ترتيب الالوان في المنزل وما يناسبه

السلام عليكم ورحمة الله وبركاته
ما شاء الله عليكم يا خواتي المنتدى يحتوي على فكره وصوره حلوه وانا عيزت من كثر ما اطالع واحترت في الاختيار
المهم ما اطول عليكم
ان شاءالله بتحول للبيت الجديد وانا محتاره في اختيار الالوان للغرف ونوعيتهم لاكن ولله الحمدالله دخلت المنتدى وحصلت كم فكره انا بخبركم وانتو عطوني رايكم


نبدأ بالجبس
قررت اسوي جبس لكل الغرف ساده وبسيط مع مجلس الحريم عالطروف بس محتاره كيف بيكون مكان الاناره جبس بعد ولا ساده واركب ثريات انتو عطوني من افكاركم
ومجلس الرجال بس بسويه جبس نازل وما عندي صاله مفتوحه عندي ممرات ما اعرف اسوي فيه جبس صغير ساده عالطروف او ما احط جبس فالممرات هم قولولي رايكم

الصبغ:
ما اعرف اي نوعيه محدده ما عدا المائي والزيتي بس لاحظت اغلب الخوات يتكلمون عن التعتيق واول مره اعرف عن الاصباغ ( الصراحه ما اعرف عن هالسوالف وايد ) سامحوني والحمدالله معرفتي زادت شوي من كثر ما كنت ادور فالمنتدى عن الديكورات وتوابعه
انا وباذن الله ناويه اصبغ غرفتين نوم ( غرفة النوم الرئيسيه ) + ( غرفة العيال مشترك بنت وولد) وغرفه يمكن اخليها للكمبيوتر او غرفة نوم للضيوف
اخترت اخضر فاتح لحجرة النوم هو لون حلو وهادي اخترته من المنتدى ولقيته في الكتالوج مال الصبغ ولون غرفة الكمبيوتر بنفسجي فاتح هم اخترته بنفس الطريقه لاكن محتاره في لون غرفة العيال مب عارفه اي لون لايق لان الغرفه مشتركه( بنت وولد) ياريت تساعدوني لاني تعبت من كثر ما ادور وابغي بعد تخبروتي شو الالوان المناسبه لمجلس الحريم وللممرات
ارجوكم يا خواتي مستعيله وابغي الرد بسرعه
خبروني كيف اصبغ واسوي وارتب واعدل المهمممم رتبولي السالفه
وسامحوني اذا طولت عليكم