طآل انتظاري

طآل انتظاري @tal_antthary_5

محررة برونزية

من بعد هالمرهم قفلت على جميع مواضيع تفتيح الشفايف المسمره يعني انتهت المشكله

العناية بالبشرة

بسم الله الرحمن الرحيم
السلام عليكم ورحمة الله وبركاته
كيفكم بنات
اول شي انا راح افيدكم افاده مو 99% لا لا بأذن الله الافاده بتكون 100%
لاني الحين وانا جالسه اكتب لكم ماعاد احط على شفايفي محدد او روج عشان يغطي اللون الغامق اللي كان فيها
وطبعا انا طلع لي بسبب الحمل يعني اللي خلقه فيها السمار من انولدت مادري اذا بينفع معها او لا بس تجرب مو مشكله لان ان شاء الله ماله مضار
اول شي بقولكم سالفتي من اول انا صار لي اسمرار بالشفايف بسبب الحمل بس قلت يمكن هالسمار راح يروح مع الوقت ومرت سنه سنتين وجبت طفلي الثاني ولا فيه فايده السمار يزووووود ويززززود لدرجه صرت استحي اقعد مع زوجي او اكلمه وانا مو حاطه روج او محدد وحتى لما كان يشوفني بدون روج يقول بمزح انا متاكد ميه بالميه انك تدخنين خخخخخ خصوصا ان لون شفايفي لايمت لشكلي بأي صله شكلي في وادي وشفايفي وادي ثاني !
المهم بديت اتضايق من جد خصوصا لمن اكون معزومه عند ناس وفيه عشا وقهوه وحلا وشاي الخ يروح الروج مع الاكل واتفشل صراحه وبدت معاناتي تزيد لاني كل يوم اصحى اركض عند المرايه اشوف والاقيها تغمق زياده لدرجه اخواني الاولاد وزوجي شفايفهم افتح من شفايفي يالهوووووووووي :icon33:
قلت لا لا لازم اشوف حل رحت لدكتوره ووريتها شفاتي قالت مافي اي حل غير الترطيب وبس ومافي شي يفتح لون الشفاه انووووواع التحطيييييم بس مايأست ورميت الروشته حقت اسم المرطب بالزباله تكرمون من قهري قلت انا ابحث بنفسي وقبل كذا كنت داعيه ربي ان يرجع لون شفاتي زي ماكان واحسن
وابحث لين طحت على اسم مرهم وقلت بجربه اسمه افالون اللي عليه ازرق مو بنفسجي
واستخدمه بدون ملل احساسي يقول انه كويس ومن اسبوع بينت النتيجه وكل مره اصحى وتفتح اكثر وانا
بين مصدقه ومكذبه وطاريه فررررررررررررررررررررررحه والحين لي شهرين وشفايفي تواسا لونها مع اللون اللي يجي داخل الشفاه اللي قريب من الاسنان الوردي يعني
يارب لك الحمد له الفضل الاول قبل اي شيييييييييييييييييييييي والله الحين لا ارواج ولابطيخ بس قلوس شفاف وتسير واوووو واذا حطيت اي روج مو مثل قبل يقلب لونه غامق ويروح لون الروج الحلو
الحين احط اي رووووج ويطلع مثل مااااااااااااهو واحلى بعد حتى لو روج ابو ريالين مو ماركه :27:


بنات تكفون اللي تستفيد من موضوعي تدعي لي ان الله يحفظ لي بيتي ويهدي زوجي ويرده لي ردا جميلا ويبعد عنه اولاد وبنات الشوارع مابي اقول الحرام

تحياتي واي سؤال انا جااااهزه

نسيت اقول يستخدم قبل النوم وتحطين طبقه كثيفه " مو مرررره يعني كنه كريمه على كيكه "يعني تغطين الشفاه كلها والصبح تغسلين وتنشفين وترجعين تحطين
ومع الايام اذا فتح لونها انتي براحتك تبين تخلينه مره وحده قبل النوم او تستمرين مرتين باليوم


حطيت صورته لأن فيه واحد ثاني يشبهه بالضبط ونفس اللون حطته وحده من الاخوات الله يجزاها خير
هذي صورته ان شاء الله تظهر

501
682K

يلزم عليك تسجيل الدخول أولًا لكتابة تعليق.

تسجيل دخول

كاشا كرمباشا
كاشا كرمباشا
طيب ولو تركته انا قرات على فيد اوت انه يستخدم للشفاه الازرق لكن خفت انها نتيجه موقته
أرييين
أرييين
مشاء الله
طيب كم لك تاركته ولا رجع لونهم ؟؟
طآل انتظاري
طآل انتظاري
لي شهر الحين
وترا مايررررررررررررررررررررجع لون الشفاه الغامق خلاص ودعيه لان رجع اللون الاصلي وكذا انا قريت من البحث اللي طلع لي بالنت
وهو وظيفته انه خفف من صبغة الميلانين اللي سببت الاسمرار او بالاصح السواد لان اللي عندي ماكان سمار كان سوووواد والله
الجوري الناعس18
تسلمين حبيبتي ^_^
domoo3x
domoo3x
يعطيك العافية وربي يفرج همك ويحفظ بيتك ويرد لك زوجك ويسخره لك يارب ..