امهات قطر حابه اسئل اللي عندها اطفال ودخلتهم روضه او حضانه ؟

الأمومة والطفل

السلام عليكم

صباح الخير امهات قطر حابه اسئل اللي عندها اطفال ودخلتهم روضه او حضانه باي سن دخلتهم واحسن روضه تنمي مهاراته وابداعاته و تعلمه كيف يحسن سلوك والخ


بنتي ناويه ان شاءالله لين صار عمرها سنه ونص او سنتين ادخلها روضه احسن من قعدة بالبيت مع خدامه وخصوصا اني موظفه وموعاجبني هالوضع


بليز مااقدر اخذ اجازة وماعندي حد احط بنتي عنده ؟

فاتمني تجاوبوني على سؤالي ماابغي موضوع يتشتت اخذي اجازة او ودي بنتج عند حد بنتج صغيرة بليز لبولي طلبي

واذكرولي ايجابيات وسلبيات روضه؟

وكيف لاحظتي تاثير هالروضه على اعيالج؟

انتظركم موضوع يهمني كثيررررر
51
68K

يلزم عليك تسجيل الدخول أولًا لكتابة تعليق.

تسجيل دخول

جبنه في روتيه
جبنه في روتيه
انا مش متزوجة بس حبيت ارد على سؤالك

ايجابيات الروضة كثيرة منها بتخلي بنتج اجتماعية وماتخاف من الناس او تستحي من الغرباء بتعلمها على النظام يعني تقوم من النوم في وقت معين وترجع البيت في وقت معين شلون تحترم الكبير مثل المدرسات مثلا. حسن التصرف والسلوك ممكن في الروضة يعلمونهم القرآن وهذا بيساهم انها تحفظ جزء من القرآن حتى لو بسيط
لكن لازم تهتمين وتخلينها تحت ملاحظتج لاتجيب من الطلاب بعض الالفاظ البذيئة والصراخ وغيرها واهم شيء تختارين الروضة الممتازة الي لها سمعة طيبة مثل رياض الصالحين او المسلم الصغير او بعض المدارس المستقلة بدت تمتلك رياض خاصة فيه
وانشاء تكونين استفدت من رديي
دمعة حزن وندم
دمعة حزن وندم
مشكورة اختي واتمني فعاليه ومشاركه اكثر من بنات بلادي لانه الموضوع مرة مهم بنسبه لي
عيناويه للنخاع
اختي دمعه انا دخلت ولدي روضه ولا عجبتني ابد ماستفاد منها غير الرحلات

صرت انا اشتري كتب وادرسه

لكن في حالتج انتي لازم روضه بيرفكت مو اي كلام

انشالله البنات بيفيدونج

وبنتي بدخلها السنه الجايه وللحين ماقررت

الله يعيني ويعينج
نورةالدوحة
نورةالدوحة
هلا اختي ايجابيات الروضة كثيرررررة
بس لها سيئات مثل امراض الاطفال والعدوى:eek:


واهم شي في الروضة من تجربة مع عيالي لاني ما اللخدم دخل فيهم

1- اهم شي ان ستاف الروضة يكون اجنبي 100% وأروبيات مب من اسيا

انتبهي

لاعربيات <<<<< لانهم للاسف مثلنا شايلين الهم بروحهم ونادر ماتلاقين لهم بارض للاطفال

ولا من شرق اسيا ابداااااااااااااااااااا:30:


2- المبنى يكون مؤهل كحضانة وتدخلة الشمس والهوا ( يعني مب صغير وحكرة ) و يستحسن يكون مبنى جديد

3- واذا كانت اجنبية اوروبية اكيد بيكون عدد الاطفال في الغرفة الوحدة قليل وهو المهم <<<<<<< مكثر المهم عندج ههههههههه

4- ضروري تسوين اختبار نفسي للمربية اللي بيكون عندها الطفل شلون عصبية او لا ,,,, متعاونة او لا


5- وهذا اهم شي <<<< شقلنا ههههههههه


السعر اكيد بيكون فووووووووووق لان حضانة بهالمواصفات اسعارهم فوووووووووق:06:

والله دفعت ودفعت

لان عيالي مهمين عندي جدااااااااااااااااااااااااااااااااااا


والله يوفقج وتلاقين حضانة زينة
((شوبارد))
((شوبارد))
دام بنتج بتكون سنتين لازم حضانه موروضه انا مدخله ولدي هالكورس حضانه وفيها قسم لتعليم البراعم يعني الاربع سنين
ياخذون يمكن من عمر شهر هي توها جديده وولدي يحبها لدرجه اهدده اذا ماسمع الكلام اني مااوديه

تعاملهم طيب مع الاطفال الاصغار وانا افضل الام العامله تودي عيالها حضانه احسن من تقعدها مع الشغاله بالبيت احس انه اامن للطفل غير جذي يلعبونهم ويكون عندهم اسره ويغيرون لهم بتكونين مرتاحه من الوضع بس اهم شي تلاقين حضانه زين
قولي لي انتي وين ساكنه حواليني ثلاث حضانات بس ترا ماجربت الا وحده