كوبونات الراقية تسجيل الدخول

aomroena

قصه كامله لــ جْ ـــــل الـــو عَ ـــــــــد منقوله

الأدب النبطي والفصيح •


(( لــ جْ ـــــل الـــو عَ ـــــــــد ))

للكاتبة: المحظوظه
**********


بعد أن أتممتُ قصتي (( دنيا الوله )) شعرتُ باندفاع كبير للخوض بتجربة جديدة وكتابة قصة أخرى .. خاصة بعدما لاقيتُ إعجابا وقبولا كبيرا على قصتي


قصتي الجديدة من نوع آخر
ليست متحررة وجريئة كما في قصتي الأولى

قصة تناقش الحب بجميع الظروف .. وبمختلف الأنواع
عندما يكون الحـب ........ من طرف واحد
وعندما يكون الحب ...... مخفي بالقلوب

والأهــم عندما يكووووون :
،، حب عصف بين قلبين ،، لتهب عليهم أشد العواصف ،، ويعاركوا أهوج التحديات ،،
حب ،، لا يعرف الانهتاء ... حب .. لا يقيده حدود .. حب .. وقع بالوقت الـ خطأ ..
وبالمكان الـ خطأ !
ولكن .. أصبح حلم السنين !!
وعذاب العاشقين !!
وأمنية مشتعلة .. ترجو أن تتحقق ..
ولو
بعد
حين!

******

قصة تناقش قضايا بمجتمعنا :

وسط أحداث نجد عائلة تشتكي من .............. الزواج بالأجنبيات !!
وفي عائلة أخرى فتاة تتدمر من .............قسوة أهل الزوج !!
وفي عائلة أخرى هناك أهل يبكون من ........... تعامل زوجة الإبن !!
وفي عائلة أخرى أخوة يبكون من ............ زوجة الأب !!

بالمقــــــــابــــل

هناك عوائل تسودهم الأفــــراح

::

ويبقى * الحـــب* هو .. سيد الموقف .. !!

::




مقـــدمـة القصـّــة

في شركة الغفيل وشركاؤه الضخمـة ،، دخل السكرتير على مدير الشركة وبإيده ظرف ،، مده للمدير الي استلمه منه واهو يقول : رسالة ؟؟؟
يوسف السكرتير : لا هالمره شريط كاسيت !!
اتأمل سعود الظرف لحظات وقال : زين مشكور يايوسف
يوسف : تامرني بشي ثاني ؟
سعود : لا مشكور اذا احتجت شي بناديك
يوسف : على امرك .. وطلع تارك سعود يقلب الظرف بإيدينه وهو مايدري وش يحوي هالشريط .. فتح الظرف بسرعه .. وطلع الشريط من داخله وأخذ مسجل صغير من الدرج ودخل الشريط فيه وشغله .. وثواني وبدت موسيقى عذبة يتخللها صوت أنثوي ناعم يلحن أغنية خفق لها قلب سعود بكل عنف وهو يسمع :

متخيل أنا راح أتحمل ؟؟ بُعدك عني مهما طول .. وقلبك لما عني يرحل ..
ينساني وأنسااااه ؟؟
متخيل أنسى أيامي ؟؟ حزني وفرحتي والآمي .. شوقي وضحكتي وأحلامي ..
وكل الي عشنااااه ؟؟
متخيل إني راح أقدر .. أصبر وأتحمل أكثر .. حتى لو جروحي تكبر ؟؟
لا حبيبي... لااااا !!

وانا ناطر حبيبي .. ترجع لي ياحبيبي ..وانا ناطر حبيبي . .
أنا ناااااااطر

مهما حاولت أداري .. لهفة روحي وناري .. مهما طال انتظاري ..
أنا ناطر !

حرام .. تظلم أحبابك .. بغيابك وبعدكـ .. والله حرام .. ياحبيبي .. حرام يصير الحب في لحظة كلام !!
الله مايرضى ياظالم !

لكن لا .. انتَ أطيب .. وما يرضيك اني أتعب .. تبعد ولا تقرب ...
بابقى ناطر !!

يالله تعال لحناني .. لو تدري كم أعاني .. لاتخليني ثواني !! ..
وأنا ناطر !!

وما اظن هانت عليك .. تهدم حبنا بيديك .. وقلبي ناطر حبيبه ..
وأنا ناطر !!

يالله حببيبي كفاية .. طالت هذي الحكاية .. أنا محتاجك معايا ..
ياحبيبي

وانا ناطر حبيبي .. ترجع لي ياحبيبي ..وانا ناطر حبيبي .
.أنا ناااااااطر

مانتهت الأغنيه الا ودمعة تنسكب من عين سعود مسحها بسرعه
ولم راسه بإيده وهويقول بألم : آآآآه ياوعَـد .. بس ياوعَد .. ذبحتي قلبي يالوعَ ـــــــد !!

*******

قصة حب منسية !!
من سنوات مرمية .. !!
وتاركه خلفها قلوب تحترق كل يوووم !!
تتمنى .. نبضة .. من القلوب الرحيمة
ليردون لبعض .. وتردلهم الروح الي تمزقت طوووول السنين


شــــــــالي صار بالضبط .. ؟؟؟

::

أجزائنا حتبدأ بأحداث صارت من قــبل سنتــين !!
راح نتكلـم فيها مع بداية الجزء الأول

أحداث قديمة صايرة تشرح هالمقطع الي قريتوه
وتشـرح أشياء كثيييييير راح تشوفونها

راح تلاحظون ان قصتي تعتمد على عنصر مهم
وهو عنصر التشويق


::

تــــــ ـــ ــــا بعـــ ــــوني

::

::

الجزء الأول

((( قــبل سنتــين !!)))

أول شي نتعرق على سعود
سعود الغفيل .. هذا رجل أعمال عمره 27 سنة .. حلم ملايين البنات .. من وسامته ورجولته وطيب قلبه ويتأثر لاشاف بنت تبكي ولا حزينة .. مركزه راقي .. معاه شهادة دكتوراة بالهندسة الصناعية ,, و صفاته صارت رسم لفارس أحلام كل بنت ،،
عايش تحت ظل أبوه وأمه
واخوانه :

خالد 24 متخرج بكالريوس هندسة كامبيوتر .. ضحكوك ومرح ولا يحب يظهر مشاعره بسهولة .. وسيم مثل أخوه ويشتغل معاه بالشركة

عبير 20 تدرس بالجامعة قسم علوم .. شخصيتها هادية ودلوعه .. ونعومة وحلوة شعرها طويل وكيرلي وفاتح .. ملامحها وجمالها أجنبي .. رومانسية وحنونة وحالمة بأفكارها وخيالاتها وطموحها .

فتون 18 .. حبيتها أنا مادري ليش .. !! توها متخرجة من الثانوي ومادخلت الجامعة انها تبي ترتاح شوي ..
شخصيتها تختلف عن اختها بشكل كبير .. مرحة ومصرقعة ومع هذا دلوعة وعنيدة .. فتون جمالها عربي شعرها دايم قصير بوي .. لكنه أسود فاحم ناعم وطالع روعه عليها مع بشرتها البيضا وعيونها السودا الواسعة .. وكل شي فيها حلو لكنها ماتهتم بالمكياج وزينة البنات ومن وهي صغيرة وهي تحب تلعب بالكورة مع أخوها خالد وتكره الحب وسوالف الحب !

*******

في غرفة عبير وفتوون ..

فتون وهي تغطي راسها بالمخده : عبييييير سكري النووور مو قادرة أناااام !
عبير قاعد على السرير وساندة ظهرها تقرا قصة : اصبري فتووون شوي وبخلص ..
فتون : لك ساعه تقولين شوي شوي .. خلاص طار النوم من عيني وانتي ماخلصتي
عبير باستهبال : حلوو أجل قومي أمانة خل أسولفلك على القصة والله تجنن .. لو تشوفين شلون يوم اعترفلها بحبه بالآخر آآآآآآه رووووووعه !
قعدت فتون وهي تضحك وتقول : ياربي ياعبير شرايك تبكين بعد أمانة !
عبير : انتي اصلا ماتفهمين بمشاعر الحب الي تخلي حتى الدموع لها طعم حلوو
فتون : يخسى ويقطع هالحب الي أبكي عشانه .. لا عمري انا دموعي غاليه وماتنزل على هالخرابيط ..
عبير : تدرين عاد ..
فتون بملل : هاه وشووو ..
عبير بحزن : انتي محظوظة الي قلبك قوي ومايهتم بسوالف الحب .. مو مثلي الي طايحة بحب واحد أتعذب الليل والنهار بحبه واهو مو داري عني ..
فتون : قايلتلك من زماااااان خليه عنك .. هذا غبي ومتبلد ولاراح يحس فيك أبد .. وانتي كل ماشفتيه ولا سمعتي سيرته اتصربعتي ! قلعتك انتي وياه
عبير : تتوقعين عادي أبعد عنه وأنا أحبه .. ؟
فتون : عاااااااادي .. لانك توك بالبداية ومابعد تعمقتي بمشاعرك
عبير : زين ليش فيصل ما قدر يبعد عنك واهو يحبك !
فتون بانفعال : وانتي مصدقة ان فيصل يحبني ؟؟ فيصل هذا وجه حب هذا ؟؟ هذا يكرهني مثل ما أكرهه .. ومدري مين حاط براسك هالفكرة
عبير بتنهيدة : الي نبيهم مايبونا والي يبونا عيت قلوبنا تبيهم !

دق الباب هاللحظة وقامت فتون تفتح الا ولقت سعود واقف
سعود : ماشاء الله سهرانين مانمتوا ؟؟
فتون وهي تفتح الباب كله ليدخل : والله انا ذابحني النوووم بس عبوور أدوشتني بقرقها ومو مخليتني أنام
سعود : حالكم حالي مع هالخالد ساعة يحكيني عن فلم شافه وأنا أهز راسي وربي مافهمت كلمة وحدة
فتون : ههههههههههههااااااااي رهيب انت ياخوي أبد مالك بهالسوالف
سعود : اي والله أبد وماصدقت نام سحبت نفسي وجيتكم
فتون : والله سويت خير على الأقل تفكني من سوالف عبور البايخة
عبير : أوريك يالجاحدة ان ماجافيتك اسبوع ماكلمك
فتون : ههههههههههههه أتحدااااااك انتي تموتين فيني وماتقدرين على فراقي
سعود وهو يضحك : أقوك اركدي انتي وهالهبال واقعدي بقولكم سالفة
عبير باهتمام : شفيه ياسعود
سعود وهو يقعد : أنا مسافر ابريطانيا
فتون : واااااااااااو خذني معاك !
سعود : وين آخذك معاي رايح شغل سنتين ..
عبير وفتون بصدمة : إيييييييش ؟؟؟؟
سعود : بسم الله عليكم شفيكم .. عادي يابنات ..بروح أنا وصديقي أنس نشتغل بشركة ابريطانية ناخذ منهم خبرة لبعض الاقسام المتعلقة بالشركة ،،
فتون : ومتى السفر ان شاء الله ؟
سعود : بعد اسبوعين
عبير بذهول : سعود من جد ؟؟ ومنال !!
سعود بضيق : مو هذا الي جاي أكلمكم فيه .. مدري شلون أسافر وأنا ما تممت شي بينهم .. أبوي اتفاهم مع عمي وقاله عادي البنت تدرس الجامعة وسنتين وتتخرج ويكون سعود رد ان شاء الله ويملكون .. بس مادري عنها إهي .. !
فتون الي انقلب وجهها من عرفت انه بيسافر وقالت بضيق : وشفيها إهي بعد تحمد ربها الي جيتها وخطبتها وتبوس ايدها وجه وقفا بعد !
سعود : وليه كل هذا .. ألف واحد غيري ممكن يجيها ويتقدملها ..
فتون : ومستحيل تلاقي بين هالألف واحد مثلك ! بهالمواصفات والزين ويخطبها إهي يووووه تلقاها مستخفة الحين ..
سعود : بس فتون حاولي تتقربين منها بتصير مرة أخوك قريب وانتي ماتطيقينها
فتون : اي ماطيقها ياسعود هالمغرورة .. والله لو ما أبوي وعمي يزعلون ولا كان وقفت بوجيههم ..
عبير بضحك : وانتي من ضاحك عليك وقايل لك كلمة مسموعة !
فتون وهي تقلب عيونها : دلوعة العيلة أنا لازم يسمعون كلامي !
سعود : وأنا وين رحت ؟ انتي ماتبينها لكن أنا أبيها ..
فتون : لا تكذب على نفسك ..
سعود بتنهيدة : أكذب ولا ما أكذب صار الي صار وبازعل منك يافتون لو سمعتك تعيدين هالكلام .. خلاص منال بنت عمك وبتصير مرة أخوك حسني العلاقة لو مو عشانها عشان أخوك
فتون بهمس : اي بالاحلام !
سعود بصرامة : شقلتي ؟ ماسمعت !!
فتون بخوف من نظرة أخوها : قلت ان شاء الله ابشرررررررر
سعود : أشوى !
عبير وهي تكتم ضحكتها من شكل فتون وقالت لسعود : طيب والمطلوب ياخوي !
سعود : أبيك تكلمينها عبير .. وتتأكدين انها راضية مو تزعل اني تاركها ورى ظهري ومسافر ومو معبرها ..
عبير : ابشر ياسعود .. بكرا بشوفها بالجامعة ان شاء الله وأكلمها
سعود : زين لا تنسين أمانة ..
عبير بابتسامة عذبة : مو ناسية ان شاء الله ..
سعود وهو يوقف : يلا اجل تصبحون على خير .. وطلع وهو يسكر النور ويقول : ناموا يلا ترا النوم يصفي البشرة
فتون : ايييييي صح كلامك .. والباب بعد سكره وراك ياسعود

عبير أول ماتسكر الباب فتحت الأبجورة الي جمبها وهي تقول : انتي مو عيب عليك تتكلمين عن منال بهالشكل وأخوك بيتزوجها !
فتون : بس ياعبير بس يوووه ما أتخيل هالانسانة مرة أخوي يييييييييييع
عبير : والله انها حلوة مو يع
فتون : مايهمني حلوة ولا لاء .. المهم ان شخصيتها تجيب البلا مايعجنبي ولا شي فيها أبد ..
عبير : ومن زين شخصيتك انتي عاد
فتون بذهول : شفيك انتي قالبة علي معها .. لا يكوووون كله عشان تركي حبيب القلب الي مو داري عن كل الي تسوينه عشانه !
عبير بتنهيدة : درى ولا مادرى يظل ولد عمي ومنال بنت عمي ومايصير نتعامل معهم بهالشكل ..
فتون بضيق : إي طيب .. سكري بالله النور خليني أناااام أبركلي من هالسوالف
سكرت عبير النور وهي تهز راسها بضيق من حال أختها ..
وفتون اتمدتت وقلبها عورها من رجع على بالها .. سفر سعود .

هالاخوان لهم تمركز كبيييييير بالقصة ..

::

وسمعنا اسم تركي ومنال .. ذولا عيال عمهم
أمهم اتوفت بعد ماجابت آخر ولد .. وأبوهم اتزوج زوجة ثانية ماجاب منها أطفال واكتفى بعياله الي من زوجته المرحومة .. وهم :

تركي الولد الأكبر بعمر خالد 24 ويشتغل بشركة الاتصالات .. درس الجامعة بأمريكا ويوم رجع لقى أمور كثيرة انقلبت وقلبت حياته معها

منال 20 .. تدرس بالجامعة مع عبير .. ماودي اتكلم عن شخصيتها وأبيكم انتم تحكمون عليها من خلال الأحداث .. تحب سعود زي ماكل بنت تحبه وتتمناه ..

نهى 14 تدرس بالمتوسط .. علاقتها مع فتون حلوة خاصة وقت الصرقعة والهبال

وائل : 11

******

من بكرا الخميس .. بعد فطور الصباح في مجلس أبو سعود

سعود : هاه عبير كلمتي منال ؟
عبير : اي كلمتها وتقول أبوها قالها عن سفرك واهي عادي بتستناك لين ترد ومنها تخلص دراستها بعد ..
فتون : ياعيني الي تسوي نفسها مو مهتمه .. والله تلقاها محترقة ليش تروح وتخليها بس ياويلاااه ماتبين أبد !
سعود وهو يرمي عليها المخده : انتي وبعدييييين معاك ؟
فتون وهي تنط من مكانها : ولا قبلين .. خلاص تهببببببل منال .. يووه تجنن ومامثلها بهالدنيا حلوو ؟؟؟
سعود : حلو وجنان بعد .. يلا ورينا مقفاك ..!!
طلعت فتون من عندهم وهي معصبة ومن وراها سعود يهمس لعبير : يختي هالبنت لو وش تسوي أموت فيها ومقدر أزعلها ..
عبير : اهاااااا .. ياناكر الجميل وانا الي خادمتك اليوووم ماهميتك !
سعود : عن المذلة عاااد .. غصب عليك تخدميني
عبير : لاااا موغصب ويالله مو قايلتلك وش قالتلي عنك وعن شعورها يوم شافتك يوم الخطبة !
سعود ماهتم لأنه ماكان يحبها .. ولا كان يكرهها .. عادي .. بس شافوها البنت المناسبة له وماعارضهم .. لذلك قال : صدقيني مايهمني أعرف !
عبير : ههههههههههههههههههههه أصلا ماقالت شي
سعود : هههههههههههههه آآآآآخ من حركاتكم يالبنات .. ووقف يبي يطلع
الا عبير قالت : وين بتروح ؟
سعود : باطلع أنا وأنس نخلص أشغالنا قبل السفر .. ليه في شي ؟
عبير : لا بس بغيت أروح السوق وبخاطري أطلع معك انت ولا خالد نفسي يوم أروح السوق مع واحد منكم
سعود : لا فكيني أنا مو قد مصاريفك انتي واختك الي ماتشبع من السوق
عبير : ياخي واذ كثرت مصاريفنا هي مب كل مره تودينا.. مره وحده وبعدين لازم تتعود على الفرفرة بالاسواق مع الحريم
سعود : لااااااا والي يسلمك مستعد اذا اتزوجت اسوي كل شي الا ان أودي زوجتي السوق
عبير وهي تبتسم بتعجب من اخوها الي عمره ماهتم لا بأسواق ولا ببنات وقالت : يعني مره مافي أمل تودينا ؟
سعود : آسف والله ماقدر شوفي خالد ..
عبير : وينه خالد هذا من أمس بالبحر
سعود : لا رجع توني معاه اهو وفيصل تحت
عبير بملل : ااه دام فيصل معاه أجل اغسل اييييييييييدك منه
ضحك سعود ومشى لغرفته واهي راحت تبدل ملابسها

::

فتون بعد ماطلعت معصبة من عندهم .. نزلت الدرج بسرعه وكانت لابسة جينز وتيشرت فستقي مرسوم عليه نجوم وأنوار .. وشعرها كعادته سايح على وجهها وعند رقبتها .. كانت تنزل الدرج مسرعه وأول مارفعت عيونها اتسمرت مكانها وهي تشوف فيصل ولد خالتها واقف بالصالة ولابس شورت وبلوزة كت << ملابس بحر يعني

فيصل بابتسامة سخرية : شوي شوي لاتطيحين وتبلشينا فيك عاد
فتون بعصبية : انت شجايبك بيتنا ؟؟
فيصل : أفاااا .. هذا بدل ماتقولين حياك الله ياولد خالتي اتفضل .. تقعدين تصارخين فيني كذا ؟
فتون : إي أصارخ فيك يعني غصب نبيك ؟؟؟؟

دخل هاللحظة خالد وهو يقول : معليه يافيصل اتأخرت عليك بس كـ ... !
وقطع كلامه يوم انتبه لفتون واقفة بالدرج قبال فيصل .. فرصع عينه بدهشة وحمق وهو يقول : هييي انتي شعندك واقفة هنا ؟؟
انتبهت فتون لنفسها أخيرا ودرات عنهم بسرعه وطلعت الدرج وهي تناقز فيه وفيصل من وراها يضحك عليها والتفت لخالد وهو يقول : مب صاحية اختك
خالد بعصبية : هذه هي يا فيصل دايم مصرقعة ومستخفة ولا تحسب حساب الي قدامها وبزر يافيصل تفهم وش يعني بزر ؟
فيصل : وخلها بزر ياخالد انتوا ماعندكم أطفال بالبيت زين تونسكم إهي
خالد بامتعاض : لا تكفى عاد مع حالتها هذي صاير الي يناشبها ولا يآذيها يشوف الويل من أبوي
فيصل بضحك : أتخيل شكلك تنظرب بسبتها
فيصل : يوووه ياما صارت .. المهم اقعد انت هنا شوي وبروح أبدل بسرعه وأنزلك نطلع
فيصل : مين بيجي معنا ؟
خالد وهو يمشي للدرج : بنمر بيت جدي ناخذ صالح وتركي بس والباقين ينتظرونا هناك ..

وطلع الدرج تارك فيصل من وراه يسترجع شكل فتون ويضحك .. ياحلوها هالبنت كل شي فيها يعجبني حتى صراخها ودلعها وهبالها يجنن ..


طلع خالد وشاف عبير بعبايتها مستعدة للنزول وقال : على وييييين ؟
عبير بنعومتها المعتادة : باطلع أنا وفتون بنمر على مرام ونروح السوق
خالد : يوه لو أدري عنكم كان خليت فيصل يجيبها معاه ..
عبير : هو لسه موجود ؟
خالد : إي موجود ونزلت المرجوجة اختك قدامه ..
عبير : ههههههههه وأنا أقول شفيها ملخبطة أعيد عليها الكلام مرتين لتستوعب ..
خالد : والله ماظنيت ملخبطة من الحيا الا من غبائها الي عيى يخلص

" مخليه الذكاء لك حبيبي "

التفت خالد ليشوف فتون من وراه بالعباية والطرحة على اكتافها وطالعت فيه من فوق لتحت وقالت تكلم عبير : يلا عبير لا نتأخر
خالد : عدلي الطرحة على راسك ترا الرجال تحت
فتون بحمق : يوه وش يبي هذا للحين ماراح ؟؟
خالد : وانت وش حارقك ؟ الحين بالبس ونطلع للبحر
فتون وهي تعدل طرحتها بعشوائيه : اي بالله فكنا منه ..
عبير : خالد انتوا ماتعبتوا من هالبحر كل يوم والثاني صيد وسباحة وتركبون دبابات فيه بالله مامليتوا؟؟
خالد : لا والله ونااااسه وكل يوم غييييير اليوم الي قبل.. واليوم بعد بيكون غير بناخذ صالح وتركي وناوين نصيد سمك القرش بكبره
فتون بخوف : يمااااه والله منتوا صاحيييين تكفى لا تاخذون عمي صلووووح يروح فيها عاد مراجيج انتوا أعرفكم
خالد: اصلا هي فكرة عمك صلوح
عبير بحماس : أمانة صوروا كل شي ياخالد
خالد وهو يمشي عنهم : أفاا .. أكيد بنصور بطولاتنا هذه

ضحكوا ونزلوا الدرج لين وصلوا تحت وعبير وقفت وهي تبتسم لولد خالتها : هلا فيصل ..
فيصل وعيونه على فتون الي دارت وجهها عنه وكملت للباب : هلا عبير شلونك ؟
عبير : بخير الحمدلله .. لو ندري انك جاي كان قلنالك جيب مرام معاك بدل مانضرب مشوار لبيتها الحين وناخذها
فيصل : وانتوا وين رايحين ؟
عبير : ناقصتنا أغراض من السوق بنروح نجيبها
فيصل : ومنى بتجي معاكم ؟؟؟
عبير : لا من وين تفضى اختك هذه طول وقتها بالشغل
فيصل : ااه صح وانتم أي سوق رايحين ؟
فتون من عند الباب : وانت وش دخلك تحقق معانا وين رايحين ووين جايين ومين معاكم ..؟
فيصل : من حقي أعرف مو اختي معاكم !
فتون : اي معانا وصدقني مو ماكلينها يوووه ! .. يلا ياعبير تأخرنا
عبير : يلا باي فيصل
فيصل وهو يفترس فتون بنظراته : بايات ..

طلعوا وركبوا السيارة وفتون تقول : كريه !
عبير : والله انتي الي كريهة ويبيلك طراق.. حرام عليك الي تسوينه فيه والله حرام !
فتون : عبير تكفين لا تكلميني عنه وخلينا نروح وانا مستانسة
عبير : براحتك بس صدقيني بتندمين
فتون : هههههههههه أنا أندم ؟؟ وعلى مين بعد ! فيصل ؟؟ ههههههههههه حلوووووة !
عبير وهي تهز راس اختها : آآآآآآآآخ من هالراس اليابس ..
فتون وهي تضحك : آآآآآآي راسي أحتاجه ترا
ضحكت عبير عليها ومشوا لوين ماياخذون مرام بنت خالتهم


في بيت الخالة الشخصيات غير :

حنان 22 سنة تصير خالة فتون وعبير وساكنة عند اختها وبحياتها واااااااجد أسرار


فيصل 25 يشتغل بأرامكو .. من فتون صغيرة وهو يحبها ويحب شقاوتها لين كبرت واهو يحبها لكنها هي ماتحس تجاهه أي شعور الا بالعكس تتضايق منه لأنه دومه يناكفها ويضايقها ولأنها تسمعهم يلمحون دايم ان فتون لفيصل وهالشي كرها فيه لأن ماتبي تاخذ قريبها ولمجرد ان العيلة تبي هالشي !

منى 22 متخرجة من الجامعة وتشتغل ..

مرام 19 .. تدرس بالجامعة حلوة وطيبة وشخصيتها بين عبير وفتون ..

مشعل 11 سنة

ساره 4 سنوات

******

وصلوا البنات لبيت خالتهم ودقوا على مرام تنزل ..

مرام تنزل الدرج بسرعه وعبايتها بإيد وشنطتها بإيد : يماااااه يماااااه
ونزلت الصالة تدور أمها ماشافتها صارت تمشي بالبيت بسرعه تنادي : يماااااه وييييييينك يماااااااه
طلعت حنان من المطبخ على صوتها وقالت : بسم الله مرام شفيك تصارخين
مرام : وين امي من اول انادي عليها
حنان : امك بالمخزن هي والشغالة يرتبونه
مرام : ياربيييي ابي ارووووووح
حنان وهي تطالع عبايتها : وين بتروحين؟
مرام : عبير وفتون ينتظروني برا بنروح السوق
حنان : اها خلاص اجل روحي وأنا أقولها اذا دخلت
مرام : زييييين الله يسعدك ياخالتي الجميلة
ابتسمت حنان ابتسامة باهتة كعادتها وقعدت قدام التلفزيون تقلب فيه بملل .. ومرام لبست عبايتها ولفت طرحتها ومشت للباب وقبل ماتطلع قالت كمحاولة تدري انها فاشلة : حنان ماودك تجين معانا ؟
حنان وعيونها على التلفزيون : لا والله ماودي
مرام : أوكي توصين على شي أجيبه معاي؟
حنان : لا مروم روحي انبسطي حبيبتي
مرام : اوكي ولاتنسين تبلغين امي
حنان : ان شاء الله
مرام : يلا بااااااي ..

وطلعت مسرعه وأول مافتحت الباب تحركت سيارة البنات من قدام البيت مبتعدة !! اخترعت مرام وهي تمشي ورى السيارة وتأشر بإيدها .. وزادت من سرعتها شوي لتلحق على السيارة .. !! وقفت السيارة مكانها وارتاحت مرام ومشت بسرعه لين وصلتها ويوم جت تبي تفتح الباب مشت السيارة مره ثانية وتركتها .. ضربت مرام برجولها الأرض بعصبية وهي تمشي بسرعه ورى السيارة .. والسيارة لازالت تبتعد لين وقفت مرام مكانها واتكتفت بعجز عن اللحاق ورى السيارة .. وشوي الا وقفت السيارة خلاص مكانها .. ومرام صارت تمشي ببطء ياخوف تمشي السيارة بعد وتتركها .. لين أخيرا وصلت وافتحت الباب بسرعه .. وأول مافتحته سمعت ضحـــــكات عبير وفتون

عبير :ههههههههههههههههههههههههههههههههه ليش مالحقتينا مره ثانية
مرام وهي تركب : اوريك ياحمارة انتي على اختك يالي ماتبطلون هالحركات
فتون راعية الفكرة:هههههههههههههههههههههههههههههههه هذا الي يلطعنا ساعه برا البيت ..
صكت مرام الباب ومشت السيارة وأول ماتعدلت بقعدتها مسكت ذراع عبير جمبها وقرصته وهي تقول : مو مراااام الي تلعبوون عليها تحت الحرررر فاهمة
عبير:هههههههههههه آآآآآآآآي إيدي ياحمارة ههههههههههههههههههههههههههههه
تركتها مرام وقامت تجاوزتها لتوصل لفتون بشكل مضحك ومسكت ذراع فتون تبي تقرصها لكن مين الي يقدر على فتون هذه الي من تقدمت مرام لها صارت هي تقرص ايدينها وتقول: وخري بس اقعععععععععععدي مكااااااانك ..
مرام : ياحمااااااارة انا الي باقرصك مو انتي .. وسحبت ايدها بسرعه وظربتها بقوة على ذراعها وفتون مسكت ايد مرام وظربتها بقوة أكثر
وعبير ماغير تتخبط منهم قالت وهي ميته من الضحك :ههههههههههههههههههههههههه بس اهجدوا يامهابيل خلوا السواق يقدر يسوق .. مراااااام ارجعي ياغبيييييية
رجعت مرام بعد مابردت الي بقلبها وهي تقول : وانت يامصطفى بعد يبيلك ضرب
عبير وفتون :ههههههههههههههههههههههههههههههههههههه
مصطفى : هدا فتون كل شوي كلام إمشي وقف إمشي وقف
مرام : فتون هذه بس لو تختفي من العالم كان عشنا بسلااااااام
فتون : عسى شيخ العفاريت يجيك انتي ويخفيك قبلي يارب
مرام : يمممممماه منها ومن دعاويها
ضحكوا وكملوا طريقهم للسوق


********

كانت حنان لازالت تقلب بالتلفزيون وإهي لابسة بلوزة أكمامها طويله .. ووشاح يلف رقبتها مع إن الدنيا حر !! شافت اختها ام فيصل والخدامة داخلين وشايلين كارتون كبير وبالقوة يمشون فيه وحنان أول ماشافتهم قامت ومشت لهم وهي تقول : وش هذا وين بتودونه؟
أم فيصل : كلها قرمبعات مابيها .. بالله افتحي الباب ياحنان
أسرعت حنان وفتحت لهم باب الحوش وطلعوا الكارتون برا وادخلو وسكروا الباب ..
مشت ام فيصل وهي تقول : يووه ياهالحر ماينطاق والله مادري شلون فيصل متحمل هالحر بالبحر
حنان : لا الجو بالبحر غيييييير ولا تنسين انهم يركبون قارب ويدخلون لنص البحر وهناك الجو يجنن
ام فيصل وهي تقعد بالصالة : حتى لوكان والله الشمس ماترحم أحد ..
ونادت على الخدامة : واااااتي صلحي ترمز شاهي .
حنان بضحك : ترمز مره وحده !
ام فيصل : اي والله صكني راااسي وانا أرتب بهالمخزن .. وانتبهت للساعه وقالت : الا وين مرام لايكون للحين نايمة ؟
حنان : لا لا مرام قامت وطلعت
أم فيصل : طلعت !!!!! على وين ان شاء الله ومع مين ؟
حنان : مرو عليها فتون وعبير وراحوا السوق
ام فيصل : اييييه .. ( وطالعت حنان بنظرة حنونة وقالت : وانتي حنان ليش مارحتي معاهم ؟
حنان بضيق : والله مالي خلق أطلع بالعكس يمكن أتنكد بعد لوطلعت
ام فيصل : ولمتى ياحنان بتعيشين نفسك بهالحالة !
حنان بتنهيدة : لين ربي يفرجها
ام فيصل : وانتِ وش قاصر عليك حبيبتي مافي شي مضيق عليك غير انتي الي مضيقة على عمرك ومكدره على نفسك بالتفكير الي ماراح يودي ولا يجيب
حنان وعيونها تلمع بالدموع : يعني وش تبيني اسوي يمـه ؟ قسمتي أعيش بهالوحدة وبعيدة عن عيون الناس وأنظارهم !
ام فيصل بحنية : هالناس الي ماتبين تظهرينلهم صدقيني يدرون بطهارة قلبك وطيب أصلك ياحنان ..
حنان والدموع بدت تسيل منها : بس ولو .. انا فقدت الثقة بنفسي ..
أم فيصل انكسر خاطرها وحبت تلهي اختها الصغيرة الي هي بمثابة بنتها وقالت : بس ياحنان ياعمري لا تبكين ولافي شي يستاهل دموعك .. وقومي الحين كلمي نورة خليها تجي تتغدا عندنا مادام بناتها بيرجعون علينا
مسحت حنان دموعها وقامت للتلفون .. وأم فيصل طالعتها بحنية وهي تهمس بخاطرها : ماقول غير حسبي الله عليك يا نواف !! حسبي الله عليك !!

اتصلت حنان ببيت اختها وبعد فترة رد التلفون : الووو
حنان : هلا السلام عليكم
سعود : وعليكم السلاااااام هلا بالغالية هلا
حنان بمرح : هلا سعود حبيبي شلونك؟
سعود : والله تمام .. انتِ شلونك حنان بشرينا عنك؟
حنان بتنهيدة :......... الحمدلله على كل حال
سعود : اشتقنا لمرحك حنان وضحكك وسوالفك
حنان : صدقني ياسعود مو بايدي الي يصير فيني
سعود : انتي الي معيشة نفسك بهالهموم ياحنان ولا كل الي تفكرين فيه ماله أي صلة بالواقع ..
حنان : والله مادري .. انا تعبت من هالتفكير .. المهم
سعود : شالمهم ؟
حنان :ههههههه بغيت أكلم اختي وينها ؟
سعود : والله مادري ياحنان انا توني داخل البيت الا ورن التلفون تبيني أشوفها لك الحين ؟
حنان : لا بس بلغها تجي تتغدا عندنا
سعود : شالمناسبة ؟
حنان : مافي مناسبة ولا شي ماغير خواتك بيرجعون علينا وحبيناها تجي معاهم وانت تعال بعد سعود ..
سعود : انا ماظنيت ياحنان وراي سفر بعد كم يوم وباقي أشغال الدنيا بسويها
حنان : ياعمري الله يعينك طيب مايصير نبي نشبع منك احنا قبل ما تروح
سعود من محبته لخالته الصغيرة وحزنه عشانها قال عشان يفرحها : خلاص بجي عشان خاطر عيونك بس والشغل بالطقاق يطقه
حنان بضحك : يسعدلي اياك يارب
سعود : آمين وياك .. خلاص ببلغ أمي ان شاء الله ونجيكم
حنان : أوكي ننتظركم .. سلام
سعود : عليكم السلام

وسكر السماعة وطلع لغرفته وهو يفكر بالاشغال الي لازم يسويها ويخلصها قبل مايسافر .. مايدري ليه حس بهم كبيييير من ورى هالسفرة .. يمكن لأنه خطب بنت عمه وبيسافر قبل مايتمم شي بينهم .. وبيقعد هناك سنتين ويمكن أكثر .. وحز بخاطره يترك منال بهالشكل بلا ملاك ولا شي .. منال .. ردد هالاسم بخاطره وضحك واهو يرمي شماغه على السرير .. مايدري ليه مايحس بأي شعور تجاه منال .. هو مايكرهها ولا يحبها وحتى يوم الخطبة شافها وقعد معها ولا حرك هالشي بخاطره أي شعور .. تضايق من نفسه ليه بهالبرود .. البنت مبين مبسوطة بهالخطوبة وظاهر الفرح بعيونها .. ليه هو بارد بهالشكل .. اتنهد وهو يلبس ملابس البيت وقـرر إنه يحاول يلين قلبه بأي شكل .. ولا يظهر أي ضيق من هالخطوبة لأن الكل فرحان فيها أبوه وعمه وحتى جده !!

