تجربتي وطريقتي في العناية ببشرة وجهي

بسم الله الرحمن الرحيم
السلام عليكم و رحمة الله و بركاته
طبعا صرت مو جديدة في هذا القسم بعد ما كتبت كيف اهتميت بجسمي ووحدة لونة ولله الحمد
دحين باقين الوجه وهو اهم شئ اذا كنتي منقبة او لا تلبسين النقاب الوجه هو اهم شئ :ohwe:>>> فهمتم شئ من الي انا كتبتو عشان انا ما فهمت :icon810:
الموهيم انا البنت الوحيدة من 4 اولاد و اخر العنقود و فرحت امي بعد ما جابت 4 اولاد
طبعا العناية بوجهي من ما انا صغيرة كنت احط الزبادي في وجهي مع ميمتي و مرات استخدم الماسكات الجاهزة طبعا معها وبي موافقتها اول مرة احط ماسك كان عمري 10 سنين:04:>>>يحليلها المره فرحانة انو عندها بنت:biggrin:
بس مع الدراسة قللت الاهتمام و خاصة في الثانوي لحد ماتخرجت وانا زي ما انا مافي اي اهتمام و بشرتي دهنية مرة وعندي عادة غبية دائما اسويها وهي اذا جاتني حبة في وجهي العب فيها لحد ما تعلم في وجهي و تصير زي حبة الخال والعادة هذة لحد ذلحين معي :lookaroun
على العموم ما ابغى اطول معكم في الكلام عشان خايفة الموضوع راح يصير طويل وانا خايفة عليكن من الصداع و العمي :biggrinlo>>> احبكن والله خواتي انتن الي ما جابتهم امي:luvkiss: >>> بكش:S_45: >>> اخلصي:blink:
طبعا عنايتي كانت بالخلطات و اشياء كنت اشتريها من برة
الخلطات ماراح احط صورها عشان معروفة وهي اشياء طبيعية ومعروفة عند الكل بس الاشياء الثانية راح احط صورها
يلا نبدا الخلطات
بسم الله
ملعقة روب ( زبادي)
ملعقة شوفان مطحون
ربع ملعقة ماء ورد
ربع ملعقة عصير ليمون
ثلث ملعقه خميره تذاب في ماء الورد والليمون

تخلطي المكونات جيداً>>> شوفو اللغة الفصحة والله لأكسر الدنيا:icon20: وتوضع على الوجه كله ماعدا العينين
داومي عليها ثلاث مرات في الاسبوع وستلاحظين الفرق
لتفتيح البشرة وشدها والتخلص من الحبوب والرؤوس السوداء>>>يميي يميي
ملاحظة : غسلي وجهك بالموية بس

الخلطة الثانية
1- ملعقتان من الشوفان المطحون
2- ملعقة عسل.

3- ملعقتان حليب.

4- نص ليمونه.

5- زبادي

6- القليل من الخل.(هذا عاد اختياري)يعنى مو مهم في الخلطة

تخلط جميع المكونات السابقه جيدا
وتوضع على البشرة لمدة نص ساعه
ويفضل استخدامه يوميا .
ملاحظة : في هذة الخلطة لا تغسلي وجهك افركيه و بعدين غسلي وجهك بالموية بس


الخلطة الثالثة وصفة تبيض الوجه : وصفة النشاء وماء الورد لتبييض الوجه

المكونات : نصف كوب ماء بارد 3 ملاعق ماء ورد ملعقة نشا كبيرة.

الطريقة:

على نار هادئة ذوبي النشا في الماء وماء الورد قلبي جيدا لمده دقيقتين أنزليه من النار ثم ضعيه في الثلاجه حتى يبرد. بعد أن يبرد الخليط ادهني به الوجه وإتركية حتى ينشف ثم إفركي وجهك برفق أو إشطفية بالماء الدافى ثم الماء البارد. استعملي هذه الوصفة مرتين في اليوم لتبييض الوجه

ملاحظة: هذة الخلطات داومي عليها يعني مو اسبوع او اسبوعين لحد ما انتي تلاحظي الفرق طبعا الناس راح تلاحظ قبلك
ان شاء الله راح تنفع معكم
طبعا بعد ما صرتي بيضة و حلوة ومافي رؤؤس سودة و الوجه الصلاة على النبي ابيض و يلمع نوقف الخلطات شوي ليه ؟؟؟ عشان في حاجات ثانية لازم تسويها عشان الوجه الحلوو ذا يستمر في البياض و النظارة
طبعا دخلت النت و رحت لعمي قوقل وفرفرت فيه و طلعت صوابين (جمع صابونة )المهم و الحمد الله الفرفة دي طلعت عند حسن ظني
انا اقل لكم من فين اشتريها من محل المرواني للعطارة
اول شئ اقلكم اش الاغراض الي اشتريتها و بعدين راح اقلكم كيف استخدمتها
يلا بسم الله
اول شئ صابون البابايا 6*1



هذة الصابونة بالبابايا و حبه البركة تعتبر صنفرة للوجة و تزيل الرؤؤس السوداء سعرها 7ريال
2- صابونة البابايا 4*1



