"تقشير + نعومة + نظافة + تفتيح "

السلام عليكم

حابة اطرح عليكم خلطة اتمنى تجربوها وانا متأكده انكم حتستفيدو منها كثير
اول شي بذكر نتائجها بكل صدق وامانة ^_^

هذي الخلطة استخدمها 3 مرات في الاسبوع وطبعا تعرفو السدر مافيه زيه يخليكي تستغني عن الصابون نظااااااااااااااااااااااااااااااافة من جد

نتائجها عليا ويمكن تختلف من وحده للثانية :
1- فتحت بطني مؤخرتي بين فخوذي بنسبة 80%
2- خففت 40% من الخطوط البيضاء واثار الحبوب في كتفي
3 - الركب 10% ==> وتستمر المعاناة مع الاوريو :(
4- الابط فتح بنسبة 70%
5- ماعاد تطلع حبوب بالمؤخرة نهائيا وشالت اثارها
6- نظافة مو طبيعية والله لدرجة لمن تجي حرمة تسويلي دلكة تخرج بيضا زي ماهيا ..
7- نعومة خيالية خلاني استغنى عن اي مرطب بعد الاستحمام...
8- الاكواع تفتيح بنسبة 90%
9- بإمكاني استغني عن مزيل العرق لمدة يوم كامل " ان كنت في البيت طبعا "

مرة كان عندي زوجي في بداية فترة الملكة يقولي ماشاءالله جسمك مرررررة ناعم قلت في نفسي الحمدالله انه لاحظ النعومة عشان لايركز ع اشياء ثانية هههههه
"بعد ماكنت ناشفة وربي كانت اقدامي رمادية من الجفاف "


/


الخلطة راح تعطيكي /
تقشير + نعومة + نظافة + تفتيح
لاحظوا اخر شي كتبته تفتيح مو تبييييييييييض
عشان هذا لونك مستحيل تصيري بيضا لكن بتفتحي بنسبة ملحوظة وانا متأكده انو غيرك راح يلاحظها
والله يمكن لي 10 شهور استخدم هذي الخلطة ومو بإستمرار لكن مره فادتني

/


الخلطة بالتفصيل المممممل /
نص ليمونة + 4 ملاعق كبيرة ملح خشن + ربع كاسة موية + ملعقة كبيرة كركم جسم + "سدر" ==> الافضل انه يكون مطحون جاهز من العطار
تاخدي الليمونة تعصريها في صحن خاص لهذي الخلطة
وتحطي الملح الخشن
وبعدها تحطي الموية
تخليه كذا 10 دقايق لييييييين يذوب الملح
تحطي الكركم والسدر قد مايحتاج جسمك
تقلبي لين يسير سائل ثقيل شوية وممكن تزيدي موية عادي ..
اهم شي يكون ثقيل مو مررررة موية
تغطيه ساعة وبعدين تحطيه ع جسمك دقيقتين وابدأي افركي جسمك بالكامل قد ماتحبي واغسلي جسمك
تقدري تحطي اي مرطب بعد الاستحمام بس انا صراحة ما احط دايما لاني الاحظ انو يرطب جسمي مره


/

طبعا هذي الخلطة للي عندها وقت فاضي وانا انصح اي وحده حتى لو مافضيت لهذي الخلطة تترك الصابون وتستخدم السدر لحالو
والله انه رهيب رهيب بشكل ماتتخيلو وربي كنت مبقعة وحالتي حالة لكن الحمدالله شوية صار في تجانس في الالوان ^_^
بس اهم شي " الاستمررررررررررراااااااااااااررررررررررر "


ودعواتكم لي بحياة سعيدة في الدنيا والاخرة ..