ممكن تجاوبون عن غسالات المواعين ؟؟

هي مريحه بس لزم تنظفين بقي الاكل من الصحون وتشيل عنك المطابخ كله بس القدور مااغساله قيها لنها تسود

اشيل بواقي الاكل بالملعقة من الصحون واحطها في الغسالة وهي تقوم بالواجب
القدور الستيل تغسلها وانا اصلا كل قدوري ستيل من اول لانها صحية
القدور اللي فيها زيوت وصلصات تنظفها بسهولة
بس اللي مطبوخ فيه رز ولا شي ناشب لاازم يفرك قبل
طبعا قدور الالمنيوم ما تصلح لانها تسود ما تتحمل الحرارة
والترامس والحافظات ما تتحمل الحرارة اظن
اما باقي البلاستيك اغلبه يتحمل
احط فيها التبرويهات بانواعها ويمشي الحال

وعلى قولتك المواعين تتوالد بشكل عجيب
ويوم جت الغسالة شالت عني حمل كبيييير
سبحان الله انا سمحة مع بنتي الصغيرة تلعب بالجهزة,اقول مو مشكلة لو خرب شي يتصلح
اللللل غسالة المواعين ما اخليها تقرب منها,لاني ما اتخيل نفسي كم يوم بدونها

والله ياقلببي هي مررررررريحه

خصوصا ضيوفها كثار ..... وعندها اطفال وموظفه

والاكل تنزليه مثل لما تغسلي بيدك

لو لو رميتيه بالمجلى راح ينسد

تمسحي الاكل بمنديل او ملعقه .... وترصيها كويس .... يكون الاكواب والصحون ع تحت ( مقلوبه )

بس عيبها انها تطوووووول بالغسسسيل

ولا هي روووووووعه .. والاواني تطلع تلللللللللق

قولي لاختك تقولك بنت قايد الريم اشتري الغسالة بدون اي تفكير

صراحة من يوم جت والله حتى النفسية تغيرت

صرت احب الطبخ خخخخ

لا عن جد شي غييييييير

والله اني اقول شلون كنت عايشة بذاك العذاب طول عمري وفيه شي يريح !!

وقولي لامك الله يسلمها ويخليها لكم ويطول بعمرها على طاعته الدنيا ترى تغيرت والاجهزة تتطور من يوم ليوم شلون من عشر سنين !!

ورصي فيها كل ما يمكن رصه من صحون ^_^

حتى قدور الألمنيوم دخليها بس بتصير سودا >> مع الغسالة استبدلنا كل شي استيل
والتيفال يدخل فيها
وأي شي يتحمل الحرارة يدخل فيها
عدا الخشب .. مثلا السكاكين الكبيرة لو مقبضها خشب ما راح يخرب من اول مرة بس مع كل غسلة بيخرب
الملاعق الخشبية والله للحين اغسلها تنتفش شوي بس ماشي حالها >> الكتالوج كاتب لا تدخلين شي خشبي
عندنا كاسات مذهبة تدخل فيها ( يمكن لو شي مذهب من ابو ريالين يخرب ما ادري )
والترامس تبع الاستخدام اليومي ادخلها فيها ( لانها بيضا ما هي مذهبة وما يهمني لو خربت .. وبعضها فيه نقوش من ذيك تبع الترامس العادية وما خربت )
ويكفي انها تريحك من الملاعق والصحون والكاسات ( هاذيلا لحالهم كارثة ) وتطلعهم يلمعوووووون بصراحة يفتحون النفس ودك تغيرين كل شي حتى القدور قزاز خخخ

بالنسبة للقدور الاستيل .. انا لاحظت ان عندي طقم قدور ينظف ( لانه اصلا وقت الطبخ ما يلصق فيه الاكل حتى لو انحرق يلصق شي بسيط بس ينظف بسرعة ) وفيه طقم ثاني ينشب فيه الاكل بزيادة
بس عموما دخلي القدر حتى لو محروق وخليها تنظفه
ولما تخلص بتلقين البقايا رطبة ادعكيه بالليفة راح يكون اسهل بكثير ( يعني لا تتعبين عمرك بالدعك قبل .. الدعك بعد اسهل )

وش باقي بعد ؟

ايه ترى ما تحتاج مويا حار وبارد مويا عادية وهي تسخن المويا
والملح يطوووول
الملمع يمكن يقعد شهرين
والصابون احسن شي فنيش ( الكبير بـ 50 ريال ) لا تاخذين توبي مب زين ويقعد فترة لانها تاخذ قرابة 4 ملاعق صغيرة في الغسلة الوحدة

ولو المواعين قليلة اعملي نصف الحمولة وممكن تعبين الرفين بشوية صحون هنا وهنا وتنغسل كلها ^_^

ايه فيه شغلة
بقايا الاكل اللي ما تذوب مع الحرارة هي اللي احرصي انك تنظفين المواعين منها قبل تدخلينها
مثلا ورق الشاي لو ما نظف البراد زين ( خاصة شاي ابو ورقة طويلة زي الربيع ) راح تلقين ورقة طايرة هنا او هنا
النعناع مثلا او اي اعشاب ما راح تذوب مع الحرارة وراح تلقينها ناشبة في المواعين
بقايا البن في البراد فقط"الفناجيل عادي" اشطفيه احسن قبل تدخلينه لان البن بينتشر هنا وهنا ع الصحون لانه ما يذوب
الرز بعد ما يذوب بالحرارة مرة فلا تدخلين الصحون وهي مليانة رز حاولي تنظفيها بملعقة قبل تدخليها
او اشطفيه ع السريع
والقدر بعد نفس الشي >> قدر الرز اما القدور الثانية عادي
المقلى اذا قليتي فيه بيض وتلصق مرة في المقلى ( استيل او المنيوم ) ما راح ينظف مرة
يعني من كل كومة المواعين راح تغسلين قدر الرز ومقلى البيض ^_^
ولها فلتر نظفيه بالاسبوع مرة

والله يا اختي مو دعاية لكنها بصراحة نعيم مقيم
ما ياخذ رص المواعين دقيقتين وان زادت خمس ( في البداية راح تاخذين وقت لين تاخذين على شكل الغسالة تبعك وافضل طريقة لرص مواعينك فيها .. بعد كذا راح تكون العملية سريعة جدا وروتينية )
وكبسة زر
وروحي ارقدي والا تفضي لعمرك بدل الوقفة ساعتين ع المجلى >> اكره شي اسمه مواعين @@

ودعواتك يا عسل ^_^

اي استفسارات ثانية انا بالخدمة >> بس ع الخاص بليز لاني ما ارجع للمواضيع

ايه صح
غسالتي بوش الالمانية من اكسترا بـ 2400 ريال مع ضمان اربع سنوات بـ 2800 لونها ابيض كان فيها منها استيل فيها برامج ومدري وشو بـ 3900 على ما اذكر بس ما شريتها خذيت الارخص وما شاء الله تبارك الرحمن والله اني ما امر من جنبها الا استودعتها الله اخاف تخرب خخخخخخخخخخخخ
يعني نفس حالة الاخت اللي تقول ما تخلي بنتها تلمسها .. فعلا صايرة هي اهم جهاز بالبيت خخخخ

موفقة يا قمرهم

عقباااالي ياااارب
جااااري اقناع الزوج وياااارب يوافق عاجلآغير آجل
ومن قالت آآآمين