رماااال

رماااال @rmaaaal

عضوة نشيطة

لاهل الخبره كيف افطم بنتي من الرضاعه و كيف اخليها تنام لوحدها و كيف و كيف و كيف؟؟

الأمومة والطفل

السلام عليكم
الله يخليكم ابي خبرات مجربه و سهله للفطام ما اتعب انا و لا اتعب بنتي هي عمرها الان 18 شهر و كنت ناويه اخليها لين تكمل سنتين بس قريت فيمجله ان المفروض نفطمهم من 12_15 شهر عشان الاسنان
و شيء ثاني تعبت والله من الهز و الهد ابي اعود بنتي احطها في السرير و تنام لوحدها مع العلم ان سريرها لاصق في سريري يعني تقدر تجيني على طول
و برضوا ..معليش طولت عليكم.. ابي كتب او اشرطه لها تفيدها و تسليها مريت العبيكان بس ما لقيت اللي ابييه وبنتي من النوع اللي ما يشدها التلفزيون مره بس اشوفها تنشد شوي مع بارني
و شكرا مقدما:)
14
77K

يلزم عليك تسجيل الدخول أولًا لكتابة تعليق.

تسجيل دخول

*ام جود*
*ام جود*
سلاااااااااااام
حبيبتي انا اكتب لك عن تجربه ماشاء الله عندي 3 اطفال فطمتهم وكلهم نفس الطريقه والحين عندي بنتي الرابعه وان شاء الله اتبع نفس طريقة اخوانها

المهم خلي في بالك موضوع الفطم شي مهم يعني اذا فطمتي من الرضاعه لازم تخلي فيه بديل لانها راح تتعلق فيه وتسيب الرضاعه

فمن المهم يكون البديل شي مفيد لها

انا كل اطفالي اعطيهم حليب مصاص بس بالتدريج مره باليوم ثم مرتين وبعدين بس النهار والليل من صدري الين اخلي الحليب طول الوقت

وبالنسبه لليل انا شفت بسوبر ناني انك تهيئي جو النوم بالعادات نفسها كل يوم حتى لو ماتفهم اقرايلها قصه مثلا وحمميها تصير دايخه
وحاولي تنوميها قبلك وتجلسي بس وقت القراءه واذا خلصتي اطلعي
واذا طلعت رجعيها وانتي ساكته من غير غضب او دلع الين ماتتطفش

نفس الشي السرير اتخيلي سريرها غرفتها وسريرك غرفتك اتبعي نفس الاسلوب رجعيها وانتي ساكته

وبالنسبه للتلفزيون قولي الحمد لله ياشيخه من جد انتي بنعمه

جيبيلها اعمال فنيه من اكسترا مثلا او محل متخصص او انتي اشتغلي معاها بصمة الاصابع او التلوين الحر

او التركيب او الرمل اي شي بس تكوني متابعتها

وبس خلصت ياليت اكون فدتك

واذا تبغي شي ارسليلي بالخاص لاني ماادخل القسم هاذا كثير

ولك تحياااتي
رماااال
رماااال
ام جود تسلمين والله انا بنتي اعطيها حليب بشفاط بس هذا بوسط اليوم بس انا ابيها تشرب نفس حليبها حق الاطفال الين تكمل ثلاث سنين بس يكون في الكوب و انا ما ارضعها طبيعي و لازم تنام ع الرضاعه مشكله فعلا
انا اتابع سوبر ناني بس المشكله اني ما قد شفتها تتبع هالطريقه مع اللي في عمر بنتي لا مع سنتين و اكبر
بس ما تحسين هالنشاطات لسى صغيره عليها شوي هي تموت في المويه لو احممها اربع و عشرين ساعه ما قالت لا بس ودي بشيء ثاني
و الف شكر لك
خلوودالرياض
خلوودالرياض
الله يعينك ويعيننا المرحله هذي حرجه وصعبه للام مع طفلها..........
تولان
تولان
اشتري لها سبورة كبيرة وعلقيها على جدار وخليها تلون وتمسح وترسم ترا تقدر وتنبسط الاشرطة اشتري افتح ياسمسم حلو تلقينه عند تهامة و اذا لقيتي الانجليزي احسن ممكن تتعلم منه بس حددي لها وقت بالنسبة للكتب فيه في جرير ومراكز التعليم المبكر كتب كلها صور وكلام قليل بس بتتعبين شوي الين تلقين المناسب صور حيوانات او ادوات المنزل وممكن تلقين بالانجليزي اكثر من العربي عند الخزندار قصص وش كبرها روعة كبيرة مرة بس بصراحة غالية شوي اذا بنتك ماتشقق اشتريها لها تنام على الكتاب وتتفرج عليه
رماااال
رماااال
خلود الرياض
امييين الله يعين

تولان
والله اخاف اشتريلها سبوره و تخليها و تشخمط على جسمها و الجدران كذا تسوي اذا عطيتها ورقه و الوان
انا شفت التعليم المبكر بس من فتره و لالقيت شيء مناسب و ان شاءالله اشوف باقي الماتب اللي ذكرتيها الف شكر:)