حامل في الإسبوع السادس.. والحين اتقولي الدكتوره لا مافي كيس ولا بيبي.. شو اسوي..

الحمل والإنجاب

السلام عليكم ورحمه الله وبركاته..

بنات انا من فتره تقريبا اسبوع او اسبوع ونص..
كتبت موضوع اني حامل على اللولب وشليت اللولب والحمدلله..

الحييين.. انا المفروض اكون في الإسبوع السادس من الحمل..
بس امس سرت العياده لأني كنت تعبانه شوي.. وسرت عياده اول مره اسيرلها.. مادري هي الدكتوره ماتعرف شي او انه ماعرف شو مستوي..

قالتلي بسويلج سونار داخلي.. يعني من تحت.. سوتلي وقالتلي شو انتي ليش اتقولين انج حامل انتي مافي حامل..:angry2:
قتلا مستحيل انا مسويه تحاليل كم مره وقايليلي حامل على اللولب وشلولي اللولب..

قالتلي لااا مافي بيبي ومافي كيس وين هذا بيبي..؟؟ انتي عادي اتسوين اهني تحليل حمل.. <<< تتحسبني بخاف ومابسوي يعني تتحسبني جذابه..

قتلا هي عادي.. وسويت تحليل.. 10 دقايق ويتني الدكتوره اتقولي ماما مبرووووك انتي حامل.. :icon28:<<< توني اعرف ماقصرتي بشرتيني.. الإخت تستهبل.. كنت شوي وبصفعها :angry2:

قالت تعالي بسويلج الحين مره ثانيه سونار.. :09: سويييت بعد شو اقول..

قالت لا مافي بيبي.. <<<< بذبحها...

قالتلي تعالي ماما بعد اثنين اسبوع..<<< هي ان شاء الله خبله ارد عندج.. جان شفتي رقعه ويهي..

وطلعت.. الحين شو السالفه.. اتقولي مووول مافي بيبي ولا شي ولا كيس ولا غير..

يعني شو السالفه.. انا اخاف اني حامل خارج الرحم.. يعني مايبين بالسونار..

الحين شو اسوي.. وكيف اعرف شو السالفه.. واللي انا اعرفه في الإسبوع السادس ايسمعونج مرات حتى نبض البيبي..

في حملي الأول ماشاء الله بين من ثالث اسبوع..

قولولي.. شووو اسوي.. شو السااالفه .. منو مرت بهالموقف..؟
21
21K

يلزم عليك تسجيل الدخول أولًا لكتابة تعليق.

تسجيل دخول

غزيل فله
غزيل فله
حبيتي سيري عند وحده ثانيه
وطمنينا
محارة لؤلؤ
محارة لؤلؤ
اتوقع انه يمكن صغير والا مستخبي هنا والا هنا ...

واتوقع وهو الراجح ان الدكتورة اللي رحتي لها الله بالخير ...

راجعي عند دكتورة ثانيه لانه لا سمح الله لوكلامها صدق تلحقين عمرك ...

والله يكتب لك اللي فيه الخير
ميرامارا
ميرامارا
شوفي حبيبتي مو كل مره يبين انا بحملي الاول من اول ما عرفت اني حامل سويت اشعه وبين الكيس والبيبي ..
وبحملي هذا لي الحين 5 اسابيع ولا بين شي قالت لي تعالي الاسبوع الجاي ..
روحي دكتوره ثااانيه وان شاء الله تطمنك وتشوفي البيبي وتسمعي النبض كمان ..
بحر الخواطر
بحر الخواطر
تسلمووون عالرد..

والله ريحتوني شوي.. :) ماقصرتوا.. والله يرزقكم بالذريه الصالحه ان شاااء الله.. :)
منصوريه حلوه
منصوريه حلوه
ماعليج منها

روحي لدكتوره ثانيه عشان تتطمنين اكثر

وادعيلي احمل^_^