اسمعوني هل هذا يعتبر عقوق ولا عادي كل الناس كذا

الأسرة والمجتمع

السلام عليكم كيف حالكم اخواتي اسمعو انا احب الصلاه ومحافظه على صلاتي والحمدلله ومحافظه على صيام رمضان ولله الحمد وختمت اجزاء من القران ودايما احب اصلي قيام الليل وعندي حب في قلبي شديد احب كل شي وهذي طبيعتي احب الله ومؤمنه ايمان واحب اولادي واحب الخير لكل الناس واحب اتصدق وقلبي ابيض اذا زعلت اسامح واحب اسوي كل الاعمال الي ربي امرنا فيها بس في عمل واحد ما اعرف اسويه ومأحب اسويه ومأعرف اصلا احاول اتعلم بر الوالدين مدري ليش انا زي كذا طبيعتي مي راضيه تتغير احاول احب امي وابويا دايما في الصلاه ادعي انه ربي يحنن قلبي عليهم والله العظيم انا ما اكرههم بالعكس انا مره احبهم بس ماني متعوده لمن اصحى من النوم اسلم على روسهم وقبل مأنام اسلم على روسهم مأعرف اسوي هذا الشي بس اقول السلام عليكم واهرج معاهم واحس انه علاقتي بامي وابويا رسميه بس في الاعياد لمن يجي ابويا من صلاة العيد اسلم على راسه وامي كمان واقلهم من العايدين يعني في المناسبات هل هذا يعتبر عقوق ولا عادي كل الناس كذا هما اصلا يحبوني ويحبون اولادي ولدي الصغير انا مسميته با اسم ابويا وانا احب اجبر بخواطرهم لانهم ناس كبار في السن بس احس اني ماني باره فيهم كثير شويه ااعطوني ردودكم كيف اتعامل معاهم مأاعرف علموني جزاكم الله خير وادعولي معاكم ربي يرزقني الزوج
24
4K

يلزم عليك تسجيل الدخول أولًا لكتابة تعليق.

تسجيل دخول

زمان فات
زمان فات
الله يرزقنا واياك
بقايا طفلهـ
بقايا طفلهـ
الله يكتب اجرك ودامك تحاسبن نفسك فهذا شي حلو
قدرتي تكسبين بفضل الله محبة الناس واهم غرباء عنك لا ربوك ولا تعبو معك يعني ان شاء الله اهلك اولى بمعاملتك الطيبه

لا تضغطين ع نفسك بس عوديها على برهم مثلا رحتي السوق اشتري لهم هديه بسيطه قولي عجبتني لكم وجبتها جيبي اشياء يستخدمونها وتريحهم لو مفرش جديد لو ملابس عود زين الاشياء اللي تناسب سنهم واللي يحبونها جيبي شي يحبونه وفي كل مره جيبي شي معك هالشي بيحسسهم انك حاسه فيهم وتتذكرينهم وماتستخسرين شي فيهم حتى لو مسواك لاتسخسرينه ولاتستصغرينه

مثلا امك لما تشوفينها امدحيها لو ماقدرتي سولفي عادي شاوريها بعيالك وخذي برايها حسسيها انك بحاجتها ورايها مهم وانك مااستغنيتي عنها واستقليتي بحياتك

شوي شوي صدقيني انتي بنفسك رح تدورين اشياء اللي تبسطهم زي ما انتي عارفه وش تسوين مع الناس وخلاهم يحبونك

وبكل يوم حاسبي نفس دام لك قلب يحاسب صدقيني بإّذن الله ربي بيكون بعونك لانك ترتجين رضاه هالبر


اذا احترتي اسألي نفسك سؤال واحد لو عيالك كبرو والتهو بالناس وانتي ضعفتي وكبرتي وقلت روحاتك وجياتك وعيالك يعاملونك برسميه حتى لو كلهم بارين فيك واحد من عيالك تعامل معك برسميه مارح يضايقك هالشي؟
حطي نفسك مكانهم وش تحبين من عيالك وش ودك يخدمونك به وحاولي تحققين مثله واكثر لامك وابوك

لاتنسين ان برهم باب من ابواب الجنه فلاتخسرينه علشان كلمة ماتعودت
تعودتي ع اشياء كثيره ولاهو صعب ولا يضرك تتعودين برهم

ودوري رضاهم لوبابسط الاشياء وادعي الله يعينك ع برهم والله بيفتح لك ابواب ماتتخيلينها

حتى لو عندهم خدامه حاولي تقضين حاجاتهم بنفسك بكاس مويه تجيبينه تعطينهم علاجتهم تجيبين لهم اكلهم تطبخين شي يحبونه يعني عودي نفسك تسوين يوميا شي لهم وان شاء الله ربي يكتب اجرك ببرهم
قلب منكسر
قلب منكسر
أنا مثلك بلعكس أستحي كثير منهم
الله يرزقك الزوج الصالح يارب
كللي حنيه
كللي حنيه
المفروض مايكون بينك وبينهم اي حاجز...
يختي تقدمي خطوة لهم راح تلاقيهم تقدمي 10 خطوات لك..
راح تلاحضين انك تستمتعين لما تحبين روسهم اول ما تصحين الصبح...
ولله مافيه اجممممممممممممل من دعوة منهم ...
الله يخليهم لك..
ويرحم امي وابوي يااارب العالمين..
miss_moOon
miss_moOon
بقايا طفله فتحتي عيوني على امور كثيره الله يرزقك اجر الذكرى لاني عشت الجو وتخيلت اني كبرت وضعفت وبدات اتخيل ايش اتمنى اتمنى اولادي اكون همهم والان فهمت وعرفت .. والاجر باذن الله موصول لصاحبة الموضوع