ريحة الفروة والشعر الشينه صدمه تعالي ..و عوضي شعرك..

السلام عليكم ورحمة الله وبركاته
كيف حالكم يابنات
زمان ماكتبت موضوع حلو ومفيد


كل وحده فينا اذا تجلس يومين بدون ماتغسل
شعرها .. تطلع له ريحه شينه ..
بس مو شرط يومين .. في ناس 3
4
5 اسبوع بالكثير على حسب.


وفي ناس من ثاني يوم
وفي ناس بعد الاستحمام بكم ساعه
وفي ناس حتى لما يغسلون شعرهم موجودة الريحه فتضطر اتغسله مرتين وثلاث واربع في نفس الوقت


والريحه لازالت موجودة


عموما .. هذي مشكلتي الي لقيت لها العلاج
والحل المجرب والفعال وراح يأيده الجميع وهو
من اقوال دكاتره ومختصين ووو.




طيب انا زمان كنت اغسل شعري مرتين اسبوعيا .. وكان شعري زبده ولا تقصف ولا بلا قسم .. ولما
اقصه يطول بسرعه وكثيف كنت اغسله بشامبو وازيته قبل الاستحمام باربع ساعات بزيت نارجيل او دابر املا فقط ..
ماكانت تطلع فيه اي روايح الا اخر يوم تقريبا




سمنت اشوي وزاد التعرق عندي
فكانت الفروه تعرق كثير وانا هالشي يضايقني
فاضطريت اغسل شعري حوالي اربع مرات اسبوعيا
يعني يوم وترك كذا


لاحظت اني مااقدر يمر يومين الا وتطلع فيه ريحه


اجلس يوم واحد بس ريحته حلوه وثاني يوم تبتدي تشين ريحته.


طيب اشتركت في نادي رياضي ..
زاد التعرق ...


واضطريت اغسله كل يوم
استمريت حوالي سنة ونص


وبعدين .. صارت تطلع الريحه نفس اليوم
وبالتالي الريحه كل ماغسلت شعري تزيد وماتروح بالعكس .. حسيت غسل الشعر يزيد الطين بله


وفعلااااااا ..
والراس كله فراغااات كبيره


ثمان اشهر اعاااااني من هالمشكله
حسيت الفروه انجنت واختلت


جلست ذاك اليوم .. قلت اتخلص من هالمشكله يعني اتخلص مالي دخل ههههه

بعدين لقيت واحد مختص يتكلم عن مشاكل الفروة الدهنية وكذا


يقول .. ان الفروة الدهنيه سببها كثرة غسيل الشعر !!!!!!!!!!!!


يامااااماا كيف ؟؟؟؟


يقول ان الفروة تركيبتها ذكية جدااا سبحان الله ..
وظيفتها تفرز زيوت طبيعية غنيه بالمواد الي تعالج وتحمي الشعر من اي خلل او تلف وتقضي على البكتيريا .. وتصل الى اخر اطراف الشعر ..




وكلما غسلناها كلما صارت انشط .. وتفرز الدهون
لحماية الشعر ... لأن الشعر ماله غنى عنها
وكل ما تركنا شعرنا بدون غسيل ونعطيه المجال يزيت على راحته مده لاتتجاوز الاسبوع
كلما تباطئ افراز الغدد الدهنية لهذي الدهون بالفروه


والشعر القصير ينغسل مرتين اسبوعيا والطويل مره كافي


لأن الشعر القصير بسرعه تتوزع عليه الزيوت للاطراف


انا لما جلست اغسل شعري يوميا كثير حذروني
بس انا كنت اقول مستحيل ومقدر
ومدري ايش


كنت اخاف من الريحه .. بس الريحه صارت ماتفارق الفروه....


بعدين اتجهت للعلاج


جلست لي 5 ايام ماغسلت شعري
طبعا الشيء مايضبط من اول مره حتى المختصين يقولون شهر ولا شهرين تبان النتيجه فرق شاسع
تتعالج الفروه ويرجع كل شي طبيعي


المهم كرهت عمري في هالخمس ايام


لما جت اغسل شعري احس بانتعااااش الشامبو
وجلست اغسل واغسل وادعك الفروه
بعد ما غسلتها تمام .. حسيت لاول مره بعد 8 اشهر
من المعاناه ان شعري نظيف
وريحته تجنن قسم بالله قسسسسسم بالله
طلعت له ريحه بعد 3 ايام




...
الفرق كان قبل .. ان لما كنت اغسله يوميا ..
الفروه تفرز زيوت وتفرز وتفرز كلما غسلها كلما افرزت بشكل اسررررررع كأنها تعاندني


والزيوت تراكت فيه مكل ماغسله ماحس انه نظف زين ..




المهم بعد الخمس ايام .. جلست اسبوع .. في اليوم السابع ... غسلت شعري ..


طلعت الريحه بعد اربع ايام


وانا مستمره ...


اقولكم شي يسرع في افراز الزيوت .. هو الاستشوار
ابعدو عنه فترة العلاج .. لمدة 3 اشهر على الاقل .. او استخدمو اليدوي بالدرجه البارده .


راح تلاحظون الفرق ..
واذا ماغسلتو يعني طولتو عن الاسبوع.. كمان ماينفع لان الزيوت المتراكمه اما تسبب قشره
او انها تسد مسام الشعره الي تساقطت



واحنا الله وكيلكم كل ماشمينا ريحه بشعرنا غسلناه اكثر واكثر ....
يالله اتمنى اني افدتكم .. معلوماتي ممكن تكون قديمه بالنسبه للبعض وممكن تكون جديده للي زيي ههههه يغسلون كل يوم ..




ريحة الفروة والشعر الشينه صدمه تعالي ..و عوضي شعرك..
...............