هذة الصابونة للتبييض سعرها ب7ريال

3- صابونة الكركم
صابونة مبيضة وللرؤؤس السودة وازالة اثار الحبوب سعرها ب5ريال

4- ليفة مغربية ليش؟؟؟ الصبر حلو >>>بقهركم




بعد ما تخلصي من المرواني روحي للصيدلية و اشتري الاتي

غسول نيتروجينا
هذا الغسول منعش لدرجة كبيرة و راح تحسي انو وجهك فلللة ما اعرف السعر يمكن ب24 ريال
2-اسكينول بالليمون و البابايا


راح اقولكم تجربتي من هذول الاثنين الي باليمون بس ينظف و استمريت عليه لحد ما خلصت الكمية اما البابايا اه اه منه هو الاهم عشان معروف البابايا مادة طبيعية مبيض فنظف وجهي وفتح لونو ( انا ما ابغى افتي كثير يمكن فتح منه او من الصوابيين ) والسعر ما ادري بكم

3-كريم (لوشن ) الفازليين لتوحيد اللون
سعرة ب24 ريال

4- هذا الشئ انا ما اعرف اسمة بس انا اسميه بخار الوجه >>> هااا لا تضحكو علي اعرف انا مرات اصير غشيمة وما اعرف اسماء الاشياء بس اعرف اشكالهم والفايدة
سعرة ب 180 ريال
الحمدلله خلصنا من المشتريات

هااا لا تقولو هذه الاشياء كثيرة >>ترا راح ازعل منكم
انا راح اقل لكم كيف استخدمت هذة الاشياء احسن شئ راح ارقمها عشان تسهل القراءة >>يلا لبسو النظارات وانا اول وحدة رغم ان ما عندي ضعف في النظر ياساتر
1- بديت بصابون البابايا 6*1 عشان هي تعتبر صنفرة اول ما اصحى من النوم و قبل ما انام دائما استخدمها طبعا لحد ما تخلص الصابونة ( يعني الصابونة الثانية الي هي 4*1 لا تفتحيها و لاتقربيها لحد ما تخلص هذه الصابونة ) الصبر حلو معليش عشان النتيجة اكيد تبغو تعرفو كيف انا استخدم هذة الصابونة اول شئ ابل وجهي و ارغي الصابون في يدي و احطها في وجهي و المفاجئة الليفة المغربية افركي وجهك من غير عنف شوي شوي و بعدين غسلي وجهك ( طبعا لا تنسي الترطيب بالكريم )
2- في نفس الوقت بعد ما تخلصي من الصابونة افتحي الغسول ( متذكرينة غسول نتروجينا ) حطيه في وجهك و استنى شوية في ذا الوقت فرشي اسنانك وبعد ما تخلصي اغسلي وجهك ( الترطيب ثم الترطيب)
3- في نفس اليوم كذا يعني قولي في العصر او المغرب افتحي صابونة الكركم و سوي نفس طريقة صابونة البابايا و الليفة المغربية


في يوم ما من الاسبوع افتحي بخار الوجة >>> لحد يضحك عاد عشان انا ما اعرف اسمة
حطي في المويه نعناع و خزامي ( راح تلقي الخزامي في العطار) وجيبي منشفة نظيفة وحطي وجهك في البخار لمدة 3 او خمس دقائق >>> عاد لا تجيبي العيد وتجلسي اكثر من كذا هذة موية حارة يعني حرق تقومي تحرقي وجهك و تقولي امجاد قالت كذا ترا راح ازعل

بعد ما تخلص صابونة 6*1 انسيها طول عمرك و اتحي الصابونة الي راح تكون طول عمرك حتستمري فيها الا وهي صابونة البابايا 4*1 وطريقة التنظيف نفسها بالليفة المغربية

ايوووة نسيت الاسكينول هذي قطنة كذا قبل ما تنامي و امسحي وجهك و الرقبة واجلسي لحد ما تنشف و بعدين غسلي وجهك و رقبتك بالموية ورطبي ونامي ( نوم العوافي يارب)


ملاحظات : 1-الصوابيين هذة راح تكون رفيقة عمرك >> يعني انسي اللوكس و الدوف
2-الخلطات و الصوابيين تبغى صبر الصبر ثم الصبر
3- بخار الوجة مرة او مرتيين في الاسبوع
4- الليفة المغربية مهمة امس انا قلتها و اليوم راح اقولها (اي صابونة تبغيها تجيب مفعول عليك بالفرك ) ومافي احسن من الليفة المغربية

هذا هي طريقة اعتنائي بوجهي
اعرف الموضوع طويل هذا الموضوع اثنين في واحد يعني الخلطات الطبيعية و الاغراض الي من برة
انا كتب الموضوع هذا عشان تستفيدو منه و الله العظيم اذا انا ما اتفدت منة ما كنت كتبتة انا ما اعرفكم بس احسكم زي اخواتي و حسيت انو لازم اكتب الموضوع عشان في بنات و ستات يمكن مايعرفو هذة الاشياء
يلا انا قرقرت كثير بعد ما تخلصو قراءة خذو بندول اكسترا
بس ادعولي ربي يحقق امانياتي و افرح عما قريب
اختكم في الله:26: