السلام عليكم ورحمة الله
موقف مريت فيه وودي اقلكم عليه للفائدة
يوم الاربعاء الماضي خططت انا وزوجي
برنامج معين من فجر الخميس الى مساءه
وكان اكثره مشاوير زيارات وسوق ومعاينة ارض
في منطقة بعيدة ننوي شراءها لو ناسبت ميزانيتنا
يعني كلها اشياء مادية دنيوية
بعد صلاة الفجر بدأنا اول البرنامج وهو نروح البحر
ونجلس في مكان لنا معروف حتى تشرق الشمس
وبعدين نمر فوال وتميس ونرجع البيت نفطر
اشترينا فول وتميس ودخلت البيت اجهز الشاهي وهو لازال خارج البيت ما دخل
بعد شوية دخل ويده فاضية
فين الفطور يارجل؟
قال وهو يبتسم مر من جنبي اثنين من العمال واعطيتهم اياه
ووالله لو شفت فرحتهم فيه . قلت الحمد لله مالنا نصيب فيه
ورحت جهزت فطور من المطبخ
الغريب يا اخواتي ان كل البرنامج اللي كنا ناوين نسويه
يوم الخميس تغير وما سوينا منه ولا شئ
لكن يسر لنا الله مشاوير اخرى خيرية لم احسب لها اي حساب
ولم اعد لها اي اعداد
مثل زيارة مريضة وصلة رحم واصلاح بين اثنين
ولا انتبهت لهذا الا في الليل في نفس الموعد اللي كنا نخطط فيه ليوم الخميس
قلت سبحان الله تغير كل اللي كنا ناوين نسويه
ولكن بدلها الله بخير منها
وتذكرت انه فضل من الله وان الطاعة تجر طاعة
بدات باطعام الطعام في الصباح
يعلم الله انني لم اذكرها رياء ولا مباهاة الا للتذكير والفائدة
الكادي& @alkadyamp
محررة برونزية
يلزم عليك تسجيل الدخول أولًا لكتابة تعليق.
الصفحة الأخيرة
فعلا انشغلنا بالحاجات الدنيويه الله لايشغلنا الا بطاعته