أبي أتزوج شخص معين وأبي نصآئحكم ودعوآتكم / استوفى الرد

الأسرة والمجتمع

السلام عليكم ورحمة الله وبركاته

صباح الخير بابنات .. كيفكم ؟
صراحة انا من زمان أتابعكم وإنتو ومواضيعكم الحلوة زيكم هي الي حمستني للشي الي أنا قاعدة أسويه دحين ..
حقولكم مشكلتي أو بالأصح هي ماهي مشكلة ولله الحمد لكن أبغاكم تساعدوني وتدعولي تتيسر ..

يابنات أنا صغيرة .. مابقولكم عمري لكن بين الـ 15 و 19 وعائلتي بسيطة وعلى قد حالنا الحمدلله .. أدري بتقولون بعدك صغيرة عالزواج و.... أدري أنآ لكن مو هذا موضوعي .. يابنات أنا أعجبت بوآحد للأمانة والله يشهد علي مافي علاقة بيننا ولاعمري حتى شفته ولاكلمته .. هو مشهور شوية بس مو كثير .. يعني القليل يعرفه .. المهم أنا في البداية كنت أتابع برنامجه وعادي الوضع , بعد فترة أعجبت بشخصيته وتفكيره .. صرت أدخل التويتر حقه والفروم وكذا وأعجبت فيه أكثر .. من الناحية الدينية والفكرية مو عشآن جمال ولاشي والله .. وقلت في نفسي الله يرزقني بواحد زيه .. وبعد كذا صرت ادخل منتدآكم كثير , وشفت بنت كويتية للأسف مايحضرني نيك نيمها منزلة موضوع إني تمنيت شي وكان بالنسبة لي شبه مستحيل ومع الدعاء أتحقق .. افتكرت الولد هذآك وقلت ليش يافاكهه مستحيل إنك تتزوجينه ؟ هذي البنت تمنت ودعت وسعت ووصلت .. ليش انا ما أسوي زيها ؟ وبالفعل جمعت أدعية وصرت أدعي وأقوم الليل وحسنت من نفسي كثير .. وعندي حسن ظن بالله كبيرررر جداً ومتفائلة إنه ربي يستجيب لي ..

لكن المشكلة هنا , إني شوية أحياناً أتكاسل في الصلاة وأنساها أو أتأخر عنها .. أبغا شي يخليني أنضبط بها وأحسن نفسي اكثر عشان ربي يستجيب لي ..
وأنا أدعي من ألحين وبضل أدعي لين ما أكبر عشان ربي يستجيب لي إن شاء الله ..
بنات بليز ساعدوني والي عندها دعاء ينفعني تقوله لي تكفون , وربي إني أعجبت فيه إعجاب بريء وطاااهر مع العلم إني أقدر أتواصل معاه عن طريق التويتر وغيره .. لكن ديني يمنعني وعشان أبي ربي يستجيب لي ..
والي ماعندها علم مو لازم ترد لكن بس تدعيلي بظهر الغيب .. تكفون يابنات ادعولي في ظهر الغيب لاتنسون الملك الي يقول ولك مثله ..

الله يرزق الي تدعيلي الزوج الصالح والذرية الصالحة والحياة الكريمة بإذنه :27:
51
50K

هذا الموضوع مغلق.

هنآيفَ عسًلزْ :$
الله يرزقك بالزوج الصآآلح يآرب ..
بس صدقيني اعجابك هذا مراهقه عشنا احسآسك وشعورك هههههههههههههههههههههه
بيتلاشآ مع الآيآآم لا تشغلين نفسسك وتعلقين نفسك بأمل مسستحيل < تحبط ماعندهآ وقت
ههههههههههههههههههههههه
المهم يا حبيبتي حافظي ع صلاتك وادعي دايم بصلاتك ان الله يحفظك ويعلق قلبك بحب الله وبعبادته وطاعته
وبسسس لا تفكرين بـ هالامور وتشغلين نفسك اهي اللي تخليك تتكآسلين وتدخلين جو مع الشخص اللي معجبه فيه
ويصير قلبك معلق فيه .. -_-
عاتكه العدويه
لا تعملي الطاعات من اجل مصالح دنيويه

اعمليها لوجه الله ولابتغاء رضاه والجنه

وادعي ان يرزقك زوج كما تتمنين وتشتهي نفسك :) سواء كان الشخص المشهور او من هم على شاكلته

ويكون خير وبركه وعطاء وكرامه وسبب لرضا الله والجنه ، حتى لا يكون شر لك

لا مستحيل مع الله الذي يقول للشيء كن فيكون :)
ساحة ورد
ساحة ورد
المشهور هذا يعرفكم يعني والاتعرفونه الا من التلفزيون
مجنونة شعولتي
ادعي الله ان يرزقك بولد الحلااااااااااااااااااااال عاجلا غير اجلا الطيب الحنون مخموم القلب فقط لاتحددي فلاان او علااااااااااااااااان
الفآكهه المحرمه
يآبنات أنا بحثت عن حكم الدعاء بالزواج بشخص معين والشيوخ أغلبهم قالوا حلال بشرط إنه مايكون بينك وبينه علاقة محرمة ..
وأنا نفس الشي الحمدلله بس أدعي ربي يجمعني معاه ..
وأنا ما أعجبت فيه عشان شهرته .. بالعكس ماهمني ذا الشي .. لكن تفكيره وشخصيته وحبه لفعل الخير هو الي خلاني أنعجب فيه يابنات ..



لالا أبداً لاهو من نفس العايلة ولامن نفس المدينة حتى .. وحتى هو مايطلع بالتلفزيون .. هو يسوي دورات في النت ويتكلم عن مشاكل الشباب ويحلها فقط ..

إدعولي تكفون :((((((((((((