طلع من الغرفة واتوجه لغرفة امه وأبوه ومن ورى الباب نادى على أمه
سمعت امه صوته وردت عليه : هلا سعود تعال يبه تعال
دخل سعود الغرفة ولقى امه قاعدة بجلستها الي بالغرفة وفاتحة اللاب توب مما خلى سعود يضحك وهو يقول : شعندها أم سعود تأنتر ؟
ام سعود : اي أأنتر ولا بس انتم ياهالجيل تأنترون لاحتى احنا نتطور معاكم
ضحك سعود وقرب منها يبي يشوف وش تطالع فيه ولقاها فاتحة منتدى نسائي تكتب فيه : ماشاء الله منتديات وحركات
ام سعود : ههههههه مسجلة بمنتدى خواتك وأرد عليهم ويردون علي ولايدرون انها أنا
سعود :هههههههههههههههههه والله راعية مقالب امي
ام سعود : ههههههههه بس لايدرون خواتك ..
سعود : مو معلمهم بخيلك تهبلين فيهم
سكرت ام سعود اللاب توب وطالعت ولدها وهي تقول : هاه خلصت شغلك وأمورك ترا مابقى على سفرك شي
سعود : اييييييه داري الله يعين وكل يوم يعطلني شي
ام سعود : ليه وش معطلك اليوم بعد
سعود : حنان توها داقة تبينا نجي نتغدا عندهم ولزمت علي أجي .. وتعرفين مابي أزعلها أبد وبروح عشانها والله
ام سعود : ياعمري ياختي الي مادري متى بتعيش حياتها وتنسى الي صارلها وترتاح
سعود : الله يعينها بعد الي صارلها مو شي سهل أبد !!
ام سعود : اي والله توها صغيرة وذاقت الهم والويل
سعود : الله يعوضها ويسعدها يارب
أم سعود : آمين .. خلاص أجل بنروحلهم وزين اليوم خميس ابوك صايم يعني مانشيل هم غداه
وقف سعود وهو يقول : أوكي يمه انا بروح أريحلي شوي ومتى ماجهزتي دقي علي
ام سعود : ان شاء الله يبه انت بس روح ارتاح
طلع سعود وراح لغرفته وعجز لاينام براحة وهو يفكر بالشغل والسفر وبعد ساعتين دقت امه الباب وقام ولبس وطلع اهو وياها لبيت الخالة


::

اتعرفنا من خلال هالجزء على الشخصيات المهمـة بالقصة
وأكيد فهمتوا من الأحداث كل شخص له علاقة بمين ويفكر بمين


::

يتبـــــــع
40
28K

يلزم عليك تسجيل الدخول أولًا لكتابة تعليق.

تسجيل دخول

aomroena
aomroena •


******

الجزء الثاني


رجعوا البنات من السوق ودخلوا البيت الا لقوا كل العيلة مجتمعة ..
فتون : سعووووودي حبيبي هنا شهالمفاجأة الحلوة
سعود : ههههههههه ما اقدر على فراقك انا شفتي شلون
فتون وهي ترمي نفسها جمبه وتلمه وهي تقول : فديت هالأخو بعد عمري
ضحكوا عليها وهي من يوم هي صغيرة متعلقة بسعود يمكن أكثر من ابوها وسعود يشوفها بنته أكثر من أخته لذا ماخذه راحتها عنده وتتدلع عليه مثل ماتبي ..

أم سعود : هاه قشيتوا السوق كله معاكم ؟
عبير : انا شريت المكياج الي ناقصني وبس
أم سعود تطالع فتون : وانتي وش شريتي
فتون : والله ماشريت شي حـر موووت هالسوق تكييفهم خايس
سعود : وش دخل الحر بانك ماتشرين شي؟
فتون : خلاص ماصرت طايقة اشوف شي ولا أتأمل شي قعدت بس انتظر هالسلحفات يخلصون
مرام : وجع انتي السلحفاة ياتمساح
فتون :ههههههههه حددي عاد سلحفاة ولا تمساح؟
أم فيصل تطالع مرام : وانتي ياهانم وش شريتي ؟
مرام تخبي الكيس ورى ظهرها وتصطنع البرائة : ماشريت شي !
أم فيصل : والكيس الي وراك وشو ؟؟
مرام : هذه اكسسورات بس .. بعدين اوريك اياها
عبير بمكر : مادخلنا محل اكسسورات يامرام

ومانتبهت مرام للي سحبت الكيس من وراها وهي تصرخ : أفلاااااااااااااام !!!
اخترعت مرام وهي تلتفت بسرعه لتشوف منى بعابيتها توها داخلة من الدوام وشافت مرام وهي مخبية الكيس وراها
مرام : وجع ياحمارة فضحتيني
ضحكت منى ومشت لهم وسلمت عليهم وقعدت بعبايتها والطرحة لوجود سعود

أم فيصل : أفلام يابنت ؟؟ انتي ماتشبعين من هالأفلام كل فلوسك تنصرف عليها !
مرام : يمممممه شسوي طيب تونس هالافلام
أم فيصل : وش الي يونس فيها ماغير رعب ووحوش ودمامين وقرف
فتون :هههههههههههههه هذي افلام فيصل وخالد خالتي مو افلامنا احنا
سعود : وش افلامكم انتوا بعد؟؟
فتون وهي تضحك :حب ومحبوب
سعود : هههههه وتصدقون الحب والخرابيط الي بالافلام
فتون : انا لاااااا وألف لاااااا بس هالمخابيل عبير ومرام ومنى يعيشون جو ودمووع وصياااااااح ومناحة
التفت سعود للبنات الي كانوا قاعدين جمب بعض وهو مبتسم باستغراب وهم اتفشلوا من هالفضيحة وعبير قالت : شسوي طيب والله تقطع القلب لاصارت النهاية فراق ولا موت
سعود : اي بس مالهالخرابيط أي صلة بالواقع
عبير : الا الفراق والموت موجود بالواقع
سعود : لا أقصد الحب المصور بطريقة الأفلام .. كله تمثيل وعمره مايكون واقعي

حنان : وأنا اشهد !!

التفتولها كلهم وسعود حس انه نقش جرح حنان بهالكلام واتضايق حيل من الموقف وابتسلملها بكل حنية وقال : وانا اشهد ان قلبك راح ينسى كل الي صار حنان !
ضاعت عيون حنان بوجه سعود وهي تجاهد دموعها لاتنزل وتخرب عليهم قعدتهم الحلوة .. لكنها ماقدرت تمنع تنهيدة ألم تطلع من صدرها وبالقوة ابتسمت لسعود الي ظل مبتسم بوجهها ..
وأم فيصل حبت تلطف الجو وقالت : يلا يابنات قوموا معاي على المطبخ مبدعة لكم حركات اليوم عشان خاطر سعود
سعود : ماكان له داعي تتعبين نفسك ياخالتي
أم فيصل : لا تعب ولا شي ياعمري احنا كم سعود عندنا
فتون بصوت عالي : واااااااااااحـــــــــــد وفديـــــــــــــــت هالواااااااااااحد
قرص سعود خدها وهم ضحكوا عليها وقاموا للمطبخ مع أم فيصل ومرام صارت تفتح القدور وتشم الريحة وتقول : الااااااااااه والله جعت من الريحة بس ..
ركضت فتون لعندها وصارت تشم معها وتقول : الاااااااه تجنن ريحته بس عاد وش يطلع
مرام : ههههه مادري شكله خضار صيني ..
فتون وهي تشم مره ثانيه : خلينا نكتشف من الريحة

أم فيصل : وجع انتي وياها كنكم مدمنات ! صكوا القدر لا يبرد
فتون : ههههههه اعترفي ياخالة وش حاطة بالقدر
مرام : اي والله شي يدوووووخ
ام فيصل : وش حاطة يعني هذا صوص الصويا بس لأن ولاوحدة منكم فالحة بالمطبخ ماعرفتوه
مرام : ايييييه انا فلاحتي أكنزها للدراسة فقــط
فتون : ومن زين دراستك بعد عمرك ماطلعتي من الأوائل
مرام : انتي بالذااااااات ولا كلمة الي قاعدة عطالة بطالة لا دراسة ولاشغل
فتون : اجمع طاقاتي ههههههههه

أم فيصل : اقول قومي انتي وياها زينوا الطاولة ورصوا الصحون بلا الحكي الفاضي

مرام : ووين واتي مختفية ماتجي تشتغل
فتون : تستهبلين انتي ؟
مرام : لا والله جد حنا نشتغل وهي ترتاح !
فتون : يممممااااه وش هالعمى الي فييييييك!
مرام : أي عمى ؟
فتون تأشر على الخدامة : وهذي منهي الي واقفة تقطع السلطة ؟
التفتت مرام لتشوف واتي وراها وطارت عيونها وهي تضحك : بسسسسسسم الله انتي من وين طلعتي
واتي : انتي مافي عيون مافي شوف
مرام : هههههههههههههههه وتلاسن بعد؟؟

أم فيصل : الحين بتتحركين انتي وياها ولا بهالملعقة على روسكم
فتون : يالله ياخالتي ولا تزعلين .. ((وشالت الصحون ومرام شالت الكاسات وودوها للطاولة

ومنى وعبير كانوا يغرفون الأكل ويوم خلصوا قالت منى : يمه انا مابي غدا الحين وبروح أنام شوي
أم فيصل : بكيفك خلاص اجل بقيلك لا تغرفين القدر كله
منى : لا عادي خليه بالعافية عليهم وأكيد بيبقى بعد مايخلصون
أم فيصل : يلا أجل ياعمري روحي ارتاحي وشيلي بالله معك ساره شوفيها نايمة بالصالة حطيها بسريرها تكفين

منى : ان شاء الله .. والتفتت لعبير وهي تقول : يالله تعالي معاي
أم فيصل : وين تجي معاك خليها تتغدا
منى : بس بوريها شي بسرعه وتنزل
أم فيصل : بسرعه عاد لايبرد الغدا
عبير : ان شاء الله
وطلعوا فوق بعد ماشالت منى اختها الصفيرة الي كنها ريشة بنحفها

قعدوا على الطاولة كلهم ومرام الوحيدة الي بالطرحة مع ان سعود مايشوفها الا هي وفتون واحد وياما لاعبهم اثنينهم وهم صغار وشالهم ومشاهم ووداهم ..

قعدوا يتغدون وبعد شوي دخل مشعل عليهم وهو ينفض ملابسه المغبرة ..
أم فيصل من شافته : هلا يامشعل وش جابك ؟
مشعل بحمق : وشو يعني ماتبوني !!
أم فيصل : ياعمري شالي مانبيك بس انت قايلي بتقعد عند جارك هاني وتتغدا عندهم
مشعل : خلاص مليت ورجعت

سعود : هلا مشعل حبيبي شلونك

مشعل استحى منهم لأن ملابسه كلها تراب وحوسة وقال بهدوء : طيب الحمدلله
أم فيصل وهي تطالع ملابس ولدها شلون صارت : روح حبيبي غسل وغير وتعال

طلع مشعل من غير مايرد وأم سعود استغربت من حالته وقالت : شفيه مشعل ؟
ام فيصل : أكيد تضارب مع العيال هذا حاله هو وهالجيران دايم
سعود بابتسامة : والله وكبرت يامشعل وصارلك اخويا ومغامرات
أم سعود : اي ياسعود ترا يوم تروح تدرس بامريكا كان مشعل عمره سنتين
سعود : صح ! مسرع مرت ذيك السنين
فتون وعيونها بالصحن : وهذه هي بترجع مره ثانية وتسافر
سعود بحنية : شسوي حبيبي والله ماودي بس الشغل وظروفه
فتون ماتحملت ودمعت عيونها وقامت من الطاولة
وأم سعود تأثرت وتركت الملعقة وغطت عيونها تبكي ..

كانت حنان جمبها ولمت اختها من اكتوفها وهي تقول : بس ياختي عاد لو كان سعود صغير تخافون عليه هذا هو رجال وسافر قبل هالمرة أكثر من مره ورجعلنا الحمدلله
أم سعود : ولو كان رجال بيظل بعيوني صغير وأشيل همه
سعود بضيق : يمه يعني شلون .. تبوني أبكي معاكم الحين يعني؟
أم سعود : لاياعمري لا تبكي ولا شي بس والله يعز علينا فراقك
سعود : وانا بعد عاز علي فراقكم بس شسوي دامني أنا الي متحمل كل شي بالشغل !
أم سعود : أدري ياولدي أدري انك متحمل كل شي ولاعمرك قصرت بشي
سعود وهو يمدلها المناديل : طيب يالله يام سعود امسحي دموعك واتغدي لاتخلوني أزعل الحين وأقوم بلا غدا
أخذت أم سعود المناديل ومسحت دموعها وسعود التفت لفتون الي قاعدة على الكنب ورافعة رجولها ودافنة وجهها بين ركبها وتبكي بصمت
سعود : فتون
فتون : .........
قام سعود ومشى وقعد جمبها ومسح على شعرها وهو يناديها : فتوون ارفعي راسك
فتون وهي تبكي : مابي ياسعود خلاص روح اتغدا
سعود : حلوة الي اتغدا وانت هنا تبكين علي .. قومي يلا ولا ترا بازعل
فتون : .........
سعود حب يضاحكها ونغزها من جمب بطنها الا هي نطت ورفعت راسها .. ضحك سعود وعاد لها الحركة مره ثانية وثالثة لين ضحكت غصب وهي تقول بدموعها : بس ياسعود بس
سعود وهو يضحك : يلا قومي غسلي وجهك وتعالي
فتون : مابي خلاص راح الجوع
سعود : اول ماتقعدين على الطاولة بيرجع
فتون : اوكي خلاص انت روح الحين
سعود : وانتي قدامي على المغسلة اغسلي وجهك ومابي اشوف دموع مره ثانية لين اسافر واذا سافرت افلتيها مثل ماتبين
ضحكت فتون وهو مسح على راسها بحنان وقام للطاولة وهي قامت غسلت ورجعت مكانها بصمت ..
شوي الا نزلت عبير ولاحظت وجيههم المتغيرة وقالت وهي تقعد على الكرسي : شفيكم ؟
حنان : مافيهم شي بس تكفون لا تفتحون السالفة من جديد
عبير : أي سالفة ؟
مرام باستهبال : سالفتك انتي ومنى الي مخبينها علينا
عبير بعدم فهم : أنا ومنى ؟
مرام : ايه انتي ومنى شعندكم تتسرسرون ماتبونا نسمع وتطلعون الغرفة بدوني انا وفتون
عبير وهي ترفع حاجب : والله ياحلوة ماعمري اتدخلت انا ومنى باسرارك انتي وفتون
مرام : اوريك انتي ياناكرة المعروف اذا انشغلت منى جيتيني واذا فضت كنك ماتعرفيني
سعود : والله مرام طلعلك لسان !
مرام : هههههههههههههههههه توك تدري ؟ لا وفم وخشم وعيون بعد
ضحكوا عليها وكملوا غداهم بسوالف وضحك لين قاموا من الطاولة وقعوا بالصالة للعصر ..

بعدها استأذن منهم سعود يطلع يكمل اشغاله .. وماحبوا يعطلونه أكثر ..
وراح عنهم .

******

هناك بالبحر عند الشباب
كان القارب واقف فيهم بنص البحر .. " وناصر ولؤي " أخوياهم نزلوا البحر بالدبابات .. أما الباقين كانوا رامين السنارة بوسط البحر ليصيدون .. وجمبهم شبكة سمك مليانة كلها نتيجة صيدهم ولا اكتفوا لان طموحهم يصيدون القرش ماشاء الله وهم واقفين ينتظرون الا اهتزت السنارة وغطس الطُعم بدليل ان في سمكة عالقة
نط أول واحد منهم كان فيصل وهو يقول : الحقوا بسرعه ..
ومسك السنارة بقوة وسحبها وحس بصعوبة وهو يسحب وقال : اسحبوا معاي شكلها كبيرة مره
صالح مسك السنارة معاه يسحب وهو يصرخ : يالله يا قرش بابو الكرش اطلللللللع ..
خالد : يراقب السنارة شلون شوي وبتنكسر وقال : والله شكله هو ابن اللذين اتركوا السنارة تكفون لايطلع علينا
صالح وهو يشدها بكل قوته : لاااااااااااااا بنصييييييييده غصصصصصصب علييييييه
تركي من وراهم : ارخيها وارجع اسحبها بسرعه
فيصل وهو عاصر ايدينه بقووة على السنارة ويسسسسسحب : جهزو مكان له الحين اهم شي
خالد : لا تطلعونه مانبيييييييه تكفون الا القرش عاد
صالح : مهو قرش لا تخاف ولا كان انكسرت السنارة من اول
جهز تركي المكان للسمك وخالد اتذكر وصية خواته بالتصوير ونقز للكامرا وأخذها وشغلها بسرعه وصور البحر والسنارة واهي منحنية وصور صالح وفيصل وهم يشدون السنارة وخالد ضحك واهو يصور ويقول : اسحبوا بقوة خلوني أصور هاللقطات قسم بالله اشكالكم ماتتفوت
وأخيــــــــــر مع الشد والسحب استسلمت السمكة المعلقة واتجاوبت معهم وفيصل وصالح يسحبون السنارة ويبتعدون على ورى أكثر وأكثر ليييين وصلو لآخر القارب وصالح يصرخ : اطلللللللللللللللع
وكن السمكة سمعت هالنداء واستجابت فاجأة طااااااااار خيط السمكة بالجو متعلق بسمكة كبييييييييييييرة وخالد ابتعد وهو يصورها شلون عالقة لين سحبوها لداخل القارب وهم يصاااااارخون وفرحانين ويضحكون بانتصاااااار وفورا حطوها بالشبك وهي تنازع تبي الحياة .. وخالد استمر يصورها فترة لين هجدت السمكة
تركي : أكبــــــــر سمكة صدناها
فيصل : قول صدتها يافيصل مو صدناها
صالح : وانا ويني عنك لولا الله ثم انا ماقدرت تصيدها
رمى فيصل نفسه على الارض متمدد بتعب ومسكر عيووونه وهو يحس ان عضلاته بذلت مجهود جبار هاليوم .. وكل واحد منهم شارك بالصيد خلال اليوم .. وبعد مارتاحو شوي كملوا بالقارب لمنطقة ماتركوا أخوياهم يلعبون بدبابات البحر وتركي قال : انا بانزل بالدباب
صالح : لحالك ؟
تركي : كيفكم بتنزلون معاي هاتوا دباباتكم
فيصل : انا تعبان والله مافيني
خالد : والله كلنا تعبنا ولو فيني حيل بانزل اسبح
تركي : اجل انا بانزل اشوف الشباب ونتطارد شوي ونرجع
ونزل دبابه وانطلق مصدر صجة بين الامواج خلت خالد يبتسم وهو يسمعها لعشقه اهو واخوياه للبحر وضجة البحر والأمواج ..

كان خالد وفيصل رامين أنفسهم على أرض القارب ومسكرين عيونهم بتعب .. وصالح قرب من فيصل وقعد جمبه وقال : باسألك فيصل
فيصل وهو مسكر عيونه : شعندك
صالح : وش اخبار خالتك ؟
فتح فيصل عيونه وهو عاقد حواجبه باستغراب : اي خالة ؟
صالح : ومن غيرها يعني خالتك حنان ..
فيصل : تمام الحمدلله ..
صالح : شلونها الحين ان شاء الله تحسنت نفسيتها
فيصل : والله زي ماهي ماتحسن فيها شي ولا هي راضية تساعد نفسها .. كم مره عرضت عليها تشتغل وتلهى برضها معارضة وماتبي
صالح بضيق : لاحول ولاقوة الا بالله
فيصل : وش جابها على بالك ؟
صالح : أمس شفت نواف !!!!!
اتعدل خالد بقعدته فاجأة وقال باهتمام : شفته ؟؟؟ وين وكيف ؟؟
صالح : بمعرض السيارت رحت انا وابوي نشوف السيارات عندهم الا وانتبه لواحد ينزل من سيارة كان يجربها .. ويوم طالعت لقيته هو نواف ماغيره !!
خالد بحمق : الله ياخذه .. طيب ماشافك ؟ مادار بينكم كلام !!
صالح : لا قلتلك كان ابوي معاي ولا كان ودي اورح اسلم عليه وأسمعه كم كلمة أخليه يكره نفسه ويكره اليوم الي طلع فيه على الدنيا
فيصل : وانت ليه كارهـه بهالشكل؟؟
صالح بارتباك : لا بس عشانها .. عشان خالتكم .. يعني الي سمعته منكم عن معانتها يخلي اي واحد غيري يحزن عليها ويكره هالشخص الي دمرها
اتنهد فيصل من قلبه وقال : زين مو أنا الي شفته .. لأني حالفله أنا لو عاد التقت عيوننا مو سالم مني وش ماكان المكان الي التقينا فيه !
انتبه لهم خالد وهو يتكلمون بهمس وجاهم وهو يقول : شعندكم تتساررون ؟
صالح : وانت كل شي تبي تعرفه .. روح نام اريحلك
خالد : يالنذل الحين انا ولد اخوك ولا هذا
صالح : انت ولد اخوي بس هذا صديقي من قبلك
فيصل :هههههههههههههههه جبتها ياصالح
خالد : أوريك ياخاين العشرة
صالح بسخرية : وش بتسوي انت وهالخدود المحترقة
فيصل :هههههههههههههههههه اي والله ماسوت فيك الشمس خير
خالد : الحين انتم تضحكون ماتشوفون اشكالم قسم بالله كل واحد منكم طالع أفحم من الثاني
صالح وهو يمسح على وجهـه : اي والله أحس اني مسخن
فاجأة نط خالد وهو يقول : قوم نسبح قوم
صالح وهو منزل راسه ويمسح عليه بتعب : والله مافيني تعبان
غمز خالد لفيصل الي فهم الحركة ووقف فاجأة وشال صالح من ذراعه ورجله وخالد نفس الشي وهو يصارخ : اتركووووووووني وجعععععععععععععع
أسرعوا الشباب وهم يضحكون ورموه من القارب لوسط البحر وصاروا يراقبونه لحظات لين طلع من وسط البحر يصارخ عليهم : يلا انزلوا الحين لا أوريكم ياحميييييييير
فيصل : ههههههه يلا انا جاي
وصعد على حافة القارب يبي ينط الا جا خالد ودفـــــــــه من وراه وفيصل رفرفت ايدينه بالهوا لكن البحر كان أجذب وغطس فيه وظل خالد المنتصر
ولحظات وطلع فيصل من وسط البحر يصرخ : مردووووووووووووودة يالنـــــــذل
ضحك خالد عليهم و وقف هو على حافة القارب وانحنى ونط مثل الصاروخ لوسط البحـر .

وبعد السباحة والوناسة بدت الشمس تغيب وهم ذبحهم الجوع .. فأول مارجعلهم تركي والشباب .. انطلقوا بالقارب راجعين .. وثبتوه مكانه لأنه ملكهم وكل واحد وقف بملابسه تحت دش صغير من الدشوش المعلقة جمب البحر وكانوا مستمتعين بالموية الحلوة الباردة الي تصب عليهم بعد عناء الصيد والشمس والسباحة..
خلصوا وتنشفوا وطلبولهم عشان بنفس المكان واتعشوا .. وبعد مانشفت ملابسهم اتوادعوا هم وناصر ولؤي .. وركبوا سياراتهم متفقين على موعد ثاني بالبحر ..
خالد وفيصل كانوا بنفس السيارة معاهم تركي وصالح .. وصلوهم لبيت الجد .. وبعدها انطلق خالد مع فيصل لبيت ابو فيصل .. وين ماكل العيلة مجتمعة ..

********

صحت منى ونزلت لقت البنات قاعدين يتفرجون على فلم .. وبالجهـة المقابلة أمها وخالتها نورة وحنان يشربون شاهي ويسولفون
مشت لهم واهي تقول : في شاهي ولا مخلص ؟
ام فيصل : الا فيه بس روحي اتغدي قبل الشاهي
منى وهي تقعد : مو مشتهية الحين والله .. وصبتلها كاس شاهي وهي تقول : ماطلعتوا ؟
أم فيصل : لا وين نطلع تو مكلمنا فيصل يقول جايين بالطريق
منى بابتسامة : بالله ؟ زين خلينا نشوف وش عندهم مغامرات اليوم بعد
أم سعود : مغامرات وهبال وبالآخر يجونا ميتين من التعب
ام فيصل : والله انك صادقة بس تصدقين ازينلهم من التسكع بالشوارع
أم سعود : طبعا من هالناحية احمد ربي واشكره الي خلى جنونهم البحر واللعب بالبحر

" لللللللللللااااااااااااااااااااااااااااااااااااااااااااااااا ااااااااء "

أم سعود : فتون وجع شهالصراخ ؟؟

قامت فتون معصبة وصكت التلفزيون وهي تقول : أصلنها حمااااااره خلاص مابي اشوف ..
عبير وهي تمسح دموعها : شغلييييييه يافتون بسرعه خليني اشوف وش بيصير على لويس
مرام : وش بيصير يعني أكيد بتقتلها مثل جانيت
فتون : لاعمركم تقولولي تابعي معنا أي فلم دامه بيصير مثل هذا .. ((ومشت بحمق عند أمها وخالاتها وأمها تقول : الحين كل هالصراخ عشان الفلم !
فتون : تقهر يمه اتخيلي قتلتها عشان توصل لحبيبها !! كنه الحب غصب يجي
مرام من وراها جاية : ماتدري ان الحب بيظل بالقلب حتى بعد الموووووت
منى + حنان : ههههههههههههههههههههههههههههههههه
أم فيصل : حبكن برص انتي وياها أدوشتونا بهالخرابيط
عبير وهي تقعد : شنسويلكم طيب نبي نطلع حاجرينا بالبيت
أم سعود : ومو كنتوا اليوم بالسوق ؟
عبير : الللللللللللله هذاك الصبح !!!
أم سعود : والي يسمع يقول الصبح كان قبل شهر .. توكم قبل كم ساعه
منى : قومي بس نقعد بالحديقة برا
مرام وهي تقوم : اي وحنا معاكم قومي يافتون
قامت فتون .. أما عبير مسكت ايد حنان بدون ماتشاورها وقالت : قووووووووومي اقعدي معانا
حنان : اتركيني امانة والله مالي خلق
فتون مسكت ايد حنان الثانية وسحبتها وهي تقول : ومن قال اننا مشاورينك بتجين معانا غصصصصصب
حنان : ياربي والله انكم نشبة
عبير : معليه احنا مو دايم عندكم واذا جينا نبيك تقعدين معانا
حنان : طيب اتركوا إيدي وانا بامشي

تركوها وهي ضبطت وشاحها على رقبتها زين .. وابتسمولها بحنان وهم يدرون وش سر هالوشاح !! ومشت معهم إلا أم فيصل من وراهم تقول : خذوا طرحكم يابنات لا يدخلون عليكم فيصل وخالد تراهم بالطريق جايين
فتون : يووووووووه أجل مني طالعة
حنان : زين أجل ولا أنا
منى : شفيكم انتوا الحمدلله ؟ خذي طرحتك يافتون واقعدي لاتبلسينها الا اذا جو
مرام : اي بعدين هم بيروحون داخل
فتون بضيق : طيب انا باطلع وانتوا جيبوا طرحكم وجيبولي طرحة معاكم

وطلعت هي ومعها حنان وبعد شوي جوهم البنات ومرام شافت ساره وهي تلعب بالحوش ومعها بنت الجيران سميرة وقالت : ساره وسميرة العبوا ورى لا تزعجونا
منى : اتركيهم مب حولنا
مرام : مابي اشوفهم بالذات سميرة اذا شفتها انقهر
فتون : ليش ياكافي؟
مرام : يقهروني أهلها يتركونها عندنا ويطلعون يتمشون ولايجون ياخذونها الا آخر الليل
منى تكمل عليها : واذا جينا نطلع ناخذها معنا بعد
عبير : حرام عليهم والله انها تهبل وباين هادية ونعومة
مرام : أكيييييد من كثر ما شافتني حاولت تقلدني
فتون :هههههههههههههههههههههههههه مادح نفسه كذاب
مرام بجدية : لا عاد تنكرون اني حلوة ونعومة ؟؟
فتون : وش تبييييييين تمدحين عمرك
عبير : وش ماكنتي ماراح تغطين علي .. ( ومدت لسانها
مرام : يالله حنان انتي الخالة انتي الحكم قولي من أحلى وحده فينا
حنان :هههههه كلكم شينات ولا وحدة حلوة
منى :هههههههههههه حرام عليك استثنيني على الاقل
فتون : لا والله جد حنان قولي كل وحده شالحلو فيها وش الشين
حنان : طيب ومحد يزعل ؟
عبير : اي اي محد يزعل يلا قولي
حنان : نبدا بمنى .. (( وتأملتها شوي وقالت : شعرها ناعم وكثير ورسمة عيونها ناعسة ورموشها حلوة وأحلى شي فيها طولها
منى : احم احم الطول عز .. طيب والشين
حنان بنظرة سريعة على البنات : والله كلكم مافيكم شين ماشاء الله بس كل وحده يميزها شكل
مرام بحماس : طيب يلا دوري
حنان : امممممممم انتي !
مرام : ايه ايه وشوووو
حنان :هههههه الصراحة الصراحة .. انتي احلى من منى
مرام : ياهوووووووووووووووووه ..
منى : هههههههههههه والله دايم أقول انك أحلى مني
حنان : بس مع هذا منى تهبل .. بس انتي ماشاء الله عليك ملكة
مرام وجهها حمر : طيييييب خلااااااص
فتون : استحت مرام هههههههههههههههههههههههههههههههههه
حنان : ماشاء الله شعرك فاتح وناعم وبشرتك صافية وناعمة .. وملامحك دقيقة وهذا أحلى شي فيك وعيونك بني تهبل يعني من جد من جد حللللللوة
مرام : طيب والشييييييييين
حنان : نحفك الزايد
مرام : بالعكس حلو النحف
حنان : اي حلو بس انتي بزيادة يعني حتى المواهب بدت تختفي
مرام : هههههههههههه لالا عاد الا مواهبي أحتاجها
حنان :هههههههههههههههههههههههههههههه خبله
عبير : يلا وانا ياحنان
حنان : انتي آه منك انتي
عبير : يممممماه لييييييييييش
حنان : ماشاء الله عليك كنك أجنبية مو عربية .. عيونك عسلية فاتحة شعرك أشقر ماشاء الله وذهبي بعد من قدام .. وتجعيداته تجنن .. وجهك دائري مره حلو .. وحزري وش احلى شي فييييييييك
فتون : صوووووووتها
حنان :هههههههه صح
عبير : هههههههههه ليه عاد صوتي شفيه؟؟
منى : الا صح صوتك من الاصوات الي تنعـــــد حتى طريقة حكيك وكلامك يوووه يجنن
فتون باستهبال : مثلللللللللي
مرام : انتي اصصصصصصصصص لا تتكلمين بس
حنان : لااااااااااا فتون هذي غيييييييير
فتون : يلا اشرحيني
حنان : ههههههه حلوة أشرحك .. اممممم طبعا سواد شعرك مطلعك تهبلين يعني لايق عليك مره ولايق على بياضك ماشاء الله .. جسمك روعة ومافي كلام ان جسمك احلانا كلنا
فتون : احلـــــــــــــــــى .. أشوى تعب الرياضة فادني أجل
حنان : اي ماشاء الله وشفايفك حمارها طبيعي وطولك زين وكلك على بعضك جنان
فتون : يسسسسسسسسسسعدلي هالخالة يارب .. طيب والحين دورك انتي
حنان باستهبال : مايحتاج أدري اني ملكة جمال
عبير : وانتي صادقة ماشاء الله ياحنان شعرك طولك جسمك عيونك خدودك كل شي فيك يهبل ماشاء الله

سمعوا هاللحظة صوت سيارة توقف عند الباب ولبسوا طرحهم بسرعه .. وشوي الا دخل فيصل وخالد وكل واحد منهم بشورت وبلوزة كت وخدودهم حمـــــــرا من السباحة والشمس .. وأشكالهم طالعة تهوس..

شافوا البنات متجمعين بالحديقة ومعاهم حنان ومشولهم وهم يقولون : السلام عليكم
البنات : عليكم السلام
منى : هاه بشروا كيف الطلعة اليوم
فيصل : تعب بس حلوة والله
عبير : صدتوا سمك ؟؟
خالد : أسماك مو بس سمك .. لا وصدنا سمكة كبيرة وتركي الحمار أصر الا ياخذها بيته
عبير تلخبطت من سمعت اسم تركي وفتون ضحكت عليها ..

نادى فيصل على ساره : سويييييييرة
ساره وهي تلعب : نعاااام
فيصل : جيبي بيبسي من الثلاجة
خالد وهو لازال واقف : أمي موجودة ؟
عبير : ايه داخل ..
حنان وهي تنقل بصرها بينهم : متعشين ؟
فيصل : اي الحمدلله
خالد : بس عادي نتعشى مره ثانية
حنان :ههههههه بالعافية
منى : اي وبعـد وش سويتوا حكونا مغامراتكم ..
فيصل قعد يسولف عليهم
وخالد انتبه لمرام الي تطالع فيه ويوم التقت عيونهم أبعدت عيونها بسرعه لكنه لاحظها وابتسم ابتسامة جانبية وهو يقول : من متى وانتوا هنا عبير ؟
عبير : من الصبح ..
خالد : أوكي أنا بادخل أشوف أمي
ومشى لناحية البيت الا ساره الصغيرة طلعت بسرعه تركض ومعها علبتين بيبسي .. ضحكلها خالد وهو يقول : لي واحد موو ؟
ساره بدلع : واحد لك وواحد لفيصل
خالد انحنى قدامها لين صار قدام وجهـها وقال : طيب انا عطشااااان ساره ابيهم كلهم
ساره بحيا : طيب ..
خالد : وفيصل وش يشرب ؟
ساره : يشرب موية
خالد :هههههههههههههههههههه لا بعدين يهاوشك
ساره : بقوله خالد أخذهم مني
خالد : بعدين يهاوشني أنا
ساره ببرائة وهي تضحك : لا مايقدر يهاوشك انت صديقه
ضحك خالد وهو يقرص خدها وقال : عطيني واحد بس
مدت ساره البيبسي له وأخذه وهو يقول : يلا وانا باعطيك ريال
ساره :هههههه يعني تشريه مني ؟
خالد : اييييوا اشريه منك .. بس أول عطيني بوسه
ضحكت ساره بحيا وباسته من خده
خالد : عســـــــــــــــــــل .. ووحد ثانية هنا (( وأشر على خده الثاني .. وباسته ساره وهو قال : يلا باعطيك ريالين بس مو الحين لأن محفظتي بالسيارة .. ذكريني قبل ما أطلع أعطيك
ساره بفرح : طيب ..

وركضت لأخوها .. وخالد فورا التفت لمرام وشافها تراقبه بابتسامة خفيفة وهو كان حاس بنظراتها من البداية .. وأول مالتفتلها انحرجت ودارت وجهها .. قعد يطالع فيها لحظات لين سمع صوت أمه وخالته طالعين ووقف واهو يبتسم لهم لين اقربوا وأمه تقول : هلا ياعمري شف شلون وجهك صاير !!
خالد بضحك : لزوم البطولة ..
وباس راس امه .. وباس راس خالته .. ومشوا لوين مالبنات هناك ..
وقعدوا كلهم سوى وفورا ضجت السوالف بينهم

وخالد قعد جمب أمه .. وعلى يساره جمب عبير كانت مرام تراقب حركاته وقلبها يضرب طبول بين ضلوعها .. فتح خالد البيبسي بملامح جامده و رفعه لفمه يبي يشرب .. وأول ماجا يشرب انتبه لمرام تطالعه .. أبعد البيبسي عنه وقال بهمس مايسمعه الا هي : تبين ؟؟
ارتبكت مرام وقالت : ... هاه وشو ؟
خالد : البيبسي !
مرام : لا مابي عليك بالعافية
خالد بنفس الهمس والجمود : شفتك تطالعيني من أول قلت يمكن نفسك فيه
ورفع البيبسي لفمه وشربه كلللللله ورى بعض .
مرام حست دمها يفور منه ومن حركاته وكلامه .. ياويلي بيجنني هالولد .. لا ماقدر أقعد خلاص والله أحس صوت دقات قلبي بينسمع !

