موضوعك حلو وفعلا سوء الظن جدا مزعج
انا طبعا زوجي غاسل يده مني ما يوديني لأي دكتور اروح مع السواق :(
واحيان والله اكون دايخه وتعبانه وابغى احس ان معي احد يشاركني اللحظة
يحسسني كأن هالشي بس انا ملزمه فيه !
يعني زوجي نفسه ما يفكر يدخل معي وهم طبع عيلتهم كذا
عكس اخواني الله يحفظهم من كل شر اذا كانوا جاين الرياض يروحوا معي
ويساندوني الله لايحرمني منهم
وتشوفي نظرات الحريم الله يهديهم مدري شلون بعضهم ودها تكفخك انتي والرجال الي معك ومايدروا انه ممكن اخوك او زوجك وخايف عليك
انا والله العظيم احترم جدا يوم اشوف رجال مع زوجته الله يخلي كل الحبايب لبعض
احب اشوفهم مع بعض حتى بالسوق وكل مكان
احيان اتمنى زوجي يجي معي السوق لكن هو خلاص كذا ما يبي يشارك احد اي شي
وهالشي يرجع للتربيه سبحان الله كل واحد وعلى نظام عيلته احنا عندنا الرجال يظل مع زوجته بكل مكان
ابوي كان يترك كل اعماله ومسؤولياته ويروح مع امي الدكتور وكل مكان ماعمره خلاها تروح لحالها

والحمدلله على كل حال
وشكرا لطرحك الواقعي
احنا فعلا مجتمع جاااااااااااااف من المشاعر :(

ليش مكبره الموضوع المجموعه الي يجي معاها زوجها قليله جدا ..
وانتي تقولين انه حنا نمنع ازواجنا من هالشي بالعس اتمنى زوجي يشاركني ..
بكل لحظة ويحس بتعب الحمل والولاده الي اتعبه بس ما فيه مجال ..
ما يتحمل يوقف معاي او حتى بغرفة الانتظار لحد ما ادخل ..
حلو منه انه يوصلني عند الباب .. حتى المصاريف كلها علي ... الرجال مو واحد
اصلا ما يسالني وش فيك وش صرفت لك ..ولاا حتى سويتي سونار ولا لا ..
وش نوع الجنين .. انا اقوله مع انه اجتماعي مره وراعي سواليف وفله مع الناس بس وحنون ..
وما عنده مانع يوصيه احد يمشي بحاجته .. بالاخير تقولين ليش نقول ان الرجل السعودي مو رومانسي ..
بسم الله عليك اذا انتي متوفقه مع زوج من هالنوع الله يخليه ويحفظه لك ..

تدرين حملي الاول كان ما يخليني امشي ومستعجل يوديني لاهلي خايف يتورط اولد عنده ..
وبحكم ان بيت زوجي بمنطقه غير منطقه اهلي كنت نايمه عند اهلي وهو عند اهله ..
ولا يكون ببالك انه مهتم لا جدا عادي عايش حياه العزوبية ومبسوط
دقيت عليه لما جت الولادة الساعه 8 الصباح ما رد علي نايم رحت مع اخوي ..
وبولادتي الثانيه نفس الكلام مين راح يمسك الاول لو ولدت عنده ..
رحت لاهلي وهو مداوم بمنطقه ثانيه ..ولدت ..وطلعوني اخواني الله يرزقهم من واسع فضله
طبعا هالمره انقهرت يعني حتى زيارة بالمستشفى مثل الخلق مافيه ..
الشكوى لله
اسالك هالنوعيه من الازواج اقطع عمري علشان يدخل معاي ..
الحمدلله الاجر من رب العالمين .. والله يحفظ لي عيالي ..

انتي عارفه الناس كلها تستغرب مني عشان مني زي باقي الحريم ابغى امي معاي وقت الولادة بالعكس كل ولاداتي زوجي هو اللي معاي وباذن الله المرات الجيه كمان خلي يحس بي كيف اتعب ومن جد العلم اللي قلتي ان وجود الأب يقرب بين الأب والطفل لأن زوجي كل ماعرف ان اللي في بطني بنت مو يزعل بس انتي عارفة يحب يكون عنده ولد بس بعد الولادة يتعلق في البنت اللي تيجي اكثر وبالذات الثالثة ,,,,,, انا اكثر وحده اأيد رأيك في الموضوع والله يوفقك

كلام سليم ويعطيكي العافيه

أنا معاك ان التربيه لها دور كبير
بس لازم تعوديه علشان يزرع هالشئ في اولاده بعدين
عمر بن الخطاب رضي الله عنه قال
( لا تربوا اولادكم على عاداتكم فقد خلقوا لزمن غير زمنكم )
لذلك لازم تجبريه و تقولي الدكتورة بلغتني بحضورك ضروري اتفقي مع الدكتوره
وشوي شوي بتشوفيه تغير




حبيبتي انا ما كبرت الموضوع الا من المواضيع اللي كل يوم وحده كاتبه عن الرجال بعيادة النساء و الولاده
و عن اللوحات اللي صارت بكثره في مستشفياتنا !!! ممنوع دخول الرجال ؟؟؟؟

بالعكس أنا وحده اتمنى زوجي يروح معاي لكن للأسف يقول المستشفى مانع دخولي
أروح أنتظر بس روحي لوحدك :( و الجفاف إلى راسه بس على قولة الاخت اللي قبل العادات اللي تربوا عليها مصيبه
و كملوها بعض الحريم بأنتقادهم للرجال وسوء ظنهم
المستشفى اللي اراجع فيه كان دخول الرجال عادي بس تفاجأت باللوحة جديده ممنوع دخول الرجال ؟؟ ليش ما أدري

الله يهدي الجميع بس صرت اشوف رجال جايين مع زوجاتهم وطز باللوحة
و الله أحترمهم جدا