعر العلبه بها 10 حبات 180 ريال وبالنسبه للمركز منها 120 ريال للعبوة تكفي 12 مرة استخدام تلاقوها بالصيليات المشهوره
انا الان استخدمها ومرتاحه عليها كثير وساعدتني كثير بنمو شعري وسرعه الطول استخدموها وعلموني

=====================================================

وصفات الاخت هبة الريح وهذا هو الرابط: http://forum.hawaaworld.com/showthread.php?threadid=103457

وصفااات رائعه للشعر وخصوصا الخفيف والمتساقط


السلام عليكم ورحمه الله وبركاته

هذى وصفاات طبعا رائعه ومجربه للشعر وتنفع للشعر الخفيف والاصلع والبطيئ نموه
فنمو الشعر عزيزاتى يكمن بالغذاء
اولا وتناول الخضرووات والفواكه بكثره والسلطااات
وهناك بعض من الناس لاينمو شعرهم او بطيئ نموه
فما عليك عزيزتى
الا ان تجيدى اختيار الوصفه المناسبه لك
وايضا تناول الفيتاميناات المناسبه لجذور الشعر
او امبولات اذا استدعت الحاجه لذالك ومن خلال زيارتك للطبيبه الجلديه
تحدد لك اذا ممكن ان تستخدمى اولا
والعنايه اولا تكون بالمنزل عليك بالاتى ؟؟
اولا لذواات الشعر الخفيف والبطيئ النمو
ان تاخذى ثومه كامله وتدقيها وتضعيها بقاروره او برطمان وتسكبى عليها زيت زيتون اصلى وتحكمى اغلاقها وتتركيها لفتره عشره ايام ومن بعد ضعيها بالثلاجه وبعد يوميين استخدميها فى الاسبوع الاول
يوميا وفى الاسبوع الثانى
يوم ورا يوم
وفى الاسبوع الثالث
قللى استخدامها كل ثلاث ايام
وفى الشهر
استخدميها بكشل اسبوعى
فى الاسبوع مره
وراح تلاحضى فور استخدامها بمنابت الشعر طلعت من جديد واستخدميها ساعتيين فقط ومن ثم اغسليها
وفائدتها؟؟
للشعر تنبيت الشعر وتطهير الجلد ويعمل الثوم كمضاد حيوى للجلده وهو جداا رائع ااشعر بس تحملى رئحته اهم شى الفايده
حبيباااتى
وهناك ايضا زيت الحلبه اعمليه بنفسك وهو ان تاخذى نصف كوب حلبه مطحونه وتكبينها فى برطمان وتصبى عليها زيت عافيه او زيت جوز الهند للشعر الجاف وهو جداا رائع
منها ينمى الشعر ومنها تكثف الشعر وتمنع التساقط
وميزتها للشعر الخشن
تجعل من الشعره اشوى خشنه
اما للشعر الناعم
رائعه بس للخشن ترا مو مهم انها تخشن اشويه منه اهم شى انها تمنع التساقط وتثقل الشعر وتمنع صقوطه وبالاستمرار عليها يزيد بالتدريج من كثافته ولابد الاستمرار عليه فوق الاربع اوخمس شهور
بس نتائجه فى الشهرين الاوليين
وهناك كمان زيت ام الجدايل
للتطويل والمحافظه على رونق الشعر وجماله
وللتنعيم الشعر
اختارى هذى الثلاثه انواع وهى
زيت السمسم
زيت الشمطرى
زيت النارجيل
وهو جداا ممتاز للنعوومه واللمعان وبالاستمرار طبعا عليه يعطى نتائج رائعه
ولما تخلصى من غسيل الشعر
عليك بوضع عليه كريمااات
كا الفاشكوول بالثووم
او الفاشكول بالعسل والحليب
للتنعيم وجففيه من غير سشوار افضل لانه كثره استعماله يؤثر على الشعره نفسها ممايؤدى الى ضعفها وسقوطها
واللى تتحمل عزيزاتى منكم تغسل شعرها بسدر فهو رائع للشعر
يقضى على القشره ويقوى الشعر ويمنع تساقطه
واتمنا لكم الصحه والعافيه
وشعر لامع وجميل
تحياتى للجميع

منقول


===================================================== هذي وصفة الاخت شمس الحياة من هذا الرابط: http://forum.hawaaworld.com/showthread.php?threadid=102907

الملوخيه ميه ميه
احد جرب الملوخيه في خلطات الشعراللي جرب يقول لي
عموما انا جربتها في خلطة وكانت نتائجها حلوة
الخلطه هي:
ملوخية + ورق ريحان + حنا +سدر +نقيع شاي +زيت اي زيت انتي تستخدميه
اخلطيها في الخلاط وحطيها على شعرك وغطيه باي شيء وحاولي ان الخلطه ماتنشف على شعرك لمده ساعتين واغسلية كا العادة واذا عجبتك النتائج ادعي لي
=====================================================

هذي وصفة الاخت kandy من هذا الرابط: http://forum.hawaaworld.com/showthread.php?threadid=102546

خلطة مجربة لتغذية الشعر رهيبة وروعة
انا جربتها على شعري بصراحة نتيجة ماكنت أتوقعها
حناء مع بيضة واحدة ونصف علبة زبادي ومغلي الشاي يعطي الشعر لمعة
=====================================================
هذي الوصفة من الاخت كنافة وهذا هو الرابط: http://forum.hawaaworld.com/showthread.php?threadid=90103

وصفه تخلي الشعرررررررر روعه 00000000000000000000
السلام عليكم ورحمة الله وبركاته
هذي اول مشاركه لي وانشاء الله تعجبكم ارسلت لي عن طريق البريد
وصفه ررووووووووووووووووعه تخلي اللشعر يجنن

المقادير

1. كثيرا
2.ريحان
3. سدر
4. بيضه

الطريقة :
تاخذين القليل من الكثيرا وتضعين عليها ماء مغلي وتتركينها لمدة يوم كامل منقوعه مع الماء الساخن.

ستلاحظين أن الكثيرا ازداد حجمها. فتأخذينها وتضيفين عليها البيضه مرة واحدة، وتضعينهم في الخلاط لمدة خمس دقائق.

ثم ترجعينهم إلى نفس الوعاء وتضيفين لهم ملعقة صغيرة من الريحان وملعقهة عادية ونصف من السدر المطحون طبعا ً.

ثم أضيفي عليها الماء الساخن حتى تصبح شبة سائلة؛ أي تضعين يدك فيها فتنزل بسهولة ولكنها ليست مو لزجة جداً.

ثم تبدأين بوضعها من بداية الشعر؛ أي من الجذور حتى النهايه، وهو لا يزال دافئاً حتى يستفيد منه الشعر طبعا.

ويترك مده لا تقل عن 3 او 4 ساعات، بالنسبة لي أحياناً أنام فيه.

النتيجة:

ستلاحضين النتيجة من ثالث أسبوع، ستلاحظين الشعر الصغير قد بدأ ينبت من كل ناحيه في رأسك، كما ستلاحظين من أول مره شعرك كيف يصبح لامعاً وصحي ويتنفس!!

وخلال شهرين الكل سيلاحظ الفرق الرائع فعلاً؛ من ناحية غزارة شعرك وطوله وصحته وجماله بإذن الله.

أكيد ستقولون كم مرة تستعمل هذه الخلطة....
الجواب: الشاطرة تستعملها مرتين بالأسبوع أما الكسلانه مثلي مرة بالأسبوع.

وعلى فكره لا تنسين تزييت شعركن قبل الخلطة بالزيت المعتاد عليه شعركن.

وبالتوفيق للكل.

