مرفق وصفة تشيز كيك بالصور من صنع ايدي طبعاً
ان شاء الله تعجبكم وتكون طريقتها واضحة
انا استغليت الي زاد منها وعملت منها كاسات وكانت بتجنن
الطريقة
اول طبقة الكيكة
مقادير الكيكة :
3 بيض - 2 ملعقة صغيرة فانيلا - 3 ارباع كوب زيت نباتي - ثلثين كوب حليب - 1 كوب سكر - رشة ملح - ربع ملعقة صغيرة بيكربونات الصوديوم - ملعقى صغيرة بيكنج باودر - ربع كوب كاكاو بودرة - كوب و3 ارباع طحين.
الطريقة :
نولع الفرن على اعلا شي ونتركه
نضرب البيض مع الفانيلا كويس وبعدين بنضيف باقي المكونات كلها وبنضربهم مع البيض وبندهن صينية بالزيت وبنضع فيها الخليط ونحطها بالفرن لمدة 45 دقيقة على نار هادية
ولما تستوي بنتركها ساعة لتبرد وبعدين بنجوفها من النص بشكل دائري
بنبعد عن طرف الكيكة حوالي 1سم وبنحددها بالسكينة وبعدين من النص بنعمل اشارة زائد + وبعدين بنشيل من النص قطعة قطعة وبهيك بتكون اتجوفت متل ما هو واضح بالصورة
الطبقة الثانية:
بناخد جزء من الكيكة الي قطعناها وبنفتفتها وبنضيف عليها علبة قشطة ووبنكون ضاربين 2 بكيت كريم شانتي الي هي لتزيين الكيكة ولكن بنضيفها مع الخليط .. وبنضيف علبة شكولاتة سايحة زي نوتيلا انا الشكولاتة عملتها بالبيت وبنزل الطريقة قريباً .. مع 8 حبات جبن كيري .. وبنضربهم كلهم بالخلاط وبنضيفها بنص الكيكة الي جوفناها وبنحطها بالتلاجة ساعة تقريباً لحتى تجمد وتتماسك وبالوقت هدا بنحضر طبقة الشكولاتة
الطبقة الثالثة :
في حمام ماء مغلي بنحط علبة قشطة + 4 حبات جلاكسي او اي نوع شكولاتة سادة وينحطهم عالنار لحتى يسيحوا تماماً
وبنتركها تبرد شوية وقبل ما تجمد بنديرها على الكيكة وبنزوقها بالطريقة الي نحبها وبنخليها بالتلاتجة 24 ساعة
اكيد هيزيد شوية كيكة وشوية خليط تشيز كيك انا استغليتهم وصبيتهم بكاسات وطلع منظرها كتير رائع
دعواتكم