فيصل مندمج بالسوالف : ومسكناه أنا وخالد ورميناه من فوق القارب بوسط البحر
فتون بحمق : وانت ماتعرف تستقوي الا على عمي حرام علييييييك
فيصل : والله عاد كيفي قاهرني وبانتقم منه
فتون : اعوذ بالله عاد انت اذا انتقمت ماترررررحم
فيصل متونس عليها : ايه وتراي حاطك باللستة
فتون : وأنا وش مسويتلك ؟؟؟؟؟؟؟
فيصل بخاطره .. معذبة قلبي وروحي : .... ناسية شمسويه ؟ ناسية سرقات السنكرز والبباسي من غرفتي انتي ومرام !
فتون : انا اسرق منك انت ..؟؟ (( والتفت لمرام وهي تقول : متى يامرام سرقنا من فيصل ؟
مرام انتبهت لهم وهي الي كانت بعالم ثاني : وشو أي سرقة ؟
فتون : هذا يقول سارقين من عنده سنكرز وبباسي
فيصل بابتسامة : حلوة منك .. " هذا " !! .. بس ترا انا اسمي فيصل !
فتون باستهبال : اححححلف !!
فيصل يكمل على استهبالها : والله اسمي فيصل
فتون : واذا كان اسمك فيصل مب عاجبني
فيصل : هاه شالي يعجبك ؟
فتون : ولاااااااااا شي فيك يعجبني خلاص؟؟

أم سعود : هَو يافتون شفيك على الولد؟

فيصل :ههههههههه خليها خالتي خليها .. والله ما أزعل .
أم سعود طالعت بنتها بنظرة وعيد .. وفتون كشرت وهي تدير وجهها عنهم .. فيصل كان للحين ماسك البيبسي مافتحه .. ويوم شاف ان فتون مكشرة ودايرة وجهها بزعل .. قام لعندها وقرب إيده بالبيبسي لاذنها .. و .. " طشششششششش << فتح البيبسي بوجهها !!!
طار رذاذ البيبسي بوجهها وهي اخترعت ونطت من مكانها تصارخ : وجـــــــــــــــــع ياحمااااااااااااااااار
وشافت البيبسي بإيد خالد ركضت تسحبه منه الا خالد قالها : فاضي فاضي
فتون : أدري هات ..
وأخذته منه وراحت لحنفية كانت بالحديقة قريب منهم .. وبسرعه عبة العلبة موية ودرات مسرعه لفيصل الي كان يراقبها ويضضضضضضضحك
فتون : والله لا أكبه عليك

أم سعود : فتون اعقــــــــــلي !!!
فتون : ياسلام وهو عادي يرش البيبسي على وجهي ؟؟؟
أم سعود : يمزح معاك شفيك انتي ؟
فتون : طيب وأنا برد المزحة كيفي ..
أم سعود وهي تهز راسها : الحمدلله والشكر !!

قام فيصل يوم شافها قربت وابتعد على ورى وهو يضحك وهي ركضت عليه وهو يبتعد ودااار عنها وصار يركض وهي وراه معصصصصصبة من جد .. لين لف ورى البيت وهي لازالت تركض ومعصبة وفاجأة وقف والتفت لها وقال : تدرين عاد يافتون انا مو هارب عشان لاتكبين علي الموية ..
فتون : لا تسوي نفسك مو خايف وتراها باردة زي الثلج (( ورجعت ايدها على ورى ودفت العلبة وهي ماسكتها وانرشت كل المووووووية عليه وهو يضحك !
فتون بعصبية : وتضحك بعد ؟؟
فيصل : كل شي منك حلو
فتون ماستوعبت الي بخاطر فيصل وقالت : طببببببعا وغصب عليك حلو ..

ورمت العلبة ودارت مبتعدة عنه واهو يراقبها بكل حب .. واتنهد من كل قلبه واهو يحس انه بيضطر يحارب ويعارك لحتى يلقى قبول من فتون .. الي ماعاد يحس بطعم السعادة والفرح الا بوجودها .. ودخل للبيت يبدل ملابسه .. وهي رجعت تقعد بعد ماحست انها بردت قلبها منه !

**********

مرت الأيام الي بعدها والكل مستعد لسفر سعود وكل ماقرب اليوم عصر الألم قلوب الكل لأنهم محد منهم الا ويحب سعود الي عمره ما آذى أحد وحنانه وطيبه غامر فيه الصغير والكبير خاصة فتون الي متعلقة فيه بشكل كبير ..
كان سعود بالصالة يرتب آخر أوراقه .. دخل خالد عليه وقعد جمبه وهو يقول : الحين انت متى مسافر بالضبط ؟
سعود بهدوء وهو يرتب الاوراق : بعد اربع ايام
خالد : طيب ياخي ليه ما تأجلها شوي؟؟
سعود : وليه أأجلها ؟
خالد : توك ماكملت سنة راجع من أمريكا .. والحين بتروح ابريطانيا وسنتين بعد
طالع سعود فيه وقال : الحين انا ماصدقت أخلص من امي وخواتي تجيني انت الثاني بعد؟ يعني وش تبوني أسوي والله مو بايدي !
خالد بهمس : طيب ليه مو أبوي الي يسافر ؟
سعود بدهشة : تبي ابوي يسافر وانا موجود ؟؟ صاحي انت !
خالد : ياخي والله انت محسوب علي اخو .. ولا من كبرت انا وانت كل سنينك برا
سعود : والله انت مخك يبيله إعادة تعمير
خالد :هههههههههههههههاااااااااي زين اسمع ..
سعود : شتبي بعد ؟
خالد : قوم اطلع معاي امانة خليني اذكر آخر ايامي معك كانت فلة ووناسة
سعود بأسف : خالد صدقني ماعندي وقت !
خالد : بتقوم يعني بتقوم ! و طلعة وحدة يعني بتأثر بشغلك الله أكبر ؟
سعود بتنهيدة : والله ياخالد محسوبة علي الدقيقة قبل الساعه
خالد : مو شغلي عاد محد قالك تصير اخوي يالله قوم
سعود الطيب : والله انك قللللللللق
خالد : عسل على قلبك
سعود : أجل خلني بكلم صالح هو من أول يبيني أطلع معه ولا فيني من كم طلعة خلاص كلكم مره وحده
خالد : أووووووكي كلمه وأنا بروح ألبس
طلع خالد .. وسعود لم أوراقه ورجعهم للملف .. هو صحيح مشغول لكن ماحب يكسر خاطر أخوه ومشى للتلفون واتصل على بيت جده وين ماعمه الصغير هناك

رن التلفون ببيت الجد والصدفة كانت ان منال وأهلها هناك يزرون جدهم
ردت على التلفون الي كان جمبها : الوووو
سعود استغرب الصوت : مرحبا
منال : أهلين
سعود : هلا كيف الحال
منال عرفته وخفق قلبها وهي تقول بحيا : بخير الحمدلله .. انت شلونك سعود
سعود : تمام الحمدلله .. مين معاي !
انحمقت منال ليش ماعرفها وقالت وهي تحاول تخفي قهرها : انا منال !
انحرج سعود بس مو منها !! من الموقف وهو الي ماعرف صوت خطيبته وقال : هلا منال هلا والله سامحيني ماعرفتك ماتوقعت انتي تردين
منال : لا عادي احنا مرينا بس نسلم عليهم
سعود : ايه .. وش أخباركم ان شاء الله بخير
كان نفسها يسألها عن أخبارها هي مو أخبارهم كلهم وقالت : والله طيبين الحمدلله
سعود : وعمي ان شاء الله طيب ؟
منال : بخير يسأل عنك
سعود : سألت عنه العافية .. اجل صالح عندك ؟
منال تضايقت تبي يسأل عنها ويحس فيها ومن حسن حظها كان صالح طالع مع تركي وقالت : لا والله طالع اهو وتركي
سعود : اممم .. خلاص اوكي بدق على جواله
منال ماعرفت وش ترد وقالت : براحتك
سعود : اوكي منال نشوفك على خير
قال هالكلمة ببساطة وماقصد منها شي .. لكن منال المتولعة فيه رقص قلبها واهي تتخيل تشوفه مره ثانية ولاقدرت تنهي هالمكالمة من غير ماتقول شي وقالت : سعود باسألك ..
سعود : آمري منال
منال : مايامر عليك عدو ... اممم انت متى مسافر؟
سعود : بعد اربع ايام ان شاء الله
منال : اها و ....
سعود : وو .. ؟؟
منال بحيا : لاكنت باسأل بنشوفك قبلها ؟
سعود : أكيد لازم أجي بيت جدي اسلم على عماني وعماتي قبل اسافر
منال ضاق صدرها ليه مايخصها اهي بالحكي وقالت بضيق : اوكي سعود نشوفك على خير
سعود : ان شاء الله .. مع السلامة
منال بهمس : مع السلامة

سكر سعود منها وهو مايحس بأي شعور !! حاول يبتسم عشان يبين لنفسه انه فرحان بهالمكالمة .. لكن يكذب على نفسه .. أوهم نفسه انه فرحان واهو بالنسبة له كل شي يصير بينه وبينها عــــــــــادي !! اتضايق من هالبرود الي يحسه لكن حط السبب ان توه ماصار شي يقرب بينهم أكثر وانه يمكن اذا سافر وابتعد يشتاق ! وقام وهو يحاول يطرد من باله هالأفكار ودق على جوال صالح واتواعد معاه أهو وتركي يطلعون سوى طلعة حلوة قبل سفر سعود لابريطانيا


::

أتوقع بهالجزء بانت أمور أكثر .. اذا عرفتوها قولوها
حنان تعيش بصدمات وجروح .. ياترى وشهي ؟؟؟
صالح ليه مهتم بأمر حنان ؟؟

وباقي الأمور
تعليقاتكم تهمني عليها

::

يتبع

:: للتذكــــــــــــــير ::

الأحداث السابقة الي كانت بالجزء الأول والجزء الثاني
هذه قبل سنتين من استلام سعود الشريط واستماعه لأغنية وعد
قصـة وعد لم تظهر حتى الآن ..

بلييييييييز ركزوا معاي !



::
aomroena
aomroena •

الجزء الثالث

في بيت أبو فيصل
مرام طفشانة بالبيت وحنان بغرفتها كالعادة .. ومنى بشغلها .. راحت لأمها لقتها بالصالة قعدت بضيق جمبها وقالت : يمه والله زهق قومي نطلع !
أم فيصل : وين نطلع ياحظي بهالحر !
مرام : أي مكان حتى لو كفي المهم نطلع
أم فيصل : لا ماحب أروح أي مكان انا لايطلع فيه موسيقى وبلاوي
مرام : لا باختارلك مكان حلو ويناسبك بعد امانة خلينا نطلع الحيييييين
أم فيصل : وانتي شجايك على الطلعة بسم الله اركدي بس بلا دلع
مرام : يايمه ياحبيبتي انتي الي يسمعك يقول عجوز وباليالله تمشي والله أمهات صديقاتي مايقعدون بالبيت دقيقة وحده
أم فيصل : لاياعمري انا مو من الحريم الي ماغير أكبع عبايتي وأدور بالشوارع .. أنا أقضب أرضي وصلي لربي عسى الله يحسن خاتمتنا
مرام وهي شوي وتبكي : لاااا تقولين كذا يمه كنك عجوووووز
أم فيصل : الحين الي تخاف ربها وتمسك بيتها صارت عجووز ؟؟
مرام : اي كلنا نخاف ربنا بس نعيش حياتنا بعد !
أم فيصل : مابي أعيش حياتي بالهجهجة عاد
مرام : يعني شلووووون مافي طلعة ؟
أم فيصل : إي مافيه روحي ذاكري دروسك بس
مرام : ماعندي دروس والله ماعندي .. ياربي شهالحالة خلاص بكلم عبير وفتون ونطلع
أم فيصل : وانتي على بالك الكل منهبل وبيطلع مثلك
مرام وهي توقف : اي عبير وفتون مثلي فديتهم ..

(( وأسرعت تدق على جوال عبير ماردت .. جوال فتون وبرضو ماردت .. !! وراحت على التلفون واتصلت وكان خالد الي راد : مرحبا
مرام بلعثمة : السـ .. السلام عليكم !
خالد وهو يضحك : وعليكم السلام ..
مرام : شفيك تضحك ؟
خالد : مدري شعندك نازل عليك سلام الله ..
مرام : الحين الناس اذا سلمت صارت تضحك ؟ ..
خالد : لا مو الناس .. بس مرام
مرام بحمق : طيب عطني عبير
خالد : وأنا ماتبين تكلميني؟
مرام وهي ميته عليه : إي مابيك وليه أبيك !
خالد : قد هالكلمة مراااام
مرام : أقول تراك ماخذ بنفسك مقلاااااااااااب !
خالد بمكر : أجل ليش تلخبطتي يوم سمعتي صوتي !
مرام وهي تمسك نفسها بقوة لاتبكي : ماتلخبطت ولاشي وتراك ماتهمني .. وعطني عبير بسرعه ..
خالد : عبير نايمة
مرام : وفتون !
خالد : فتووووون امممممم .. الحين اشوفها ..
وغاب لحظات ورجع وقال : تقولك فتون شتبين علميني وأنا أقولها !
مرام بصدمة : الحين من جدها هذي ليه ماتكلمني ؟
خالد : مشغولة اختي تحسبين الكل فاضي مثلك بلا مهمة !
مرام : بس ياخالد تراك ذبحتني
خالد: شسويلك انتي عنيدة وراسك يابس !
مرام : اوكي مشكووور وقول لفتون مابي شي خلاص
خالد : لهالدرجة ماتبيني أعرف !
مرام : وليه تعرف شي خاص بيني وبين خواتك !
خالد : أفا مروووم أنا خالد تخبين علي !
مرام حاولت تمسك نفسها لا تطلع منها " أحبك ياخالد " وقالت : بغيت أطلع أنا وياهم نتمشى
خالد : على وين !
مرام : مدري ماقررت
خالد : زين اذا قررتي دقي عشان أشوف اذا مناسب تروحون هالمكان ولا لاء !!
مرام : وانت شدخلك ؟
خالد : خواتي وبكيفي

دق جوال مرام ويوم طالعت لقت فتون المتصلة وقالت لخالد : خلاص الظاهر فتون فضت الحين وكلمتني ..
خالد : هي الي داقة على جوالك ؟
مرام : إيه
خالد :هههههههههههههههههههههههههههههههههههه
مرام وهي منهوسة من ضحكته : شفيييييييك
خالد وهو يضحك : لا أبد مافيني شي .. يالله أخليك مع فتون
مرام باستغراب : اووكي .. باي
خالد : باي

وردت مرام على فتون وهي معصبة : الحين فضيتي ياهانم !
فتون باستغراب: بسم الله شهالكلام !
مرام : ليه ماتكلميني وتقولين لخالد مشغوله !
فتون : أنا قلت لخالد مشغوله .. متى ؟؟
مرام : بسم الله عليك تو قبل دقايق !
فتون : مرام حبيبتي .. أنا نايمة وتوي مابعد قمت من السرير ولا شفت خالد من البارح !
انبهتت مرام وعرفت ان هذا مقلب خالد ليظل يتكلم معها ومزيج من الغضب من مقلبه مع فرحتها يوم درت انه سوى كذا ليكلمها وضحكت من خاطر ..

فتون : شعندك تضحكين فهميني شسالفة !
مرام : لا مافي سالفة ولا شي والحين قومي صحصحي خلينا نطلع
فتون وهي تتثاوب : يالمزعجة داقة عل جوالي بعز نومي تبينا نطلع وين نطلع ؟
مرام : أي مكان يافتون زهقانة حدي وباطلع .. صحي عبير بسرعه وبمرك بعد شوي ..
فتون : أنا أوكي بس مادري عن عبير
مرام : ماعندها شي ان شاء الله صحيها وساعه بالكثير امر عليكم
فتون بكسل : أووووكي
مرام : باي
فتون : باي

قامت فتون وصحت عبير واتحمسوا للطلعة ومامرت الساعة الا وهم بالسوق ..

مرام وهي تمشي مسرعه : تعالي بسرعه بوريك محل طحت في قبل كم يوم عنده بلايز تجنن !
فتون : وش اسمه ؟
مرام : خربطيشن ..
فتون : وشوووو ؟؟؟؟؟
مرام : هههههه مادري وش اسمه تعرفين هالمحلات اساميها انجيلزية ومعقدة وصعب تحفظينها
فتون : هذا انتي ياحلوة الحين من يوم ما ألمح المحل بحفظ اسمه على طول
مرام : اييييييه طيب خليت الذكاء لك .. المهم شوفي هذا هو بآخر السيب

فتون وهي تلتفت وراها : اصبري وين عبيييييير
مرام : مادري وين دخلت تعرفين اختك هذي كل محل جديد لازم تشوفه
مشوا بسرعه للمحل ودخلوه وداروا فيه وفتون تقول : اللاااااااه يجنن كل بلوزة أحلى من الثانية ..
مرام : قلتلك مب صاحي هالمحل .. تعالي شوفي هالبلوزة الألوان فيها روعه .. بس الله يقطعهم ناعمة وبـ 199
فتون : يقهروني بـ 199 يقولون 200 وبس
مرام : هذا اسلوب تسويقي وش فهمك انتي ..
فتون : اييييييه طيب طيب يعني بتاخذينها ولا لاء؟
مرام : باخذها والله مع اني دارية ان امي بتهاااااااوش
فتون : معها حق اصبري للتخفيضات صدقيني بيطيح سعرها مره وحده
مرام : لاااااا حبيبتي بعدين ألاقي بنات الجامعة كلهم مطقمين معاي الزينة والشينة
فتون : أوووووه انتي وهالجامعة بزحمة ..
مرام : خليني اشوفك اذا دخلتي وش بتسوين
فتون : لا انا لايمكن أغير مبادئي
مرام بازدراء : اقول وخري انتي ومبادئك خليني احاسب

حاسبت على البلوزة وطلعوا ودقوا على عبير وتلاقوا وكملوا دورانهم .. وبعد فترة بسيطة قرصهم الجوع وطلعوا فوق يتعشون ..
تخيرت كل وحده من المطعم الي تبي وقعدوا ينتظرون طلبهم الا دق جوال مرام ..

مرام : هلااااااا
منى : هلا مرام وينك ؟
مرام : بالسوق أنا مع بنات الخالة
منى : ماشاء الله عليييييكم فلة ووناسة وانا الي خمجت بهالبنك !
مرام : وش اسويلك انت وهالشغل الي ليل نهار
منى : والسواق قاعد ينتظركم أجل ؟؟
مرام : اي قاعد ينتظرنا
منى : ومتى ان شاء الله تخلصون ؟
مرام : اصبري يامنى الحين طالبين عشا .. نتعشى ونخلص ونطلع وأوصل فتون وعبير بيتهم وأروح البيت بعدين يجيك !
منى بحمق : لااااا والله احلفي بس ! اقول مو منتظرتكم انا الحين يجيني السواق
مرام : ياربي يامنى والله انتي قلق ..

عبير مدت ايدها وهي تقول : هاتيها البايخة

عطتها الجوال وعبير قالت : منى يالقاطعة يالي ماعاد تنشافين
منى بضحك : هلا عبييييير هلا والله ..
عبير : وينك يابنت الناس من اشتغلتي لاعاد تطلعين معانا ولا نشوفك
منى بتنهيدة : آه بس خليها على ربك والله مليت وانا مالي الا كم اسبوع وأطلبهم اجازة رفضوا
عبير : هههههههههههه وهم صادقين شالي اجازة وانتي توك مداومة
منى : شسوي طيب تعبت والله وأبي أطلع معاكم أتونس واذا فضيت وبغيت اطلع لقيتكم انتوا مشغولين
عبير : لاماعليك ان شاء الله بندبر يوم نطلع كلنا سوى حنا بعد اشتقنا للطلعة معاك
منى : ياعمري خلاص ان شاء الله قريب والحين قولي لمرام تقول للسواق يجيني مخلصة دوامي من اول وقاعدة انتظره وهو معاكم ماشاء الله يتونس
عبير : هههههههههه اووووكي حبيبتي ببنقوووله باي
منى : هههههه باي

وسكرت منها ومرام دقت على السواق وراح ياخذ منى ..
وتعشوا البنات وقامو يمشون بملل وهم ينتظرون السواق يرجع
وطال انتظارهم والسواق مارجع

فتون : يالله وين سواقكم يامرام تراني بديت أصدع
مرام : مادري عنها منى انا عارفة اذا طلعت ماتروح البيت الا ولازم تمر على أي مكان قبل
فتون : يعني شلون والله مافيني من هاللطعة ..
مرام : تعالي نشوف هالأفلام لين يجي
ودخلوا محل أفلام واتفرجوا عليها وفتون ماعاد طاقت تقعد أكثر وقالت : دقي على سواقك ترا ملييييت !
مرام وهي تدق : طيب هذاني

رد السواق ومرام على طول انفعلت : آدم وينك ؟؟
آدم : انا في اشتري فول حق البيت !
مرام : فوووووووول وش فوله هذا !!
آدم: هذا بابا كلام بعد صلاة عشا روح اشتري فول
مرام : انت الحين وصلت منى البيت ورحت تشتري فول ؟؟؟
آدم : ايوا الحين انا عند فول بودي البيت بعدين اجي آخد انتا
مرام بانفعال : وجع لا تجي
وسكرت بوجهـه
عبير وهي سانده راسها على أحد جدارن المحلات : وش صار يامرام ؟
مرام : هالسواق التبن راح يشري فول ومافول وبعد مايوديه البيت بيجينا
فتون ماردت لأنها كانت مصدعة ولافيها تجادل
عبير : اجل خليني أدق على سواقنا أشوفه

دقت على السايق الي فاجئهم انه رايح ياخذ عمره !!
عبير بانفعال : يتصرف بكيفه هالسواق الحين والله لو درا ابوي ان يلعن ابو جده
فتون : وش سوا بعد !!
عبير : راح ياخذ عمره !
فتون : وجعععععع الله لايقبلها منه
مرام : استغفر الله هههههههههههههه

عبير : والله بدق على خالد
فتون : اي والله بسرعه تراني مصدعة
مرام ومعالم الضيق بوجهها : الحين من جدك انتي وهي ؟؟
عبير : إي شفيك !
مرام : وش الي شفيني .. مابي أركب مع أخوك والله أتوتر طول الطرييييق
فتون باستهبال : بس مروووم والله خالد يحبك شفييييك انتي
مرام بعصبية واضحة : حبته العافية بس مابي أركب معاه
عبير : يعني وش نسوي ؟
مرام : نكلم فيصل
فتون : لاااااااا تكفين مابيه !!
عبير : ياويلي منكم انتوا كل وحده ماتبي تركب مع الثاني .. والله حلمي لو يجي تركي ونركب معاه !
فتون : روحي صارخي باسمه بالشوارع يمكن يكون مار ويسمعك ههههههههههههه
عبير : ياويل حالي أنا .. المهم بدق على خالد وبس ..

ودقت على خالد ومرام استسلمت لهالورطة والمضحك ان فيصل كان مع خالد بنفس السيارة وجوهم على السوق
فتون وهي تطالع السيارة وتهمس : ياحظي الخايس انا طالعوا فيصل معاه
عبير وهي تمشي للسيارة : كفوك يالشينة ..

وركبوا البنات ورى .. فيصل كان يكلم بالجوال وبصوت عالي ويضحك ..
وخالد مشى بالسيارة وقال بضحك : هلا مرام شلونك ؟
مرام تذكرت موقفه الي سواه بالتلفون وحست انه يضحك عليها وقالت بهمس : بخير
خالد طالع فيها من المراية وشاف وجهـها منقلب وضحك بخفة ..
فتون انزعجت من صوت فيصل العالي وهمست بضيق : ياخي وطي صوتك تراني مصددددعة
عبير : كككككككك فيصل متسلط عليك
فتون بقهر : والله اني مصدعة وأبي هدوء وهذا كنه لحاله عشان يكلم بهالصوت العالي
مرام ضحكت على أخوها بس ماحبت تتكلم ولا كلمة لأنها تدري انها بتتلخبط دام خالد موجود ورابكها

فيصل واهو يكلم : ياعمري والله فديتها أنا هههههههههههههههههههههههههههههههههههههههه
خالد التفتله وضحك وكمل طريقه
فتون : وع بعد من الي تبيك تفداها
عبير : وانت شدخلك اتركيييييه
فتون : ابيه يهجد .. (( وماقدرت تسكت وقالت : فيصل ممكن توطي صوتك شوي ؟

فيصل يكلم الي معاه : ثواني بالله .. (( والتفت واهو يقول : فتون تكلميني ؟
فتون : اي أقول ياليت تقصر صوتك شوي لأني مصدعة
فيصل : آهاااا ..
ورجع للجوال يقول : طيب يالحبيب بيننا اتصال ثاني
" لا أبد بس في ناس منزعجين مني "
"أوكي نشوفك على خير "
" سلام "

وسكر وفتون دايرة وجهها عشان لا يلتفت ويلمحها وهي تضحك عليه
وبعد ثواني قالت : خالد ارفع المكيف حررررررررر
خالد : هذا أعلى شي فتون
فتون : يع شهالسيارة الخايسة حتى مكيفها مايشتغل زين
خالد : على الأقل منها فايدة مو مثل بعض الناس
فتون بحمق : شقصدك ؟؟

فيصل : بس ياخالد عاد لاتزعل فتون ..

توسعت عيون فتون باستغراب من فيصل الي يدافع عنها قدام خالد وليه يسوي معها كذا واهو مو لاقي منها الا الصد والكره .. لكنها اتجاهلت هالشي ودارت بينها وبين البنات سوالف بسيطة لين وصلوا البيت وفتون الي كانت ورى خالد .. فتحت الباب بسرعه ونطت وصكته وراها وعبير قالت : شوف البايخة ماتصبر لين أنزل !!
ضحكوا عليها وفتحت عبير الباب ونزلت ومرام يوم جت تنزل قالت تكلم أخوها : فيصل انت بترجع بيت خالتي ؟
فيصل : إي لازم أرجع سيارتي هنا ..
مرام : زين دق علي اذا وصلت عشان أروح معاك البيت
فيصل : اوووكي ..
ونزلت مرام وخالد يطالعها بنص نظره .. ياويلي لو بنت ثانية الا وترمي كلمه ولا نظرة .. لكن والله هذه مو سهلة .. فديت هالثقل !

******

دخلوا البنات للبيت وعبير تنادي بالدرج : سووووووووووولااااااااااااا
سولا : أيواااااا
عبير : صلحي قهوة تركية بسرعه
سولا : طيب
دخلوا الصالة ومرام تقول : انتِ للحين على هالادمان ؟
عبير وهي ترمي الاكياس بالصالة : والله ادمان واحلى ادمااااااان
مرام : مادري شلون تذوقينها يييييع شلون تبلعينها مُره
فتون وهي ترمي عبايتها : انتِ أصلا عمرك ماذقتيها شلون تحكمين
مرام : من شكلها من ريحتها
عبير : هههههههههه لا حبيبتي لا تحكمين من الشكل ذوقيها بعدين احكمي
فتون : عبير وريني الكريمات الي شريتيهم
عبير : شوفيهم بالكيس

مسكت فتون أول كيس جمبها وطالعت فيه مالقت وقالت : وين ياعبير مافيه ؟
التفتت عبير لها وقالت : وانتِ شوفي ماسكة كيس إيش ؟ .. زارا .. بالله هذا عنده كريمات ؟
فتون : هاه أجل وييييييييين
عبير وهي ترمي الكيس عليها : هنا بكيس مارك سبنسر
طلعت فتون الكريمات وصارت تدهن ايدينها منها وتشمها باعجاب وهي تقول : تجنن روايحها راااااايقة ..
عبير : قايلتلك كريمات هالمحل ماشفت زيها أبد
فتون ماغير تضغط من الكريم وتدهن ايدينها وذراعها ووجهها .. وعبير صرخت وقالت : بس وجع مابقيتي فيه شي
فتون : والله مليااااااااااان
عبير : بس الناس تحط نقطة مو تملين ايدك بهالشكل .. هاتي اشوف !

فتون وقفت وهي تضغط الكريم بسرعه بإيدها
وعبير قامت معصبة : ياحماارة بتخلصين كريمي هااااااااتي
فتون ترجع على ورى وتضحك وتضغط أكثر
عبير ركضت عليها وهي تقول : والله لأوريك ياحمااااااااااااره
رمت فتون الكريم على مرام الي تلقفتها بسرعه وفهمت الحركة وصارت تضغط منه على ايدها وتدهن وتقول : واااااااو يجنن ناعم .. وركضت

عبير وهي شوي وتبكي وبنعومة : وجع يوجعك انتِ وياها كريييييمااااااااتي هاتوووووووووها
مرام : مافيييييييه خلاص هالكريم عجبني وباخذه
رن التلفون هاللحظة وعبير كانت عنده ورفعت السماعة وهي ترد على مرام ببكي : نجووم السمااا أقربلك .. الوو

ـ اي والله أنا مو أي أحد يقرب صوبي
عبير سكتت لحظات لتستوعب الصوت وعرفت انه عمها صالح وقالت وهي تضحك :
هـلا والله عمي شلووونك
صالح : تمام الحمدلله انتِ شلونك عبير
عبير : بخير الحمدلله
صالح : شفيك زعلانة وتصارخين
عبير تبي تطلع غيضها : لأن عندي بنتنين هنا يبيلهم ذبح يبيلهم إعدااااااااام
صالح : يالطيييييف أكيد فتون وحدة منهم ..
عبير : طبعا فتون هي خراب السفينة والثانية مراموووه الزفت
صالح : ههههههههه وانتي دايم المقالب عليك ماعمرك عكستي الأدوار
عبير بنعومتها : ماقدر عليهم ياعمي مو قد هالأشياء أنا ..

فتون سحبت السماعة وعبير مسكت اذنها بألم : آآآآي وجع بشويش
فتون : هـــــلا بعمي صلووووح هلا حبيبي
صالح من سمع فتون بنت أخوه وحبيبته ضحك واهو يقول : هلااااا بفاتنتنا هلا .. وش مسوية باختك انتِ ؟
فتون : عمي لا تصدقها هذي دلوعة تعبت أربي فيها مافيه فايدة
صالح : هههههههه انتي تربينها ؟ لا مشكورة ماقصرتي ربي نفسك بالاول
فتون : عمــــــــي صلوووووح شقصدك !!!!!!!!
صالح : ماقصدي شي بس لا تصيحين علينا وقوليلي ..
فتون : شتبي ؟
صالح : وين اخوك سعود أدق عليه مايرد
فتون : طالع مع خويه أنس عشان سفرته .. ((وكملت بحماس : دريت انه بيسافر ابريطانيا ؟
صالح : لااااااااا أول مره أعرف !
فتون بنفس الحماس : والله بيسافر بعد يومين وبيقعد سنتين هناك وبيشتغل بشركة عشان تفيده بمجال تخصص ويطور شركتنا ويبي يــ ....
صالح : بـــــــــــــــس انت عطيتيني تقرير مفصل بدون ما أطلب خلاص
فتون : وليه ماتبي تعرف ؟
صالح : وانتِ صدقتي الحين اني ماعرف شي ؟ حبيبتي انا الي مستلم أوراق الشركة وعارف قبله هو بعد .. ههههههههههه
فتون بعصبية : وليش تستهبل علي أجل ..
صالح يبي يقهرها : كذا بس كييييييفي ..
فتون : طيييييب .. أنا أوريك .. ذيك السالفة الي تموت عشان تعرفها مو قايلتلك هي
صالح وهو فاهمها : لاااااااااا فتون كلش الا ذيك السالفة ..
فتون : والله مو قايلتلك شي عنها
صالح : بس فتون لا تحلفين
فتون باصرار : واالله العظيـــــــــــــــم
صالح : فتووووووووووون .. خليك اقعدي أجل اذا اجتمنا ببيت ابوي لافيه سوبرماركت ولا يحزنون .. باخذ البنات كلهم الا انتِ
فتون : هههههههههه ذاك اول ياعمووووو .. الي كنت أتلزق فيك اما الحين يسلملي سعودي حبيبي يوديني كل مكان أبيه ..
صالح : وسعود كلها يومين ورايح مين بيدلعك وقتها ؟
فتون بغرور : والله يدلعني الي مصلحته وحياته ودنيته كلها عن طريقي أنــــا
صالح : أنا مادري وش الحظ الي طيحني بوحده مالها طريق الا منك انتي
فتون : ههههههههه تستاااااهل ((وكملت بهمس : وتدري ان عبير مستحيل تمشي معاك وتسوي الي انت تبي لأن حنان صديقتها حييييييل وبتزعل منها لو درت .. فمالك الا أنا وبس
صالح : يلعن ام المذلة ياشيخة .. يصير خير يافتون يصير خير
فتون : ههههههههههههههههههههههههههههه
صالح بتنهيدة : اضحكي اضحكي .. والله عشان عيونها هي باتحمل منك كل هالمذلة يالتبن
فتون وهي مستانسة حدها : هههههههههههههههههههههههههههههههههههههههههههههههههههههههه
هالمره ضحك صالح : ههههههههه أوريك .. عساي أشوف فيك يوم تترجيني وتبوسين ايدي عشان تبين شغلة وأذلك مثل ماتسوين ..
فتون رحمت عمها : ههههههه أفا عليك ياعمي والله ماذلك أنا الا أحببببببببك
صالح : لا والله إلا خفتِ ربي يستجيب دعوتي ..
فتون : حبوووه عموو أنا فتون أهوووون !
صالح : لا فتون ماتهون بس مو عشانها الا عشان الغالية ذيك عسى يومي قبل يومها
فتون بضحك : آمين وانا بعد
صالح : وشو الي انتي ؟
فتون : عسى يومك قبل يومي ..
صالح بقلة صبر : فتون مع السلامة
فتون : ههههههههههههههههههههه باي

وسكرت ومشت للبنات لقتهم يشربون القهوة ومرام مكشرة وبالقوة تشرب ضحكت فتون على شكلها وهي تقول : شفيك تتغصبينها خلاص ترا مو لازم تشربين
مرام : مو حضرتها عبير تحدتني أكمل الفنجال كله وأنا تعرفيني ما أنهزم لو وش يصير
عبير : والله لك ساعه وانتِ ماغير تذوقين بس والتحدي تشربينها وهي حارة مو اذا بردت تبلعينها بسرعه
مرام : يععععععععع قسم بالله انها خايسة مادري شلون تشربووون
فتون وهي تشرب : والله انها تجنن ماعندك ذووووق
مرام شربت شوي وقالت وهي مكشرة من الطعم : طيب على ايش التحدي والله ما أتجرع هالسم على الفاضي
عبير : وش تبين بعد مافي شي اساومك عليه !
مرام : كريماتك ..
عبير وهي تخبي الكيس ورى مسندة الكنب : اتركي كريماتي بحالها خلصتوا ربعها ياسخيفات
فتون باستهبال : وباقي واحد ماجربته بعد
عبير : انتِ قربي منهم وماتلومين الا نفسك !!
فتون : أجل ليه ماشريتيلي ؟؟
عبير : وليه أشريلك رايحة بنفسك للسوق وماغير تدورين على ملابس الرياضة أبعرف انتِ متى تشبعين منها؟؟؟
فتون : عمري ما أشبع منها وهم بعد كل شوي يطلعون ملابس رياضية تجنن

مرام بازداء وهي تطالع فتون من فوق لتحت : عاد ماشفنا تغيير يافتون !
فتون درت انها تقصد جسمها وقالت : والله من الغيييييرة الي مو قادرة تصيرين مثل رشاقتي
مرام : هههههههههههه من زين هالرشاقة عاد شوي وتطلعلك عضلات وتنافسين اخوي فيصل
فتون : يعععععععع تقارنيني باخوك ياحمارة ..
مرام : تنكرين ان اخوي جسمه رياضي ويهبل وعضلاته مفتولة تجنن !
فتون : ما انكر ان جسمه رياضي بس وش جابني له أنا مابي عضلات ابي بس جسم مشدود
عبير : وماشاء الله صار جسمك مثل ماتبين خلاص اتركي الرياضة
فتون : لا والله اتركك انتي ولا اتركها
عبير طارت عيونها باختها وهي تشرب القهوة ومرام :هههههههههههههههههههههههه كذا الأخوة ولا بلاااااااااااش

ضحكت فتون وكملوا سوالف وضحك لين رجع خالد وفيصل للبيت ..
دق فيصل على مرام وقالها انه ينتظرها برا ..

قامت مرام لبست عبايتها والطرحة وشالت اغراضها ونزلت وأول ماطلعت الحوش شافت خالد يمشي ليدخل . . ولا شعوريا وقفت عند الدرج تطالع فيه
خالد وقف أول الدرج .. رجل على الدرج ورجل على الأرض وقال وهو يطالع عيونها : انبسطتي اليوم ؟
مرام وهي تهز راسها : الحمدلله
خالد بابتسامة جذابة : حلو
مرام : الله يحلي أيامك .. (( وسحبت نفس وهي تنزل الدرج وقالت : مع السلامة
خالد : حياك الله
وأول مامرت من جمبه شم ريحة عطرة منها وعقد حواجبه وهو يلتفت ويناديها : مرام !
دارت مرام لتطالعه باستفهام وردت : هلا
خالد : حاطة عطر وانتِ طالعة ؟
مرام : لا ماحطيت
خالد : بس أنا شام ريحة عطر
مرام اتذكرت : اااااه هذا مو عطر .. هذي كريمات شرتها عبير وجربناها
خالد : المهم انها ريحة عطرية
مرام : طيب ؟؟
خالد بنبرة قوية : شالي طيب ؟ تطلعين الشارع وانتِ بهالريحة ؟
مرام ماستوعبت موقفه وقالت : عاد وش اسوي؟؟ حطيت الكريم من أول والريحة مسكت فيني !
خالد : وانتِ متعودة دايم على هالحركات ؟
مرام مافهمت : اي حركات ياخالد انت وش تقصد ؟
خالد ماجاوب عليها وقال : هالمره زين ان فيصل اخوك هو الي بيوصلك ولا لو السواق كان خليتك تدخلين تغسلين قبل تطلعين ..
ودار عنها بسرعه ومشى لداخل البيت وسكر الباب وراه

ظلت مرام لحظات واقفة بمكانها مو قادرة تستوعب الموقف .. ليه عصب عليها بهالشكل وعاملها بهالطريقة .. وحست انه بيجي يوم تفقد عقلها بسبته !! وضاق صدرها وطلعت من البيت وبهدوء صامت ركبت السيارة مع فيصل ومشوا .


********

يوم سفر سعود في بيت الجد

الكل مجتمع العمان وحريمهم وعيالهم ليودعون أول حفيد ..
وصلت سيارة حاملة بس البنات وخالد .. وسعود وصل قبلهم مع أمه وأبوه
نزل خالد وسبقهم لداخل البيت .. وعبير وفتون من وراه .. وأول مادخلوا الحوش شافوا خالد واقف مع تركي و عمه صالح

صالح من مكانه : هلا ببنات اخوي الغاليات هلا ..
فتون باستهبال : هلا بعمي حبيبي اشتقتلك .. وسلمت عليه بمرح
وبعدها اقتربت عبير بنعومة وسلمت على عمها وهي تقول : هلا والله عمي شلووونك
صالح واهو يقلد عليها نعومتها ودلع صوتها : عمك بخير انتي شلونك ؟
عبير بضحك : الحمدلله .. وتلاقت عينها بعين تركي ومسرع مانزلتها واهي تقول : شلونك تركي ؟
تركي : الحمدلله .. أخبارك عبير !
عبير بهمس : تمام ..
فتون : شعندكم واقفين برا ..
صالح : بيننا سوالف مانبي أحد يسمعها عندك مانع ؟؟
فتون : أبد ماعندي مانع لأني باسمعها معاكم .. وانتي ياعبيــر رو ....
قطعت كلامها يوم شافت عبير تاركتهم وتمشي لداخل البيت وخالد يدف فتون من كتوفها ويقول : اذلفي يالله ورى اختك اشوف .. هذي العاقلة .. (( ويأشر على عبير .. مو انتي الي ماعندك غير التليقف
فتون : إي أزين عشان يصير مني فايدة بنظرك !
صالح : انتوا من عرفتكم ماعندكم غير المناجر ..
خالد : والله كله بسبة هالقرقورة من يوم احنا صغار تناشبنا وتركي يشهد بعد ..
تركي الي كانت عيونه معلقة بوين مادخلت عبير وماسمع كلامهم وهو يحس ان فيها شي غريب .. وقال بلعثمة : اي والله .. سعود غالي .. و فراقه مو سهل !

طالعوا فيه كلهم بذهول وفتون الي فهمت السالفة وعجبتها قالت وهي ترجع بخطواتها على ورى : فيه نااااس واااااجد فراقهم صعب مو سهل ..
ضحكوا عليها وخالد رماها بنظرة غضب خلتها تضحك وتدور عنهم لداخل البيت


دخلت فتون الصالة الكبيرة الي تجمع كل العيلة .. ولقت عماتها وبنات عماتها وحريم عمانها وعيالهم كلهم بالصالة مجتمعين الي يسلم والي يباشر بالقهوة والي يسولف .. سلمت على الكل وبالآخر قعدت جمب بنات عمتها .. وجدان و بشاير .

وجدان تضرب فخد فتون : توك تجين انتي واختك يالبايخات
فتون كشرت وهي تفرك فخدها : عاد العزيمة لاخووووي لازم يكون لنا طلة
بشاير : ايه هذا انتي قلتيها لاخووووووك يعني المفروض انتوا تجون بدري تصبون القهوة وتباشرون .. مو احنا الي من جينا ماقعدنا دقيقة وحدة
فتون :هههههههههه أجل هذا الي قاهركم ؟؟
وجدان : اي والله وكل ماقعدت خزتني امي بنظرة تخرع وأرجع اقوم مره ثانية
فتون :هههههههههه وناسة .. أوكي يالله انا توني جاية وماضيفتوني
بشاير : انقلعي والله انتِ بالذات مانضيفك

أم وجدان من بعيد : قومي ياوجدان صبي لمرة خالك

وجدان بحمق : هاه شفتي ؟
فتون استاسنت وصارت تضضضضضضضضضضحك عليهم

بشاير قرصتها بقووووووة وقامت مع اختها تدور بالحلى

صبوا لأم سعود قهوة وضيفوها وبعدها رجعوا يدورون من جديد على الأهل ويوم وصلوا لفتون
بشاير : اتركيها ياوجدان لا تصبينلها
وجدان : اي والله لو تموووت ما أصبلها
واتعدتها هي وبشاير

وفتون قالت : اوريكم يالنجساااااااااات .. (( والتفتت لعمتها تقول : عمتي شوفي بناتك يضيفون الكل الا انا يتعدوني ولا كني آدمية قاعدة !!

أم وجدان تهاوش بناتها : هـَو شهالحركات يابنات ؟؟

بشاير : محنا مضيفينها يمه وهي من جت تتريق علينا اننا نشتغل وهي قاعدة
وجدان : بعدين العزيمة لاخوها المفروض هي تدور مو احنا

أم سعود : والله انتوا فيكم الخير يابنات وعقبال ماشوف كل وحدة تدور بالقهوة بعرس اختها

البنات بصوت عالي : آآآآآآآآآآآآآآآآآآآآآآآآآمين

ضحكوا عليهم وعلى خبال بنات هالايام وهبالهم على الزواج

جا وقت العشا وقاموا كل الحريم يتعشون وفضت الصالة الا من البنات بس

وهم :

عبير وفتون

وجدان وبشاير بنات عمتهم سعاد
العمة سعاد ماعندها غير هالبنتين
وجدان 17 ثاني ثانوي .. وبشاير 16 أولى ثانوي

ريما بنت عمتهم وفاء
العمة وفاء ماعندها الا بنت وحده وثلاث عيال متزوجين
ريما 25 متزوجة وعندها ولد صغير اسمه أسامة

منال ونهى
وذولا عرفناهم من قبل

" نرجع لقعدة البنات "


فتون تكلم نهى : وش الغدا يانهى ؟؟
نهى : مفطـّحات !
فتون : يووه يعني لازم هالمفحات بكل عزيمة ؟؟
عبير : وش تبينهم يسون بعزيمة أخوك بيض وجبنة ؟؟
فتون : لا يجيبون خروف ماقلنا شي بس يسوونه مشاوي مثلا مب لازم رز ولحم بهالشكل

وجدان : ويشوون الراس بعد ههههههه
فتون : يوه وعاد لازم الراس يعني ؟
وجدان : طبعا الي مايحط الراس يبيله قص راس
فتون : والله منظرة وأتحدا أحد منهم ياكله

بشاير : الا والله مخ راس الخروف لذييييييذ
عبير +فتون : يييييييع

نهى : هههههههههههههه عاد أمانه بشاير قيد أكلتوه ؟؟
بشاير وهي تضحك : اي والله مره امي طبخته بالفرن وفكت الراس وطلعت المخ وذوقتنا والله طعم

فتون وهي مكشرة : الحمدلله على النعمة !

ريما الي كانت حايسة بترضيع ولدها وتلبيسه : أقول نهى تعالي امسكي اسامة حبيبتي خليني اروح أتغدا

فتون : وش تتغدين ماتسمعينهم يقولون مفطّح !!
ريما : وخير ياطير والله هالمحل بالذات يهبل مسوين مندي يجنن

فتون التفتت لمنال وشافتها ماسكة جوالها تحوس فيه ومهي معاهم .. تذكرت وصية سعود يوم يقولها حسني علاقتك بمنال وقالت : وانتي يامنال ليه ماتتغدين ؟
رفعت منال راسها وقالت بهمس : مو مشتهية

نهى المرجوجة : أكيييييييد ماراح تشتهين وحبيب القلب بعد ساعات بيساااااافر
ضحكوا عليها و منال قالت : انقلعي والله مو عشان كذا
نهى : هاه أجل وش عشانه ؟؟؟؟؟
منال : وانت شدخلك ان شاء الله يالله قوليلي انتي بعد ليش ماتتغدين ؟؟
نهى : انا معاكم .. قمتوا قمت قعدتوا قعدت

ريما : أجل اقعدي بالله وامسكي ولدي وانا بروح آكل (( وحطت ولدها بحجر نهى وطلعت عنهم
نهى تموت بالاطفال وصارت تلاعب الصغير وتضحكه وتبوسه ومتونسة معاه

عبير ابتسمت لمنال وقالتلها : شفيك منال ؟؟
منال بادلتها الابتسامة وهي تقول : مافيني شي بس كذا مو مشتهية آكل
عبير : لا مو عشان الأكل بس شكلك من أول مو طبيعي
منال بخاطرها .. ومن وين بكون طبيعية وأخوك روحي فيه وهو مو حاس فيني

بشاير وهي تغمز لمنال : الظاهر صدقت نهـــــــى !
منال : ياشيخة انطمي انتي وهي ماعندكم سالفة

وقفت عبير ومسكت إيد منال وقالتلها : تعالي معاي

وقفت منال ومشت معها للباب وفتون من وراهم : على ويييييييييين ؟؟؟
عبير : مو شغلك انتي يووه !

وطلعوا لبرا البيت وين مالحوش تزينه قعدة صغيرة حلوة وقعدوا فيها وعبير قالت : أمانة يامنال قوليلي شفيك ؟
منال وهي تحاول تبتسم وماتخلي ملامحها تفضحها : مافيني شي عبير انتي ليه حاسة ان فيني شي ؟؟
عبير : باين على شكلك وكلامك ونظراتك ان فيك شي كبير بعد
منال بتنهيدة : طيب وش تتوقعين ؟
عبير : شي متعلق بسعود موو ؟
منال : كان ودي أكتم هالشي بس الظاهر صدق ملامحي فضحتني
عبير : وشالي مضايقك منال ؟؟
منال : أشياء أنا الي أوهمت نفسي فيها بغبائي وقعدت أنتظرها تتحقق ولا هي مالها وجود أبد
عبير : شقصدك مافهمت ؟؟
منال : ياعبير انا مني متصورة ان سعود بيبعد سنتين والعلاقة بيني وبينه باردة بهالشكل ورسمية لأبعد الحدود
عبير : بس انتي يامنال الي قلتي موافقة ولا سعود كان مو عاجبه سالفة انه يسافر واهو ماتمم شي بينكم !
منال : وش تبيني اقول يعني !! أصر وألزم يصير شي قبل يروح ؟ صعبة تجي مني ياعبير ان ماجت منه هو صعبة انا الي أتكلم !
عبير بضيقة حيلة : والله مادري وش اقولك يامنال خصوص ان سعود خلاص بيسافر اليوم !
منال : لاتقولين شي ياعبير وبالعكس مابي يحس سعود بشي ويمكن يتضايق واهو خلاص رايح !
عبير : كان ودي أسوي أي شي عشانك
منال : ماتقصرين يابنت عمي ويكفي سؤالك الحين واهتمامك (( ووقفت واهي تقول : قومي بس ندخل لايطلع واحد من الرجال ويشوفنا
عبير : تلقينهم غاطسين بالمفطحات ومو دارين عن أحد
منال :هههههههه والله ماظنيت تركي ياكل معاهم
عبير باهتمام : وليه ماياكل عسى ماشر !
منال : هو كذا مايحب الدسم ولا يستمتع فيه أبد
عبير : أجل وش يحب ياكل ؟
منال : يموت على السلطات لو ماياكل غيرها بحياته هو راضي
عبير وودها تعرف عن تركي أكثر : والحلويات يحبها ؟
منال : برضو على حسب اذا كريمة ودسمة مايكالها
عبير وهي تضحك : والله ولد عمي ذواق !
منال : هههههههه بس والله متعب امي شكلها بتزوجه وتفتك
عبير خفق قلبها من هالطاري وقالت : اوه ماشاء الله وهو وش رايه ؟
منال : ماخذ السالفة مزح واستهبال للحين مافكر بجدية
حست عبير بضيق من هالطاري .. ماتدري لمتى بتكبت مشاعرها بهالشكل ومتى يحس فيها ويحس بحبها له من هي صغيرة !

وماانتبهت الا على صوت فتون ونهى طالعين لهم ينادون عليهم
فتون : بالله ما فطستوا من الحـــــــــــــــــر
منال : الا والله حرررررر
نهى : تعالوا بالله نشغل النافورة ونقعد هناك
منال : اما انتي يانهى عليك أوقات مادري شتبي ؟؟
نهى : ليه شفييييييك ؟
منال : أول شي حر ماينطاق سواء بنافورة ولا بغيرها .. ثانيا الرجال ممكن يطلعون بأي لحظة ولا تحسبينا كلنا مظيعين الحجاب مثلك ؟
نهى : كيفك انتي وفتون مدلعات وماتتحملون ولا شوية حر (( ومسكت ذراع عبير ومشت وهي تقول : أنا باقعد مع عبير
عبير : اي طيب نقعد داخل
نهى وهي تمشيها غصب : لا مابي داخل والله مليت امشي ندور شوي نتفقد أحوال الرعية
عبير بضحك : مب صاحية انتي .. اوكي اتركي ايدي اقدر امشي اتركيني
نهى : لا أخاف ترجعين مثل هالنذلات منال وفتون
عبير : لا مو راجعة بس اتركيني ..
نهى اتركتها : يالله ياويلك !!!

مشت نهى وعبير جمبها والتفتت نهى تبي تشوف النافورة الا استغلت عبير وضعها ودارت عنها تبي ترجع بسرعه لكن وين تروح عن نهى الي من شافتها دايرة مسكتها وقرصت ذراعها وعبير تضحك وتصارخ : هههههههه آآآآآي ياحمارة إيدي .. آآآآي نهى ياهبلة اتركيني لا يطلعون الرجااااال علينا
نهى وهي عاصرة شفايفها بشكل وحشي مضحك وقابضة ذراع عبير بايدينها الاثنين وتسحبها وتقول : تستاهلين هذي جزاة الي يكذب على نهى
عبير : نهى اتركيني ياحمارة .. ( وقرصت إيدها وهي تقول : فكي ذراعي ياربي ماتحسين انتي ماتتعورين ؟؟
نهى : هههههههههههه انتي قاعدة تدغدغين ايدي مو تقرصينها !
عبير : طيب اتركيني يانهى ترا بازعل منك والله عورتيني
نهى : أحسسسسسسن عشان لاعاد تعيدين هالحركات
عبير : طيب خلاص مو عايدتها يالله فكيني ..

فاجأة فلتت نهى ذراع عبير مما خلى عبير تفقد توازنها وهي بالصندل الرفيع .. وطاحت على الأرض باللحظة الي انفتح فيها باب الرجال وطلع منه تــركي !!!

شاف تركي عبير طايحة على الارض وتفرك ذراعها بألم وهو اتصنم يوم شافها !
كانت لابسة بنطلون أسود وبلوزة فستقي مخصرة كمها لتحت الكتف باصباعين ومع هالشكل حست عبير انه بيغمى عليها وهي تشوف تركي واقف قدامها يطالعها!!

نهى أخيرا هي الي اتحركت ومدت إيدها لعبير وهي تقول : آسفة عبير ماقصدت أطيحك والله آسفة
عبير اتجاهلت ايدها وقومت نفسها بنفسها ومشت مسرعه لداخل البيت وتركي لازال يتابعها بنظراته مايدري شالي صار فيه ويبسه بهالشكل !

نهى : تركي لا تطالع بالبنت عيب عليك غض البصر !
طالعها تركي بصرامة وقال : وش سويتيلها انتي ؟
نهى : كنت أمزح معها والله واسحبها وفاجأة تركتها الا هي طاحت !
تركي : انتي ماتبطلين حركات البزران هذي لا مع الصغار ولا مع الكبار
نهى خافت ورجعت على ورى وهي تقول : زين لا تعصب قلتلك كنت أمزح !
تركي : وهذا مكان تمزحين فيه قدام مدخل الرجال ؟؟
نهى : وانا وش دراني انك بتطلع المفروض انكم كلكم تتغدون !!
تركي : والله عاد ماجازلي الأكل وطلعت عندك مانع ؟؟؟
نهى : خلاص طيب لا تعصب ماصار شي
تركي : بنظرك انتي ماصار شي .. وحسابك بالبيت يالبزر .. (( وصرخ فيها : انقلعي على داخل يالله !
نهى بحمق : طيب ..
ودارت بسرعه وهي تخبط الارض بمشيها لين دخلت البيت

وتركي ظل واقف بمكانه لحظات بعدين رجع لداخل البيت واهو يحاول يطرد صورة عبير من باله !!

دخلت نهى ولقت عبير جالسة جمب فتون ومبين عليها متضايقة حيل من الموقف .. !! مشت نهى لها وهي تبتسم لكن عبير قالتلها بنبرة زعل : تدرين انك سخيفة ؟؟
نهى نطت وضمتها وهي تقول : آسفه يابعد عمري والله ماقصدت
عبير : وخري بس عني قال ماقصدت
نهى وهي تقعد جمبها : والله ماقصدت ياعبير خلاص لاتزعلين يكفي الي جاني من تركي !
فتون : وش سوالك ؟
نهى : هاوشني والله وتوعدني بالبيت
عبير : أحسن تستاهلين
نهى : اي أستاهل اذا كانك بترضين علي !
عبير : ...............
نهى : يالله عبير والله ماقدر على زعلك أمانة سامحيني
بشاير ووجدان كانوا رايحين يجيبون لهم بباسي ويوم رجعوا سمعوا نهى تترجى عبير ترضى
بشاير : خييييير مين مزعل عبووورة ؟
وجدان : أكيد مافيه غير نهى ولا فتون
فتون : لا والله لاتظلموووني هذي نهى الخبلة
بشاير : وش سويتيلها يانهى
نهى بضيق وهي تطالع بعبير : طيحتها بالحوش على طلعة أخوي تركي وشافها طايحة !!
وجدان : واااااااااااااااااااااااااااه !!
بشاير : هههههههههههههههههههههههههههههه وش سوا بالله !
عبير : وش بيسوي بعد .. انفجع ويبس مكانه ماتحرك
وجدان معجبة بتركي وحست بالغيرة وقالت : اي أكيد بينفجع عاد من حلاة المنظر
نهى : يالله عاد عبير قوليلي وش اسوي عشان ترضيييييين
عبير : لاتسوين شي
نهى : طيب خلاص لاتزعلين قلتلك آآآآآآسفة
عبير : طيب خلاص آسفة أسفة
نهى شافت فتون مكشرة وقالت : وانتِ فتون شفيك بعد شاركتي عبير الزعل
فتون وهي تطالع الساعه : مو عشان عبير
نهى : أجل ؟
فتون وخانقتها العبرة : سعود بعد ساعة بيطلع المطار !!!!!
وجدان : ياعمري يوصل بالسلامة ان شاء الله
البنات : آمين

بعد ساعه
كانوا كل الحريم بالصالة بعد الغدا
دخل وائل أخو منال يقول بصوت عالي : اسمعـــــــوا وعــــــــوا .. سعود بيدخل يسلم عليكم لانه بيطلع المطار

أم سعود : ياعمري ياوليدي .. وقامت تشوفه..
والبنات لبسوا حجاباتهم

وشوي الا دخل سعود لابس بدلة السفر ويسلم على عماته ويتوادع منهم ومنال فز قلبها واهي تشوفه وحست دموعها بتخونها وتطلع .. وبالقوة حبستها !!
وبعد ماسلم على العمات .. مشى للجدة الي لازالت بوعيها وصحتها نوعاما دام سعود أولى أحفادها ..
انحنى سعود لها وباس راسها وقال : يالله يمـه انا مسافر الحين توصين على شي ؟؟؟
الجده : انتبه على نفسك يبه وانتبه من الطريق واذا جاك النوم جنـّب السيارة وارتاحلك شوي
سعود :هههههههه ياعمري يمه انا مسافر بالطيارة مسافر ابريطانيا !
الجده : وينها ذي عسى مب بعيده ؟؟؟
سعود مايبي يقلقها وقال : لا قريبة لاتخافين بس اهم شي لاتنسينا من دعواتك الطيبة
الجده : الله يسهل دربك ويرجعك بالسلامة ياوليدي
باس سعود ايدها وقال : الله يسلمك يمه .. يالله مع السلامة
الجده : بحفظ الله

وقف سعود ودار لجهة البنات وأشر بإيده لهم واهو يقول : يالله بنات أشوفكم على خير
البنات : ان شاءالله .. توصل بالسلامة يارب
سعود : آمين تسلمون .. هاه ماوصيكم على خواتي ياويل ويلكم أسمع أحد مآذيهم ولا مزعلهم ترا بجي أذبحكم وأرجع
نهى : ههههههههههههههههههه زين نسوي عشان نجيبك تشوف أهلك مره وحده
سعود : لاااااا مشكورة ماتقصرين بس اركدي اهم شي وخلي عنك خواتي
نهى المرجوجة : عبير ممكن لكن فتون خذها معااااااك
فتون : يالييييييييت والله أمنيتي هذي
ابتسم لها سعود بحنان وبعدها اتلاقت عيونه بمنال الي كانت تراقبه من دخل ويتفجر بداخلها ألف شعور وشعور
وابتسم لها ابتسامة عذبة حاول يخصها فيها عشان يريح ضميره انه مو مسافر وتاركها ورى ظهره

وبعدها طلع عنهم ومشى للحوش وام سعود والبنات معاه .. ومايحتاج أوصفلكم شلون دموع أم سعود كانت .. ومعها فتون وعبير يبكون بشكل يشهد ان محبة سعود غامرة قلوبهم كلهم بشكل كبير

::


أخيرا ظهر تركي بالقصـة .. شرايكم فيه ؟؟؟
منال ومشاعرها الي تحسها تجاه سعود .. وسعود الي يحاول يتصنع بهالمشاعر
كيف بتكون علاقتهم ؟؟؟

وبقية الحبابيب

تهمني آرائكم

::

يتبع
aomroena
aomroena •

الجزء الرابع

::

وصلت الطائرة لمطار هيثرو تحمل بداخلها سعود وأنس ..
أنس صديق سعود من أيام الدراسة والجامعه .. مو بس صديق إلا أخو .. دومهم يتمون أمورهم ويا بعض واتفارقوا بسبب سفر سعود لدارسة الماجستير والدكتوراة بالخارج .. ومن بعدها رجعوا لبعض وظلوا دايم مع بعض وحتى هالسفرة يوم تقررت سافروها ويا بعض ..

نزلوا بتعب واستلموا أمتعتهم واتوجهوا لأحد الفنادق الراقية المحجوزة بأساميهم من قبل مايجون .. أنس على طول نام من التعب .. لكن سعود نزل لمقهى الفندق ومعاه اللاب توب ليشوف عنوان الشركة وأمورها الي بيبدون الشغل فيها من بكرا ..

كان قاعد على الطاولة وطلب نسكافيه وظل يشتغل بالكامبيوتر لما اتقدمت المظيفة بصينية النسكافية وابتسامة عذبة على محياها واجب عليها ترسمها لظيافة النزلاء .. ! لكن سعود مانتبه لها واهو منهمك بالشغل .. الا يوم سمعها تعيد عليه بالانجليزي :
?? any thing else
" تبي شي ثاني ؟؟ "

رفع سعود عيونه وابتسم لها واهو يقول :
no thank you
" لا شكرا "

المظيفة بابتسامة :
if you need anything call me please
" اوكي لو احتجت اي شي ناديني بليز "

سعود :
yes sure
" أكيد "

وابتعدت المظيفة واهي تبتسم واهو عقد حواجبه مستغرب من شكلها ! شي في شكلها خلاه يستغرب بس ماعرف وشو .. رجع يشتغل على اللاب توب .. ثواني ونسى الي صار ! وبعد ساعات من الشغل المتواصل حس بالتعب وسكر اللاب توب وصعد للجناح ينام .

من بكرا الاثنين كان أول يوم دوام بالشركة
داوم فيه سعود وأنس بكل نشاط .. رجعوا للفندق جوعانين ودخلوا مطعم الفندق وطلبولهم أطباق مشكلة .. وقعدوا على أحد الطاولات يسولفون .. ودقايق واتقدمت نفس المظيفة ومعها عصيرات .. وابتسامتها العذبة على وجهها وهالمره طالع فيها سعود بوضوح واهو يحاول يتبين شالغريب فيها !! وبعد ما ابتعدت قال : أنس طالع بالمظيفة اذا رجعت شوف ماتحس فيها شي غريب !
أنس : شي غريب مثل وشو ؟
سعود : مدري أحسها مو نفس المظيفات فيها شي يختلف عنهم بس مادري مو قادر أميزه !
أنس بضحك : وانت شدخلك فيها الحين ! غريبة ولا مو غريبة ..
سعود : مدري لفتت نظري بس على قولك انا وشلي فيها !!
أنس : ماقلتلي شرايك بقسمك الي حطوك فيه !
سعود : ممتاز والله .. ولو اني ماتعودت أكون تحت أحد يأمرني بس يلا نجرب شعور المرؤوسين
أنس : عاد تصدق أنا أبد مو مرتاح بقسمي
سعود : ليه شالي مو مريحك ؟
أنس : مو تخصصي ولا اهتمامي وكل شي جديد والي معاي أجانب مو انجليز
سعود : وأنا نفسك حبيبي بس بالعكس هذا من صالحنا
أنس : شلون
سعود : نجرب شي جديد مختلف .. (( ودار عيونه عن أنس لحظات .. وأنس لاحظ عيون سعود الظايعة من خلفه والتفت ليشوف وش الي يطالع فيه سعود ومالفت نظره شي .. رجع يطالع بعيون سعود واهو يقول : شفيك انت بايش تطالع !!
سعود : ياخي هالبنت غريييييبة !!
أنس : منهي هذي !
سعود : إهي ماغيرها الي تظيفنا .. تو جا واحد من النزلاء يكلمها والظاهر يبي منها شي .. ولو تشوف شلون طالعته بنظرة نارية وصدته عنها وبعدت !
أنس بعدم اهتمام : اي مو كل المظيفات يرضون يذلون انفسهم عشان الفلوس ..
سعود وعيونه تلاحق المظيفة : بس طالع أنس حتى لبسها محشم مو مثل الباقيات !
أنس : لا خلاص حبييييييتها أنا
سعود باستغراب : حبيتها ؟
أنس : أندري عنك انت تمدح فيها كنك تبيني أحبها غصب .. ياخي كمل غداك بس خلنا نقوم من هنا والله تعبان وأبي أريح ..
سعود : هههههههه يقطع ابليسك ..

وكملوا غداهم وقاموا والمظيفة كانت عند الباب تبتسم وتودع .. ويوم جا يطلع سعود طالعها بنظرة طويلة وهي ابتسمت ابتسامة سريعة ودارت وجهها عنه ومشت وتركته بعالم من الاستفهامات .. !!

*******

السعودية
بيت أبو فيصل

صحت حنان على الساعه 7 الصباح .. وتقلبت بفراشها بملل .. جفاها النوم ولاتدري اذا قامت وش بتسوي .. ؟ ظلت بفراشها تقلب بالجوال ويوم ملت قامت للحمام غسلت وغيرت ملابسها ولفت وشاحها حول رقبتها .. وطلعت وهي تدري انها مو لاقية أحد .. الي بدواماتهم والي نايم ..
نزلت الصالة وتفاجأت يوم لقت أبو فيصل بثوبه وشماغه مستعد للخروج
حنان وهي تمشي : صباح الخير عمي
ابو فيصل : هلا حنان صباح النور
قعدت حنان على الكنب وأبو فيصل يقول : وش مصحيك هالوقت ؟
حنان : مادري عجزت لانام
ابو فيصل بحنان : تعبانة فيك شي ؟
حنان : لا والله عمي مافيني شي بس نومي متلخبط هاليومين
ابو فيصل : انتبهي عل نفسك حبيبتي
حنان : ان شاء الله عمي
أبو فيصل وهو يوقف : يلا انا رايح الشركة توصين على شي ؟
حنان : لا والله سلامتك
ابو فيصل : زين مع السلامة
حنان : مع السلامة
وتبعت ابو فيصل بعيونها لين طلع وبعدها قامت للمطبخ تسويلها نسكافيه وأخذتها وطلعت غرفتها وفتحت النت .. وفتحت على منتداها ومتنفسها الوحيد الي تشكي فيه كل همومها وأحزانها بدون ماحد يدري منهي


بنفس هالوقت كان صالح بالدوام يفكر بالسالفة الي عرفتها فتون عن حنان وماقالتها له للحين وانتظر لين صارت الساعه 10 ودق على فتون وهو مأمل انها تكون صحت .. لكنها ماردت وعاد عليها الاتصال ولاردت راح أرسلها مسج :
" كلميني ضروري "

وعلى الساعه 12 دقت فتون عليه وكان عند مقهى الشركة اهو وخويه حسام
صالح : هلا صح النووووووووم
فتون بكسل : صح بدنك
صالح : بالله توك تقومين ؟
فتون : يعني من شوي .. ليه فيه شي ؟
صالح : أول شي شلونك ؟
فتون : الحمدلله
صالح : أخبارك وأخبار الاهل
فتون : كلنا بخير الحمدلله انت شلونك ؟
صالح : تمام الحمدلله ..
فتون : أحس وراك شي !
صالح : اي والله وراي جدار
فتون : ههههههههههه تنكت انت وجهك
صالح : اي أنكت عندك مانع
فتون : لا بالعكس كثر منها خلني اتونس حدي طفشااااااانة
صالح : خلي العطالة تنفعك
فتون : والله الظاهر بتطلع اجازتي من عيوني كثر ماتعايروني فيها
صالح : تستاهلين المهم اسمعي
فتون : هلا
صالح : بجي اليوم أتغدا عندكم
فتون : يااااي وناسة .. حياك الله
صالح : الله يحييك ومن الحين باتفق معاك تدبرين اي فرصة نكون لحالنا وتعلميني بالسالفة
فتون :ههههههه انت للحين تفكر فيها ؟
صالح : وذبحني التفكير فيها بعد خلاص ارحميني وعلميني
فتون : اووووكي ان شاء الله اعلمك اليوم بس شالمقابل ؟
صالح : بدت تذل !! بوديك السوبرماركت تختارين الي تبين
فتون : أحــــــــلى يسلملي هالعم
صالح : يالملصلحجية يلا قومي الحين على المطبخ ابي سفرة أشكال والوان
فتون :هههههه مالقيت الا انا
صالح : اي وانتِ وش ناقصك عاد
فتون : مانقصني شي بس ماحب المطبخ .. يلا خلني اروح أبلغ امي
صالح : اوووكيك .. سلام
فتون : باي .

