السلام عليكم
اسعد الله جميع اوقاتكم يا حلوات
وكل عام وانتوا بخير ان شاء الله .... والله يجعل هالسنه كلها خير لنا وللأمه الإسلاميه ياآآآرب
حبايبي ... اليوم جبت لكم طريقتي فالشوربه ,, وهي مررره لذيييييذه بصراحه
حتى الاطفال بتعجبهم انا متآآآآكده ,,,
نجي للمقادير مثل ماهي ظاهره فالصوره
طبعآ انا الكميه اللي مسويتها شوي كبيره لاني اخذتها لخالي ابو زوجي كان تعبان شوي .. اسآل الله ان يشفيه
بس كل وحده تحدد الكميه المناسبه لها
اول شي صدور دجاج قطعيها صغااار
وهنا باقي المقادير
الخضار : كوسه - بطاطس - جزر
شوربةالدجاج بالشعيريه من ماجي انا استخدمت بكتين
3 ملاعق شوربة شوفان
1 كوب حليب سايل
ملح
نجي للتحضير بالخطوات
اول شي حمسي الدجاج في شوي زيت الين يصير كذا شكله
اضيفي تقريبآ 4 اكواب مويه
واضيفي الملح
وغطي عليه لمدة 20 دقيقه
وبعدها اضيفي البطاطس والجزر فقط ... الكوسه ما تحتاج وقت كثير للطبخ تستوي بسرعه
وغطي عليها الين تحسي خلاص ان البطاطس والجزر استوت وقتها اضيفي الكوسه
ملاحظه : ( احنا نبغى الخضار طري مررره لانها شوربه )
وبعد ما تضيفي الكوسه اتركيها ربع ساعه تقريبآ
وبعدها اضيفي 3 ملاعق شوربة الشوفان وحركيها واتركيها 5 دقايق واضيفي شوربة الدجاج بالشعيريه من ماجي
وكمان حركيها واتركيها 5 دقايق
وبعدها اضيفي كوب الحليب
هنا لمن اضفت الحليب
وخليها تغلي تقريبآ 5 دقايق
وبس ترى مررره سهله بس انا حاولت اوضح كل شي بالصور
بس وقت التنفيذ مررررررررره سهله ... وتستاهل التجربه
وانا متاكده كل من بيجربها بيشكرني
لاني انا ماني من هواة الشوربه بس والله هذي ما امل منها مرررره لذييييذه
اترككم مع الصور الاخيره
وفالاخير اللي يعجبها موضوعي واستفادت منه لا تنساني من دعواتها الحلوة
تقبلوا تحياتي
اختكم / ظــنـــووونــــه
ياآآآرب في هالساعه المباركه ان تكتب لي التوفيق والسعاده و تخليلي امي وابويه ووزوجي واخواتي واخواني و كل احبابي ولا تفجعنا في غالي يارب ... يآآرب اجعل هذه السنه سنة خير وبركه علينا وعلى جميع المسلمين يآآآرب .... اللهم آآمين
مطرنا بفضل الله ورحمته ... وانا انسخ اخر صورة بدأ المطر ينزل ,, يارب لك الحمد
الله يجعله عام على جميع بلاد المسلمين ويجعلها امطار خير وبركة يارب
اشوفكم على خيييير
في آمان الله