اخت وضحى @akht_odh
محررة
علمي بناتك لاتخلين الحريم يعلمنهن بكره لجلست تشكر افلانه وش موقفك/ قديم
صباح الخير على الحلوات والسنعات يابنات انا :heart: احبكن :heart: واتمنى لكن كل خير وابعلمكن بشى كد صار معى وهو عند بعظ الحريم عاد ى اما انا احسه كاسرا خاطري بس يالله ماعليه كبرنا ونسينا بس الان انا اطبق على بناتى اللى كان ناقصنى بعوض فيهم :icon19: صارو ضحيه خخخ نقص حاجه على امهم وهو الله يسلمكن يوم تزوجت ماكنت اعرف شغلات الدوره الله يكرمكن مثلا وش اسم الادويه بس امى تحسبنى اعرف حاطه ليه من هالاعشاب ماقصرت بس وحاطه حاجه بعلبه حبها اصفرررر ولما جتنى الدوره بعد الزواج باربع ايام بس ابكى واروح افتح من هالعلب ومدري وش اسوي وانا مستحيه من اهل زوجى بالصدفه دخلت اخت زوجى اصغر منى الله يحفظها قالت وش فيك قلت انا مادري وش اسم هالدواء قالت هاذي حلبه وقلت طيب اكل منها لانى ابكى من الالم قالت ايوا بس اصبري هى مو مطحونه خخخخ قلت عادى قالت لا امى لازم تطحنها وراحت وجتنى عمتى الله يوفقها وجابت ليه مطحونه وقالت بالصباح ملعقه وبالليل مثله عاد انا تسمرت لانى استحيت امى الله يهديها ماعلمتنى بالسوالف بس كانت تجيب الحاجات وتسويها لنا وهذا غلط والله مانعرف حتى اسمائهن مدري ليه كتومات وعاد سبحان الله بعد هاذا الموقف تعلمت كل شي وحاجه ثانيه كنت مااعرف للطبخ الا طبخ الرز والدجاجه والشاى والقهوه لان امى كانت تخاف علينا وبعد ماتحب نخررررب شى وهذا غلط المره المفروض تعلم بناتها من عشر سنوات كل شي بس بالتدريج وتحت نظرها وتبهذلت لين تعلمت وحاجه ثالثه لاتكسحين بناتك قدام الناس وخاصه الحريم وحذاري تهاوشينها علنن ولو اخطت تراه يصير بخاطرها ويقسى قلبها اذا اخطت خوذيها لحالها بالغرفه وتشرهى عليها واعطيها كم بوسه على راسها واحظنيها حتى تفهمك بعظ الحريم ماتنفعها عيشتها لين تنكد على بنياتها قد الناس وياقلبي شوفى بعدين لاتزوجت وطلعت والله تتمنين تجيك وهى تعذر لانها ماشافت الحنان اللى يردها لك علمن بناتكن من الصغر على النظافه وعدم الاتكال على الشغالات وعلميها الطبخ والكلام الحلو وعلميها اموردينها لان المدارس ماتعلم بكل مفيد وعلمها كل جمعه الاغتسال وقراءه سوره الملك ولو كانت اصغيره خليها تقراء العشر الايات الاولى وخليها عاده لها وقراءه ايه الكرسي الصباح والليل وعلميها اذا بلغت الدواء بان تطحنين لها مره او مره ومحلب وعنزروت وتحطه بفنجالها وتقهوا عليها واذا وصل عمرها الخمس عشر اشتري الاغراض وخليها تعرف شكلهن واسمهن وتطحنهن وتستعملهن حتى تعلم تصدقن ان قريبه ليه توفت الله يرحمها كانت طبيبه الديره وكلن يدعى لها ويوم توفت ماعلمت بنياتها ولا بنات بناتها لانها جده والله اللذي لااله الاهو انهن يجن عند امى تعلمهن وهذا غلط الام ودهامن حرصها على بناتها تخدمهن من غلاهن عندها لاكن ماتدوم والموت يجي فجئه الله يرحمنا حاولى تعلمين بناتك كل شي زين وعلميها اموردينها ودنياها لان وحده وهى بالمجلس وامها قمه بالرزانه والمهابه وتسولف بالمواقف واذكرت لنا ان اللى علمتنى المرقوق ام زوجى لان امى ماتجلس بس مسايير وانا جالسه احرس اخوانى بالبيت وحده قالت عاد انا اللى معلمنى القهوه اخوي لان امى ماهى مهتمه لى والله انى صادقه ويعلم الله انى ابي لكن الخير والفايده :heart:
157
31K
هذا الموضوع مغلق.
Kraft
•
وربي صدقتي بكل كلمه وبركز على بناتي ان شالله الله يجزاك خير
الله يجزاك الجنه والله انك صاااااااااااااااااااادقه
هذا انا اعلم بناتي وعيالي كل شي وادربهم عليه حتى العيال هم اللي يكوون ثيابهم
عشان لااحد يصيرله فضل عليهم وبناتي في الابتدائي معلمتهن الطبخ واراقبهن وباقي الامور بعد
ماااااااااابيهم يمرون باللي مريتبه
هذا انا اعلم بناتي وعيالي كل شي وادربهم عليه حتى العيال هم اللي يكوون ثيابهم
عشان لااحد يصيرله فضل عليهم وبناتي في الابتدائي معلمتهن الطبخ واراقبهن وباقي الامور بعد
ماااااااااابيهم يمرون باللي مريتبه
الماهرات
•
فعلا معك حق المفروض الام تعلم بنتها على كل شيء وماتخلي احد غيرها يعلمها ولازم تشجعها
انا بنتي صغيره بس اخليها تساعدني اذا جيت اسوي كيك اوحلا وكل ماتكبر شوي بعلمها اكثر
ان شاء الله عشان ما تدعي علي اذا تزوجت وتقول معالمتيني يماما شكرًا لك على النصيحة يالغلا
.........الماهرات
انا بنتي صغيره بس اخليها تساعدني اذا جيت اسوي كيك اوحلا وكل ماتكبر شوي بعلمها اكثر
ان شاء الله عشان ما تدعي علي اذا تزوجت وتقول معالمتيني يماما شكرًا لك على النصيحة يالغلا
.........الماهرات
الله يستر بنت توها صغيره
اخاف اسوي بها مثل امي تخاف علينا من الفرن
والاعشاب اصلا امي ماتقتنع الا بالكمون وبس والبسي شراب وتطيبين
الله يجزاك خير
اخاف اسوي بها مثل امي تخاف علينا من الفرن
والاعشاب اصلا امي ماتقتنع الا بالكمون وبس والبسي شراب وتطيبين
الله يجزاك خير
الصفحة الأخيرة