لووودي الدلوعه @looody_aldloaah

عضوة

قولون العصبي

مــــــــــــرحبااا:27:
اخبااااركم ؟؟
يااحلوين انا عندي مشكله عندي قولون عصبي من يوم عمري 16 سنه لاتقلون كيف قولون وانتي صغيره مدري كيف جاني رغم كل من شافني قال اني هااديه ونعوومه :35:
والحين عمري 22 المشكله انو بطني مرررره كبير وانا بنت ماتزوجت والله الي يشوفني يقول حامل في الشهر الرابع :baby2:
واتضايق لما البس تي شيرتات ماسكه مقدر اتمتع :44: وش حال يشيل الكرشه قالي الدكتور امتنع من الاكلات الحاره الفلفل او البصل والثوم:f226: كلها ممنوعه المهم وابتعدت منها مررره وماعد صرت احبها بس المشكله كبر بطني ولما يجيني آلــم القولون والله العضيم يصير كبييييير معقدني :44:
سؤالي:
1/وش الي يبعد الكرشه هذي احس بطني زي امي الي جايبه عيال:confused:
2/هل القولون يزيد في الوزن:confused:
تكفووون ردو علي اذا ماعندك اكتبي اي شي او سوي رفع بلييييز الله لايحرمني منكم ولا يحرمكم من الاجر

يلزم عليك تسجيل الدخول أولًا لكتابة تعليق.

تسجيل دخول

شموخي بطبعي • 13 سنة

الله يعين ع القووووووووولون:angry2:تراه مهبل فيني وبعد يزيد الوزن بالبدايه ينحف بعدين يزيد الوزن حسب التجربه:(

غيورةزمانها • 13 سنة

الله يشفيك
ارقي نفسك بالفاتحه وبتشوفين الشفاء بحول الله وقوته
وهذي خلطه باذن الله تذهب الكرش
ملعقه صغيره من قرفه=كمون=زنجبيل=قشور رمان
وابحثي عنها وبتلقين فوائدها

ريم السعودية • 13 سنة

غيورةزمانها :

الله يشفيك ارقي نفسك بالفاتحه وبتشوفين الشفاء بحول الله وقوته وهذي خلطه باذن الله تذهب الكرش ملعقه صغيره من قرفه=كمون=زنجبيل=قشور رمان وابحثي عنها وبتلقين فوائدها

الله يشفيك ارقي نفسك بالفاتحه وبتشوفين الشفاء بحول الله وقوته وهذي خلطه باذن الله تذهب...

جلبي خلطه كمون وشمر ويانسون
حطيها في ترمس وصبي عليها مويه حارة

واشربي قد ماتقدرين

الله يشفي المسلمين اجمعين يارب

rooj a7mar • 13 سنة

رفع

لووودي الدلوعه • 13 سنة

جزاكم الله خير الله يوفقكم دنيا واخره ويحقق مناكم يارب شموخي بطبعي الله يرفع عنا وعن جميع مرضى المسلمين يارب
غيورة زمانها وريم السعوديه الله يوفقكم يااارب ويرزقكم برزق الحلال باذن الله اسويها
rooj a7mar تسلمين يالغاليه يازينك مو مثل الباقين يدخلون ويطلعون مايقدرون يسوون رفع