وبعد انتهاء الدوام رجع صالح على بيت أخوه واتغدوا سوى ..
وبعد الغدا طلع الكل يريحون بغرفعهم .. وأخيرا انفرد بفتون وقالها : يلا خلصيني وعلميني
فتون : وش تبي تعرف ؟
صالح : مادري عنك انتي الي ذاك اليوم تقولين عرفت شي عن حنان بيقربك منها بشكل ماتتصور !!
فتون : وانا صادقة
صالح : زين وشو علميني تكفين
فتون : طيب عمي صالح بس أمــــــــــــــــانة ماتعلم أحد ترا لو درت اني انا اصلا عرفت بهالشي بتزعل مو عاد اني أعلمك انت !!
صالح والشوق متملكه على الآخر : طييييييب يافتون والله مو معلم أحد خلصيني
فتون : أمانة برقبتك عاد !!
صالح : زييييييييين وشوووووو ؟؟؟؟؟؟؟
اتعدلت فتون بقعدتها وقالت : السالفة ياطويل العمر ان حنان قبل فترة كانت نايمة عندنا .. وكان معها لاب توبها تورينا صور وأشياء المهم يوم جينا ننام قالت انها تبي تشبك على النت شوي .. تركناها انا وعبير ونمنا وهي سهرت بالصالة على النت .. بعد ساعة انا ماجاني النوم وطلعت اشوفها .. ولقيت لابتوبها مفتوح وهي راحت المطبخ تسويلها شاهي .. ضرب عرق الفضول عندي اشوف هي وش تسوي وقعدت قدام لاب توبها ولقيتها فاتحة منتدى مسجلة فيه وتشارك وتكتب .. طالعت بالاسم المكتوب لقيته اسمها وبهالشكل عرفت اسمها بالمنتدى والظاهر انها تكتب دايم بهالمنتدى وتحط أسراها كلها فيه

صالح بحماس : يارهيييييييبة انتي وش اسمها قولي ؟؟
فتون باستهبال : لا مو قااااااايلة
صالح : بتقولين غصب عليك ولا ترا بنتفك تنتيف
فتون : يمممممممااااه كل ذا عشانها
صالح : عشانها ولا مو عشانها قولي وبس
فتون : طيب بقولك بس والله خايفة تدري وتذبحني
صالح : وشالي بيدريها انتي اذا قدرتي تسكتين كل الأمور بتمشي تمام
فتون : هههههههههههههههههههه وش قصدك يعني عشان علمتك الحين
صالح : لا بالعكس هذا أنجح شي سويتيه بحياتك بس قوليلي وش اسمهااااااااا
فتون : "بقايا جروح"

سكت صالح فاجأة وعاد الاسم مره ثانية : ...... بقايا جروح ؟؟
فتون : ايه ..
صالح عاد الاسم بنبرة حزينة : بقايا.. جروح ............ ياعمري عليها !!
فتون : انا يوم قريته انكسر خاطري مره وبسرعه قمت لاتجي تشوفني قدامه وتعرف اني كشفتها .. وبعد ماراحت فتحت النت من عندي ودخلت منتداها لقيت مافي غيرها بهالاسم

صالح باهتمام : اممهمم .. خلاص فتون لاعاد تعلمين أحد غيري ولاحتى عبير !
فتون : لا مو معلمة أحد
صالح : لانها لو حست ان احد عرف بتغير اسمها أكيد ويالله من وين بنعرفه مره ثانية
فتون : طيب سؤاااااال يطرح نفسه ؟؟
صالح : خييييير
فتون : وش بتسوي الحين بعد ماعرفت ؟؟؟
صالح : بارسلها فايروسات
فتون : وشووووووووو ؟؟؟؟؟؟
صالح : أندري عنك انتي وش بسوي يعني باقرا مواضيعها بس
فتون : طيب وماتبي تعرف وش اسم المنتدى ؟
صالح : اييييي والله اني مهوي وش اسمه صح ؟
فتون : ههههه ياحليلك .. مو حافظته بشوفه من كامبيوتري وبارسلك اسمه على الجوال وانت عاد سوي بحث بقوقل ويطلعلك
صالح : حلو يلا قومي ارسليه الحين
فتون : اصبر اذا فتحت الكامبيوتر ارسلته
صالح : الليلة فتون
فتون : ان شاء الله
صالح وهو يوقف : يلا انا بامشي خلاص هالوقت متعود أنام ..
فتون وهي تقوم معاه : و متى الوعد ان شاء الله ؟؟؟؟
صالح : يوووه يالبلشة والله فتون تعبان انا لحين
فتون : مو شغلي والله انا ماوافقت الا عشان وعدك لي
صالح : أوف منك انتي يلا البسي عباتك بسرعه واستناك بالسيارة
فتون : طيراااااان أجيك
ولو شفتوها وهي تركض لغرفتها كان قلتوا انها فعلا تطير .. وبسرعه لبست عابيتها ونزلت الدرج .. وطلعت وركبت مع عمها ومشوا للسوبر ماركت

*****

ابريطانيا

مساء يوم السبت راح سعود وأنس لمول قريب من الفندق يشرون أغراض محتاجينها
داروا المول وشروا الي يبون .. وبعدها قعدوا يتعشون بالمطاعم المفتوحة ..
أنس : لي كم يوم ما كلمت أهلي ومشتاااااااق لهم وربي
سعود : مالومك أنا الي أكلمهم كل يومين اشتقت لهم
أنس : الله يخارجنا من هالغربة على خير
سعود : آمين الله يسمع منك والله كسروا خاطري خواتي وامي وهو يبكون ليلة السفر
أنس : يوه مثل حالاتي وبالقوة سحبت نفسي منهم وطلعت وأول ماركبت السيارة بكيت
سعود : ههههههه لاعاد أنا أقوى منك مابكيت
أنس : انت متعود على السفر والتغرب أنا أول مره
سعود :و ان شاء الله تكون آخر مره
أنس : آمين
وكموا عشاهم وقاموا يطلعون .. وهم يمشون بالأسياب انتبه سعود لبنت جالسة على أحد الكراسي وساندة راسها على الجدار من ورى وحاضنه شنطتها ومبين التعب بوجهها
تأملها سعود لحظات وفاجأة قال : أنس أنس شوف هالبنت !!!
أنس : وين ؟؟
سعود : ذيك الي قاعدة على الكرسي ومسكرة عيونها مو كنها المظيفة الي عندنا بالفندق؟؟
أنس : والله ياسعود ياكثر المظيفات هناك شدراني
سعود : لا تذكر المظيفة الي كلمتك عنها ذك اليوم !!!
أنس : ايييييه تذكرتها
سعود : مو كنها هذي هي !
أنس : لاااااا ماظنيت أبد .. ذيك مبتسمة وش حلاتها اما ذي شكلها تعبانة ولاتعرف للزين
سعود وهو يتأملها : عندي احساس انها هي !
أنس : أقول امش نطلع بس هي ولا موهي احنا شدخلنا ..

ومشوا للسيارة ولقوا عليها ورقة مخالفة لأن المواقف بابريطانيا بفلوس .. وهم قعدوا بالمول أكثر من الوقت الي دفعوا عليه المبلغ بالمواقف !!!
أنس وهو يطالع ورقة المخالفة بعصبية : يووووه خالفونا وحنا تأخرنا دقايق بس
سعود : حسبي الله عليهم وعلى نظامهم
أنس : امحق نظام حتى على الدقيقة يحاسبون
قرى سعود الورقة وقال : بس والله حلو النظام
أنس وهو يدخل الورقة جيبه : حلو النظام هنا بس مو علينا احنا الي ماتعودنا عليه
سعود : هههههه وانت صادق ويننا احنا ووين الأنظمة

وركبوا السيارة وأول ماجو يمشون .. انتبهوا للبنت الي كانت على الكرسي طالعة ومعها بنت ثانية محجـبة !! ركبوا البنات السيارة ومشوا وسيارة أنس وراهم والطريق كان واحد اثنينهم وقفوا قدام الفندق !!

ونزل أنس وسعود والبنت الي شافوها نزلت من السيارة وسلمت على صديقتها وراحت عنها
سعود وهو يطالع البنت : ماقلتلك انها هي !
أنس : اي صدقت ويبيلك جايزة
سعود : هههههه لابس عشان أثبتلك
أنس وهو يطالع البنت وهي تدخل الفندق : بس غريب شكلها تعبانة ومكشرة !
سعود وعيونه على البنت الي بدت تبتعد : أكيد حبيبي وقت الظيافة لازم يبتسمون ويرسمون البشاشة على وجيههم لو وش ماكانوا متضايقين !
أنس : لالالا غلط يوم دخلت انت إدارة أعمال كان لازم تدخل علم نفس
سعود وهو يدفه من كتفه : أقول اهجد انت اتكلم جد انا ما استهبل
أنس وهو يضحك : طيب صح كلامك بس عاد تراك أدوشتنا فيها
سعود : مادري ياخي هالبنت فيها شي غريب ولافتني لها !
أنس : الله يعينك

دخلوا الفندق وصعدوا جناحهم وقعدوا يتفرجون على فلم وبعد ساعه من السوالف داهمهم النوم ونـاموا .

******

صباح يوم مشرق في السعودية الكل بدواماتهم ماعدا اثنين
فتون وحنان
فتون بدا الملل يداهمها وهي الي مادخلت الجامعة هالترم .. سجلت ثلاث ايام بالاسبوع بنادي رياضي تتونس فيها وكونها بعد مجنونة رياضة
بعد مانتهت من النادي طلعت ومرت على عبير بالجامعة وظلت تنتظرها بالسيارة لحظات وطلعت عبير وركبت وهي تقول : ليش مادخلتي ؟؟
فتون : مافيني عبير والله جاية من النادي تعبانة
عبير : بايخة والله كنت أبي صديقاتي يشوفونك
فتون : اعزميهم بيتنا خل يشوفوني
عبير : والله الظاهر باعزمهم فشلة كل وحده عزمت البنات الا انا ماعزمتهم
فتون : خلاص اعزميهم الخميس ماعندنا شي
عبير : بشوف عن ظروفهم ان شاء الله
فتون : اسمعي وش رايك نوقف نتغدا بأي سوق
عبير : الحمدلله ذا وقته ؟؟؟
فتون : اي هذا وقت غدا
عبير : ادري بس حر وتعب اصبري يمكن اطلع بالليل أنا ومنى تعالي معنا
فتون : أجي معكم ماعندي مانع بس بعد الحين ابي نروح مكان
عبير : والله بتعصب امي طابخة ونروح ناكل برا
فتون : لا تونا بدري 12 ماظنيتها طبخت الحين
عبير : كلميها شوفي
فتون : طيب وحتى لو مارضت بنمر السوق لو ناخذ ايسكريم
عبير : يعني الا والا تفرفرين ؟؟
فتون : اي والله زهق وابي اغير جو

دقت على أمها ولأن الوقت كان بدري وماطبخت فماعترضت عليهم .. وراحوا البنات السوق ونزلوا طلبولهم أكل وقعدوا ينتظرون وفتون فتحت جوالها وهي تقول : بوريك فيديو يفطس من الضحك ارسلته لي عهود صديقتي
عبير : وشو وريني ..
فتحت فتون الفيديو وورتها المقطع الكارتوني الي في ولد صغير ينادي أمه وهي نايمة :
لويس لويس لويس .. مام مام مام .. مامي مامي مامي .. ماما ماما ماما.. ماه ماه ماه .. مام مام مام .. مامي مامي .. ماما ماما ماما
والأم تعصب وتصرخ فيه : واااااااااااااااااات ؟؟؟؟؟؟
الولد : هاي هيهيهيهيهيهيهيهيهيهيهيهيهيهيهيهيهيهيهيهيهيهيهيهيهيهيهيي !

عبير بلا شعور : ههههههههههههههههههههههههههههههههههههههههههههههه غبي غبي غبي
فتون :ههههههههههههههههههه مب صاااااحي يرفع الضغط
عبير :هههههههههههه ارسليله اياه بسرعه .. وفتحت البلوتوث
حاست فتون بجوالها وطولت ما ارسلته
عبير : يالله بسرعه
فتون ارتفع صوتها : اصبري ياعبيييييييير

وشوي جاها رسالة تنبيه ان في بلوتوث واصل وهي وافقت بسرعه بدون ماتقرا الاسم على أساس انه من فتون
وأول مافتحت اتفاجأت برسالة من شخص تقول : فديت هالضحكة وصاحبتها : 05559... الخ
اخترعت عبير وهي تقول : فتون في واحد مرسلي !!
عبير : واحد منهو ؟
عبير : مادري شكله حولنا يقول فديت هالضحكة .. وججججع
أخذت فتون الجوال وشافت وقالت : وكاتب رقم جواله بعد!!
عبير : اييييه الله ياخذه .. قومي بس مابي يحس اننا ارتبكنا
فتون : وين نقوم نروح ؟
عبير : ناخذ غدانا ونطلع
فتون وهي توقف : وجع يوجعه الي خرب علينا الحمار
كتمت عبير ضحتكها ومشوا ياخذون طلباتهم بدون مايلتفتون للي لحقهم وقام وراهم ويوم ركبوا السيارة ركب ومشى ورى سيارتهم ..

السواق مصطفى : هدا رجال في امشي ورى سيارة أنا من زمان
فتون : كذاااااااااااب عسى مايكون هو !
عبير : ماعليك يامصطفى امشي عادي ..
مصطفى : بعدين يعرف بيت احنا
عبير : والله صرت خبرة بهالحركات يامصطفى طيب لاتخليه يمشي ورانا ادخل هنا ولف كل اللفات بسرعه عشان يظيع
مصطفى اتحمس : طيب
ولف من أقرب لفة كانت بالشارع وبسرعه لف اللفة الي بعدها يمين بعدين يسار بعدين يمين وفتون طالعت من الشباك الي ورى ومالقت ولا سيارة وقالت : الحمدلله شكله ظاع !
عبير : اشوى الحمدلله .. يلا مصطفى روح البيت
مصطفى : ماعرف طريق !!!
عبير : ماتعرف طريق البيت ؟؟؟؟؟؟؟؟؟؟؟؟
مصطفى : انا ماعرف طريق من هنا لازم روح برا شارع مره ثاني عشان عارف
فتون :خخخخخخخخخ يعني بنرجعله مره ثانية والله حالة !
عبير : لا ان شاء الله يكون مل وراح .. خلاص ارجع يامصطفى والله انك مشكلة

رجع مصطفى للشارع ومشى فيه الا لقى السيارة واقفة بمكانها تنتظرهم وعادت تلحقهم من جديد !!!!!!!
عبير : وججججججع ماتحرك الحمار
فتون : حطنا بباله الزفت
عبير : يوه مابي يلحقنا ويعرف بيتنا والله بيوقعنا بمشاكل
فتون : وش نسوي طييييييييب
عبير : شكلي بافتح البلوتوث وأرسله فكنا منك
وفتحت البلوتوث ولقته متواجد أرسلتله : لو سمحت لا تلحقنا وتوقعنا بمشاكل
بعد ثواني جاهم الرد يقول : دقي علي دقة وبعدها أوعدك أروح عنكم

عبير : مصدق عمره هذا يبيني أدق عليه ويعرف رقمي !
فتون : لا والله يعرف بيتنا أحسن من رقمك
عبير : يعني شالحل !!
فتون وهي تضحك :ههههههه عندي فكرة !
عبير : وشي ؟
فتون : دقي عليه من جوال مصطفى !
عبير :ههههههههههههههههههه جبتيها والله .. مصطفى هات جوالك
عطاها مصطفى الجوال ودقت على رقمه دقة وحده وسكرت .. وبعدها شافوا السيارة عكست طريقها وراحت
فتون : ههههههههههههههه رااااح أخيرا مابغى يفكنا التبن
عبير : بس زين انها جت على كذا
ورجعت عبير لمصطفى الجوال وكموا للبيت مرتاحين
بس ياترى هل بتنتهي السالفة على كذا ؟؟؟؟


دخلوا البيت ومعاهم أكياس الغدا .. وسلموا على أمهم ويوم شافت أكياسهم قالت : وش هالاكياس ماتغديتوا بالسوق ؟؟؟
عبير : هاه .. لالا .. فتون صدع راسها وأدوشتني يالله يالله
فتون وهي تمسك راسها : اي اي .. مادري شجاني صداااااع بروح أنام ..
أم سعود : ياعمري خذيلك حبتين بندول
فتون : لا مايحتاج ان شاء الله اذا نمت ارتاح وبعدين آكل
راحت عبير المطبخ وحطت الأكل بالفرن وطلعت وقالت لأمها : يمه بروح آخذلي شاور وأنزل
أم سعود : يالله زين ..
طلعت عبير الغرفة ويوم دخلت شافت فتون قاعدة معصبة وقالت : الحين انتي ليش ورطتيني؟؟؟؟
عبير : يعني تبين اقولها السالفة وتذبحنا ؟؟؟؟؟
فتون : لاقوليلها انك انتي مصدعة مب انا
فتون : مادري عاد طلع معاي اسمك
فتون : واصلا حتى لو درت بالسالفة مب قايلة شي لاننا ماغلطنا !!
عبير وهي تفصخ عبايتها : لا ياحبيبتي تعرفين امي ماتمرر هالسوالف على خير وبتقعد تراقب وتتأكد .. وبتقول ليه تفتحين البلوتوث أصلا وليه أرسلك .. وليه ضحكتي بصوت عالي وليه وألف ليه وأنا مالي خلق صراحه

وأخذت ملابسها ودخلت الحمام وفتون رمت نفسها على السرير وكنه الصداع صدق جاها وسكرت عيونها بتعب ودقايق وغطست بالنوووووم ..

طلعت عبير من الحمام وشافت اختها نايمة وابتسمت وصكت الستارة ونزلت الصالة شافت امها قاعدة
عبير : يمه
ام سعود : خير يمه
عبير : سعود دق اليوم ؟؟
ام سعود : لا بس ان شاء الله يدق بالليل
عبير : امانة ان دق خليني أكلمه لي أربع ايام ماكلمته
عبير : ان شاء الله اذا دق اناديك هو بعد سأل عنك آخر مره يقول ماغير فتون الي ترد علي بكل مره وينها عبير !
عبير : ياعمري ياسعود .. خلاص بكلمه الليلة ان شاء الله
ام سعود : اختك نامت ؟
عبير وهي تكتم الضحكة : اي نامت توها
ام سعود : مادري وش سالفة الصداع معاهم تو خالد داق علي يقول استأذن من الدوام وطلع مصدع بالحيل
عبير : يوه شفيه هو بعد ؟
ام سعود : اكيد من السهر طوال الليل سهران مانام غير ساعتين
عبير : ياحليله وسهران على ايش؟؟
ام سعود : على هالنت الي ماصار نت الا صار ادمان
عبير :هههههههه وحتى انتي يمه ادمنتي معنا
ام سعود بضحك : أنا اقعد شوي مب مثلكم اذا قعدت الوحدة لو تنفجر قنبلة حولها ماحست
عبير : والله انا بكل مره اقعد أكون أبي شغلة وحده .. وهالشغلة عاد تسحب الثانية والثالثة والرابعة ومانتبه للوقت الا وانا قاعده لي كم ساعه
ام سعود : اي هذا انتم مراجيج
عبير :ههههههههههههههههههه حلوة مراجيج طيب قوليلي يمه محنا رايحين مكان اليوم ؟
ام سعود : لا وين نروح ؟؟
عبير : مادري بس انا كلمتني منى اليوم تقول مادوامت و ودها تطلع معاي فبشوف ان كان ماعندنا شي طلعت معها
ام سعود : لا والله ماعندنا ولا شي
عبير : زين أجل بكلمها

ودقت عبير على جوال منى واتفقوا على الوقت ..
وبعد دقايق وصل خالد ودخل وهو باين تعبان
خالد : السلام عليكم
عبير+ ام سعود : عليكم السلام
أم سعود : ياعمري ياخالد شكلك تعبان
خالد وهو يقعد : اي والله أحس راسي بينفجر
ام سعود : قومي ياعبير هاتي البندول من فوق الدولاب
عبير : ان شاء الله .. وقامت جابت لأخوها الدوا وكاس موية وعطته ..
أم سعود : خلني أعطيك شي تاكله بعدين روح نام
خالد : لا مابي والله مو مشتهي شي
ام سعود : مب لازم تكثر كِلك شوي بس
خالد : وش آكل اصلا تو الوقت بدري خلص الغدا ؟؟؟
ام سعود : لا ماخلص بس خواتك جايبين من برا أكل بحطه لك

عبير بصدمة : يممممممممه حنا ماجبناه عشان تأكلينه خالد !!!!!!!!!!!!
أم سعود : حرام عليك أخوك تعبان مب قادر يفتح عيونه وماتبينه ياكل !
خالد مثـّل انه طايح وتعبان !!
عبير : شوفي بالله قاعد يستهبل لا مالي دخل ماتعطينه
أم سعود : باعطيه شوي منه مب كله
عبير بزعل : يمممااااااااه
ام سعود : وصمـّه
خالد يضحك عليها : كككككككككككككككككككككككككككككك
عبير بحمق : وتضحك انت ووجهك مسوي تعبان بس عشان ياكل غدانا
خالد : الله اكبر عاد اني ميت على غداكم بس عناد فيك باكله كله
وقام للمطبخ !!
عبير من وراه : ياوييييييييلك ياخالد والله ياوييييييلك
خالد : ههههههااااي وش بتسوين امانة ؟؟؟؟؟
عبير : اسوي الي اسويه المهم ياويلك تاكله كله
خالد راح لأمه وهي تغرف ومسك الملعقة منها وهو يقول : عنك يام سعود عنك
ام سعود : روح انت ارتاح وخلني اغرف
خالد : لالالالا انتي روحي ارتاحي
وأخذ الملعقة منها وغرف كل الي بالصحن وعبير جت جمبه وهي تقول : عاد بق شوي بتعاندني انا اوكي لكن فتون وش ذنبها بالله ؟؟؟؟؟
خالد : تاكل من الغدا اذا خلص
عبير : وجع حرام عليييييييك
خالد مطنشها ودار عنها وقعد على الطاولة بالمطبخ وهو يقول : اللااااااااه ريحته تهبل
عبير : يمه شوفييييييييه !!!!
ام سعود : خلاص عاد لا تنشبين بحلقه ان شاء الله بتطلعون الليلة واطلبوا الي تبون
عبير عصبت وطلعت وهي تقول لخالد : جعلك طحله يارب
خالد :ههههههههههههههههههههههههههههههههه

وطلعت من المطبخ معصبة وشوي الا رجعت وقالت : تراني باطلع الليلة مع منى وانت الي بتودينا من الحين ضبط امورك ونام زين
وطلعت وهو من وراها يقول : دام السالفة فيها بيت خالتي ابشري من عيوني الثنتين
أم سعود : ماعليك منها اذا تعبان خلي السواق يوديهم
خالد : لا عادي انا بعد ابي اغراض من فيصل باخذها مره وحده
أم سعود : على راحتك اجل

صعدت عبير الدرج وهي تفكر بكلامه .. كانت من زمان تحس انه يحب مرام ويهتم للروحة لبيت خالته .. لكن الحين تحسه اتغير وبالعكس كم مره بكت منه مرام ومن نرفزته عليها ولا نظراته الجامدة لها وتصرفاته الغريبة .. هذا وش يسمونه طيب يحبها ولا مايحبها ؟؟؟

طردت من راسها الافكار وراحت غرفتها واتمددت على سريرها بتنام .. وانرسمت صورة تركي قدامها وهذا معناه ان ماعاد فيه نوم !! حست قلبها بينفجر من كثر حبها وشوقها لهالانسان .. وماتدري شلون توصله ؟؟
بعد فترة من التقلب بدون نوم .. قامت وفتحت شنطة الجامعة وطلعت كتبها وأوراقها تضبطهم .. وكتبت بعض ملخصاتها ومر الوقت وهي حايسة بين دروسها .. لين انتبهت للساعه 5 وشوي وبتصحي فتون عشان تجهز ويطلعون ..

رجعت تتمدد على السرير وهي تقلب بالجوال لين وقعت عيونها على رقم تركي وخفق قلبها بقووووة !! آه ياتركي والله مشتاقة لك حييييييييييل وانت وينك عني لا تحس فيني ولا تسأل !! وعجزت تقاوم رغبتها بسماع صوته واحتارت شلون تسمع صوته وتكلمه وبأي حجة !! وفكرت تدق على منال وتسأل عنه يمكن يكون جمبها وتطلع أي فرصة تكلمه .. ودقت على جوال منال بحماس وكانت المفاجأة ان جوال منال مفصول !!!

ابتسمت عبير بفرحــــــــة لهالمفاجأة لأن طرا على بالها الحين تدق على جوال تركي وتطلب منال !! بس هو مايعرف رقمها ويمكن مايرد !! وماسمحت للأفكار تلعب فيها أكثر وبكل فرح قعدت بسرعه وراحت لرقمه وسحبت نفس عميق ودقت !! رفعت الجوال لاذنها وايدها بدت تعرق من توترها ورن الجوال ولوهلة كانت بترجع تسكره مره ثانية لكن شوقها لصوته كان أقوى منها !! ومع كل رنة يرنها تزيد دقات قلبها أكثر واستمر الرنين بلا إجابة لين فصل !!!
سكرت عبير الجوال بضيق وحست ان مافي فرصة تسمع صوته وهالشي بيولع قلبها أكثر وأكثر !! رمت الجوال جمبها وسندت راسها على الجدار وسكرت عيونها .. وبعد ثواني بسيطة دق جوالها !!
انتفضت عبير من سمعت الرنين وانتبهت لفتون وهي تفتح عيونها بانزعاج ..
وأخذت الجوال بسرعه ويوم طالعت لقت
المتصل : تركي !!

قلبها صار يضرب طبووووول وهي تطالع فتون بخوف
فتون بكسل : شفيك منهووو ؟؟
عبير : تركي يافتون تركي !!!!
فتون باستغراب : تركي ؟؟؟ وش يبي داق
عبير : انا داقة عليييييييييه
فتون : انتي ؟؟؟؟ طيب ردي عليه الحين لا يفصل بعدين حكيني
عبير : ياويلي ياويلي .. احم احم

وردت : الوو
تركي بصوته الهادي : مرحبا
عبير : أهلين
تركي : عفوا اختي بس قبل شوي أحد اتصل على جوالي من هالرقم
عبير : اممم .. هلا تركي
تركي : ................. أهلين مين معاي ؟
عبير : أنا عبير
وبلعت ريقها بصعوبة
تركي بعد صمت ثواني خلى قلب عبير يطيح :
هــــــــــــــــــــــــــــللللاااااااا وغــــــــــــــــــــــــــلللااااااااااااا

عبير اتيبست وفتحت عيونها بوسعها لانها ماكانت متوقعة منه كل هالترحيب الحار وحمـــــــــر وجهها حتى فتون سمعته وغطت فمها بالمخده عشان لايطلع صوتها وهي تضحك
وتركي كمـل : شلوووونك عبير ؟؟
عبير بحرج : بخير الحمدلله انت شلونك تركي ؟؟
تركي : بخييييير دامك بخير
عبير وقفت وصارت تمشي ومو عارفة شلون تتكلم وبالقوة قالت : سامحني أزعجتك بس دقيت على جوال منال ولقيته مفصول وقلت اسألك عنها
تركي : اهااااااا .. وانا الي قايل ياحليل بنت عمي داقة تسلم على ولد عمها وتسأل عنه طلع عشان منال أجل هاااه ؟؟
عبير اتمنت هاللحظة تقول لااااااااااااااااا عشانك انت وبس مو عشانها .. ولهت عليك انت وابي اسمع صوتك .. وقالت : لا وعشانك بعد يعني كنت أقدر ادق على بيتكم واسأل عنها بس قلت مره وحده أكلمك أسلم عليك وعليها
تركي : اي كذا حلوو ..
عبير ضحكت بحيا وماردت
تركي : وأخبارك وأخبار فتون والأهل
عبير : كلهم تمام الحمدلله ..
تركي : اي عبير ماسألتك
عبير : آمر !
تركي : شلونك بعد الطيحة ذاك اليوم ؟؟؟؟

عبير غطت وجهها بإيدها وهي تتذكر الموقف وحست انها بتموت من الفشيلة وهو شلون يسألها ويدري ان هالشي محرج بالنسبة لها ولاردت عليه .. وهو حس فيها وقال : عادي عبير كلنا نطيح مافيها شي بس انتي عسى ماتعورتي ؟؟؟
عبير بهمس : لا الحمدلله عدت سليمة
تركي : الحمدلله وهذي نهى لعنت ابو سكافها
عبير : هههههه لا حرام عليك
تركي : قلعتها ذي ماعندها حدود لا مع كبير ولا صغير
عبير : ياحبيلها ..
تركي : ياحبك لمين ؟؟؟
عبير انحرجت من هالسؤال .. وقالت بلعثمة : لـ نهى !
تركي : بس نهى ؟؟؟
عبير ماتت من الحيا : .......................
تركي : ههههههههه شفيك سكتي ؟؟؟؟؟
عبير تضحك بحيا : مادري شقووول
تركي : عادي عبير تحبيننا واحنا نحبكم أهل احنا مووو ؟؟
اتنهدت عبير من خاطر وهي حست ان افكاره حييل بعيدة عن افكارها وقالت : اي عادي طبعا عادي
تركي : ههههه ياحبيلك
ابتسمت عبير وكلمته ماأثرت فيها وهو فهمها ان هالشي عادي كونهم أهل بس !
وتركي قال : أجل تبين منال ؟؟؟
عبير : بعد إذنك ..
تركي : انتي تامرين أمر
عبير : مايامر عليك عدو
تركي وهو يمشي بالبيت ويقول : خليني اشووووفها ..
وصار ينادي : مناااااااال .. منااااااال
وعبير مركزة كل حواسها معاه وبصوته وأنفاسه وكل شي فيه
ورجع قالها : لحظة يمكنها تحت

عبير : معليه تركي تعبتك معاي
تركي وهو ينزل الدرج : افا عليك تعبك راحة عبير
عبير بنعومتها : تسلم
نزل تركي وصار يدور منال تحت وهو يغني بصوت رخيم :
من سنين .. إفترقنا من سنين
وابتعد كل في دربه
بس شوقه والحنين
شالهم في قلب قلبه
كنت أظنه ينسى حبي
أو يخونه يوم صبره
الله الله كيف ينسى
اللي قلبه حب مرة

ركزت عبير كل حواسها بكلمات الأغنية وحست انه كنه يقصدها بهالكلمات ودمعت عيونها وفتون طالعتها مندهشة !!!!

وشوي الا قال تركي : عبير !
مسحت عبير دموعها بسرعه وقالت : هلا تركي
تركي : مو لاقي أحد الظاهر كلهم طالعين حتى مرة أبوي مو لاقيها
عبير : اها مو مشكلة خلاص سلملي عليها
تركي : يووووصل ان شاء الله
عبير : اوكي تركي باي
تركي : عبير
عبير : هلا
تركي : خلينا نسمع صوتك دايم
عبير بالقوة كتمت تنهيدتنها وقالت : ان شاء الله تركي
لاحظ تركي ان صوت عبير فيه شي وقال : شفيه صوتك اتغير ؟؟؟
عبير : لا لا مافيني شي والله
تركي : أكيد ؟؟؟
عبير : اي والله مافيني شي .. يالله تركي اشوفك على خير
تركي : على خير .. مع السلامة
عبير : مع السلامة

سكرت عبير وعلى طول انفلتت دموعها وصارت تبكي من كل قلبها
قامت فتون مخترعة وهي تقول : وش صار فيك انتي انواع المشاعر بهالمكالمة شوي ضحك شوي حيا والحين دموع شفييييك ؟؟؟
عبير وهي تبكي : مايحس يافتون مــــــــــايحس !!
فتون : وعسى عمره ماحس تقعدين تبكين عشانه !!! بالطقاق الي يطقه هو على اخته
عبير : لانك ماتحسين بالي أحسه تقولين هالكلام !!
فتون : واضحة ياعبير تحبينه وهو مايحبك خلاص ليه تتعبين عمرك معاه اتركيه ولاتفكرين فيه !!
عبير وهي تقوم : وعلى بالك هالشي سهل ؟؟ كامبيوتر احنا اضغطي شي يشتغل واضغطي شي يمسح ؟؟؟؟
فتون :هههههههههههههههههههههههههههههه ياليتنا كذا والله وناسة
عبير : وناسة بعينك انتي الثانية
فتون : يالله عاااااااااد لا تعصبين بالله وقومي ننزل ناكل تراني جوعااااااااانة ونفسي بالي شريناه
التفتت عبير لها وضحكت وهي تقول : اي صح انتي مو دارية بالي صار !!
فتون : وشو ؟؟؟؟؟؟
عبير : خالد الحمار أكل غدانا كلللللله ؟
فتون نطت : ايش؟؟؟؟؟؟؟؟؟؟؟
عبير : هههههههههه شوي شوي .. والله اتهاوشنا وانتي نايمة وعاندني وأخذ الصحن كله غرفه وأكله !!!
فتون وهي تركض للباب : وجع ان شاء الله دايم يسويها فينا بس انا اوريه
عبير من وراها :هههههههههههههههههه تعالي فتون تعالي
فتون بمكانها من برا : وش تبين بروح أوريه هالحمار
عبير : انا قلتله عقابا لك انت الي بتطلعنا اليوم وطبعا بندفعه قيمة كل شي نبيييييييه
فتون : أحسسسسسسسن
ونزلت تحت تسكت جوعها بأي شي سريع لين يطلعون


بعد المغرب كانوا بالسيارة مع خالد ماشين لبيت خالتهم
وخالد يغني مع المسجل :

لي صاحبٍ خذني بزينه عن كل مزيونٍ ورعبوب
روحي غدت لامره رهينه والقلب من نظراته يذوب

غضٍ يعيش اول سنينه .. ومن الدلع له طبع واسلوب
خطرٍ علي ان شفت عينه .. من نور حسنه امزع الثوب

الشمس في طلعة جبينه والليل وسط العين مسكوب
والخد يلفح ياسمينه مثل الشفق في حزة غروب

انتهت الاغنيه وفتون الي قاعدة وراه قالت : خلّوووود باسألك سؤال
قصر خالد المسجل وقال : هو انتي لسه بتسألي .. انتي بالنسبالي ايه .. !
عبير وفتون : ههههههههههههههههههههههههههههههههههههههه
فتون : مو سائلتك انا وش بالنسبة لك لاني ادري اني ماخذة قلبك كله
خالد : ههههههه ليه شايفتني كاره حياتي عشان أعطيك قلبي ؟؟؟
فتون : الا تحبني غصب عليك
خالد : الحمدلله والشكر (( ويكلم عبير : هذي مادري شلون بتحب بيوم من الايام الظاهر بتبكس حبيبها بكوس عشان غصب يحبها
فتون : لا ياعمري انا حبيبي يجي يبوس ايدي عشان احن عليه واحبه وانا الي اصد وارفض ويترجاني وانا الي اعيي ومتى ماحكم مزاجي حبيته !!
خالد : أحـــــــــــــلى يالثقيلة ومنهو هذا تعيس الحظ ؟؟؟
فتون : عاشق الغبرا هازم البطحا
عبير :ههههههههههههههههههههههه وع عليك يافتون وش هالحبيب
فتون : اندري عنكم انتوا المهم لا تظيعون السالفة وقولي ياخالد
خالد : شتبين ؟؟؟؟
فتون : باسألك سؤال وتجاوبني بكل صراحة .. انت تحب مرام ؟؟؟؟
خالد رفع حاجبه مستغرب من سؤالها وقال : وش يخليك تسألين هالسؤال ؟؟؟
فتون : اشياء ملاحظتها وباتأكد منها
خالد : وشالي ملاحظته يالفاهمة ؟؟
فتون : الحين اسألك تروح ترد علي بسؤال ثاني !!! جاوبني عشان اقولك
خالد : لاء !
فتون : ماتحبها ؟؟؟؟؟؟؟؟؟؟؟؟
خالد : اقول لاء مو مجاوبك مو ماحبها
فتون : يعني تحبها هاهاهاهاها
خالد : مب صاحية انتي وعلى اي اساس حكمتي
فتون : قلتلك أشياء ملاحظتها
خالد : وشي طيب !!
فتون : دايم اشوف مرام ترتبك لما تكون معاك وتسكت وماتتكلم كثير وهذا يعني ان في شي بينكم
خالد : هذا يعني ان هي فيها شي مو انا يالذكية
فتون : يعني هي تحبك أجل
وقف خالد السيارة قدام بيت خالته وقال : فتون اهجدي ولاعاد تطرين هالكلام على لسانك مره ثانية
فتون : ليش طيب هذا يعني انك تحبها !!!!!!
عبير : هههههههههههههههه هذا يعني وهذا يعني .. والله صاروا اخواني محللين قلوب
خالد : والله ماغير هالخبلة اختك
فتون : طيب تشوف اذا ماكشفتكم
خالد : اقول خلي عنك هالخرابيط ودقوا على البنات ينزلون (( وفتح الباب يبي ينزل
عبير : وانت وين رايح ؟؟؟؟
خالد : بروح آخذ اغراض من فيصل وأرجع
ودق على فيصل وقاله ينزله تحت .. وفيصل فتحله الباب الخارجي

دخل خالد الحوش لقى مشعل يلعب كوره هو وهاني جارهم
مشعل : هلا والله خالد
خالد : هلابك كمل كمل لعب
ابتسم مشعل وكمل لعب وخالد واقف بالحوش ينتظر فيصل ويقلب بجواله الا شوي صقعت الكورة برجله !
دخل خالد الجوال بجيبه وهو يقول : ماشاء الله كورتك يامشعل مثل كورة الملاعب !
مشعل : اي والله قويـــــة لو تضرب فيها راس الكافر يســلم
خالد : هههههههههه يلا خذ .. (( وشات الكورة لهم بقوة ..
اتحمسوا العيال وشاتوها عليه ورجع شاتها عليهم بقوة أكثر وشوي ودخل معهم باللعب وصاروا يتشاوتون الكور ..
ومشعل وهاني استخفوا من الوناسة لان خالد لعب معهم
خالد عجبته الكورة وقوتها وحب يفرحهم ونوى يشوت عليهم الكورة بكل قوتـــــــــه ..
وركض بالكورة وهي قدامه وصار باب البيت وراه

هالوقت نزلت مرام قبل منى تمشي بالحوش رايحة السيارة ولا انتبهت لوجود خالد
وخالد كان داير ظهره وماشافها .. ويوم دار بسرعه شااااااااااات الكــــــــــــورة بكل قوة ..
وطارت الكووووووورة وصقعت بكل قوتها على وجه مرام من الجمب !!!!

وانصعق خالد !!!!!!

