كلامك صحيح مئه بالمئه وانا من ضمن الأشخاص الضعيفات نوعاً ما او بالاصح المسالمات مع اللي حولي في المجتمع ولكن الشكوى لله اللي متربي يخاف يسوي حاجه مثل اللي يسوونها قليلات الذوق او طويلات اللسان وطبعي مااحب أغلط على احد من أقاربي واللي اعرفهم مع ان حركاتهم استفزازية درجه أولى لاني عارفه نفسي راح يغلبوني بوقاحتهم ودايم يدور في بالي المثل اللي يقول ان لم تكن ذئباً اكلت الذئاب والمثل الثاني اللي ماله لسان ياكله الخنفسان ومع ذلك ماصرت ذيبه الله المستعان بس

نفس الحالة عندنا حتى بمجتمع الوظيفة اللي لسانها طويل هي الشيخة وحنا ياللي مالنا لسان لو نكرف كرف الحمير عادي ماكان سوينا شي

كلامك صحيح بس مع كذا ما اتخيل نفسي تحترمني الناس علشانها خايفه من لساني وعووووووه احس نفسي وحش مو آدميه ولعلمك ياما حصلت مواقف معي علشاني حبوبه وهاديه واسامح بس الحمد لله مافيه احد غلط بحقي الا ويدور الوقت ويعرف غلطه ويعتذر بطريقه او بأخرى

سؤالك غريب يعني تبين تقولين ان العوبه والملسونه مالها ذنوب باذيه الناس وأنها عايشه متهنيه رغم ذلك!!!!
حبيبتي الدنيا هذي يبغالها القوي بس اللي يكون على حق !!
يعني مو عوبه ومستقويه على الناس وبعدين تقولين مايضرها شي !!!
تبين الناس تعمل حسابك وتحترمك ومحدن يدوس لك على طرف كوني قويه بالحق اي شي تشوفينه غلط قدامك تكلمي وواجههيه لاتسكتي سواء لك او لغيرك !
كوني مع المظلوم وانصريه لو بكلمه
أبدي رأيك وانتقدي الغلط في الجمعات
لاتسمحي لاي كان يحتقرك ويسئ لك وانتي ما بدر منك اساءه له
قولي ستووووووب للاشياء اللي ماتحبينها او التصرفات اللي تكرهينها في محيط اسرتك عملك وين ما كنت
لا تكوني سلبيه بتعاملاتك مع الناس
في المجتمع النسائي :
الكبيرات ف السن تقدرين تكسبين احترامهن بالتودد اليهم والسؤال عنهم وتقديرهم ورفع ومدحهم مو صعبه


الملسونات والعوبات هذولي اوقفي لهم ع الكلمه اذا أساءوا لك من البدايه عشان لايتمادن

والله يااختي مع اشد الأسف انه كلامك صحيح ميه الميه ومايختلف عليه اثنين الوحده لازم تصير قويه ومشكلجيه عشان مااحد يدعس عليها بس انا افضل الرسميه الشديده مع النوعيات الي مايتعاشرون من اشوف وحده تتدخل او تتحرش او تدق بالكلام او حتي مشكلجيه علي طووووول الغيها من حياتي نهائيا بدون اهتمام حتي اعطيها حظر من جوالي وماتقدر تفتح فمها مو اجباري العلاقه ولا ازروها ولا تزورني واذا شفتها بمكان اسلم عليها عادي مثلها مثل الغريبه هذا احسن حل لاني اكره اني أكون قويه ومستبده ومشكلجيه واخلي الناس تكرهني ومااقدر أكون طيبه بزياده واخلي الكل يدعس علي برجله فافضل حل بنظري الرسميه وخلاص