أنا شريت غسالة صحون من ال جي الحمدلله :icon28:
بس بصراحه دخت السبع دوخات عشان أفهم لمنظفاتها ..
ودووورت كثييير عن الملمع والملح ومالقى رحت بنده والدانوب بس ألقى عندهم غير الصابون وماركة فانيش وفي منو ثلاث انواع في مكعبات 3في 1 وفي منو بودره وفي منو الجل..
واليوم رحت كارفور ولقيت عندو انواع كثيره لصابون غسالة الصحون مو بس فانيش لقيت ماركه مكتوب عليها كارفور صناعه فرنسيه في منها مكعبات وفي منها بودره وفي ماركه ثانيه اسمها سومات صناعتها ألمانيه وكثير مدحوا فيها وبيدوروا عليها وفي منو مكعبات 7في 1 وفي منو بودره..
الحين بعرضلكم صور المنتجات اللي شريتها..
بس أول بوريكم غسالتي قولوا ماشاءالله>>ههههههههههههه
هذي المنتجات شريتها من كارفور..
هذا هو صابون سومات مكعبات 7في1..
شوفوا ايش مكتوب عليه من الخلف..
وهذا شكل المكعب تحتوي العلبه على 26مكعب ب 37ريال
وهذا الملح دورت عليه في بنده والدانوب مالقيته هذا ماركة كارفور العلبه فيها 1كيلو ب 5 ريال ونص تقريبا.. وفي علب أكبر..
وهذا معطر لغسالة الصحون برائحة البرتقال ب14ريال ولقيت منو بالليمون في هايبر بنده وبنفس السعر..
وهذا منظف غسالة المواعين ومسلك للمواسير يستخدم علبه كامله مره واحده في الشهر ..أنتبهوا ترى والله لقيتو في الدانوب ب 34ريال ولمن رحت كارفور لقيتو ب 14 ريال..
طبعا انا ماشريتو لأن غسالتي باقي جديده ماتحتاج قلت الشهر الجاي ان شاءالله أشتريه فجبتلكم صورتو من النت..
وهذي صوره لملمع الصحون جبتها من النت لأني دورت عليه في كل مكان مالقيت ياليت اللي اشترت تقلي من وين في جده؟؟؟
بديكم شوية معلومات أخذتها من بنات المنتدى ممكن تستفيدوا منها..
1- المكعب 3في1 او 7في1 يغنيكي عن الملمع والملح..
2- في بنات قالولي الملح ضروووري حتى مع المكعب الثلاثي والسباعي لأنه يعادل عسر الماء..واذا ماستخدمتي الملح ممكن يتلف الغساله..
*هذي المعلومه أخذتها من كتيب خاص بمنتجات فانيش جاني داخل غسالة الصحون لمن شريتها وجى معاها علبتين صابون فانيش مكعبات..
مكتوب في الكتيب اذا استخدمتي المكعب الثلاثي يغنيكي عن الملح والملمع..
أما اذا أستخدمتي الصابون البودره او الجل او المكعب العادي يجي مكتوب عليه كلاسيك فلازم من الضروري تشتري معاه الملمع المساعد للشطف والملح الخاص للغساله..
في بنات يقولوا انهم لقوا الملح عند محلات تعبأة المياه >>>أطلبوه ملح خاص بخزانات المياه
أتمنى مجهودي ينال على اعجابكم..
