السلام عليكم ورحمة الله وبركاته ..
حبيباتي حنا بنينا شقه جديده عباره عن
قسم الحريم فيه غرفتين وبينهن حمام ومطبخ ومستودع صغير
وصاله مفتوحه يعني ثلاث جدران بس من قدام مفتوحه ..
وعندي مقلط ومجلس رجال وحمام ..
الاسئله هي بس تحملوني شوي لاني حيل محتاره :rolleyes:
اولا انا قلت بصبع البيت ابيض اوسكري ساده مابي صبغات والوان وش رايكم حلو ولا اصبغه احسن انا اخاف اصبغه وتروح موضته وابو الشباب احلم انه يصبغ بعد عشر سنين هههههههههههه فاللون الواحد ماتروح موضته ويعطي هدو ووسع للمكان ..
ثانيا السيراميك وش احط المداخل اي لون احلى ووش احط وصالتي المطبخ بحط ع حسب لون الدرج الغرف ابي افرشها ..
ثالثا وين افضل محلات بالرياض لتفصيل المطابخ بسعر معقول ووش افضل نوع مطابخ يعني انا ما اعرف الا المنيوم وخشب والخشب مستبعدته تماما ابي شي حلو ويعمر ..
وش احط السيراميك حقت الحمامات للرجال والحريم ؟..
ومدخل الرجال وش افضل شي احط فيه للزينه ..
مدخل الحريم بحط مرايه طبعا اللي يجي تحتها درج ناعم وابي احط معلاق للعبايات بس الرجال ماله داعي احط لهم مرايه انا فكرت احط شي زي الزرع مثلا لانهم يحبونه اعطوني افكار ..
بالنسبه لمستودعي الصغير جداا فكرت افصل له ارفف حديد عشان اخزن الاغراض اكثر ..
طيب فيه اهم سؤال عندي المخزن صغير يعني مايكفي الا لشي واحد كهربائي انا قلت بحط فيه فريزر وغسالة الملابس بحطها بالمطبخ وش رايكم لانه بالحمام راح تضيق المكان وتخرب من المويه ع فكره غسالتي اتوماتيك فتحه اماميه يعني تصلح تحط بالمطبخ انتن وش رايكن مابي اندم ع شي ساعدني ..
بالنسبه لغرفتي انا كنت ابي فيها حمام بس للاسف زوجي رفض لان الغرفه راح تطلع ضيقه شوي وش رايكم عادي تطلع ضيقه لانه يمدينا الحين نسوي حمام بالغرفه لسى ماليصو الشقه وباقي السباك والكهربائي خلال هالاسبوع بيجون ..
الله يرزق ويوفق اي وحده ترد علي ولا ترفع الموضوع تكفن يابعد حيي مالي بعد الله غيركن انا محتاره وماعندي احد استشيره ..
والسلام عليكم ورحمة الله وبركاته
روح علوووش @roh_aalooosh
محررة
يلزم عليك تسجيل الدخول أولًا لكتابة تعليق.
الصفحة الأخيرة
ان شاء الله افدتك موفقه...