ملف لاحسن المدارس لاطفالنا الكل يدخل فقد بدا التسجيل للعام القادم

السلام عليكم أختي..
موضوعك جاء في وقته.. لأن الان بدا التسجيل في الكثير من المدارس و معظمها انتهى أيضا..
بالنسبة للشارقة سمعت كثير عن مدرسة الابداع العلمي.. انها تابعة للشيخ المقرىء صلاح بو خاطر و منهاجها بريطاني قوي.. فهي تشجع القيم الاسلامية وفي نفس الوقت المادة العلمية... لو كنت من سكان الشارقة لكنت و ضعت بنتي هناك..
أنا الان في ابوظبي.. و قد بحثت مطولا عمن مدرسة تكون محافظة على قيمنا الاسلامية مع المنهاج القوي و توصلت الى عدة مدارس : المدرسة الظبيانية الخاصة
المدرسة الاسلامية الانجليزية.. النهضة و البطين العلمية..
استقر رايي على الظبيانية ان شاء الله..
و الله ييسر للجميع:26:

حبيبتي انا ما عندي اطفال في سن المدرسه بس حبيت اني ارفع الموضوع لانه مفيد للجميع

لبنات الشارقه انصحكم بالشويفات سجلت ولدي فيها وايد ممتازه و دراستهم قويه حيل والله مناهجهم دمج بين البريطاني و الأمريكي. الطفل ما يطلع من كي جي 1 الا اهو يعرف يقرا و يكتب. و تكلف للكي جي 1 تقريبا 15 الف درهم او اقل بشويه. و المبلغ يدفع على 3 دفعات الأولى اول ما نسجل الطفل الثانيه شهر 9 و الثالثه شهر 12. و بصراحه يا بنات رحت المدرسه و افتريت فيها و شفت الكلاسات و الحمامات بعد و انتوا بكرامه. خليتهم يراووني الكتب و شريتهم بعد علشان ابدي ادرب ولدي على الكتابه و المدرسه. علشان ما يستغرب الوضع. و هذا موقع المدرسه
http://www.iscshj-sabis.net:88/iscshj/main.jsp

الأبداع العلمي بعد اللي بالشارقه وايد يمدحونها رحت و شفتها. ماشاءالله المباني ممتازه و كبيره ووايد يهتمون بالدين من كلام اللي افترت وياي و راوتني المدرسه. و عندهم لكل طالب مفكره لملاحظات المدرسين و الأباء. يعني اللي عندي ملاحظه او شي على الطفل يكتبها في المفكره و الجهه الثانيه تشوفها. لكن نقطه وحده بس ما اعجبتني. الكتب والله مو ذاك الزود ما ادري حسيتهم مو قويه. لكن عموما كل من يقول المدرسه ممتازه. و تكلف للكي جي 1 حاولي 13500 درهم شامل الكتب و الملابس. القسط الأول يدفع في شهر 9 و الثاني شهر 12 و الدفعه الأخيره شهر 3. و اذا تبون عن باجي المراحل عندي ورقتهم فيها قائمه بالأسعار. و هذا موقع المدرسه.
http://www.scs-sharjah.com/arabic/about/index.html

اما مدرسة الرساله قيل لي انها زينه غير جذي ما اعرف عنها. و الزهور ابتعدي عنها يا اختي آيه.

بنات ابو ظبي, انصحكم بالاتحاد الوطنية الخاصه اللي في خليفه أ. وايد ممتازه المدرسه و عن جد قويه والله.ملك للدكتور عيسى السويدي و لها برنامج صباحي للصغار لقراءة القرآن و حفظه و يعطون الطلبه وقت للصلاة. يعني انها مدرسه تهتم بالعربي و الدين و الانجليزي, و هذا موقع المدرسه.
http://www.alittihad-ad.com/ittihad%20sch.htm

اتمنى اني اكون افدت الجميع و الله يوفق اعيالنا يارب.

للرفع والي بالرياض يفيدنا كمان