::

يؤيؤيؤيؤيؤ !! شالي سواه خالد بمرام وشالي بيصير فيها وكيف بيكون موقفه !!
سعود ابتدا مرحلة جديدة من حياته وش سالفة هالمظيفة الي لفتت نظره ؟؟
صالح وأخيرا حصل على الوسيلة الي بيوصل من خلالها لحنان .. طيب وش الأسرار الي بالمنتدى والي راح تفاجئه !!
عبير الي بكت من تركي .. ! ياترى دموعها واحساسها بمحله ؟؟

::

يتبع


********
aomroena
aomroena •
الجزء الخامس

::

كانت الكورة قوية ومرام كانت على مسافة قريبة منها وطاحت على الأرض وهي تصرخ : آآآآآآآآآآآآآآآآآآآآآآآآآآآآآآي !!!
مشعل ركضلها وشافها وهي تحاول تقعد بصعوبة وطرحتها نازلة وهي تمسك خدها وجانب رقبتها بألم واضح !!
تركها وركض لداخل البيت وهو ينادي : يمااااااااااه الحقي مرام يماااااااااااااااااااااه

هاني خاف وهرب لبيته !!

خالد مشى لها وقلبه يخفق بكل قوووة .. وش الي سواااه فيها وهو مايدري .. قرب منها شافها تفرك خدها ودموعها مجمعة بعيونها وقال بخوف : مرام عسى ماتعورتي حيل ؟؟
شاحت مرام وجهها عنه وهي تقول : لا عادي .. مافي شي
انتبه خالد للحمار الواااااضح على خدها وانكسر خاطره وانحنى لها ومد ايده وهو يقول بنبرة ألم : قومي حياتي انا آسف .. آسف حبيبتي آسف !
طالعت مرام إيده الممدوة بنص عين وقالت : خلاص خالد لا تشيل هم انت روح
خالد : طيب خليني اساعدك .. هاتي ايدك مرام
مدت مرام ايدها وفورا مسكها خالد وعاونها على الوقوف وهي صرخت : آآآآآآآآآآآآآآه !!
خالد بخرعة : شفيك !
مرام بألم والدموع بعينها : رقبـ ـ ـتي !

طلعت هاللحظة ام فيصل ومن وراها فيصل ومنى ومشعل
ومنى تركض لاختها وتقول باستهبال : اختي حبيتبي وش سويت فيها يامجرم !
ام فيصل بخوف : هاه يامرام عسى ماتعورتي؟؟؟؟؟؟
مرام ماحبت تحرج خالد ولا هي ميتة من الألم وقالت : عادي يمه ماصار شي

مشعل بحماس وهو يمثل بإيدينه : والله انا شفت بعيوني خـالد شات الكورة بقوة رهيبة تقولون هذا لاعب مباراة !! وضربت الكورة على وجه مرام بكل قوة !!!!!
أم فيصل : ياعمري يامرام تعالي داخل خليني أشوف لايكون صابك شي قوي
مشعل : أكييييييييد صابها أقولك بقووووووة جاتها الضربة !
فيصل : الحين انت ليش ماتهجد !! من دخلت علينا وانت تحكي الي صار بس يكفي
مشعل منبهر : بس والله الشوته كانت محترفة
فيصل : اقول انقلع !

والتفت لخالد وشاف علامات الأسف بوجهه وحب يمازحه وقال : ترا لو صاب اختي حاقة حأتلك .. سامع ولا لاء !
خالد بخاطره عساني فدوة لها وابتسم ابتسامة باهته

دخلت مرام هي وأمها وأختها داخل البيت

وهاللحظة نزلت عبير وفتون ودخلوا البيت
عبير قالت : السلام عليكم
أما فتون من شافتهم قالت : ماشاء الله ياخالد شتسوي ساعه ووين البنات ذولا لاطعينا ولا يردون على جوالاتهم !
خالد : ضربت مرام بالكورة !!
فتون شهقت !! وعبير طارت عيونها وهي تقول : شلوووووون ؟؟؟
خالد : خلوا مشعل يشرحلكم عليه وصف رهيب
عبير دخلت بسرعه تشوفوهم وفتون من وراها تمشي وهي ملتفتة لخالد تقول : عسى ماتعورت عاد ؟؟؟
خالد : الا شكلها
فيصل : عاد اذا صار فيها شي يافتون بناخذ حقها منك !!
فتون انصدمت وقالت : وانا وش دخلني ؟؟؟؟؟؟؟؟؟
فيصل : ياسلام ! زي ماخالد ضرب مرام يصير فيصل يضرب فتون !!
فتون : وتلقاك تتمنى الحين ان يصير باختك شي عشان تحط حرتك فيني .. وش هالظلم ياكافي !!
فيصل : الا هذا العدل ولا شرايك ياخالد ؟؟
خالد كان قلبه محترق ووده يدخل يشوف مرام وقال وهو مو مايدري وش يحكون : كلامك صح بس اسمع ..
فيصل رفع حواجبه بانتصار لفتون وهي ضربت الأرض برجلها من القهر وتدري انه مستحيل يسويها بس انقهرت ليش حاط دوبه من دوبها !!

ضحك فيصل وقال لخالد : هاه شعندك؟
خالد : ادخل بالله شوف اختك وش أخبارها وبلغني على الجوال بسرعه
فيصل : وليه على الجوال عاد
خالد : لأني بامشي الحين
فيصل : وين بتروح مو قلت بتوصل البنات ؟؟؟
خالد : والبنات ماظنيت بيطلعون بعد الي صار وحتى لو بغوا يطلعون خلهم يروحون مع سواقكم
ودار عن فيصل ومشى للباب
وفيصل من وراه يقول : Comooon خالد !
خالد : خلني والله ماعاد لي نفس
فيصل : اوكي خلني أجيب أغراضك ربشني مشعل ومانزلت معاي شي
خالد : بعدين مو مستعجل عليها

وطلع وسكر الباب وهو حييييييل متضايق .. وفيصل حس ان خالد متضايق بزيادة واستغرب بس قال يمكن انحرج كله بسبة هالمشعل .. يقطع ابليسك مشعلوه !!

دخل فيصل وشافهم كلهم متجمعين بالصالة حول مرام وام فيصل تدهن رقبة مرام بفكس ..
فيصل : هاه بشروا ؟؟
ام فيصل : رقبتها توجعها مره
فيصل بجدية : جيب الكورة يامشعل

شهقت فتون وقالت : وش بتسوي ؟؟؟؟؟؟؟

التفتولها مستغربين وفيصل ابتسم بخبث وقال : انتي عارفة وش بسوي
نطت فتون من مكانها واتغبت ورى خالتها وهي تصارخ وتقول : خالتي شوفي ولدك المجرم يبي يشوتني بالكووووووورة !!!

ضحكوا البنات وام فيصل قالت : هـَو يا فيصل انت من جدك ؟؟؟
فيصل : وأبو جدي بعد لازم آخذ بحق اختي
فتون : اختك وراضية وماتكلمت شهاللقافة ؟؟؟؟
فيصل : مسكينة اختي مو قادرة تحكي وان ماخذت بحقها انا مين الي بياخذلها حقها

مشعل صدّق وقام يركض يجيب الكورة !!

فتون : مشعل تعال ياكــــــــــــلب !!

منى :هههههههههههههههههههههههههه وانتي من جدك خايفة ؟
فتون : طبعا لأن اخوك مجنووووووون ويسويها
فيصل :هههههههههههههههههههههههههههههههههههه وتقولين مجنون بعد ؟ لا خلاص كملت
فتون طالعت فيه باحتقار والتفتت لعبير تقول : عبير قومي نروح
فيصل ينادي : يالله يا مشعـــــــــــل بسرعه !

نزلت هاللحظة حنان بلبسها المعتاد .. أكمام طويلة محكمة الاغلاق وشال ملفوف حول رقبتها .. ومعها ساره الي دومها برفقة خالتها وتحبها حييييييل حتى حنان تموت فيها وتعتبرها بنتها
حنان : السلام عليكم
الكل : عليكم السلام
حنان : مارحتوا للحين ؟؟؟؟

منى : وشكلنا مو رايحين
حنان وصلتهم وهي تقول : ليييييه ؟؟ .. وانتبهت لمرام وهي ساندة راسها ومسكرة عيونها وأمها تمرخ رقبتها
انصدمت وقالت : وش صاير ؟؟؟؟

مشعل جا يركض ومعاه الكورة وعطاها فيصل وهو يقول بحماس : يالله يالله !!!
فتون : أوريك يامشعل والله لأوريك ولاعاد ألعب معاك ولا أشريلك ولا شي ياحيوان
عبير + منى : هههههههههههههههههههههههههههههههههه
عبير : ياعمري يافتون مصدقة انه بيضربك
فتون وهي شوي وتبكي : لانكم ماتعرفون فيصل مثل ماعرفه هذا يستمتع بأذيتي الله يكافينا منه بس
فيصل : ههههههههههههههههههههه مشعل جيب سكينه من المطبخ أكبـــــــر سكينة تلقاها !!
فتون : ياويلي وش تبي بالسكينه بعد ؟؟؟؟؟؟
فيصل : لازم الثأر يكون الضعف !!
فتون بخوف واضح : والله انك وحش !!!!!!!!!

أم فيصل : وشوله السكينة يافيصل ؟؟؟
فيصل : الحين تشوفين

فتون شهقت وقالت لعبير : الحين انتي ليه قاعدة خلاص قومي نرووووووح
حنان : فهموني وش السالفة !!

منى حكتها بالي صار .. وحنان مشت لمرام وهي تقول بحنية : ياعمري سلاماااات والله
وقعدت جمبها ومسحت على راسها بكل حنية ومرام فتحت عيونها وابتسمت لخالتها ابتسامة باهته ورجعت سكرت عيونها بتعب

جاب مشعل السكينة وأم فيصل قالت وهي تطالع السكينة بخوف : بشويش يامشعل لا تركض !!!!!
أخذ فيصل السكينه وهو يبتسم ابتسامة خبيثة بوجه فتون

فتون بلعت ريقها وهي تطالع السكينه والكورة وحست انه مستحيل يآذيها بهالشكل لو هو مجنون !! لا وبعد قدام أهله .. فأظهرت اللا مبالاه وقالت : سو الي تبي !
فيصل : قد هالكلام !!!!
فتون ولازال الخوف قارصها : إي قده وقدود !!
فيصل : زين بسم الله .. (( ووقف !

فتون انكمشت ورى خالتها وسكرت عيونها بخوف وكلهم ضحكوا عليها وهم يدرون ان فيصل يستهبل

وفاجأة شافوا فيصل يغرس السكينه بالكورة ويقصها نصين !!!!!!!
مشعل شهق وقال : لييييييييييش كووووووووورتي ؟؟؟؟؟؟؟؟؟؟؟؟؟؟
فيصل وهو يكمل القص : قايلك من زمان هالكورة لا تدخل البيت .. هالكورة خطرة وماتنفع الا بالشارع ولا بملعب .. وماتسمع الكلام وشوف وش صار لاختك بالآخر ؟؟
مشعل بكى من قلب وهو يقول : هذا خالد الي ماينبته وهو يشوت مب انا !!!!
فيصل : وحتى لو كان خالد ممكن انت بعد ماتنتبه بيوم من الايام ولو كانت كورة عادية كان مو مشكلة بس هذي تسبب بلاوي
أم فيصل باقتناع : صح يامشعل نسيت يوم تشوتها بالصالة وكسرت الدولاب القزاز وهي شوته بسيطة كانت !
فيصل : بعد ؟؟ هاه شفت !
مشعل وهو مواصل البكي : وهذي شاريها بفلوسي والحين ماعندي كورة
فيصل : وبكم هذي بعشرة .. ؟؟
مشعل : لا والله بـ عشرين ريااااااال !!
فيصل : لا كثرت ماشاء الله عليك خلاص انا بهالعشرين اشريلك ثلاث كور حلوو ؟
مشعل : بتكون خفيفة وخايسة
فيصل : عجبك عاد ولا بكيفك وشوف والله لو لقيت مثل هالكورة بالبيت لا أقص راسك مثل هالكورة الي قدامك

فتون : يمـــــه منك .. !!

فيصل رفع عينه وطالعها بنظرة خفق قلبها منها بقوة ودارت وجهها عنه !

أخذ فيصل أجزاء الكورة المقسومة وحط جزء على راس ساره كنه طاقية وصارت تضحك والجزء الثاني على راس مشعل الي شاله عن راسه وهو حمقان
فيصل : انا طالع يمه تبون شي ؟؟؟؟
ام فيصل : وين بتروح؟
فيصل : بدق على خالد مسكين طلع من هنا وشكله متضايق حيل
ام فيصل : لا عاد هوّن عليه ماصار شي
فيصل : بكلمه وأشوف
ام فيصل : زين الله معك
دار عنهم وهو يقول : مع السلامة .. ((ومشى للباب وقبل يطلع التفت لفتون وابتسم ابتسامة عادية بس فتون حستها سخرية وانحمقت وشاحت بوجهها عنه !

قعدت مرام وهي تمسك اذنها وتقول بتعب : والله أحسن اذني تصفر !
ام فيصل : قلتلك شوفي لآخر الليل اذا ماراح الألم ولا زاد خلينا نوديك المستشفى
مرام : اوكي انا باطلع غرفتي

منى : وحنا بنروح ولا لاء ؟؟؟؟
عبير : والله اتأخر الوقت الحين سكروا للعشا متى نروح ومتى نرجع خلاص مره ثانية
منى : يع ياحظي انا بكل مره اشتهي الطلعة ماتحصل
عبير : عاد وش نسوي مو بايدنا الي صار
أم فيصل : خلاص بس اقعدوا وحطولكم شاهي ومكسرات وسولفوا وياسلام
فتون :ههههههههههههههههههههههه الظاهر انتي ياخالتي الي مشتهية الشاهي والمكسرات وتجي امي بعد عشان تكمل
ام فيصل ضحكت وقالت : مافرق انتوا طيب حطولكم بباسي وشبسات وانبسطوا
منى : مابي بالبيت ابي اطللللللللع
عبير : خلاص غيبي مره ثانية ونطلع
منى : والله ان يفنشوني عاد
فتون : ازين خليك مثلي لا شغل ولا مشغلة

ضحكوا وكموا سواليف ليييييييين تأخر الوقت ودقوا على خالد يجيهم ومارد ..
دقوا على السواق وجاهم وراحوا للبيت

*****

ابريطانيا

في صباح يوم جديد طلع أنس لمكتب الشرطة يشوف أمر المخالفة ويخلص منها .. وسعود كالعادة قعد على أحد الطاولات بالمطعم وفتح اللاب توب وطلب قهوة
بعد دقايق وهو يشتغل انتبه لنفس المظيفة وهي تدور بالمطعم
طالع فيها فترة واتأملها وحس ان فيها سر هالبنت وماهي زي اي مظيفة عادية !!

قام بهدوء ومشى وهو يطالع فيها وهي مو منتبه له .. وهو اتعداها ومشى للمسؤول بالمطعم وأشرله على المظيفة وقاله يبيها هي تجيبله القهوة وطلب منه بكل مره يجي يخلي المظيفة نفسها تجيبله الطلب !

وافق المسؤول بابتسامة ورجع سعود لطاولته وهو لازال يطالعها .. وفاجأة انتبهت المظيفة لسعود وابتسمت له ابتسامة سريعة وراحت

مشى سعود لمكانه وابتسم وهو يقعد على الكرسي ورجع يكمل شغله وبعد دقايق جات المظيفة بصينية القهوة وحطتها قدامه بابتسامة وقالت :
Is this everything ??
"هذا كل شي؟؟ "

سعود وهو يتفحصها بنظراته :
Yes thank you
" اي شكرا "

دارت تبي تمشي الا سعود يناديها :
Excuse me
" لو سمحتِ "

دارت المظيفه له وهي تبتسم :
Yes !!
" نعم ! "

سعود :
do you work here always ??
" انتي تشتغلين هنا دايم ؟ "

المظيفة :
yes
" اي "

سعود :
do you live here as well ??
" انتي تعيشين هنا دايم ؟؟ "

المظيفة باستغراب من اسئلته :
No .. in a place near from here
" لاء .. بمكان قريب من هنا "

سعود :
.. ahaa
" اهاا "

المظيفة بابتسامة :
why are you asking ??
" ليش تسأل ؟ "

سعود :
oh .. nothing important .. i just feel that i care about you
" اه .. مافي شي مهم .. بس حاس اني مهتم فيك "


ابتسمت المظيفة وقالت :
thank you very much. i have to go
" مشكور جدا .. انا لازم امشي "

ودارت عنه وابتعدت وعيونه معلقة فيها

شي غريب عجيب جاذبه بهالبنت ومو مرتاح الا لما يعرف وشو ؟؟ .. وجلس يفكر هل هو شكلها المختلف عن باقي المظيفات والمائل للحشمة !! ولا هي ملامحها تذكرني بأحد !! ولا هي نظراتها ولا وش الي فيها مخليني منجذب لها بهالشكل !! ظل يراقبها طوال الوقت وهي رايحة وجايه وهي كل ماتلاقت عيونهم أبعدتها بابتسامة سريعة .. لين جا أنس وهو متنرفز وطلب قهوة وقعد مع سعود
سعود : هاه بشر ؟؟
أنس : عيوا يقتنعون ودفعوني
سعود : معوض خير
أنس : هالمره عشاني انا الي كنت أسوق ولا لو انت كان دفعتك
سعود : ههههههههه لا حبيبي انت الي مصر نظل بسيارة وحده خلاص اتحمل
أنس : ياخي مشاورينا وحدة وطلعاتنا وحدة شالي سيارتين بالله؟؟
سعود : صح كلامك أمزح معاك بس .. (( ولف وجهه شوي ورجع قال : اسمع أنس بعد شوي بتجي ذيك المظيفة تجيبلك القهوة أمانة ركز بشكلها قولي ما تذكرك بأحد ؟؟
أنس : ردينا لهالمظيفة لاحول ولاقوة الا بالله الظاهر بانقلك غصب من الفندق عشان يركد مخك شوي
سعود : ومن قالك هي رابشة مخي !! كل مابالموضوع ان في شي جاذبني لها وبس
أنس : وشو هالشي !!
سعود : مادري انت ماتحس فيها شي غريب !!
أنس : لا والله زيها زي غيرها
سعود : لا مو زي غيرها الحين اذا جت بتشوف
أنس : ومن قالك انها هي الي بتجي يمكن وحده غيرها تجيب القهوة
سعود : لا انا طلبت من المسؤول ان يرسلها هي لنا بكل مره نجي هنا
انس باستغراب : سعود !! انت وش صار فيك !
سعود : ماصار فيني ولا شي لا تشطح بخيالك بس هو الفضول زايد حبتين

أقبلت المظيفة معها صينية القهوة وأنس طالع فيها يبي يتبين شالي لافت نظر سعود فيها .. وهي ابتسمت لهم وحطت الصينية قدامهم ودارت بترجع الا سعود ناداها :
Please
" بليز "

المظيفة :
Yes
" نعم "

سعود :
its hot here, can you raise tha A/C a bit
" الجو حار .. ممكن ترفعون التكييف ؟ "

المظيفه :
yes sure i'll tell the person in charge
" أكيد .. حكلم المسؤول "
وابتسمت وراحت !

أنس ضحك بسخرية وقال : انت من جدك حران تبيها ترفع المكيف ؟؟
سعود : عادي مو حران ولا بردان بس بغيتك تشوفها زين وتحكم
انس : مافيها شي ملفت
سعود : ابد !!
انس : هي صحيح حلوة وجميلة وجسمها رشيق وقوامها نحيف وشعرها .....
سعود قاطعه : وانا ولا شي من هالي توصفه لفتني !!
أنس : هاه وشو اجل ؟؟؟؟؟؟؟
سعود بتنهيدة : مادري شي ثاني
أنس : الظاهر انت بتدوشني معاك بسبة وحدة لاهي لنا ولا علينا تكفى فكني من هالسالفة وقولي ..
سعود : شتبي
أنس : عندك رقم مديرك الخاص ؟؟؟؟
سعود : لا عندي رقم مكتبه بس
انس : لا رقم جواله ماعندك ؟؟؟
سعود : لا والله ليش ؟؟؟
أنس : أبي طريقة أجيب فيها رقم جوال مديري ..
سعود : وانت شتبي فيه ؟؟؟
أنس : مجرد علاقات
سعود : علاقات مع هاليهودي الله يكافينا منه بس
أنس : يهودي ولا مو يهودي صار انه مديري وأنا أبي أتمصلح ياخي مو عاجبني مكاني بالشغل وأبي أغير والي معاي يقولون لازم تثبت وجودك عشان تعجب المدير وبعدها سوي الي تبي
سعود : أهاااا وانت قلت تجيب رقم جواله وتدخل عليه من طريقة ثانية عشان تصيرون أخويا ويسويلك الي تبي
أنس : يعني مو بهالطريقة الي قلتها بس شي زي كذا
سعود :هههههههههههههههههههه حبيبي هالخرابيط عندنا بالسعودية بس أما هنا لا تحلم فيها !!
أنس : ليش عاد وش الفرق؟
سعود : أنا دارس سنيني كلها برا وعارف النظام .. ذولا ماعندهم واسطات ومصالح بيزنس از بيزنس ومافي غير هالكلام
أنس بضيق : أقول لاتصدها بوجهي وخلني بجرب طريقتي يمكن تنفع
سعود : بكيفك انا علمتك
أنس : المهم وين بنتعشى الليلة ؟؟
سعود : هنا
أنس : لا مابي من جينا واحنا ناكل بهالمكان خلنا نشوف غيره
سعود : لا والي يسلمك خلنا ناكل هنا لين أبرد الي بقلبي
أنس : تبرد الي بقلبك بمين ؟؟؟؟؟؟؟؟؟؟؟
سعود : المظيفة ماغيرها
أنس بعصبية : انت وبعدين معاك؟؟
سعود :ههههههههه لاتعصب خلاص بكرا ناكل برا بس اليوم خلنا هنا بخاطري أسوي شي
أنس : وش بتسوي يعني ؟؟؟؟
سعود : للحين ماقررت بس بسوي شي يخليني أرتااااااااح
أخذ أنس قهوته وشربها بلا مبالاة .. مايدري شالي قاعد يدور ببال سعود هاللحظة !

*****
في بيت أبو سعود
نزلت عبير لابسة عبايتها ومعها شنطة الجامعة بإيد وكتبها بإيدها الثانية .. وراحت للطاولة صبتلها شاهي وقعدت على الكنب ترتب كتبها بالشنطة وتعدل أوراقها

طلعت ام سعود من المطبخ وشافت بنتها حايسة بكتبها
عبير رفعت راسها : صباح الخير يمه
ام سعود : صباح النور وش تسوين ؟؟؟؟
عبير : برتب جدولي ما أحتاج هالملزمات اليوم بنزلها وأحط الملزمات الثانية ..
ام سعود : يالله بسرعه وخلصي شاهيك اتأخرتوا اليوم ماصحيتوا
عبير : خالد صحى ؟؟؟
ام سعود : اي وبالقوة صحى تعبني والله مانام امس الا متأخر
عبير : دقيت عليه أمس قبل مانام مية مره مارد

خالد نزل : السلام عليكم
عبير+ام سعود : عليكم السلام
عبير : وينك أمس أدق عليك مية مره ماترد
خالد وهو يقعد بتعب وشماغه على كتفه : اي صح انتي شهالازعاج البارح ؟؟؟
عبير : الحين هذا جزاتي بدق عليك بشوف وينك تأخرت وأطمنك على مرام !!!

أم سعود : تطمنينه على مرام !!! ليه شصاير ؟؟؟
خالد وقف : ماصار ولا شي خلاص انا ماشي توصين على شي يمه
ام سعود : اشربلك شي يبه قبل ماتروح
خالد وهو يضبط شماغه : مافي وقت خلاص مب لازم
ام سعود : زين اصبر بصبلك الشاهي بالحافظة

وقامت بسرعه للمطبخ وخالد التفت لعبير وقال : شلونها ؟؟
عبير بابتسامة مطمنة: طيبة الحمدلله بس رقبتها توجعها مادري شدخل الرقبة بالضربة !!
خالد بمرارة : مو الكورة جت على وجهها وشفته يوم مال بكل قوة على اليسار واكيد انلوت رقبتها
عبير : آه ياعمري .. بس مو كايدة لا تخاف

جت ام سعود وعطت ولدها الكاس وسلم عليها وطلع

عبير : يووووووووه نسيت ملزمة فووووق
ام سعود : روحي جيبيها بسرعه تأخرتي ياعبير !!
عبير : والله ان تذبحني فتون شوفيها طردتني تو خلتني أرتب كتبي برا !!!
ام سعود : تستاهلين انتي وياها كم مره أقترح عليكم تصير لكل وحده منكم غرفة لحالها وتاخذ راحتها فيها وتسوي الي تبي وتعييون قلعتكم أجل !
عبير : يمه غرفتنا كبييييييرة لو هي صغيرة أقولك صح نبي ننفصل بس والله مو متضايقين
ام سعود : ها والحين ؟؟ شوفيك كل شوي ناسية شي وماتقدرين تحوسين براحتك لأن اختك نايمة
عبير : عادي مب لازم آخذها باكتب ورى الملزمة الثانية واذا رجعت ببيضها !
ام سعود : ايه الله يعينك
عبير شربت نص شاهيها بسرعه وقامت لبست طرحتها ومشت للباب وهي تقول : اي يمه ترا بمر على بيت خالتي بعد الجامعة أشوف مرام
ام سعود : اي صح وش سالفة مرام ؟؟؟
عبير وهي تضحك : ولدك الخبل شات الكورة على وجهها من غير ماينتبه .. وشكلها تعورت ياعمري وأمس تقول مو رايحة الجامعة فبمر أشوفها
ام سعود : ياعمري ولا لقى غير هالضعيفة الي ماتتحمل شي !
عبير : ههههه قدرها عاد .. يالله يمه مع السلامه
ام سعود : الله يحفظكم

طلعت عبير وركبت السيارة ومشى السواق فيها للجامعة وفورا اتصلت على منى
بعد كم رنة ردت منى : يالله صباح الخير مسرع اشتقتيلي !!
عبير : هههههههههههههههههه وع عليك مادقيت عشانك دقيت أسأل عن اختك ؟؟
منى : مرام ؟؟؟؟
عبير : لا ساره !! طبعا مرام شلونها الحين ؟
منى : والله ماشفتها من البارح بروح الحين أشوفها بس ان شاء الله انها أحسن ماحتاجت تروح مستشفى ولا شي
عبير : الحمدلله .. زين بلغيها تكفين اني بمر عليها بعد الجامعة أشوفها
منى باستهبال : وانتي ماتلاقين أي فرصة الا تجين بيتنا خلاص تراك ثقـّـلتي !!
عبير : وجــــــــــــع منى انتي مو حلوة انقلعي ..
وسكرت بوجهها وهي معصبة

منى ضحكت وعلى طول ارسلتلها مسج
" ههههههههه أمزح معك يالخبلة "
وصل المسج لعبير وقرته وابتسمت هي تدري انها تمزح بس تبي تخوفها وتبين انها زعلت وماردت
بعد شوي وصلها مسج ثاني
" عبووووورة لاتزعلين والله تنورين بيتنا انتي "

ضحكت عبير وطنشتها تبي تسوي نفسها زعلانة
بعد دقيقة وصل مسج ثالث توقعت عبير انه ترجي بعد واعتذار لكنها اتفاجأت يوم قرت المسج :
" شفتي البحر وش كبره ؟؟؟ اشربييييييييييييييييه "

عبير ضحكت من خاطر .. مستحيل تكمل احسانها هالمنى ولا تذل عمرها !! الله يعين الي ياخذها !!

ومنى انتظرت يوم مالقت رد من عبير رجعت الجوال شنطتها وهي تدري ان عبير مستحيل تزعل منها وهم أخوات وأعز من خوات .. ولبست عبايتها وطلعت من غرفتها وراحت لغرفة مرام ..
فتحت الباب بهدوء وشافت مرام نايمه على ظهرها وخصل شعرها على وجهها الملائكي .. ابتسمت وقربت منها بشويش وشافت شكلها غاطسة بالنوم وماحبت تزعجها ومشت عنها ويوم وصلت الباب تبي تطلع فتحت مرام عيونها وشافتها ونادتها بكسل : تعالي ..
منى : يووه صحيتك ؟؟
مرام : لا أنا طول الليل نومي متقطع ..
دخلت منى وقعدت جمبها على السرير وقالت : هاه شلونك الحين ؟
مرام وهي تحس رقبتها : أحسن شوي ..
منى : أشوى مازاد الألم ؟؟
مرام : لا الحمدلله
منى : الحمدلله يارب .. والله مسكين خالد أمس كان شكله متضااااااايق حيل من الي سواه
مرام اتذكرت الموقف وقعدت بسرعه وهي تقول : ايييييييي صح ماقلتلك يامنى !!!!!!
منى وهي تضحك على حماس اختها : شوي شوي لا تعورين رقبتك شفيه ؟؟؟
مرام : امس حزري خالد وش قالي يوم طحت !!!
منى : وش قال ؟؟
مرام مسكت قلبها وابتسمت وقالت : مد ايده لي وقالي قومي حياتي .. أنا آسف حبيبتي !! آآآآآآآآآآآآآه ماصدقت اذني وقتها !!
منى: ههههههههه شفتي ؟؟ قايلتلك انه يحبك وماتصدقيني !!
مرام : اصبري هذا لحاله مو دليل انه يحبني
منى : هاه أجل وش تسمينه ؟؟؟
مرام : زلة لسان بس زلة حلوة كانت
منى : وهالزلة ماجت من فراغ !! الا جت من حب مدفون بالقلب
مرام بصوت عالي : وليه الحب يظل بالقلب ؟؟ ليه مايطلع ليه مايبان؟؟؟؟؟؟؟؟
منى : ههههههههه اسكتي ياخبلة لا تفضحينا .. تعرفين ان خالد من النوع الكتوم بكل شي من هو صغير .. لكن تصير مواقف تفضح مشاعره غصب عليه زي هالموقف
مرام بحزن : بس يامنى الي يصير دايم يقولي العكس .. دايم يطنشني وأدخل بيتهم وأمر قدامه ولا يلتفتلي وأحيانا نكون بقعدة وحده مايوجهلي كلام ابد !! يكلمك انتي ويكلم حنان وانا لاء !!! لكن بعض المرات أحسه يهتم فيني ويسأل عني زي يوم هاوشني على ريحة العطر تذكرين !!
منى : اي أذكر حكيتيني .. صدقيني هذي تصرفات واحد يحب ومو قادر يحكم مشاعره فصار يتحاشاك !!! وصدقيني يامرام ومستعدة أحلفلك بعد .. انك يوم الي تمرين قدامه مايلتفتلك لكن من يوم ماتعطينه ظهرك وتروحين يطالع فيك !! انا اعرف هالنوع
مرام : ومن وين تعرفين اسم الله عليك ؟؟؟
منى : ممممممممم .. تقدرين تسمينها فراسة !!
مرام :هههههههههههههه وياحلو هالفراسة ان كانها بهالشكل
منى وهي توقف : المهم انتي ارتاحي الحين وترا عبير اتصلت تسأل عنك وتقول بتمرك ان شاء الله بعد ماتطلع من الجامعة
رجعت مرام تتمدد وقالت : وهو طيب مايبي يمر يتطمممممممممن !!!
منى وهي تمشي للباب : اهجدي اقول ماخبرتك مخفوفة بهالشكل
مرام وهي تحضن مخدتها : آه يامنى أحبه وعلى قد ماتألمت من الضربة الا انها عسل على قلبي لأنها منه
منى طارت عيونها وهي تقول : ياولييييييي على هالهيمانة تكفين نامي يكفي هلوسات
مرام : هههههههه هلوسات بعينك هذا هذيان حب
منى بازدراء : اي اي طيب راجعينا بالمكتب .. باي
مرام : ههههههههه باي

وطلعت منى ومرام ظلت حاضنه مخدتها وهي تسترجع موقف أمس !
غريب هالحب ! الي خلاها تنسى ألم الضربة الي سببه خالد لها .. وتذكر بس لمسة إيده .. والكلمتين الحلوة الي طلعت غصب منه !!

*******
ابريطانيا
فتح سعود باب الجناح وهو ينادي على أنس للمرة العاشرة : أنس ترا هذه آخر مره أناديك بتقوم ولا خلاص ترا بانزل واتعشى لحالي !!
أنس والمخدة فوق راسه وغاطس بالنوم : رووووووووووح
سعود : بكيفك ..
وطلع وسكر الباب ونزل لنفس مطعمهم المعتاد .. وبنفس الدقيقة الي جلس فيها على الطاولة أشر المسؤول للمظيفة ماغيرها تروح تاخذ طلب سعود

تقدمت المظيفة لسعود وسعود ابتسم من شافها ..
المظيفة لانها تعودت على وجوده فرحبت فيه :
hi
" هاي "

سعود :
hi


المظيفه :
What do you want to order today?
" اش طلبك اليوم ؟ "

سعود وعيونه مضيقة فيها :
As you like
" على ذوقك ! "

المظيفة باستغراب :
As I like???
" ذوقي أنا ؟ "

سعود :
Yes, I don't want to think
" اي .. مافيني أفكر "

المظيفة :
Ok, mmm .. there are some new sandwiches have been added, would you like to try any?
" اوكي .. امممم في ساندوتشات جديدة أضفناها للقائمة تبي تجربها ؟ "

سعود :
Ok I don’t mind
" " أوكي ماعندي مانع

المظيفه :
You prefer beef or chicken?
" تبغى دجاج أو لحم ؟ "

سعود :
As you like again
" برضو على ذوقك "

المظيفة بحرج :
Ok then, it'll be ready in 10 minutes
" اوكي اذن .. 10 دقايق ويجيك الطلب "

سعود :
Thank you
" شكرا "

وراحت وهو تم يطالعها لين ابتعدت .. وطلع جواله وصار يخزن فيه بعض المعلومات لين مرت الدقايق وجات المظيفة بطبق الساندوش وحطته على الطاوله
سعود :
Thank you so much
" شكرا جزيلا "

المظيفة :
welcome .
" العفو "

سعود :
Excuse me, up till when you work here?
" لو سمحتِ متى ينتهي دوامك ؟ "

المظيفة :
12

سعود :
And then you go back home?
" وبعدها تروحين البيت ؟ "

المظيفة :
yes
" اي "

سعود بابتسامة :
ok

ابتسمت المظيفة ابتسامة خفيفة وهي تطالعه بحذر .. ومسرع مادارت عنه وراحت !!

حس سعود ان نظراتها كانت مزيج من الحذر والخوف .. يوه ليش هالنظرة !! شكلها حسبت نيتي شينة يوم سألتها عن وقت انتهاء دوامها ومكانها ! لا ياحلوة لا انا مو مثل ماتفكرين !

طالع بالساعه لقاها 11 بالضبط .. خلص أكله .. وطلع جواله يكمل تخزين المعلومات.. لين انتبه للوقت 12 بالضبط .. !!
سكر جواله بهدوء ورجعه لجيبه ورفع عينه يدورها ..
كان المطعم خالي الا منه هو بس .. وعاملات النظافة يمسحون الطاولات .. وقف ومشى وهو يدورها .. لحظات وانتبه لها عند بوابة الفندق الرئيسية مستعدة للخروج !!

