انما اشكـو بثي وحزني الى الله / تم الرد + قديم

انما اشكو بثي وحزني الي الله.وافوض امري الي الله ان الله بصير بالعباد.

اول مره اسجل في منتدى بحياتي كلها 
اول مره اشكـي واطلع اللي في قلبي بس يشهد الله من اللي فيني 

حياتي انقلبت فووووق تحت  انقلبت فجاه اصبحت ع حب وكلام رومانسي وامسيت ع ماابيك انا ملكت !! 

التفاصيل ( متزوجه من سنه ونص بس  عايشه ملكه تفاهم حب وحوار موده رحمه بينا  يشهد الله اني ماشفت منه الا كل خير نحب بعض حيل الدرجه يدور رضاي كاني امه كل يوم يسالني اذا راضيه عنه ولالا  يحترمني حيل ويحترم اهلي من حبه لي  ماينام الا لما يبوس راسي وينام واذا راح دوام يضمني عند الباب  اذا تعبت يسهر والله يسهر علشاني اذا رحت المستشفى يجلسني ع ركبته وقدام الناس الهدايا شبه اسبوعي لي 
وانا كنت احسن منه بعد كنت اسوي له اكثر من يسوي فيني احترمه حيييييل احبه موووووت اهتم فيه اتغزل في رجولته وشهامته افتخر فيه عند اهلي  اصحى قبل لايصحى اجهز فطوره ابخر ملابسه  انزل تحت للرجوله وامسح حذيانه وانتوا بكرامه احترم امه  وخواته مادخل عليهم الا بهديه حق امه خاتم عطر قطعة قماش 
كنت اول ماادخل عليهم ع طول ادخل المطبخ اسوي القهوه والعشاء مع اني ضيفه وعروس وقتها بس معتبره نفسي منهم وفيهم 
حملت وجبت احلى بنووووووته  طار فيها وفيني اكثر 
من تزوجه ماااذكر انه تهوشنا كان عنده قاعده متفقين عليها من ايام الملكه الزعل مايطول بينا 24ساعه بعدعا كلن يرضى من نفسه يعني الزعل ممنوع 
زاد حبه لي وزدت حبي له 

فجااااه من حوالي اربع شهور بتمام 
حملت ورحت حق اهلي راحه اسبوع بحكم ان اهلي بديره ثانيه 
بس اسبوووووع  جلست وكانت مكالمات بينا عسل وغزل بينا 
الا في يوم من الايام دق علي الظهر 
يقول يااام فلانه احبك واموت فيك ومستحيل استغنى عنك وكانه صوته تعبان  انا ع بالي صاير فيه شي مرض  قلت خير قال بعد محاضره طويله 
انا اليوم ملكت !!!!! 
ااااه ياكبرها ع قلبي ضااااقت الدنيا علي بكبرها ياناس وش صار وش اللي قلبك علي امس قايل ماااشوف غيرك وش صار قال الشرع انا ماسويت شي حرام سكر الجوال في وجهي بعد مانهرت عليه 

من يومها وانا مصدومه والله والله والله اني احبه هو بعد يحبني ومتاكده من حبه  لاحد يقول لو يحبك ماتزوج عليك بقول عارفه بس مادري وش صابه 

تركني وانا حامل لي شهر والحين انا بشهر الخامس كان نفسه احمل واجيب له ولد والحمدالله هذا انا حامل بالولد والله يتمم لي ع خير ويبلغ لي بشوفته بصحه وعافيه 
المشكله الاكبر 
كلمته من اسبوع قال لاتدقين ولا ابي اشوف رقمك ولا سال عنك ولا ابيك انا تعبان مو فاضي ...؟
ادق ع اهله ابي احد يبرر لي محد يرد علي تخيلو لا امه ولا خواته مع انهم ماشافوا مني الا كل خير ولا ازكي ع نفسي 

اسالكم يابنات وش تفسرون هالتصرف اللي تصرف في زوجي عين حسد صابتنا ولا ايش بضبظ انا تعبت حييييييل من التفكير 

دعووووووواتكن لي ان الله يفك كربتي ويفرج همي