السلام عليكم ورحمه الله
كيف حالكم ياصبايا مبارك عليكم الشهر والله يجعلنا من صوامه وقوامه ان شالله
مابي اطول عليكم بدخل بالسالفه على طول وابي مشورتكم يالغاليات تكفون لاني من جد تعبت والله ومادري وش اسوي
بقولكم سالفتي انا عندي اخت غريبه والله مادري كيف اتصرف معها مادري وش اللي فيها غيره كرهه حقد رغم اني والله العظيم احبها وابي لها الخير طبعا انا اكبر منها بكثير يعني بيني وبينها بنت وولد..
اختي اللي اصغر مني تزوجت قبلي ماشالله ورزقها الله ولد..
انا تاخرت بالزواج تزوجت وعمري 26 كانت علاقتي مع اختي الصغيره مو اللي تزوجت الثانيه قبل الزواج سمن على عسل اشكي لها همومي واهتم فيها وارحمها لانها كانت تعبانه بالغده..
المهم بعد زواجي بسنه تقريبا حملت والله ماكتب انه يستمر حملي رحت عندهم بعد ماجهضت وكان علاقتي معها كويسه مره بعد ماتشفيت رحت عنهم طبعا انا مو ساكنه عندهم ساكنه بمكان بعيد عنهم يعني ماجي لهم الا بالاجازات حتى ماطول اكثرها اربع ايام واروح..
في اجازه الحج العام جيت عند اهلي بديت الحظ فيها التغير
اول ماجيت ماكانت بالبيت كانت عند اختي الكبيره نامت عندها كم يوم بعدين يوم قررت اختي الكبيره تسافر كلمت على اختي الثانيه قالت بجي انام عندك طبعا كل هدا تهرب مني.. اختي الكبيره يوم رحت لها قبل تسافر ببيتها قالت انتي بينك وبينها شي انا بوقتها انصدمت قلت لا ليش؟؟؟؟؟؟؟؟؟؟؟؟
قالت مادري بس احسها ماتبي تجي للبيت لانك فيه مرررررررره استغربت يوم قالتلي اختي هالكلام من بعد هذي السالفه بدت المعاناه معها لما كنت بعيده عنهم ماتكلمني ولا تسال عني ولا شي ولا كاني اختها كلمتها كذا مره بس احسها ترد علي من غير نفس,, مع اني كنت ادق اتطمن عليها,,
طبعا نسيت اقولكم هي ماكملت الجامعه سحبت ملفها وجلست بالبيت وحاليا مقدمه على التقنيه وان شالله يقبلونها لاني والله احبها ولا شلت بقلبي عليها واتمنى لها الخير اكثر من نفسي وربي يشهد..
بالاجازه هذي جيت لهلي لاني حامل وتعبانه اول يوم جيت عند اهلي دخلت علي وسلمت عادي بس ماتسولف معي بعدها بكم يوم صارت ماتجلس بالغرفه اللي انا موجوده فيها كلمت اختي اللي اصغر مني قالت هي متغيره علينا كلنا ,,
بس هي تكلمهم عادي انا الوحيده اللي احس ماتكلمني ابد خواتي المتزوجات اذا جو ترحب وتهلي فيهم انا ماتعتبرني شي ..
انا ماحبيت ابين لها شي خليت الوضع عادي بس ماكلمها ولا اطلب منها شي ولا احاول احتك معها بعدين جتني بنت اختي قالت انها قبل لا تجين ماكانت تبيك تجين لبيت اهلك وكانت تتشكى منك عند بنات خالتك تقول الله يعين بتجي وتغثنا وتتبطح وتتسدح وتتكلم عن زوجها رغم اني عمري ماكلمت اهلي عن زوجي او عن مشاكلي ..
انا انصدمت مره ثانيه بالكلام اللي قالته لي بنت اختي قلت انا وش سويت لها علشان تسوي فيني كذا؟؟؟
قالت انا سالتها قلت ليش تقولين عن اختك كذا ماعطتني اجابه وحاولت تغير السالفه بعدها بفتره جتني اختي تقول انتي ترسلين بالبيبي بيسيات تقصدينها قلت انا ارسل للكل ولو اقصدها اقدر ارسل لها لحالها قالت اختي الصغيره طيب اقري هي وش كاتبه تقول قوليع لختي اخذت جوال اختي الصغيره اقراء المكتوب لقيت كاتبه لي(( قولي لاختي اللي هي انا ترى انا ماحقدت عليها ولا اكرهها ولو سجادتي تشهد علي كان شهدت اني ادعيلها ان الله يسخر لها زوجها ويرزقها بالذريه الصالحه ويقومها بالسلامه)) انا يوم قريت الكلام مره فرحت بس بعد هالرساله ماتغيرت تصرفاتها بالعكس بدت تزودها تحاول تستفزني باي شي لدرجه تدخل الغرفه تظول للتلفزيون وانا عندي بنات خالتي تحط قصايد انها قويه واني انا اغار منها صارت تحاول تسوي اي شي تثبت فيه وجودها انا رغم كل تصرفتها حاولت مابين لها اني منتبه واقول بنفسي انا الكبيره والمفروض ماواخذها بس اللي متعبني بعد كم شهر اذا ولدت وجلست عندهم وش راح تسوي اكثر من كذا والله تعبت ولا عارفه وش اسوي
عارفه اني طولت عليكم بس والله مادري لمين اشكي حتى امي بدت تتضايق من تصرفاتها معي وكلمتها قالت وش بينك وبين اختك قالت مابيننا شي بس انا مابي اجلس معهم ولا ابي اسولف انا احب اجلس لحالي
ومره كنا طالعين بالطريق بنروح منتزهه قالت لبنت اختي الصغيره انا فيني عين واللي حاسدني واحد قريب مننا قالت بنت اختي العين بايش قالت الحساسيه اللي فيني عين المشكله والله اختي جدا عاديه ولا فيها زود عن العالم حتى الدراسه ماكملتها والله مو شماته فيها بس الصدق ينقال
تكفون يابنات ابي مشورتكم انا قلت لكم بعض المواقف مو كلها وانتم احكمو كيف اتصرف معها وش اسوي والله تعبت اقسم بالله تعبت
سامحوني على الاطاله بس مافيه احد افض فض له غيركم وابي فزعتكم ودعواتكم ان الله يهديها ويحنن قلبها علي
اووب صاحية @aoob_sahy
عضوة جديدة
يلزم عليك تسجيل الدخول أولًا لكتابة تعليق.
غروك وغيروك ياقلبي
•
الله يعبنيك ياعمممري عليها صراحه حقريها وبس وبتجيك من نفسهها وبتحس من نفسها
الباشيه
•
انا اعتقد ان اختك متحسسه منك من شي انتي ما انتبهتي له
يعني هي حساسه زياده وصدر منك شي خلالها تاخذ موقف وصار كل شي يصدر منك تأوله وتفسره على شي مو حلو وبكذا يزيد الكره والتباعد
راجعي نفسك وتذكري اي شي قلتيه منا مناك
الله يهدي الجميع
ولا تنسين الهديه والابتسامه
يعني هي حساسه زياده وصدر منك شي خلالها تاخذ موقف وصار كل شي يصدر منك تأوله وتفسره على شي مو حلو وبكذا يزيد الكره والتباعد
راجعي نفسك وتذكري اي شي قلتيه منا مناك
الله يهدي الجميع
ولا تنسين الهديه والابتسامه
مشكوره اختي غروك وغيروك ياقلبي والله انا حاقرتها بس لمتى بتستمر كذا المشكله انها ملتزمه ماشالله عليها وتصرفتها مع الناس قمه الادب والاحترام طيب انا اخنها ليه تعاديني كذا
اكيد نفسيتها تعبانه من موضوع الدراسه تحمليها يا قلبي شوي الين تتسهل امورها وانت اتركيها فتره لا تتكلمين ف الموضوع وادعيلها بالهدايه والتوفيق
هلا اختي الباشيه مشكوره على مرورك والله انا جلست مع نفسي اكثر من مره متاكده ماسويت لها شي لدرجه بنت خالتي تقولي اذكرك فبل لا تتزوجين وشلون كنتي تهتمين فيعا لدرجه لبسي الجامعه ايام الشتاء اعطيه اياها وكنت بنت خالتي تشوفني حنى تجهيز العيد انا اللي كنت اختارع لها وهي تقول كانت ماتعطيني شي ولا تهنم فيني
الصفحة الأخيرة