عطوني حل عشان يزيد الحليب في صدري

الأمومة والطفل

يا اخواتي انا صار لي والده من ثلاث اسابيع وبنتي اشربها من صدري
بس ما تشبع وكله تصييح وارد اعطيها صناعي عشان تشبع
انا لين اعصر من حلمتي ما يطلع الا قطره او قطرتين وبس
وهي مسكينه تمص عالخالي حتى انها ما ترضى تهد اللحلمه من شده الجووع
انا ودي ارضع طبيعي بس صدري مافيه حليب حتى الحليب الي يطلع ابيض فاتح يعني مو كلش زين
ولا يمتن الياهل انا ابي حليبي يزيد ويكون لونه بيجي لانه احسن شيء للطفل
سااعدوني كيف ازيد الحليب بصدري
27
93K

يلزم عليك تسجيل الدخول أولًا لكتابة تعليق.

تسجيل دخول

يابعدحيي......
يابعدحيي......
اختي ام عبوووود كميه الحليب تعتمد بشكل كبير على نوعيه غذائك يعني كثري من شرب السوائل الشوربات العصائر وحاولي تخليه يمص حتى لو ما فيه شئ حتى تزيد كميه الحليب واهم شي ضم الطفل وملاعبته بحنان من اكبر اسباب زياده ادرار الحليب ...وهذا والله عن تجربه والحمدلله انا لدي سته اطفال جميعهم رضعوا طبيعي
UM NAYEF
UM NAYEF
والله انا اخر ولاده لي صار لي نفس الشي وكان الحليب كلش فاتح وما خليت شي ما كلته بس للاسف كان كل ماله ويخف لين نشف كلش وعاد تصدقين هالكلام كان خلال الربعين يعني ما رضعت بنتي الا شهر واحد بس للاسف والله قلبي عورني بس

انشالله مايصيرلج نفس اللي صارلي بس حاولي تاكلين اكل صحي واكلي عدل يعني لاتسوييين ريجيم

وانا سمعت مره انه حلوى الطحينيه زينه للحليب
*شمووع*
*شمووع*
حتى انا نفس المشكله ولدي عمره 3 شهوور وعملت كل شي عشان يزداد الحليب مانفع يرضع لمدة 3 او 5 دقائق بعدين ينشف الحليب ..واللي يشربه زي ماقالت الاخت ابيض فاتح لذا اضطر الى اعطائه بعد الرضعه حليب صناعي بس الدكتور رفض هذه الطريقه قال لانه يسبب خربطه في معدة الطفل لازم اعطيه شي محدد للحين مااعرف ايش اسوي...
جرح الندم
جرح الندم
انا بصراحه ولدي مارضع مني الا شهرين تعرفون اول واحد دايما تصير التجارب عليه كنت اشرب كاسه حليب دافئ قبل مارضع هالكلام قالته لي عمتي ام زوجي وعن تجربه فادني كثير كانت تسوي لي تلاجه حليب واشربها طول اليوم وياليت تجربينها
سنو وايت2
سنو وايت2
انا اسمع كثير عن شرب الحليب مع الحلبه تكون مغليه سمعت انها تدرها بشكل موطبيعي
جربي وان شاء الله افدتك