خجولة حواء

خجولة حواء @khgol_hoaaa

كبيرة محررات

حلا كرات الجزر بجوز الهند جربيه واحكمي عليه

الحلويات الشرقية والغربية

السلام عليكم ورحمه الله وبركاته
يايبه لكم حلا الجزر ماخذته من وحده هنديه تقول هذا الحلا المفضل عندهم في الهند طبعا كل من سمع بالجزر قال وع بس لما يطعموه يقولوا يجنن وانا اول وحده قلت وغيرت رائي

مسويته في خامس العيد كل ما اجهز الموضوع يحصل خلل في النت ويروح كل التحميل اللي سويته مليت من كثر ما حملت الصور

بسم الله الرحمن الرحيم
وبه نستعين

المقادير
1 علبة بسكويت شاهي مطحون
1 علبه قشطة اي نوع
1 كاس سكر
1 كاس جوز هند
1 كاس جزر مبشور ياريت يكون الجزر ماله طعم لان بعض الجزر يجي نكهته قويه وراح يخرب الطعم
معيار الكاس يكون بكاسه الجبنه الطويله للاسف ما صورتها اتوقع انها معروفه



اول شي نجيب زبديه ونطحن البسكويت ونحطه فيها


وبعدين نقوم نبشر الجزر


نجيب صاجه ونحط فيها الجزر والسكر ونولع عليها النار لا تحطي ماي لان راح يخرج ماي من الجزر


راح يكون شكله في البدايه جذا مع الماي اللي راح يخرج من الجزر


وهذه الصورة تقريبا بعد ما نشف


وبعدين نجيب الزبديه اللي حطينا فيها البسكويت المطحون ونحط فوقها القشطه والجوز الهند


وبعدين نضيف فوقها الجزر اللي حمسناه مع السكر


يتبع
96
39K

يلزم عليك تسجيل الدخول أولًا لكتابة تعليق.

تسجيل دخول

خجولة حواء
خجولة حواء
ارجعي اعجنيهم كلهم يفضل بالملعقه لان راح يكون حار من الجزر


بعد ما نخلص نجيب جوز هند غير الكاس الاول هذه للدحرجه


وناخذ قطع صغيره ونكورها ونحرجها بالجوز وهكذا حتى نفاذ الكمية


وحطيها بهذا الصحن اذا كنتي بتسيري فيه يغش يحسبوه جاهز


اما اذا كنتي في البيت حطيه باي صحن انا عن نفسي حطيته بهذا الصحن





وبالعافيه على قلوبكم
هالله هالله بالردود اول مره اتعب من التحميل لوع جبدي بغيت اهون من كثر ما اعيد التحميل من خامس العيد وانا احاول انزله :30::angry2:

سوري على الاطاله بس حبيت اوضح كل شي بالتفصيل اي استفسار انا حاضره
لكم احلا تحيه مني :26:
تقبو فائق تحياتي
الورده المكنونه
مشكووووووووووووووره تسلمين وان شاء الله اجربه
عبيــــر الــــورد
تسلم يدك ،، الله يعطيكِ العاافيــــــــة
NO0O0NO0O0
NO0O0NO0O0
مشكووووووووره..امي تصلحه احيانا بصراحه لذيذ
صمتي غيـر
صمتي غيـر
شكله حلوو ان شاء الله اجربه .. لكن بأيش اقدر استبدل جوز الهند عندي ناس ما يحبونه :(

تحياتي لك والف شكر :26: