ورمضان مبارك علينا وعليكم
هذا اول موضوع ليا يارب اوفق في طرحة ..
أنا حبيت انزل طريقتي في المعجنات و البيتزا
لكن مامداني اسويها
فقلت انزل الصلصه الان عشان اللي تبغى تسويها في رمضان ومستقبلا بإذن الله انزل البيتزا كامله
الصلصه لذيذة جدا ومستحيل ابدلها
سويها وانتي متطمنه :icon18:
وتنفع للتفريز كمان
أنا سويت هنا كمية كبيرة
تقريبا صندوقين طماطم عشان ارتاح في رمضان
آسفه طولت عليكم
المقادير:
طماطم
بصل
زيت
معجون طماطم
بهارات مشكله
فلفل اسود
ملح
سكر
الطريقه :
طبعن مالها مقياس ثابت لكن تقريبا لكل 4 حبات طماطم كبيرة رأس بصل
اقطعها صغار
ما احب اعصرها
اول شي نحمس البصل في كميه مناسبة من الزيت
الى ان يذبل ويتغير لونه قليلا
بدون ما يحمر
بعدين نضيف الطماطم المقطعه صغار
ونقلب
ونتركها حتى يتغير لون الطماطم ثم نضيف البهارات والفلفل الأسود
الملح نتركة للآخر لأنه يزيد موية الطماطم واحنا نبغاها تنشف
ونستمر بالتقليب تقريبا نصف ساعه
على نار متوسطة
واذا لاحظنا ان الماء نشف تقريبا
نضيف معجون طماطم بكمية كافيه وملح وسكر (( السكر عشان نوازن الطعم ))
ونستمر بالتقليب حتى تتسبك جيدا
يتبع ..
الافضل عدم كتمها عشان لايتجمع البخار وينزل ماء على الصلصه
ثم نستخدمها في البيتزا
او نقوم بتفريزها بعلب بلاستيك
واذا اردتي استخدامها اخرجيها قبل بوقت ودعيها تذوب بحرارة المطبخ
تصبح كأنها جديدة
هنا فرزنتها العلب الصغيره للبيت
والكبيرة لو كان في عزومة
وعشان يسهل عليا اخذ جزء منها فصلت بينها بقصدير
في نهاية الموضوع اتمنى اني وفقت في الشرح وأبغى أوضح بعض من النقاط للبنات اللي يحبو يفرزنو
يعني شفت اهتمام كبير بهذا الموضوع
* الدجاج بالذات يتغير طعمه بعد الطبخ والفرزنه عشان كذا انا افضل انو تجيبي مثلا الصدور المبردة وتقطعيها مكعبات صغيرة للحشوات وتفرزن
عند الطبخ بتكوني اختصرتي على نفسك وقت التقطيع واحتفظتي بطعم الدجاج الطازج
* فرزني كميه من الخضار المقطعه قطع صغيره وكذلك حلقات (جزر - بطاطس - كوسا - فاصوليا - باذنجان ) ((بعد قليها))
وفي رمضان دعيها تذوب بحرارة المطبخ ثم ضعيها على الحشوات والصواني
تكوني اختصرتي على نفسك وقت التقطيع والقلي
* تفريز المعجنات يكون دائما بعد نضجها
* اعصري كميه من الليمون وضعيها في قوالب الثلج ثم اجمعيها في علبه واحدة واستخدميها في السلطات أو في طبخ ورق العنب
أو حتى العصير
* استخدمي للتفريز علب متناسقه حتى تستفيدي قدر الامكان من مساحة الفريزر
ان شاء الله اكون افدكم بقليل مما لدي كما افدتوني
واعتذر للإطاله
دعواتكم ان الله ييسر نقل زوجي
في أمان الله ..