تحياتي
كنووووووفه
===================================================== هذي خلطة من الاخت شوق الرهف من هذا الرابط:
http://forum.hawaaworld.com/showthread.php?threadid=102296

خلطه رووووووووووووعه تغنيك عن حمام الزيت واحلى كمان
هذه الخلطه مره روعه للشعر اختي سوتها وطلع شعرها حلو مرررررررررره اختي شعرها خشن شوي وجاف ...

الخلطه عباره عن ........

علبة زبادي كامله === ملعقة عسل === شوي زيت اي زيت تستعملين === صفار بيضه =

جربوه شوفو النتيجه راح تبهركم من اول مره بس ادعو لنا اذا اعجبكم لاتنسون

====================================================

هذي وصفة الاخت البتول الطاهرة من هذا الرابط: http://forum.hawaaworld.com/showthread.php?threadid=103712


للتساقط+طول+ لمعه +نعومه
السلام عليكم اخواتى


لكى تمتلكى شعر جميل اليكى هذه الوصفه التى تمنع تساقط الشعر

وتعطيه لمعه ونعومه وتغنيك عن الاستشوار وانا مجربتها على

شعرىوالنتيجه كانت اكثر من رائعه


اولاً حضرى زيت الاعشاب العطريه ,,,, يمكن عمله فى المنزل كالاتى:


احضرى قبضه يد من كل من الاعشاب الاتيه وتكون خضراء

اكليل الجبل +مريميه+ زعتر

وضعيها فوق النار مع اضافة لتر من الماء دعيها تطبخ الى ان يصل الماء

الى قاع القدر وبعدها اضيفى زيت باراشوت عبوة واحده الى الاعشاب

التى فى القدر واتركيها تطبخ قليلاً الى ان يتجانس الزيت مع الاعشاب

العطريه وبعدها اتركيه الى ان يبرد وصفى الزيت واحفظيه فى زجاجه


نجى للخلطه الاساسيه: (انخلى السدر قبل الاستعمال)

نضع سدر + 2_3 فناجين من العسل + 4ملاعق لبن زبادى +4 ملاعق

زيت الاعشاب العطريه + ماء زمزم (ان وجد )

ضعيها على شعرك 3 ساعات وغطيها ببلاستك وفوقه فوطه دافيه

وبعدها اغسليه بشامبو اطفال مخفف بماء(عدم الاكثار من الشامبو مجرد

نقاط خفيفه)

وبعدها اعملى شعرك حوايه اوطاقيه>>>>وشوفى كيف شعرك من

النعومه واللمعه


===================================================== هذي وصفة من الاخت amal2002 من هذا الرابط: http://forum.hawaaworld.com/showthread.php?threadid=10775


قرات لكم هذة الوصفة
اخلطي المقادير التالية
ملعقة زيت زيتون + ملعقة زيت خروع + ملعقة زيت
اللوز + صفار 3 بيضات
توضع الخلطة على الشعر ويلف بمنشفة لعدة ساعات
ثم يغسل الشعر بالماء الفاتر والشامبو
تستعمل الوصفة من مرة الى مرتين اسبوعيا

===================================================== هذي وصفة من ام الوردتين من هذا الرابط: http://forum.hawaaworld.com/showthread.php?threadid=100702

اللي محتاجة فرد شعر تدخل
جبت لكم خلطة انما ايه......سمعت عن وحده شعرها قراميييييط....واستخدمت شحم اللحم تذوبه على نار هادية وتستخدمه عن حمام زيت والنتيجة روعة 00000جربوه وقولوالي........

=====================================================
هذي وصفات الاخت dody2003 من هذا الرابط: http://forum.hawaaworld.com/showthread.php?threadid=89175

خلطه تخفف تساقط الشعر وتكثفة
خلطه تخفف تساقط الشعر وتكثفة
((بيضه - ملعقه كبيره عسل - خلطه زيوت - ريحان مجفف - والي شعرها

جاف تروم تحط مايونيز ))

تخلطونه كله مع بعض و تحطونه على شعركم لمده ساعتين على الأقل

و استمرووو عليها و راح تشوفون الفرق



خلطه اخرى (مجربه)
2ضرس ثوم + جرجير كميه بسيطه اخلطيهم بخلاط الجزر والي بيطلع حطي فوقه زيت خروع وادهني على فورة الراس فقط من دون الشعر لان الفائده في الجزور وكمان ادهني على اطراف الشعر

وهاي كمان خلطه بس الصراحه ماجربتها
يؤخذ زيت خروع ويمزج في قاروره نصفها خل ويدهن فروه الراس بهذا المزيج يوميا

خلطه اخرى يوخذ حشيشة كزبرة البئر وتغلى ويدلك بمائها فروة الراس يوميا

خلطه اخرى تدلك فروة الراس بعصير البصل فانه سريه في ظهور الشعر ويمنع التساقط
ياريت اعرف رايكم بصراحه فى هذا الموضوع شكرا

=====================================================
هذي وصفة الاخت Honybee من هذا الرابط: http://forum.hawaaworld.com/showthread.php?threadid=97703

لكل بنت .... المايونيز ومنقوع الحلبة ....رررررررررررهيب
بنات ... هلااااااااااا
طبعا انا عضوة جديدة وحبيت افيدكم متل ما استفدت منكم كتير
وعشان ما اطول عليكم هذة هي الوصفة ..

تجيبي المايونيز العادي اي نوع ( برطمان كامل )
وتنقعي حلبة مسحونة لمدة يوم كامل في اي وعا ء
وتصفيها وتخلطيها مع المايونييز
توضع على الشعر لمدة ساعتين فقط وتغسل الشعر عادي
باى شامبو عندك ... وتعالي شوفي شعرك بعد شوية كيف يصيير.........يهبل شوية غلية


ترى لازم تعمليها مرة في الاسبوع مش اكتر لانها ممكن تكون دهنية زيادة عن اللازم


النتائج :
شعر صحي .. لامع .. غززززززززززززير .. وجميل

ودمتم سالمين
=====================================================
هذي وصفة مضاوي من هالرابط: http://forum.hawaaworld.com/showthread.php?threadid=99406


هالخلطه الرهيبه جربتها بنفسي للشعر ونتيجتها ررررررروعه
عندي لكم خلطه نتايجها حلوه للشعر

ومدري فيه احد قد كتبها قبلي والا لا لاني ماخذتها من صديقتي اذا سبق واحد كتبها مومشكله

البركه بالمشرفات يطيرووون الموضوع هههههه

مشكلة هالخلطه ريحتها وقت ماتحطينها بس من بغى الدح ماقال اااااح

انا احطها ساعتين علشان الريحه

وفايدتها توقف التساقط وانا اول ما استخدمتها كان شعري يتساقط والحمدلله وقف غير انها تعطي كثافه للشعر وتكثره وتعطي طول رهيب يبان خلال شهر وبان معي انا وخوياتي

وبناتهم

وهي تجيبون علبة زيت النارجيل اللي لونها أخضر

حبتين موز تستعملون القشر بس قشر الموزتين

ملعقه كبيره او ملعقتين من الحلبه واذا بغيتو تخففون الريحه احمسو الحلبه لين يصير لونها بني غامق

طريقتها تجيبون الزيت وتحطونه بقدر وعلى النار وتحطون عليه قشر الموزتين والحلبه

لين يغلون مع بعض وتطفون النار وتغطونه اربع ايام

باليوم الرابع تحطونه بالخلاط وتخلطونه وتحطونه بعلبه وتبدون تستخدمونها على الشعر

ساعتين وتغسلونه واتمنى لكم شعر كثيف وطويل انشاء الله
=====================================================


خلاااااااااااااااااااااااااااص طاحت ايدي باجر اكمل لكم الخلطات وانتوا ساعدوني مو كل شي علي بروحي
:06: