ام رينا22

ام رينا22 @am_ryna22

محررة برونزية

اكل الاطفال الرضع

الأمومة والطفل

حبيت اضيف الموضوع هذا لاني لاحظت ان فيه مواضيع كثيرة تتكلم عن اكل الاطفال الرضع بس فيه كثير من الاخطاء اللي تقع فيها بعض الأمهات بدون قصد ..

وهالاخطاء ممكن مايكون لها أثر الا بعد مرور فترة .. يعني اعطاء الطفل نوع معين من الأكل اللي مايناسب سنه ممكن يسبب له بعدين اي نوع من انواع الحساسية .. وعلشان نتجنب هالشيء راح احط قائمة بالأكل الممنوع و سبب المنع .

حليب الأبقار:
الحليب البقري المفروض ماياخذه الطفل قبل عمر سنه ..
أولاً لانه صعب الهضم ..
وثانياً لانه لايحتوي على كمية كافية من المعادن اللي يحتاجها الطفل ومنها واهمها الحديد << طبعاً انا ما اقصد حليب الاطفال الصناعي المقصود نيدو و اخوانه :)

الزبادي:
مع ان الحليب البقري ممنوع , الا اننا ممكن نعطي الطفل بعد عمر 7 او 8 شهور زبادي بس بشرط يكون سادة يعني مايكون مضاف له فواكه لان الزبادي اللي عليه فواكه غالباً مايكون مضاف له سكر والسكر مو كويس للبيبي امثال دانيت و غيرها بس اذا حابه انتي تضيفين فاكهه طازجه زي التفاح المهروس و انا افضل يسلق شوي بعدين تطحنينه بالطاحونه او الخوخ او الموز و اعطيه البيبي ..
و برضو المفروض يكون الزبادي كامل الدسم لانه اعطاء الطفل زبادي قليل الدسم خطأ كبير تقع فيه كثير من الامهات ..
لايعطى الطفل قبل عمر سنتين حليب او اي شي من مشتقاته قليل أو منزوع الدسم << ليه مدري بس معلومه طبيه للحين ما بحثت عن السبب للأمانه بس نقلتها ..

السكر والملح:
لاتضاف ابدا لأكل الطفل .. بعض الأمهات تضيف سكر علشان البيبي يتقبل الأكل وهذا طبعا غلط لأن السكر راح يجلس ع اللثه و لما يطلع السن بيسوس بسرعه او يمكن يكون سن تعبان و مسوس و بالنسبه للملح كلية الطفل ما تتحمل تصفية الملح فيفضل ما تعطينه بأكله ملح و اذا حابه تذوقينه من اكلكم حاولي تخففينه مره او تحطين له ع الجنب بصحن و تخففينه بمويه او اي شي يقلل نسبة الملوحه ..

العسل:
وهذا أخطر شي .. المفروض ما نعطي الطفل قبل مايكمل سنه ..
السبب: لوجود احياء دقيقة تسبب تسممات غذائية خطيرة.

الحمضيات:
ان الكثير يفضلون تجنب البرتقال وغيره من الحمضيات قبل عمر 7 شهور لانه قد يسبب الاسهال أو الحساسية أو طفح جلدي وخصوصا في منطقة البامبرز بس في حالات الامساك ممكن تعطينه عصير برتقال مصفى و مخفف بمويه .


البيض:
البيض لايعطي قبل عمر سنة ..
ولكن ممكن تعطين بيبي بعمر7 او 8 شهور شوي من صفار البيض و اخلطيه مع شوي ماء او حليب او اي سائل علشان مايلصق في سقف الحلق ..
وبالنسبه لبياض البيض لايعطى بتاتا قبل السنه ..

الجزر:
الكثير يفضل تجنب الجزر والسبانخ الى بعد عمر 8 شهور لوجود النترات فيه ..
اما اكل الاطفال المعلب يكون فيه الجزر يحتوي على كميه نترات اقل << ما افضل امعلب ابدا لانه يحتوي على مواد حافظه ..
و بالنسبه لي افضل تعطين الطفل القرع او البطاطا الحلوه << نصيحه من استشارية اطفال و اعلب الاطفال يحبونها لانه حاليه نوعاً ما ..

العصيرات:
يجب ان تكون طبيعية 100% ولاتتجاوز ال 100 مل في اليوم ممكن تقسمينها على فترات ..
5
4K

يلزم عليك تسجيل الدخول أولًا لكتابة تعليق.

تسجيل دخول

jejeeid
jejeeid
تسلمي جزاكي الله خير
أم حسام القمور
جزاك الله خي بنتي الصغيره توها خلصت سته اشه واعطيه من اكلنا بس مهروس بالشوكه بعد فتره اعطيتها زبادي مع اختها الكبيره وسببت لها نزله معويه لاني ماكنت ادري وبعد الدكتور حذر لين تخلص سنه اللهيعين تحتارين بهذا السن وش ياكلون
كل الحياهـ
كل الحياهـ
يعطيك العافيه
متجر ضي القمر
متجر ضي القمر
يسلمووو ويعطيك العافيه
ملح بدويه
ملح بدويه
يسلمو والله يجزاك الف خير عالمعلومات القيمه