سلفتي المدعيه الألتزااااااااام استغفرالله العظيم وحسبي الله ونعم الوكيل باللي يتخذ من

الأسرة والمجتمع

السلام عليكم


بدخل بالموضوع ع طول

هذا سلمكم الله سلفتي وما ادراكم مالسلفات ساروا زي الضراير
سلفتي انا وياها صاحبات الروح بالروح من صغرنا وشاءت الاقدار نتزوج اخوان هيه اول خلفتها بنات
وانا اول خلفتي اولاد ماشاءالله وكلهم نعمه من رب العالمين بس بعض الناس عقله صغير وايمانه ضعيف
ولو أدعى الالتزام :44:
المهم بدأت التعليقات من اهل زوجي كلما جابت بنت جديده او جبت انا ولد جديد
المهم بحكم اقامتنا في مدينه ثانيه لما نجيهم اجازه اهل زوجي بس يبوسوا بعيالي ويشيلوا فيهم
وبناتها عادي مو لانهم يكرهوهم بالعكس اكيد يحبوهم بس لأنهم عندهم طول السنه وساكنين كمان
معاهم بنفس البيت وهي بس يبوسوا عيالي تقلبها هوشات وسارت تحقد عليه وتكرهني انا وعيالي
بالذات الكبيرفيهم :mad:
المهم استمرت بخلق المشاكل حتى بعد ماسار لكل وحده فينا شقه واحنا كمان مو مقيمين معهم بنفس المنطقه نجي اجازه كم يوم او عيد ونمشي ومانسافر الاوهي مسويه مشكله من لاشي وانا اطنش
آخر شي منعت عيالها من اللعب مع عيالي الصغار طبعا جالها عيال الله جبر قلبها بعد كم بنت بس برضه
لا زال حقدها علينا ومتصوره انه عيالي الكبار بيأكلوا عيالها
قلت خلص امهم منعتهم بكيفهم
جلست فتره شكلها توقعت ردة فعل مني لما منعت عيالها بس انا طنشت قامت ايش سوت
اتهمت ولدي الكبير بأنه تهجم عليها هيه وبناتها بآله يستخدمها جدهم في الارض وحتى عيالي بحكم عيشتهم في مدينه مايعرفوها !!!!!! :09: ولا احد صدقها في كذبتها واهل زوجي هاوشوا ولدهم وقالوله ادب زوجتك وقلها تستحي على وجهها عيب عليها
قبل فتره توفت امها واتصلت وعزيتها واول اجازه جت طلعنا للعيد واتصلت عليها وقت صلاة العشاء في رمضان
قلت بجيك على اساس اعزيها قالت انا مو في البيت لما اروح البيت اكلمك قلت طيب بالله فيه حرمه في رمضان
وأذان العشاء يأذن ماتكون في بيتها وشقتها فوقي كلنا بنفس العماره ولاهي بمستشفى ولا شي
وجلست انتظر اتصلها تقلي تفضلي ولا اتصلت وماعد رحت لها
والحين بنتها بتتزوج وش رايكم احضر زواجها ولا اطنش رغم انه كمان حتى اخواتها و زوجات اخوانها مايكلموني
كذا بدون سبب بس زعلانين معها و زوجات اخوانها يخافون يعلمون عليهم ازواجهم لأنهم قويات واخوانهم
معاهم اللي تقوله اخته يمشي على زوجته

اعذروني طولت عليكم حاولت اختصر قد ما اقدر و ترا ماقلت كل شي سوته بس حتى تفهموا قد ايش هي انسانه شريره وحقوده واخواتها اشد وانكى عشن كذا نصهم مطلقات ماتحملوهم الرجال قويات ومسترجلات
شوروا عليه كيف اتصرف احضر ولا اطنشها واشطب عليها في فرح وفي ترح
وترا لنا على هذا الحال فوق العشرين سنه ما كلت ولا ملت بالعكس تزيد بقلة حياها واحس يوم من الايام
بتبلى عيالي بمصيبه كيف لو حد صدقها لما تبلت على ولدي رجال انه تهجم عليها
بس ربي فضحها وكشفها للجميع الحمدلله
93
12K

يلزم عليك تسجيل الدخول أولًا لكتابة تعليق.

تسجيل دخول

dody live
dody live
اشهد ان لااله الا الله
أرين الحلوة
أرين الحلوة
لا حول ولا قوة الا بالله الله يكفيك شرها يختي ايش دا يالطيف اسأل الله السلامة والعافية
أرين الحلوة
أرين الحلوة
ومن ناحية الزواج انتي روحي من باب تأدية الواجب وعشان زوجك واهله العروسة برضو بنتهم وهيا طنشيها وخليك حريصة معاها مو لازم الطيبة الزايدة
الاميرررره
الاميرررره
روحي بطي كبده احظري واستانسي ورقصي بعد
خخخخخخخخخ
امزح عليك
روحي سوي الواجب وخيرهم الذي يبدا بالسلام
ام جود الحمد
ام جود الحمد
اذا بغيتي تروحين لها خوذي ام زوجك او وحده من خواته معاك
وانت بالاول شاوري زوجك وشوفيه شيقول اذا يبيكي تروحين او لا