فايــــــــــزه
كميلي خلينا نستمتع

ياللا
معلمة كرهت التعليم
كميلي خلينا نستمتع ياللا
كميلي خلينا نستمتع ياللا
:angry2:مرحبا جميعا جعلني ماانحرم منكم
اليوم راح نتكلم عن تكساس يالبى قلبها وانا بالسعودية قالو لي تكساس صحراء :09: وشغلت الدموع بروح من صحرا واطب بصحراء ويازينها من صحراء رحنا سان انتونيو وتعتبر ثامن اكبر مدينة بامريكا والعهدة على الي قال لي مالي دخل
زين وصلتي وش تسوين والله انتي اجتماعية بدووووووووووووووون تفاهم دوري لسكن بالوست ليك على مخرج 7 كنك بالعليا كله سعوديين ويروحون ناس ويجون ناس يعني ماراح تحسين ابد بالغربه انا عني سكنت بسكن اسمه لاغاسيا على الكليبرا رود مخرج 10 حلاته انه شقة دورين يعني ماتزعجين الجيران والسعوديين فيه واحد او اثني يعني مو كثير وفيه سكن ثاني اسمه ميدسون على نفس الشارع هذا شقق واحرصي اذا عندك عيال مهما كانو مؤدبين تاخذين دور ارضي لا تسنتر الشرطة بحوشكم وعيالك لو يكسرون الدنيا حبيهم على خشومهم وقولي من لي غيركم يفلذات كبدي وبعدين لارجعتي السعودية جمعي الاول والتالي وحطيه بظهورهم ترى هناك حقوق الاطفال واقفين لك على التكه
هذولي الشقق جنب القاعدة الجوية اذا بتسكنين في الميدكل ايريا المنطقة الطبية دوري شقة حولها والمركز الاسلامي هناك والمسجد بعد هناك مع ان القاعدة الجوية فيها مسجد بعد وبامكانك تروحين تصلين الجمعة هناك بالدور الثاني طبعا القاعدة فيها معهد اللغة
اذا زوجك او انتي بتدرسين بالجامعة فالجامعات غالببا تكون قريبة من الداون تاون
نجي للاثاث عني قضوها ارضي يعني ماله داعي طاولة الطعام وماله داعي كنب بلا دلع واذا ماعندك مانع بلاش كرسي روحي الوول مارت وخذي كرسي وانفخيه ونوم العوافي ووفري
والله ربي معطيكم خير وتبين الدلال عندك حلين اذا بتقعدين سنه اشتري الاثاث اقل فيه شقق تطلبين منها التاثيث ويأثثون لك
تكلفة السكن تتراوح من 1500 دولار شاملة الماء والكهربه والنت والتلفزيون والاثاث واقل اذا شقة اقل
بامكانكم تكلمونهم وانتو بالسعودية وتتفقون معاهم عشان تسكنون اول ماتوصلون بس لااااااااااااااازم يكون عندم فيزا
نجي للسيارة اذا بتستاجرون من المطار غاااااااااااااااااااااااااااالي فانتو خذوها يوم وبعدها سلموها وخذو سياره اجار من اماكن الاجار القريبة منكم طبعا اذا عندك بيبي اطلبي سيارة فيها مقعد طفل ولاتخلينه يترزز بحضنك والا يصكونكم بالمخالفة
نجي للتموبن فيه بالقاعدة سوبر ماركت طبعا ماعليه تاكس وفيه كل الي تبينه
اذا زوجك مو عسكري فيه الول مارت وفيه HEB وسام كلوب والاخير للجملة واناا افضل الوول مارت لانه ارخص من الثاني
على فكرة اذا استاجر المحروس السيارة لازم يامن عليها
اذا احتجتو مواقع الاماكن لايردكم الا كي بوردكم ولي عودة للسياحة بسان انتونيو بس هاه اذا مافيه ردود ياويلكم والا مابه لاس فيقاس وكاليفورنيا وولاية النحس نيو مكسيكو ودبرو اعماركم بنيو مكسيكو
تحياتي ياقمامير:angry2:
&ام نــــــايف&
خخخخخخخخ ...يعطيتس العافيه والله ,,,,,... بس ماامريتي فرجينييا ..هع


وحمدلله على سلاامتكم
ام راما ورواء
ام راما ورواء
ما شاء الله عليك وصفك راااااائع وما تركتي شي الا نورتي اللي راح يغتربوا عنه
بارك الله لك في ذريتك وننتظر البقية
انا الحمد لله رجعت من زمااااااااااااان
ولكني احن لذلك البلد علشان كذا دايم ادخل على المنتدى
متتتتتتتتتتتتاااااااااااابعة لك
معلمة كرهت التعليم
حياك ام نايف لا مامريت فيرجينيا وانا اختك كان ودي ماخلي شارع بامريكا الا وافره لكن امر الله اقوى
ام راما والله وانا اختك اني مثلك احس بحنين شديد لدرجة ان زوجي يقول بنروح لها السنه الجاية زيارة مع انه ثالث اسبوع يسبها ويقول ابي ارجع السعوديه بس لما رجعنا فقدناها عشان كذا نصيحة ان الواحد يستمتع قد مايقدر لانها شي لايتكرر
تحياتي لكم على المرور