استغرب شلون طلعت بدون مايشوفها .. ومشى وراها بصمت وهدوء .. لين صار خلفها مباشرة ونادى بهمس عن لاتخترع :
oh please
" اوه بليز "

دارت المظيفة وهي مبتسمة كنها حاسة انه وراها

سعود وهو عاقد ايدينه على صدره :
I feel that you think of me in a (bad) way
" انا حاس انك فكرتي بطريقة سيئة عني "

المظيفة :
I'm thinking about nothing and please I got to leave there is somebody waiting for me out there
" ابد مافكرت بشي .. والحين لازم اروح السيارة تنتظرني برا "

سعود وهو يطالع صوب الباب :
What car?
" أي سيارة ؟؟ "

المظيفة والقلق واضح على ملامحها :
That’s not of your buisness
" هذا شي مايخصك ! "

طالع فيها سعود نظرة طويلة أحرجتها .. وشوي الا قال بالعــربي :
يا آنسة انتي عربية صح ؟؟؟؟
انصدمت المظيفة من سؤاله !! ماتوقعت انه ممكن يكشفها بهالبساطة !!
وجاوبت بتردد : ..... ايـ ـوا
ابتسم سعود وقال بعين لامعه : كنت حاس ان دمك مهو أجنبي .. اوكي من وين انتي بالضبط ؟؟
ضاعت عيون المظيفة بالفراغ ومرت لحظـــة صمت بعدين
قالت : .......................... السعودية !!
انصدم سعود وتوسعت عيونها بذهول وهو يقول : من السعودية ؟؟؟؟ سعودية وتشتغلين هنا ؟؟؟؟
المظيفة بارتبكاك : انا قلتلك اني من السعودية بس انا مو سعودية انا ابرياطانية
سعود : شلون هالشي ؟؟ وين أهلك !!
المظيفة : عفوا انا مو مضطرة أجاوبك على كل أسئلتك .. اعذرني
ودارت عنه وهي تقول : باي

وطلعت مسرعه وهي تلتفت وراها خافت يكون لحقها وتوجهت فورا للسيارة الي تنتظرها وفتحت الباب بسرعه وركبت وهي تلهث
شهد صديقتها : وعَـد شفيكِ؟؟
وعَـد : امشي بعدين اقولك
حركت شهد السيارة ومشت فيها وقالت : يالله مشينا قوليلي
وعَـد : شفتي الرجال الي حكيتك عنه ؟؟؟؟
شهد : ذاك السعودي الي تقولي يطالع فيكِ بنظرات غريبة !!
وعَد : ايوا هوا ماغيره
شهد : ايوا ايش سوى كمان ؟؟
وعد : طبعا كعادته كل يوم يطالعني بشكل غريب ويسألني أسئلة شخصية عجيبة وانا ارد عليه بالي أقدر عليه .. الا سألني متى تروحي وكيف وفين بيتك وانا صراحة خفت اش يبغى يسأل !!
شهد : طيب واش قلتيله ؟؟؟
وعد : قطعت عليه الكلام صراحة خفت منه ورحت .. ودوبي وانا طالعة من الباب ناداني وسألني كم سؤال طاير وبالآخر حزري اش قال ؟؟؟؟؟؟؟؟؟
شهد بحماس : اييييييش ؟؟؟
وعد : فاجأة قلب عربي وقالي انتي عربية صح ؟؟؟؟؟
شهقت شهد وقالت : يامامي هذا كيف عرف !!!
وعد : والله مادري عنه قالي كنت حاسس !!
شهد : ايوا وبعدين ؟؟
وعد : سألني عربية من فين ؟؟
شهد : لاتقولي قلتيله السعودية !!
وعد : وليه ماقوله ؟؟؟
شهد : لانك ماتعرفي ولا شي عن السعودية مجرد أصلك من هناك !
وعد : أجل عربية من الهوا بس !! لازم اقوله بلدي ايش
شهد : طيب طيب وقلتيله واش قال ؟؟
وعد : انصدم !!! كيف سعودية واشتغل هنا ووين أهلي عني
شهد : ياعمري لانه مايدري عن قصتك
وعد : سحبت نفسي وقلتله أنا مني مضطرة اجاوبك على كل سؤال !!
شهد : أحلى يالقوية انتي .. بس والله يلعن أبو الفضييييييييحة !!
اتنهدت وعد وقالت : من جد مو عارفة اش اسوي ! انا متأكدة انه مو تاركني بحالي بعد ماعرف !! هو من غير مايعرف شي كان بس يسأل ويطالع كيف الحين بعد ماعرف ؟؟
شهد : والله ماتدري ياوعد يمكن خيرة انه يعرف !!
وعد : ليه يعني انا مابغى منه شي .. ومن وقت ماعرفت انه هو وصاحبه سعوديين نزلاء بالفندق حاولت اتحاشاهم لكن شوفي اش صار بالآخر !!
وقفت شهد سيارتها قدام عمارة وعد وهي تقول : هوني عليك وعد ولا تشيلي هم ودامهم بالفندق يعني اكيد مو مطولين فترة بسيطة ويمشوا وترتاحي
وعد بتنهيدة : الله يعين ..
شهد : يالله روحي ارتاحي ولا تتعبي نفسك بالأفكار وطمنيني على أمك
وعد اتذكرت تعب امها وقلقت وفتحت الباب وهي تقول : ان شاء الله .. يالله باي
شهد : باي
وانتظرت شهد لين دخلت وعد العمارة .. ومشت بالسيارة لبيتها

دخلت وعد الشقة وهاللحظة ماكان ببالها الا تشوف امها شلون احوالها
راحت لغرفة امها وفتحت الباب بهدوء .. ويوم دخلت شافتها تصلي ! .. قعدت على السرير تنتظرها ..
سلمت الأم وابتسمت لبنتها .. قامت وعد وسلمت عليها وقعدت جمبها وهي تقول :
الحوار خليط من الانجليزي والعربي المكسر لأن أم وعد ابريطانية أبا عن جد بس تعرف عربي قليل

وعد :
How are you todaye mame??

أم وعد : الحمدُ لله .. not so bad
وعد بحنية : شربتي الدوا ؟؟

أم وعد : نوو !

وعد : واااااي مامي !! كان لازم تاخذيه من ساعه !!

أم وعد : آي فورقيت << نسيت .. مع التعب وعد !

وعد وهي توقف : ام سوري ماما .. أنا لازم اتصل اذكرك
ام وعد : انتي تتعبي نفسك عشاني سويتي..
وعد : هذا واجبي

وقامت وجابت لأمها الدوا وشربتها اياه .. وعاونتها على النهوض ومشت أم وعد لفراشها
وهي تقول : صليتي ؟؟
وعد : يس
أم وعد بابتسامة حنونه : قود .. خليك دايما كذا
وعد : شور
وغطت أمها وهي تقول : تبغي حاجة كمان ؟؟
أم وعد : نو بيبي .. روحي نامي
وعد : اوكي .. قود نايت
ام وعد : قود نايت

وطلعت وعد عنها وراحت لغرفتها وسكرت الباب وتفجرت بصدرها انواع المشاعر .. مشاعر القلق على امها التعبانة .. مشاعر الخوف والحذر من سعود خاصة بعد ماعرف عنها !! واحتارت كيف ممكن تتصرف وتتحاشى هالانسان !! تذكرت كيف نظراته تحرق كيانها وتخفق قلبها !! .. وش بعد هالنظرات ؟؟ ماتنسى أول يوم نزلوا فيه الفندق وشافت سعود وكلمها .. شلون عرفت من بعدها انه سعودي وصارت تنتبه لكل نظراته وابتساماته !! كانت تردله الابتسامه ومشاعرها مزيج بين الفرح وبين الخوف والقلق .. بكل مره كانت تتحرى طلته وبنفس الوقت تتحاشاها .. لكن هذا هو الحين وعرف عنها .. ياترى وش بيصير ؟؟؟

اتنهدت ودخلت الحمام أخذت شاور دافي يهدي أعصابها .. وطلعت وتمددت على فراشها بمحاولة للنوم .


من جهة ثانية في أحد البالوكانت المطلة من جناح أرقى فنادق العاصمة
كان سعود شارد الفكر ومئات الاستفهامات تدور بباله !! المظيفة عربية ؟؟ لا وسعودية بعد !! شلون هالشي ؟ كيف سعودية وبهالمكان ؟؟ هذي وين أهلها ؟ وش قصتها ؟؟ كنت حاس من يوم ماشفتها انها مو عادية .. فيها شي جاذبني لها .. الحين عرفت وشو ؟؟ بس هالشي الي عرفته دخلني بمتاهات جديدة .. !! ودي أعرفها بس باين انها صارت تتضايق من أسئلتي .. ومن حقها تتضايق !! منهو أنا عشان أسألها كل شي يخطر على بالي !!

التفت لداخل الجناح وشاف أنس غاطس بسابع نومة ! وده يحاكيه بالي عرفه ويستشيره ! دخل الجناح ونادى عليه : أنـــــــس .. أنـــــــــــس
أنس غارق بالنوم ولاهو سامع
سعود بقلة حيلة : أنس قوووووم في مصيبة في بلوة قوووووم بسرعه
أنس مو مستوعب : همممممممم
قرب سعود منه وهزه بإيدينه الاثنين : أنس قوم مصيبة مصيبة مصيبة !!!!!!!!!!
أنس اخترع وقام يقعد مفجوع : شصـــــــــــــــاير ؟؟؟؟؟؟؟؟؟؟؟
سعود شاف شكله وقعد يضحك من قلبه
وقعد على سريره وهو :هههههههههههههههههههههههههههههههههههههههه
أنس : الحين هي مصيبة ولا نكته ؟؟؟؟
سعود : لاهذي ولاهذي بس بغيتك تقووووم
أنس بحمق : الحين مصحيني من أجمل أحلامي عشان ولا شي ؟؟؟؟؟
سعود وهو يضحك : اخس يالأحلام .. بعدين من قالك ان مافي شي
أنس : توك تقول لاذي ولا ذي
سعود : اي يعني مهي مصيبة ولاهي نكته شي بينهم
أنس تأفف وفرك وجهـه وقال : وش تبي الحين خلصني خلني اناااااام
سعود : شفت المظيفة الي قلتلك عليها
أنس انصدم وتوسعت عيونه فيه !! ودف سعود برجوله وهو يقول : اقول ابعد لا أطيحك الحين .. ابعد خلني أنام مصحيني عشان هالمظيفة لا بارك الله فيك ولا فيها إبعـــــد !!!
سعود : بس يا أنس شفيييييييك انت اسمعني اول بعدين نااام !!
أنس : مو سامع ولا شي مليت منك ومن سوالفك السخيفة هذي
سعود : لا يا أنس هالمره السالفة غييييييييير والله سالفة بمليون ريال
أنس بتأفف : الله واكبر .. والله ماتسوى هلله هالسوالف ..
سعود : وان قلتلك انها طلعت سعودية !!!!!!!!!!!
أنس باستغراب : منهي هذي ؟؟؟؟
سعود : هالمظيفة ماغيرها !!
انصدم أنس وظل يطالع فيه مصدوم وقال : أتحداك !!!!!
سعود : ورب الكعبة !

اتعدل انس وبان الاهتمام على وجهه وهو يقول : شلون عرفت ؟؟؟
سعود : كلمتها اليوم قبل ماتطلع ومع الكلام حسيت ان دمها عربي ميه ميه وسألتها انتي عربية ؟ قالتلي إيه .. سألتها من وين الا تقولي من السعودية !!!!!!
أنس : ماصدق مستحيييييييل سعودية وتشتغل هنا هذي وين أهلها ؟؟؟؟
سعود : نفس الأسئلة الي تدور ببالي بس وش الي يحدها تكذب ؟؟؟؟
أنس : مثلا تبي تبين انها سعودية مثلك !!
سعود : وش مصلحتها بالله ؟؟ بالعكس انا أشوفها دايم تتهرب مني !
أنس : بس والله غريبة !! شكل قصتها قصة هذي !!
سعود : الظاهر .. !! بس مو تاركها لين اعرف قصتها
أنس : هيا عاد قبل تقول فيها شي غريب ومو مرتاح الا اذا عرفته ! وهذا انت وعرفت انها سعودية .. بعد مانت مرتاح لين تعرف شقصتها ؟؟؟
سعود : اي وأكثر من قبل بعد !!
أنس : شرايك تروح تنتحر مو أحسنلك ؟؟؟
سعود : اقول وانت بعد شرايك ترجع تنام مو أحسنلك ؟؟؟
أنس : الا أحسنلي بألف مره .. (( وانسدح وهو يقول : تصبح على خير

سعود مارد .. الا راح ويا الأفكار يمين يسار فوق تحت وياعالم لايش يوصل !!

*****

كانت حنان فاتحة منتداها وأنيسها وبيت أسرارها ..
درات فيه دورة سريعة إلا لفت نظرها موضوع ظاهر من ركن الترحيب لعضو جديد !! مالفتها الموضوع لكن الي لفتها اسم العضو !! دخلت على الموضوع وقرت الاسم مره ثانيه :

"لاجل جروحك"
الجنس : محب للخير

قرت الكلام المكتوب بالموضوع :

السلام عليكم ورحمة الله وبركاته
قد تقودك الظروف لتقف بخطواتك في مكان لم يكن يوما بالحسبان
لتلمح دموع تترقرق وسط عيون من تحبهم
وجروح تأن داخل قلوبهم الطاهرة
وتحاول قدر استطاعتك مسح تلك الدموع
واستبدالها بالابتسامة

عضو جديد محب للخير لا أكثر .. حل بينكم ويرجو أن يجد له قبول

*****
قرت حنان الكلام مرتين وثلاث .. وحست بألم من هالكلام بدل ماتفرح .. لأنها ماعادت تصدق أحد ولا تثق بأحد .. اتمنت لو ترد عليه وتقول .. ليتك انت وباقي الرجال تفكوننا شركم وبس ولانبي منكم حتى الخير .. اتركوا جروحنا مثل ماهي ولو نبي منكم شي هو تكفون لا تكونون انتم السبب بهالجروح !!

اتنهدت وسكرت الموضوع بدون ماترد .. وسكرت المنتدى

ظل العضو : " لاجل جروحك " بالمنتدى يدور بين الأركان !!
اتجه فورا للملف الشخصي المتعلق بالعضو : بقايا جروح

واختار مشاركات العضو .. وظهرت قدامه عناوين المواضيع الي كتبها العضو : بقايا جروح
.. وقرا العنواين وقلبه يخفق بكل ألم !! لأن العناونين كانت تبين ان هالعضو يحمل بداخله بركاااااان من الأحزان والآلام والآهات والدموع !!

وأول موضوع اختاره تاريخه كان قبل 6 شهور

عنوانه : قلبي ينزف من الجرااااح دلوني أبي أرتاااااح

انعصر قلبه بكل ألم ودخل على الموضوع وقرا .. ومع كل سطر يقراه يحس بروحه تتمزق بداخله !! وهو يكتشف أسرار هالحبيبة البعيدة .. ويكتشف معاناتها وجروحها وأحزانها

الي حتى انتوا لو دريتوا عنها بتتألمون .. !!!!

::

بنفس هالوقت صعدت مرام الدرج وبإيدها كاسة عصير تشربها بسرحان !!
كان الوقت بالليل متأخر وهي مانامت لأنها مانوت تروح الجامعة كل هالاسبوع .. كانت تفكر بخالد الي لا دق يسأل ولا شي !! عبير جتها زارتها وفتون اتصلت عليها وخالتها اتصلت وصديقاتها بالجامعة .. حتى صـالح عم عبير وفتون !! طبعا هو وفتون يوميا اتصالات و درا منها بالي صار و اتصل عليهم يتطمن !!

كل ذولا ماهموا مرام .. لأنها ماكانت تنتظر غيره !! هذا وهو المتسبب !! أجل شلون لو ماكان له علاقة أبد !! حست انها بتبكي من القهر ! ياربي ليه يعاملني كذا ليه !! يعني ندمان على الي صار ومالك وجه !! ترا والله مو زعلانة منك حبيبي بالعكس الضربة عسل على قلبي وروحي لأنها منك .. !! ولا ندمان على الكلمتين الي طلعوا منك !! هالكلمتين الي أروع وأحلى كلمتين سمعتهم بحياتي .. ! آه ياخالد ليه تعذبني بهالشكل وانت تدري اني مو بس أحبك الا أمووووووت فيك وأعشقك !!

دخلت غرفتها وقعدت على السرير وشربت شوي من العصير وحطته على الطاولة ومسكت جوالها تقلب فيه .. يالله خالد اتصل بلييييز والله لو كنت انت تعبان مستحيل أطنشك بهالشكل !! ليه انت كذا معاي ليه ؟؟؟
وظلت تقلب بجوالها لين ملت ورمته على السرير وقامت تلبس بجامتها ..

رجعت لسريرها وأول ماجت تقعد رن الجوال ينبه بوصول رسالة جديدة !!

::

رسالة مين الي وصلت لمرام وهل بتكون من خالد وشالي ممكن يدور بينهم ؟؟

أوراق حنان بدت تنكشف وتظهر للعيان ! ياترى شالأسرار الي راح يكتشفها صالح والي راح تكتشونها انتوا واش ممكن يصير بعد مايدري عن كل شي؟؟

سعــــــود وأخيرا عرف عن المظيفة الي شغلت باله فترة طويلة .. عرف الي ماكان يتوقعه والي رماه بدوامة لا صارت ولا استوت !

لأي منحنى راح تنحي الأحداث بينهم ؟؟

::

يتبع


****
aomroena
aomroena •
****
الجزء السادس


فزّت مرام ونطت للجوال وهي تتمنى يكون هالمسج منه .. وكن أمنيتها تحققت يوم فتحت الرسالة وظهرلها المرسل : خالد
وقرت الكلام :
مرحبا مرام
طمنيني عنك أول ماتصحين

ارتسمت ابتسامة فرح على وجهها .. أخيرا اتذكر وأرسل ؟؟ وعلى بالك أنا نايمة ؟؟ لا حبيبي انا صاحية ولاني قادرة أنام لا من تعب رقبتي ولا من تعب قلبي الي كل الاثنين انت سببهم !!
واختارت اضافة رد ودارت صوابعها على الأزارير مو عارفة وش تكتب وبعد تفكير سريع كتبت:
أهلين خالد
أنا صاحية مانمت والحمدلله أنا أحسن شوي

حرصت انها تكتبت شوي عشان تحسسه انها لازالت تعبانة ياعسى يهتم ويدق وأرسلت الرسالة
لحظات و جاها الرد من خالد :
لاتتعبين نفسك ونامي .. ماقدامك الا العافية
سامحيني مرام

عادت مرام قراية الرسالة كم مره .. آه حبيبي والله مو زعلانة منك صدقني بس ابي اهتمامك وحنانك .. كان ودها ترسله ليت بدل هالضربة عشر .. المهم تحن وتلين معاي ... لكن زي ماهو يثقل عليها هي بعد ماتحب تبين انها مهوسة عليه وكتبت :
مافي شي أسامحك عليه خالد انت ماسويت شي لاتشيل هم !
انت الي نام الحين وراك دوام اما أنا بغيب كل هالاسبوع

وأرسلت الرسالة وظلت ماسكة الجوال تنتظر الرد .. مرت دقيقة ماجا الرد وبدت تتوتر !! شفيه مارد ؟؟
وشوي الا رن الجوال بايدها واخترعت يوم لقت الرنين مو رسالة !! كان الرنين اتصال من خالد !!
وبأصابع مرتجفة ردت : .............. أهلين
خالد وهو يوقف السيارة بحوش البيت : هـلا مرام
مرام بهمس : هلابك
نزل خالد من السيارة وصك الباب وهو يقول : ... شلونك ؟
مرام : تمام الحمدلله
خالد : ليه مو مداومة كل هالاسبوع ؟؟
مرام : تعبانة شوي ومافيني أشيل كتب وشنط فقلت أرتاح هالاسبوع بس
خالد وهو يمشي لباب البيت : يعني تحسين بألم مرام ؟؟؟
مرام : يعني شوي اذا شلت شي ولا تحركت كثير
خالد : امهممم .. رحتي المستشفى ؟؟
مرام : لا لا مو لهالدرجة مايحتاج
خالد : مو تقولين تحسين بألم !!
مرام : إي بس يبيلي راحة مو أكثر
خالد : أهااا .. (( وفتح باب البيت ودخل وسكر الباب بالمفتاح ومشى للدرج وكل هذا وهو ساكت ومرام احتارت وش تقول وهي تسمع هالاصوات وفهمت انه جاي من برا وقالت : توك راجع البيت ؟؟
خالد : يس
مرام : مو تعب عليك السهر ووراك دوام ؟؟
خالد حب يناكفها وقال : إلا والله بس الليله كنت مواعد عشان كذا تأخرت !!
مرام خفق قلبها وانقهرت وقالت : مواعد مين ؟؟
خالد بهدوء : وانت شدخلك مواعد مين !!
سحبت مرام نفس عميق لتهدا وقالت : أوكِ آسفة ومو سائلتك مره ثانية والحين تبي شي ؟؟
خالد بابتسامة : أبد سلامتك
مرام : أوكِ تصبح على خير
خالد وهو يضحك : وانتِ من أهله
مرام حست انه يضحك عليها وانقهرت زيادة بس ماحبت تبين وقالت : باي
حس خالد بنبرة الزعل من صوتها وقال : شفيك زعلتِ ؟؟
مرام حاولت تظره اللا مبالاة وقالت : أبد مو زعلانة وعلى إيش أزعل أصلا ؟؟؟
خالد : أوووه يعني مافي شي يستاهل ؟؟؟
مرام : أبد مااااافي
خالد : حلوو .. يالله أجل سكري أنا جايني اتصال برد عليه ..
مرام : ومين متصل عليك هالوقت !!
خالد : ياربي شدخلك انتِ وبعدين مو قلتِ مو سائلتني مره ثانية ؟؟؟
مرام بحمق : طيب ياخالد ويصير حتى انت لو سمحت لاعاد تسألني شي مره ثانية .. لا ليه حاطه عطر وانا طالعة !! ولا وين رايحة وأي سوق !! ولا شفيني رادة البيت متأخر !! وكل أسئلتك هذه لو سمحت مابي اسمع منها شي ..
خالد وهو رافع حاجب : وكيف بتمنعيني أسأل ؟؟؟
مرام احتارت لأنها صح ماتقدر تمنعه يسأل لكنها تقدر تمتنع هي عن الإجابة وقالت : لو سألت أي شي ماراح أجاوبك !!
خالد : بتجاوبيني غصب عليك !!
مرام : لا والله ومين انت عشان تغصبني !!
خالد وهو يضغط على الحروف : أنا حبيبك وروحك وحياتك !!
انصدمت مرام وانخرست ولا ردت : ...................... !!!!!!!!!!
وخالد ضحك على صمتها وقال : يالله ياحلوة روحي نامي وانا معاي اتصال باااااي
مرام بهمس ......... باي

وسكرت منه ورمت الجوال على السرير وهي منصدمه من كلامه !! هذا شلون بكل بساطة يقول انه حبيبي وروحي وحياتي !! شهالثقة الي فيك شهالغرور ؟؟ زين شدراك اني أحبك ؟؟ معقولة أنا مفضوحة لهالدرجة ؟؟؟ زين أنا أوريك ياخالد ان كانك تستغل حبي لك بهالشكل !! أنا أوريك ان ماجافيتك وطنشتك وحسستك انك ماتسوى شي عندي .. !!
وقعدت بعصبية على السرير وغطت فمها بإيدها وهي تفكر بكلامه .. وشوي لقت نفسها تبتسم !! آه ياويل قلبي منك ياخالد ياحمااااااااااار .. وبالآخر قعدت تضحك على نفسها زي المجنونة !!
ولحظات وسمعت الباب يدق !! سكتت فاجأة وانتبهت لنفسها الي قاعدة تضحك بصوتها كنها جنية .. ياربي شهالفشلة ؟؟ الحين وش اقولهم اذا سألوني ليه أضحك ؟؟ الله يغربل شيطانك ياخالد طيرت مخي ياحمار !!

ومشت للباب وفتحته لقت حنان خالتها واقفة مبتسمة وأول ماشافتها قالت : عسى هالضحك دوم يارب
مرام بارتباك : أي ضحك ؟؟؟ أنا ماكنت أضحك !!
حنان : لا والله ؟؟ والصوت الي واصل لآخر السيب هذا وشو ؟؟؟
مرام : آه كنت أكح ! معي كحة أنا كنت أكح
حنان بعدم تصديق : أهاااااا كنتِ تكحين طيب طيب تعالي دامك سهرانة بوريك شي على النت
مرام لقتها فرصة تضيع الموضوع وقالت : اي اي يالله جايتك الحين
حنان : أستناك .. وراحت لغرفتها
اتنهدت مرام لحظات وخافت لا تنفضح

((بالسعودية العوائل محافظة ومهما كان الحب بين الأقارب لكن مايتطور لمكالمات آخر الليل الا في بعض العوائل البعيدة عن الدين !! ))
"عشان كذا ارتبكت مرام وخافت من خالتها .. مع ان حنان انسانة متفهمة وطيبة وممكن تفهم مرام وتسمعلها لكن مرام كانت خوافة وتشيل هم أحد يفهمها غلط "

نرجع للحلوة مرام الي سكرت باب غرفتها وراحت لغرفة خالتها ولقتها قاعدة على النت وسارة الصغيرة نايمة على سرير خالتها
مرام وهي تسكر الباب وراها : هاه شعندك ؟؟
حنان وعيونها على الشاشة : هاتي الكرسي وتعالي اقعدي
سحبت مرام كرسي زايد بالغرفة وحطته جمب خالتها وجلست تطالع بالصور المعروضة
مرام بانبهار : وااااااااااااااو شهالمكيااااااج ؟؟؟؟؟
حنان : اصبببببببري ماشفتي شي !!!
مرام : يجنن !!
عرضت حنان مجموعة صور فنانات بمكياج رائع غريب !!
حنان : شوفي بالله شلون رسمة العيون !
مرام الي تموت على المكياج والحركات هذي : ياسلااااام تجنن .. طلعت كنها وحده ثانية الكلبة !!
حنان :ههههههههههههه شوفي شلون طالعة ماتقولين عمرها اربعين !!
مرام : اي والله أبي اسوي كذا ابي هالمكياج ابي هالألواااااااااااان
حنان : موجودة حبيبتي لقيت موقع على النت عنده مكياج وربي مالقيت مثله بأي محل !
مرام بحماس : وينه بالله افتحيه !!
حنان : اوكي اصبري
وفتحت على الموقع وانعرضت مجموعه من المكياج المشكل لكل الأنواع ومرام انهوست وأصرت تحصل عليها بأي طريقة
وبعد فترة وهم على النت يتصفحون .. نعست مرام وقالت وهي تتثاوب : خلاص برووووح انااااااام !
حنان : جا جابر ؟
مرام :هههههههه انتي وهالجابر .. جاني النوم مب جابر
حنان : اي هو جابر لانه يجبرك غصب تنامين
مرام : طيب طيب يالله (( ووقفت وهي تقول : ماراح تنامين ؟؟؟؟
حنان : الا بعد شوي بس بشوف شغلة سريعة وخلاص
مرام وهي بالقوة تفتح عينها : أوووكي تصبحين على خير
حنان : وانتِ من أهله

قعدت حنان شوي وحست بالتعب والنوم .. مافي شي بحايتها يحسسها بالحماس والفرح !! اتنهدت وسكرت النت وقامت من الكرسي إهي وجروحها المخبية داخل قلبها .. شالت ساره الصغيرة بكل هدوء .. وودتها لسريرها وغطتها ورجعت لغرفتها وسكرت الباب وفورا على سريرها وهي تحس بالنوم والصداع .. اتمددت على سريرها واتغطت ..
وبعد ما أحكمت الغطاء عليها زين .. شالت الوشاح الملفوف على رقبتها أخيرا !! ورمته جمبها بالأرض .. وسكرت عيونها متناسية جروحها وغاطسة بالنوم .

لكن شخص آخر ماجاه النوم ولا عرف طعم النوم .. كان لازاك بذاك المنتدى يذوق الدموع ومرارتها واهو يقرا معاناة حنان وجروحها وصدماتها :

كان يقرا موضوع حنان هذا :

السلام عليكم ورحمة الله وبركاته
أكتب لكم كلمات مبعثرة كبعثرة روحي ومشتتة كتشتت حياتي .. فاعذروني لأن دموعي تسابق كلماتي ..
أنا فتاة في الـعشرين من العمر .. عانيتُ بحياتي منذ ظهرت على هذه الدنيا لأجد أبي قضى عليه المرض الخبيث وأمي لديها فشل كلوي !! ولم تكمل أمي سنتين من عمري حتى رحلت خلف أبي !!
كانت أختي الكبيرة قد وضعت مولودتها بنفس الشهر الذي وضعتني به أمي .. فاحتوتني أختي مع ابنتها وأرضعتني فأصبحت أختي أماً لي..
عشتُ وتربيت في أسرة أختي بعد رحيل أمي .. ولم تشعرني أسرة أختي يوما بالنقص .. ولم يحسسوني يوما أنني لستُ منهم !! وعاملوني بمنتهى الطيبة .. ولكن عندما كبرت عرفت الحقيقة من الأطفال !! أن أختي هي أختي وليست أمي .. ومن كنتُ أظنه أبي هو زوج أختي وليس أبي !! عرفتُ ذلك وأنا ذات التسـع سنوات !! ولا أنسى ذلك اليوم الذي صُدمت فيه وبكيتُ وتألمت !! كنتُ صغيرة ذلك الوقت وكان وقع الأمر علي ليس سهلا ..

تقبلتُ الأمر مع الشهور والسنين .. ولكن كنتُ أواجه صعوبة في استيعاب التغير الذي طرأ على أفكاري .. عندما أرى أخواتي ليسوا أخواتي إنما بنات أختي .. ! كنتُ لمجرد ما أستوعب تلك الحقيقة أبكي وأتألم !! حتى كبرت وصرت في مرحلة المراهقة .. وكم انطويتُ على نفسي ذلك الوقت وكنتُ أستحي أن أطلب من زوج أختي الذي هو بمثابة أبي .. كل ذلك بسبب معرفتي للحقيقة !! كم تمنيتُ لو لم أعرف وعشتُ طول عمري بذلك الوهم !! كم تمنيتُ لو أخبروني بذلك منذ صغري وليس بعدما كبرت ..

ومرت السنوات والأوضاع مستقرة والحمدلله ولكن شخصيتي بدأت تميل للانطوائية .. لا أعرف لماذا صارت شخصيتي ضعيفة وأفضل الصمت دوما ..
وعندما تخرجتُ من الثانوي تقدم لخطبتي رجل لا أقوى سوى حسبي الله عليه وعلى أهله الذين دمروا حياتي وكياني

فالآن تبدأ معاناتي الحقيقية :
تزوجت ذلك الرجل بعد سنة من الخطوبة .. كنتُ ألمس خشونة تعامله من أيام ملكتنا أي قبل الزواج !! ولكن لم أعري ذلك اهتماما واعتقدتُ أن الزواج سيغير كل شي ..
وتزوجنا وليتني لم أؤمل نفسي بذلك التغيير !!
من أول يوم لنا وهو ثائر الأعصاب يتطاير الشرر من عينيه .. ينام بغرفة وأنا بغرفة بأي ذنب اقترفته لا أعلم !!! اسبوع واحد وباع أثاث الشقة وأسكنني عند أهله !! بحجة أنه لا يستطيع فراق أمه ولا يصبر عن طعامها !! كنت طول اليوم لا أراه !! يعيش كما أنه لم يتزوج !! صبرت وتحملت على أمل أن يتغير .. أهله يعاملوني كالخادمة !! لم أخبر أحدا أنني أعاني من كل هذا وإلا أوقفوهم عند حدودهم !! وبررت أمر انتقالنا لبيت أهله أننا لم نرتاح بالشقة !!
حاولتُ التقرب لأمه بشتى الطرق .. اشتريت لها يوما ساعة من أروع الماركات .. وبالغد وجدت الخادمة تلبسها !! اشتريتُ لأخوته أروع الشنط .. فأجدها مرمية بكل إهمال بالمخزن !! بذلتُ أقصى جهدي لإرضائه هو بالذات .. ولكني لم أجد منه إلا الصد والنفور والضـرب والسب والخصام على أتفه الأسباب !!
كان يتصيد الأخطاء ويدبرها من تحت الأرض حتى يخلق مشكلة ولو من الهواء !!
أكثر من مره يتغيب وعندما أسأل أهله عنه يخبروني أنه سافر !! هكذا دون علمي !! يسافر إلى لبنان ومصر بدون أي سبب منطقي !! تعبتُ وعانيت ومع ذلك صبرت وتحملت ..

حتى بدأت الأمور تزداد سوءا .. لدرجة أنه في أحد المرات وضعني بالسوق ثم ذهب .. ولم يعود إلا بآخر الليل !! و المحلات أغلقت وأنا وحدي بالشارع أرتجف خوفا وأرتعب من نظرات المارة !! وإشاراتهم وهمسهم !! اتصلتُ به خائفة وأخبرته أنني وحدي وحولي رجال مخيفون ينظرون إلي .. فصرخ بي أن لاأزعجه بالاتصال وأن أقف مكاني أنتظره وأغلق الخط !! انتظرتُ وأصبحت أقرأ ماتيسر لي من آيات وأدعية وأنا أرتجف خوفا ..
وعندما عاد أسرعتُ خائفة وركبت السيارة ولا أعرف كيف أصف لكم هيئته !! عيناه حمراوتان وصوته غريب .. وصرخ بي فور ركوبي وأنا لم أفعل شيئا .. تمنيتُ لحظتها لو بقيتُ بالشارع أرحم لي من هذا الشخص !! ظنيتُ أنه الأمان ولكن وجدته مصدر الرعب والخوف!!
أعادني للمنزل وبعدها انطلق عائدا لمكان ما أتى !!
حياته كلها لعب وفسق وضلال !!

لاحظوا أهلي هيئتي الحزينة وضعف صحتي وشكوا بالأمر !! ولكنني أنكرتُ شكوكهم ولا أعلم لماذا كنتُ أفعل ذلك .. لماذا لا أريدهم يعلمون أي شي عني !! ربما كنتُ أخشى وقوع أمرا كان يلوح لي من بعيد .. وهو الطلاق !! لم أكن أتقبل فكرة أن أكون مطلقة ومنيتُ نفسي بالتغيير وتعلقت بأوهام وسراب !!

حتى كان ذلك اليوم الأسود !!!!
حل بمنزل أهل زوجي ولا أريد قول زوجي ولكن لكي تفهموني .. المهم حل بمنزلهم ضيوف وكنتُ حينها خارج المنزل .. تصوروا أنهم استقبلوهم بغرفتي !! وأخبروهم أنها ستكون هي مطرحهم خلال الثلاث أيام التي سيبقون بها !! لأنها الغرفة الوحيدة المناسبة والقريبة من المدخل .. دون أي شور مني ولا إذن ولا مراعاة !! كم صُدمت عندما عدت للمنزل ومن قبل أن أستفهم عن أي شي قالولي أنني سأنام بالغرفة الاضافية بأعلى المنزل حتى يذهبوا الضيوف .. !! حينها ضاقت بي الدنيا .. !! أي نوع من البشر أنتم !! لا احترام ولا محبة ولا مودة لا من الزوج ولا من أهله !!
حبستُ نفسي بتلك الغرفة باكية حزينة !! متحسرة على حالي وحظي .. أحدا منهم لم يسأل عني طول الثلاث أيام .. حتى من هو زوجي لم يسأل عني ولم يبالي !! لم أكن أخرج الا للضرورة التي تقيني من الموت كشرب الماء فقط .. وذلك عندما يعم الهدوء وأعلم أنهم ناموا ..

وفي اليوم الثالث صباحا ..
عم الضجيج على البيت أطفالا وصغارا وكبارا وانا وحدي حبيسة .. حتى لو فكرتُ بالخروج .. لن أجد سوى الإهانة والتحقير .. وبعد فترة تعبت وخلدتُ الي النوم .. ساعات واستقيظتُ على رائحة كريهة خانقة !! وسواد منبعث من فتحات الباب والشبابيك !! قمتُ فزعة !! لا أعرف ماالذي جرى وماهذا الدخان الأسود .. صابتني كحة شديدة .. وبالقوة كنت أمشي وأتحسس الباب وأخرج .. لأتفاجئ بالكم الهائل من الدخان في باقي المنزل .. صرختُ خائفة وأنا أناديهم بأساميهم ولا أجد من يرد علي النداء !! مشيت أتخبط بطريقي وأنا لا أرى شيئا .. لمست يداي بابا وفتحته ولم أكن أعلم أنني سأوقع بالطامة الكبرى !!
فقد كانت تلك الغرفة تحترق وعندما فتحتُ الباب انقض النار على جسدي !! صرخت ووقعت وصرت أزحف وأنا أصرخ حتى وصلت للدرج دون علمي وسقطت من فوق الدرج لآخره .. وخارت قواي حينها وضاق تنفسي وغبتُ عن الوعي !!

استقيظتُ بعدها لأجد نفسي بالمستشفى يدي ورقبتي أكلتهم النار !! أجروا لي عملية استطاعوا من خلالها اسعافي قدر المستطاع ولكن ظلت رقبتي وذراعي مشوهين !!
آلام بالصدر انتابتني من الاختناق !!

تصورا أن المكيف انحرق وعندها خرج كل من كان بالبيت واتصلوا على المطافئ وذهبوا !! وتركوني وحدي بالبيت دون أن يخبروني وينقذوني !!

بكيتُ بالمستشفى مرتعبة وأقول أنني انتهيت ولا أريد العودة لذلك المنزل وأني خائفة وأرجو الأمان

علم أهلي بكل شئ وانصدموا وطلبوا طلاقي ومع هذا لم يطلق الرجل حتى نعيد له المهر !! كان من الممكن أن يطالبوه أهلي بالأضرار الصحية والنفسية التي ألحقني بها ولكني رفضت !! لاااااااااا أريد منه شيئا .. أريد أن أرتاح
فلقد تدمرت
6 أشهر فقط .. عشتها مع ذلك الرجل
خرجتٌ منها مدمرة ومحطمة ومشوّهة !!

فقدتٌ الثقة بنفسي .. وبالرجال .. وبالناس وبالجميع

الآن أنا حبيسة المنزل .. كنتُ حبيسة الغرفة .. لا أخرج حتى يترجاني كل أهلي .. كنتُ أقوم فزعة من النوم أصرخ وأنا أتخيل رجال بالشارع يهاجموني
أو النار تأكلني !!

مر على طلاقي سنة كاملة .. أنا الآن أحسن نوعا ما .. فارقتني الكوابيس الحمدلله .. ولكنني صرتُ منطوية بشكل كبير .. لا أخرج حتى لا أسمع كلام الناس كيف تطلقتُ وأنا بشهوري الأولى !! لا أريد أن أرى نظرات الشفقة .. لا من هيئتي ولا من شكلي لأني دوما ألف وشاحا حول رقبتي لأخفي تشوهها .. تركتُ الدراسة والشغل وكل شي
وفقدت الثقة بالناس .. وكرهت الرجال وفقدت الثقة بهم وبنفسي أيضا !!

فكيف بالله أعيش ؟؟::


كانت دموعه مبلله وجهه وهو يقرا كل هالمعاناة !! اتمنى يخترق الشاشة ويجيها ويحسسها بالأمان ويعوضها الحرمان !! مسح دموعه بخلف كفه وسند ظهره وهو يفكر ..
كل هالمعاناة والجروج بقلبك ؟؟؟ صدمات من الصغر !! وجروح وآلام يوم كبرتي .. وحظك بالآخر كان بين وحوش آدمية .. والختام حريق وتشوّه !!!

آآآه ياروح قلبي إنتي !! شلون ضيعتك من إيدي ولا جيتك من زمان !!
عصفت الأفكار والحيرة فيه
هدفي هو اني أنتشلها من هالأحزان .. وأحسسها ان الدنيا لازالت بخير .. وأرجعلها ثقتها بنفسها قبل كل شي .. كل هذا ياصالح مايبيله تهوّر وتسرّع .. شوي شوي .. وخطوة خطوة .. لين أخليها توثق فيني وبعدها مستحيل أتركها لين أوقفها على رجولها من جديد !!
وسكر المنتدى والنت وغاية وحده ترتسم بباله .. هي سعادة حنان وبس !


******

ابريطانيا
صباح يوم مشرق .. استعدت وعَد للخروج بعد ما أعطت أمها أدويتها وصلّت ونزلت تنتظر صديقتها شهد .. دقايق وكانت شهد عند الباب ..
ركبت وعد وهي تقول : قود مورنينق
شهد : قود مورنينق
وعد : كيفك ؟
شهد : بخير إنتِ كيفك وكيف مامتك ؟
وعد : كويسة الحمدلله بس والله قالقتني تنسى تاخذ دواها بنفسها والدكتور محرصنا تاخذه على نفس الموعد والله أخاف يصير فيها شي
شهد : بس لا تفاولي ياشيخة وان شاء الله كلها فترة وتعدي وترجع طيبة وأحسن من أول
وعد بتنهيدة : الله يسمع منك ..
شهد : إشبك شكلك متضايق
وعد : لا بس شايله هم هالرجال
شهد : لاتشيلي هم ولا شي وخليكِ طبيعية لأبعد حد ولو حاول يتكلم معاكِ اتهربي قد ماتقدري
وعد : ححاول مع انه يستغل الفرص الي أقدمله شي ويتكلم معايا و وقتها أنحرج منه ومن نظراته
شهد : نفسي أشوفه هذا !
وعد : ههههههه وليه يعني !!
شهد : عشانى أعرف من شكله هو اش وراه بالضبط !
وعد : يشتغل هو وصاحبه بشركة بس أتوقع ان بعد كم يوم حياخذوا شقة مو معقول يجلسوا طول الفترة بالفندق !!
شهد : كويس يصير اتحملي لين يروحوا وترتاحي
وعد : الله يعين
وصلوا للفندق وشكرت وعد صديقتها ونزلت متوجهـة للفندق ..
دخلت وهي تجر خطواتها وعيونها تدور بين النزلاء .. وأول ما أقلبت على المطعم رسمت ابتسامة غصب على وجهها .. وصارت توزعها لكل من يطالعها لين دخلت لقسمها وبدت تستعد لمباشرة العمل

نزل هاللحظة سعود وأنس وكعادتهم كل صباح لازم يمرون المطعم يشربون كاس قهوة وبعدها يروحون للشركة
جلسوا على الطاولة ومن غير مايطلبون شي كان طلبهم معروف .. بعد دقايق من جلوسهم اتقدمت وعَد حاملة صينية القهوة وحطتها على الطاولة وهي تقول بابتسامة مغصوبة : هاي
سعود بالعربي : مرحبا !!
طالعت وعد فيه بنظرة قدر يميز سعود معنى الحذر فيها فابتسملها مطمن وقال : نسيت أقولك أمس .. فرصة سعيدة !
وعد اضطرت ترد لكن بصوت أقرب للهمس : ........ وأنا أسعد ..
أنس بلا مبالاة وهو يشرب القهوة : ماشاء من كم سنة وانتي بابريطانيا؟؟
وعد : انا ابريطانية بنت ابريطانية وولادتي وحياتي كلها هنا .. << قالت هالكلام عشان لا تحسس سعود ان كان لها غرض يوم ذكرت انها سعودية ..
أنس ماخذ السالفة ضحك وقال : ابريطانية وامس تقولين لخويي انك سعودية ؟ يعني هذا لغز احنا نحله ؟؟
اتفاجأت وعد من كلامه ونقلت بصرها بينه وبين سعود بحرج وقالت : عفوا أنا هنا لخدمة المطعم مو لشرح قصة حياتي !! (( ودارت عنهم وهي تقول : اكسيوزمي
تبعها سعود بنظراته وأنس قال : الحين ابريطانية ولاسعودية فهمني !!
سعود : اول شي انت شلون تسألها هالأسئلة وبهالطريقة ؟؟؟
أنس : ياسلام الي يسمع يقول انت عمرك ماسألتها شي !
سعود : أنا أتحرى الوقت المناسب وبعدين انا أسأل بكيفي لأني مهتم فيها بس انت شدخلك ؟؟؟؟
أنس : وانت شفيك عصبت لهالدرجة مراعي خاطرها
سعود : لا مو عشان خاطرها بس في شي اسمه ذوق !!
أنس : أهـاا وطلعت أنا ماعرف الذوق الحين !!
سعود : والله الي سويته تو مافي أي ذوووق !!
أنس : أقول عن الغلط الحين لا تقعد تعصب عشان سالفة سخيفة !

اتأفف سعود بضيق ودار وجهه وهو يشرب القهوة
أنس : الله وأكبر كل هالكشـرة عشان هالحركة التافهة
سعود : انا مو مكشر
أنس : باين ماشاء الله لا والله وجهك حلو وضحكتك شاقة وجهك بعد
سعود : الحين انت شتبي ؟؟
أنس : أبي أنكـّت عندك مانع
سعود : لا والله مو وقتك !!
أنس : أكيد مو وقتي لأننا تأخرنا ويالله قوم
سعود طالع الساعه لقى الوقت مشي بسرعه .. شرب القهوة على السريع وحطها على الطاولة وقام وهو يقول : روح انت سخن السيارة عبال ماجيك
أنس : وين رايح
سعود وهو يطلع من الطاوله : ياخي مو شغلك روح السيارة ودقايق وأجيك !
أنس قام وهو يدري ان سعود رايح يكلم المظيفة ماغيرها .. هز راسه ومشى عنه ..

مشى سعود لوين ما وعـَد كانت واقفة تتكلم مع وحده من زميلات العمل لأن المطعم بذاك الوقت من النهار كان قليل الزبائن
كانت معطية ظهرها لسعود لما جا وقف وراها بمسافة .. والمظيفة الثانية ابتسمتله وهي ترفع حاجبها بإعجاب .. وانتبهت وعد ان زميلتها تطالع بأحد خلفها وأول مالتفتت شافت سعود واقف يطالعها بابتسامة عذبة ..
وعد بالانجليزي :
Do you need anything??
" هل تحتاج لشي " ؟

فهم سعود انها تتكلم بهالطريقة لأنها بوسط العمل فاقترب منها وقال بهمس بالعربي : لا مشكورة أنا طالع الحين للدوام بس جاي أعتذر عن موقف صديقي معاك
وعد بابتسامة : عادي عادي .. اتعودت على هالاسلوب !
سعود : ولو .. صديقي غلطان وكان لازم يتحفظ شوي بكلامه معاك بس أرجو انك تقبلين اعتذاري نيابة عنه
حست وعد ان هالانسان الي قدامها حييييل طيب وحنون .. وقالت بابتسامة مطمنة : اعتذارك مقبول وصدقني مو زعلانة !
سعود : يعني أروح الدوام وأنا مرتاح ؟؟؟
وعد استغربت معقوله لهالدرجة هامه زعلها ؟؟ لهالدرجة زعلها بيخليه يروح الدوام وهو مومرتاح ؟؟؟ شكت بهالشي لكنها اضطرت تجاريه وقالت : يس شوور .. لا تشيل هم
ابتسملها سعود ولف يبي يدور وهو يقول : طمنتيني يا ........ وش اسمك ؟؟؟؟
وعد بابتسامة : وعـَد !
رفع سعود حواجبه وهو مبتسم دلالة الاعجاب وقال وهو رافع ايده : باي وعـد !!
وعد وهي تضحك : باي

دار عنها سعود ومشى واسمها يتردد بداخله .. وعـد .. وعـد .. ياحلو اسمك ياوعد !!

طلع من الفندق وركب السيارة وهو مبتسم
أنس شافه وقال : سبحان مغير الأحوال !!
سعود وهو لازال مبتسم : شفيييييك
أنس وهو يحرك السيارة : تركتك مكشر وجيتني تضحك شالي صار فيك بسم الله ؟؟
سعود : شرايك باسم وعد ؟؟؟
أنس : وعد ؟؟ شهالاسم !
سعود : شرايك فيه قووول ؟؟؟
أنس باستهبال : وعـد .. أوعدك وعـد .. أوفي بالوعد ..
سعود : اي وبعدين اخلص شرايك فيه ؟؟؟
أنس : غريب عجيب بس حلو
سعود : بالضبط ! مثل صاحبته
أنس باستغراب : وش صاحبته !! وفاجأة استوعب وقال : لايكون ذا اسم المظيفه
سعود : ذكي اسم الله عليك
أنس : لا والله هذا اسمها !!
سعود : إي اسمها
أنس : ياحليلك انت عرفت جنسها واسمها وش بتعرف بعد ؟؟
سعود بعين لامعة : كل شي عنها !
أنس : لاحول لله الله يصبرني عليك بس
سعود : وانت شدخلك حبيبي؟؟
أنس : لأن كل شي بيجي على راسي يابإنك ترابط بالفندق او انك تعصب علي ولا اي شي من حركاتك الي طايح فيها
سعود : معليه أنس بليز .. اتحملني هالفترة بس .. انا مادري ليه أحس هالبنت جاذبتني وابي اعرف وش قصتها .. وبعدها خلاص بارتاح وأريحك
أنس : والله احساسي يقول ان السالفة مو منتهية على كذا بس
سعود : شقصدك ؟؟
أنس : الله أعلم !!

سعود مارد وظل يفكر فيها وبالأحاسيس الي يحسها تجاهها من اهتمام وحنان ..
والحقيقة ان سعود فعلا مايحس بغير كذا .. حس ان هالبنت مو مثل أي بنت شافها .. بنت جذبت اهتمامه لها ولحد الآن مايحس بغير الاهتمام فيها والحنان عليها .. والفضول لمعرفة قصتها ..
وماكان يدري ان هالبنت بتكون بيوم من الأيام .. أكبر زوبعة بحياته !!!!

نرجع لوعد الي من طلع عنها سعود ظلت هايمة بمكانها .. بكل مره يكلمها تحس بمشاعر غريبة تحرق كيانها وتوهج خدودها .. حاولت بكل مره تتجنبه لكن ماتدري ليه تحس بالصدق بنظراته ونبراته .. حسته يختلف عن أي واحد يحاول يكلمها ويجذبها ليضحك بالآخر عليها .. ومع ذلك ماحبت تعطي لنفسها فرصة تنطلق خلف مشاعرها لأنها تدري ان هالرجال بُعده عنها بُعد السماء عن الأرض .. وعزمت انها تحاول تبتعد عنه قد ماتقدر لتنقذ نفسها من أي مشاعر تحسها وأوهام ..
ورجعت تكمل شغلها وهي كل شوي تطالع الساعه وتترقب الوقت الي يرجع فيه سعود من جديد .. كانت تدور بين الطاولات وعينها تروح صوب الباب .. ياربي الحين انا مو قايلة ابغى أتحاشاه خلاص ؟؟ شفيني كل شويا أطالع الباب ؟؟ آه بس متى يجي اليوم الي تنقل في من هذا الفندق لأني من جد مربوووووشة بسببك !!

وقبل وصول سعود بــ 10 دقايق ..
جا مدير المطعم وأخبر وعد ان في اتصال يطلبها
استغربت وعد ودخلت المكتب وردت
: هالوو !
....... : أهلين وعد ..
وعد عرفتها : هلا هلا شهد
شهد : هلافيكِ .. اسمعي وعد أنا حعدي الحين آخذك حاولي تستأذني
وعد باستغراب : ليه شفيه خير ؟؟
شهد بلعثمـة : خير ان شاء الله .. بس .. آآ .. مامتك اتصلت بأمي وقالتلها انها تعبانة شوي .. و راحتلها ماما وأخذتها للمسـ ....
وعد قطعت عليها وهي تقول بخرعة : شفيها ماما ياشهد ؟؟؟؟؟؟؟
شهد : مافيها شي وعد لا تخافي .. هي الحين بالمستشفى يالله استأذني وحاخذك لها
وعد : أوكي باي

وراحت للمدير والخرعة متملكتها واتفهم المدير حالتها ووافق لها بالخروج ..

شالت وعد أغراضها ودموعها نزلت غصب عنها وطلعت مسرعه من باب الفندق وهي بعجلتها فاجأه اصدمت بشخص طويييييل وطاحت شنطتها من الصدمة .. وهي كانت بتطيح لكن إيدين فولاذية مسكتها من ذراعينها ورفعتها بخفة ..
رفعت وعد راسها ودموعها مملية وجهها .. لتنصدم بسعود الي ماسكها وباين بعيونه الخوف عليها .. !!!
وعـد بارتباك شديد : آيم سـ سو .. سـ ـ وري !!!
سعود بحنية : اتز أوكي وعد ! .. (( وترك ذراعينها بهدوء
رجعت وعد خطوة على الورى لتضبط نفسها .. وسعود انحنى للأرض وشال شنطتها ورفعها لها بابتسامة عذبة وهو مايدري سبب هالدموع الي يشوفها ..
مدت وعد إيدها وأخذت الشنطة وهي تقول بصوت مليئ بالدموع : ثانكيو .. ((و دارت وجهها تشوف سيارة شهد وقالت : أنا لازم أمشي .. آيم ريللي سوري !
ومشت مسرعه وهي تمسح دموعها .. وسعود دار بمكانه بسرعه ليشوفها .. وشافها وهي تمشي بسرعه .. وسيارة صديقتها الي شافها قبل توقف .. وركبت وعد بسرعه وسكرت الباب وانطلقت السيارة !!

رفع سعود حاجبه باستغراب .. وبهالوقت دخل أنس وهو شاف وعد لما كانت تمشي مسرعه للسيارة .. لذلك ماستغرب شكل سعود وقال : شفيها ؟؟
سعود : مادري فاجأة وانا داخل هي طالعه اصدمت فيني وكانت تبكي وعاونتها لاتطيح.. بس واعتذرت بسرعه ومشت !
أنس : هو انتهى دوامها ؟؟
سعود : ماعتقد .. دايم هالوقت اذا جينا تكون فيه
أنس : خير ان شاء الله
سعود حس بقلق عاصف عليها .. ولوهلة راودته فكرة انه يطلع بالسيارة يلحقها يشوف وينهي رايحة وشالي بكاها ؟؟؟ بس دفن هالخاطر بداخله ودخل هو وأنس داخل الفندق وطلعوا الجناح .. أخذولهم شاور وأنس حب ينام .. لكن سعود حب ينزل يشوف رجعت وعد ولا لاء .. !!
طلع من الجناح ونزل المطعم ودارت عيونه بين كل المظيفات ومالقاها .. !!
ظل ينتظرها ترجع وتأخر الوقت مارجعت !!
مل من الانتظار ورجع للجناح وهو يقول .. عسى المانع خير .

*******

اليوم الأربعاء أحب الأيام لكل الطلبة والموظفين لأنه بداية إجازة الاسبوع
عبير بالصالة هي وفتون يخططون للعزيمة الي بيسونها بكرا الخميس
عبير وهي ماسكة السماعة : فتون اكتبي الطلبات الي بنجيبها من الدانوب " هذا سوبر ماركت معروف بجده "
مسكت فتون ورقة وقلم وهي تقول : الحين من باقي ماعزمتي ؟؟؟
عبير وهي تدق الرقم : منال ونهى
فتون : يوووه يعني لازم يجون ؟؟؟
عبير : طبعا حبيبتي
فتون : أجل باعزم بشاير ووجدان
عبير : اعزميهم .. وفاجأة سكتت لأن سمعت رد
عبير : الوووو
.... : نعم !
عبير عرفت الشخص : مرحبا نوال
نوال : مراحب .. مين معاي ؟؟
عبير : أنا عبير .. شلونك نوال ؟؟
نوال بامتعاض : بخير الحمدلله .. انتِ شلونك وشلون أهلك
عبير : طيبين الحمدلله نسأل عنكم
نوال : سألت عنكم العافية
حست عبير بنبرة الضيق بصوت نوال كعادتها هذه مرة عمها ماتطيق أحد من طرف أهل زوجها .. فحبت تختصر الكلام معها وقالت : مدريي .. منال حولك ؟؟؟
نوال : لابغرفتها .. دقي على جوالها
عبير : دقيت جوالها مفصول
نوال بتنهيدة : أوكي اصبري اشوفها ..
وحطت السماعه وقامت
عبير سدت السماعه وقالت لفتون : ياكرهيلها تحسينها ودها تخرق السماعه وتكفخني !!
فتون : تستاهلين ليش تدقين عليهم أعوذ بالله يابيت عمي هذا ما أحب أحد منه الا نهى ووائل !!
عبير : حبوه تركي وش سوالك ؟؟؟
فتون : ماسوالي شي بس عاد ماحبهم وحتى عمي اتغير من أخذ هالنجسة !!
عبير بهمس : اسكتي تكفييييين لا تسمع والله مو ناقصين حكي زايد ووجع راس يكفي الي جانا منها

...... الووو عبيييير
انتبهت عبير للي يناديها بالتلفون : هلا هلا منال ..
منال : هلا عبير شلونك ؟؟؟
عبير : بخير الحمدلله .. شلونك انتِ يالقطوع ؟؟؟؟
منال : هههههه أنا قطوع حرام عليك ..
عبير : اي والله لا تنشافين ولا ينسمع صوتك وأدق على جوالك مفصول وحتى بالجامعة ماشوفك
منال : والله جوالي جاي فاتورة محترمة وأبوي عصب وعاقبني وماسددها ..
عبير : هههههههههههه تستاهلين
منال : وجع ان شاء الله يجيك ماجاني ..
عبير : اسكتي ياحمارة انتي دايم دعاويك مستجابة تخررررع
منال : أحسن خليك .. الي يجي صوبي مايلوم الا نفسسسسسسه " (( تبي تسمّع مرة ابوها "
عبير فهمت وقالت : بس يامنال لاتقولين كذا قدام نوال انتي مو ناقصة مشاكل
منال : يخسووووون ..
عبير خافت : بس يامنال يمه انتي والله تخوفين .. خلاص بقول الي عندي وأسكّر
منال : ههههههههه هاشعندك ؟؟؟
عبير : تعالي بكرا انتي ونهى بيتنا
منال : شعندكم ؟؟؟
عبير : عازمة صديقاتي بالجامعة ونبي نقعد سوى قعدة حلوة
منال : والله بشوف لأني ناوية بكرا أزور خوالي تولهت عليهم وعلى ريحة أمي لي شهر ماشفتهم
عبير فهمت نية منال بهالحكي وخافت تزيد الشراره بينها وبين نوال فماحبت تزيد الحكي معها وقالت : روحيلهم الجمعة يا منال تكفين حاولي تجييييين من زمان ما قعدنا سوى قعدة بنات وانبسطنا بلييييييز
منال : خلاص بكلم نهى ونشوف
عبير : لا مافي تشوفون تعالوا وبس
منال : لهالدرجة ميتة علي حبيبتي ؟؟؟
عبير : ييييييع عليك أقول انقلعي وراي اتصالات
منال : هههههه طيب ماقلتيلي أي وقت ؟؟
عبير : بعد المغرب
منال : خلاص ان شاء الله .
عبير : أوووووكي نستناكم .. باي
منال : باي

سكرت منال السماعه وشافت نوال جالسة قدامها رجل على رجل وكنها تنتظر منها تشرحلها هالألغاز الي سمعتها .. لكن منال قامت ولا عبرتها ومشت للدرج متجاهلتها باللحظة الي نزلت نهى الدرج مسرعه وهي تقول لمنال : من كنتي تكلمين ؟؟؟
منال : عبير ..
نهى : شعندها ؟؟؟
منال بغرور : تعالي غرفتي وأعلمك ..
التفتت نهى لنوال وشافتها تطالع فيهم والشرار يتطاير من عيونها .. ابتسمت نهى بسخرية وطلعت الدرج هي ومنال
إلا فاجأة طلع صراخ نوال من وراهم تقول : أوقفي مكانك انتي وهي !!!!!!!!
نهى خافت ووقفت .. !! لكن منال كملت طلوعها وهي مو مهتمه وقالت لنهى : امشي اطلعي وش عليك منها ؟؟؟
نقلت نهى بصرها بين اختها ونوال وماعرفت وش تتصرف
نوال بعصبية تكلم منال : إلا بتسمع كلامي غصب عليك وحتى انتي بتسمعين كلامي !!!!!
منال وهي بنص الدرج قالت بسخرية : وش الي بيغصبني أمانة ؟؟ صوتك المرعب ولا نظراتك الي تخرّع ؟؟؟
نوال : احترمي نفسك يامنال ولا تخليني أسوي شي تندمين عليه ؟؟؟؟؟؟
منال باستهبال : لا خوفتيني خلاص أتوب ! .. وكملت بجدية : يكون بمعلومك إنتي آخر وحدة تتكلم بهالبيت !!!!
نوال بصوت عالي : غلطانة حبيبتي قصدك أول وحدة وآخر وحده ولا في كلمة تمشي فوق كلمتي بهالبيت !!

نهى صارت ترتجف من الخوف لأنها تشيل هم هالمواقف المتكررة بين منال ومرة أبوها والي نهايتها صياح ودموع وأوقات ضرب وأوقات أبوهم يوقف معهم وأوقات يكون ضدهم ويوريهم الويل .. فسالت دموعها وهي تقول : طيب ممكن اعرف انتي ليه معصبة يانوال ؟؟؟
نوال : انطمي انتي ولا كلمة !!!!
نهى وهي تبكي : خلاص بانطم بس حتى انتي اتركيني بحالي انا واختي خلاص
منال : بالله يانهى تبكين عشان هذي ؟؟؟؟ لا تنزلين دموعك على وحدة ماتستاهل .. وسحبت إيد اختها وطلعت معها الدرج
ونوال من وراهم هاجت أمواج غضبها .. وصارت تمشي ثايرة بالصالة وتحلف وتتوعد انها ماتتركهم بحالهم وأول شي خطر على بالها ان تخرب عليهم روحتهم بكرا الي فهمتها من مكالمة منال وعبير !!!

::

عزمت عبير كل الي ببالها وفتون مافاتها تعزم أعز صديقة عندها " عهود " وبعدها راحوا مع السواق للدانوب يشترون الأغراض الي بيحتاجونها للعزيمة ..
نزلهم السواق وانتظرهم عند المواقف
وعبير وفتون دخلوا السوبرماركت
سحبت عبير عربية .. وفتون سحبت عربية ثانية
عبير : خلاص معاي وحدة رجعي الي معاك
فتون : لايمكن نحتاج عربيتين
عبير : وليه عربيتين ان شاء الله وش بنشري احنا ؟؟؟؟
فتون : أنا عن نفسي باشري كل شي يعجبني سواء للعزيمة ولا غيره
مشوا بالعربيات وعبير تضحك وتقول : والله شكلنا يضحك فتون باين بنات وبعربيات كننا مفاجيع
فتون : هههههههههه تعالي تعالي بسرعه من هالسيب
عبير : وييييين ؟؟؟ وش تبين بهالسيب كله مستلزمات أطفال
فتون : ايييييييه وهذا المطلوب !! (( وشالت كيس بامبرز وعلبة حليب أطفال وقوارير ورمتهم بعربيتها وعربية عبير وهي تقول : عشان لاحد يطالع فينا يحسبوننا متزوجات وبنقضي لبيتنا وعيالنا
عبير بالقوة كتمت ضحكتها : خخخخخ لا مابي يافتون والله فشللللللللة
فتون مستانسة : الا عبير خلييييهم امانة .. خلينا نجرب اشكالنا وحنا ندور بالحفايظ
عبير : ههههههههههه استغفر الله .. يالله امشي قدامي بس ..
ومشوا يدورون بالسوبرماركت ويشرون الي يبون

برا السواق انلم على مجموعة سواقين من جنسه وصار يسولف معهم .. الا فاجأة رن جواله وحسب ان البنات اتصلوا .. قام ومشى ورد عليهم بسرعه : ايوا
..... : الو
السواق : ايو ايوا
...... : السلام عليكم
السواق : عليكم سلام
....... : مين انت ؟؟
السواق : انتَ مين ؟؟ هدا جوال أنا !!!
........ : انت السواق ؟؟؟
السواق : ايوا ايوا اش يبغى انتَ ؟؟

.......... انقطع الخط .....

استغرب السواق لكنه ماهتم وسكر الجوال ورجعه جيبه ومشى يبي يرجع لشلته إلا فاجأة دق جواله مره ثانيه ..
رد السواق بحمق : أييييواااا
صوت أنثوي : الووو
السواق : ايوا مين ؟
......... : انتَ في البيت ؟؟؟؟
السواق : لا في الدانوب سوى سوى بنات انتي مين ؟؟
........ : طيب فين عبير ؟؟؟
السواق : جوا في الدانوب
......... : انا الحين في الدانوب ماشفتها !!!
السواق : في دانوب كتير انتي فين أي واحد دانوب ؟؟؟؟
......... : انت قولي بأي دانوب ؟؟؟
السواق : انا في دانوب سوق حراء !!!
........... : طيب انا هنا ماشوف عبير
السواق : مايعرف انا خلاص اتصلي على جوال عبير هدا جوال أنا
....... : اوكي جوال عبير نسيته كم رقمه ؟؟؟
السواق : دقيقة شوف جوالي ...
وشاف جواله وطلع رقم عبير ورجع للمكالمة : الووو
....... : ايوا هاه كم ؟؟
السواق : 05053..... الخ
....... : شكرا حبيبي
السواق : مين حبيبي ؟؟؟؟
......... : انت حبيبي انت خطييييير ياشيخ باي
السواق مستانس : هههههه باي

أنهى الشخص المكالمة وهو يضحك وخويه الي معاه مسطح من الضحك ..
ناصر : بالله شلون غيرت صوتك بهالشكل والله لو اني مو شايفك كان حلفت انك بنت !!!
بدر : والله اتخرعت يوم طلعلي السواق ورحت قلبت صوتي كني صديقتها ! طلعت بنت اللذينَ داقة علي من جوال سواقهم مب جوالها !!
ناصر : هههههههههههههههه والله انها ذكية !!
بدر : من وين الذكاء حبيبي هذا انا جبت رقمها ومكانها بعد وبروح الحين وبشوفها وهي ماتدري عن شي !
ناصر : وينها الحين ؟؟؟
بدر وهو يلف السيارة : شكلها هي واختها بدانوب حراء وبسرعه خلينا نلحق عليهم
ناصر : طيب اذا شافتك بتعرفك على طول !!
بدر : مو انت بتعاوني حبيبي
ناصر : ابشششششششر انت تامر أمر !
بدر : ههههههههه الحين بس صرت آمر هاه ؟؟
ناصر : والله من وصفك لحلاوتها وشكلها وضحكها تحمست اشوفها
بدر : يالله الحين ابيك تدخل قبلي وتشوف قمرين يمشون بالسوبرماركت وحده طويلة والثانية أقصر منها بشوي .. وتراهم مايطالعون بأحد ولا يلتفتون .. ذاك اليوم طول ماهم على الطاولة وكل من يمر عندهم مايطالعونه تقول عنهم عميان مايشوفون
ناصر : أجل مب راعيين هالحركات يابدر شتبي فيهم !!
بدر : سحرتني هالعبيـر .. !
ناصر : وانت متأكد من اسمها !!
بدر : اي سمعت اختها تناديها بهالاسم ..
ناصر : طيب واذا شفتها وش اسوي ؟؟
بدر : لاتسوي شي وجع .. دق علي بس وانا اجي اشوفهم بطريقة مايشوفوني فيها
ناصر : أهااااااا .. طيب احس اني داخل فلم والله !
بدر : ههههه يالله بس وصلنا انزل
ناصر : يالله ..

ونزل من السيارة متوجه لداخل السوبرماركت .. ودخل وهو يصطنع البرود .. وشال أحد السلات وصار يدور بين الاسياب بهدوء .. وكل ماخلص من سيب لف للسيب الي وراه وعلى هالحال لين فاجأة وهو بيلف لأحد الاسياب .. صدم بعربية طالع طرفها بالسيب ووقف مكانه !!
كانت فتون تتنقى بين الحلويات لما انتبهت لهالشخص واقف يطالعها عند العربية وانتبهت لعربيتها الي تاركتها بنص الطريق وكل من مشى محتمل يصدم فيها !!
مشت لعربيتها وسحبتها وهي تقول بهمس : آسفة
ورجعت مكانها بدون ماتنتظر رد ..
راود ناصر الشك انها تكون ذي عبير الي يقصدها خويه بدر لكنه ماشاف معها بنت ثانية .. ! فمشى متجاوزها وأخذ أحد علب الشوكولاته ورماها بسلته وكمل مشيه .. الا فاجأة شاف بنت ثانيه تدخل هالسيب وتمشي عكسه ولا كأنها شايفته قدامها !! لحقها بنظراته وهو مو مصدق انها ممكن تكون هذي عبير !! وقال بخاطره والله لو كانت هذي هي فماعطيتها حقها من الوصف يابدر !! شاف البنت توقف جمب البنت الثانيه ودار بينهم كلام هامس وبعدها دفوا عربياتهم متجهين نحو الكاشير
مشى وراهم لوين ماوقفوا عند الكاشير ووقف وراهم كنه بيحاسب اهو بعد على علبة الشوكولاته الي أخذها ومايدري وشهي وكيف أخذها .. !!
حاسبو البنات ومشوا للشارع ومبين انهم مستعجلين وبهاللحظة دق جوال ناصر ويوم طالع لقى بدر المتصل
رد عليه : هلا
بدر : هاه وينك ساعه مالقيتهم ؟؟؟؟
ناصر : الا الظاهر لقيتهم بس تراهم طالعين الحين خلاص
بدر : شلوووون ؟؟ ليه مادقيت علي أول ماشفتهم !
ناصر : مادري ياشيخ تخربطت وشريت شوكولاته وقاعد أحاسب عليها
بدر : مالت عليك انت وشوكلاتك امش بسرعه بس خل نلحق عليهم
ناصر : هههههههه طيب طيب
وترك الشوكولاته مكانها ولا اخذها والهندي صار ينادي عليه ياخذها وناصر قاله وهو يبعد : كانسل خلاص ماعندي فلوس

وطلع للشارع إلا لقى سيارة بدر قدامه ركبها وسكر الباب وهو يقول : شفتهم ؟؟؟؟
بدر وهو يحرك السيارة : إي هذا هم بالكدلك الي قادامنا وبنلحقهم !

وطلع الكدلك من مواقف السوبرماركت يشق الشوارع
وخلفه سيارة بدر تلحقهم لوين ماهو .. بـيتهم !

محد انتبه لسيارة بدر الي تلحقهم طول الطريق لأن بدر هالمرة حاول يلحقهم بأسلوب مو واضح .. يروح الصف الثاني وورى السيارات وعيونه مثبتة على سيارة البنات لا تظيع منه .. ومن جهة ثانية البنات بالسيارة كانوا منشغلين بالسوالف عن عزيمتهم وكيف بتكون و وش بيسوون وهالأمور الي انتوا أدرى فيها ..
وصلوا لشارع بيتهم وسيارة بدر لازالت وراهم تتبعهم باحتراف !! وقف بدر السيارة بجمب الرصيف يوم شاف سيارة البنات تجنـّـب وتمشي بشويس وهالشي خلاه يفهم ان هذا شارعهم ! راقب السيارة لين وقفت قدام أكشخ البيوت وأحلاها بهالشارع .. ونزلو البنتين حاملين أكياسهم ومتجهين لباب البيت .. هاللحظة مشى بدر مسرع من جمبهم وهو يصفر بكل فرح
مين قدك يابدر الحين ؟؟ بعد عرفت اسمها ورقمها وبيتها !!!!

::

بدر واقتحامه حياة عبير بهالشكل ؟؟ وش توقعاتكم عنه وش ممكن يسوي !
ناصر صديقه .. ماقد مر عليكم اسمه قبل ؟؟؟

وعد والمشاعر الغريبة الي تحسها .. لوين بتاخذها ؟
وشالي صاب أمها وهل لهالحدث دور بعلاقتها بسعود؟؟

حنان انكشفت أسرارها أمامكم وأمام صالح
ياترى وش بيسوي صالح و وش سر الاهتمام والحب الكبير الي يحسه تجاهها ؟؟؟

خالد ومرام والعلاقة الي ماأحس وصف يناسبها الا انها مجنونة
خخخخخخخخخخخخخخخخخ
وش تعليقكم عليها

رايكم يهمني

::


يتبع

**********