لسلام عليكم ورحمة الله وبركاته
مسااائكم/ صباااحكم مسك
انا حابه اقلكم تجربتي في ولادتي ونفاسي السابق بولدي البكر مع ان ولدي الحين ماشاء الله عمره سنتين وحامل الحمدلله في الشهر السادس الله يتمم على خير ويسر حملي وولادتي ويقر عيني بشوفة فليي سليم معافى كامل الخلقه والخلق انا وكل الحوامل
انا الحمد لله طول فترة حملي الاول ماكنت افكر في الولاده كلله عشان ما اشغل نفسي وتفكيري واعيش في قلق وتوكلت على الله وفوضت امري اليه والله يابنات اني حسييييت برااااااااحه مابعدها وحسيت ان كل شي بيتيسر باذن الله مشى كل شي تمام ولله الحمد وفي الشهر الثامن بديت اجهز للنونو مع اني ماكنت متاكده ولد والا بنت بس اشتريت لون محايد وجهزت شنطة البيبي وشنطة المستشفى واشتريت اغراضي من الصيدليه يعني ادويه وقطن وشاش واللذي منه ومابقي لي الا مفرش النفاس والضيافه واشياء النفاس اللي من عند العطار كنت اقول لسه بدري واول ما ادخلت الشهر التاسع رحت اخر مراجعه راجعت وقالتلي موية الجنين ناقصه واكدتلي ان اللي في بطني ولد قلت الحمد لله بس ايش يصير اذا نقصت موية الجنين قالت يمكن ولاده ومافي مشكله اذا دخلتي التاسع توكلت على الله وخرجت من عندها ورحت بيت اهل زوجي ونمنا لاننا كنا عندهم واليوم الثاني رحنا مكه واخذنا فندق عند الحرم وقال زوجي ايش رايك نروح الحرم نطوف ونصلي قلت يالله ورحنا وطفنا وصلينا وشربت زمزم ورحنا لفينا في الاسواق واخذنا لنا كم غرض وتعشينا في مطعم ورجعنا الفندق ونمنا وفي الصباح رحنا نفطر وبعد مارجعنا من الفطور حسيت بمغص خفيف وماعرفت من ايش وكل ماله يزيد وقلت لزوجي قال يمكن من الاكل قلت ما ادري وكنت كل شوي ادخل الحمام من المغص اللي فيني واشوف خيوووط خفيييفه دم بس ماكنت اعرف ايش السالفه لاني بكريه كلمت امي بس ماقلتلها اشوف خيوط دم او افرازات و قالت لا هذا الجنين يعدل وضعيته قلت والالم هذا من ايش قالت ماعليك الا العافيه ولما حسيت انه زاد قال زوجي يالله المستشفى وانا كنت بولد في مستشفى سليمان فقيه قال زوجي نروح مستشفى الولاده بمكه بس نشوف ايش فيك قلت طيب ولما طلعنا قال اقلك يالله جده قلت يالله ولما وصلنا ماااكان في بالنا انه ولاده لان الدكتوره حددت لي موعد 15/3 ولما رحت المستشفى كان 27/2 دخلنا عالطواريء قالو اطلعي فوق قسم الولاده بعد ماقاسو الضغط وكذا قلت ليييش قالو ولاده انا وزوجي صرنا كذا :icon810::icon810: وطلعنا فوق على طول دخلوني وخلو زوجي برا وانا اقول لا تصدق ماعندهم سالفه مافي ولاده ولاشي وهو معايا المسكين المهم جلست ادور بين الممرات واسمع صياح البنات اللي يولدو ويااااويلي ذاك الوقت زااااد خوفي وشوية جات الممرضه وقالت يالله احط لك جهاز قياس الطلق وجلست حوالي ساعه عليه ويزيد الالم وانا مو عارفه ايش ذا الشي وشوي ججلست ابكي اقول نادو زوجي قالو ممنوع ولما شافوني ابكي عالصامت من غير صياح بس ابكي :44: قالو خلاص بنجيبه لك وجا وجلس معايا وشوي جات الدكتوره وقالت يالله بقيس كم فتح الرحم ساعتها نطيت من مكاني قلت لااااااااااا وشوي يحاولون فيني وبالقوه وااافقت وبعدين قالت خلاااص لازم تجلسين عندنا لانه الرحم فاتح 3 سانتي قلت لا بروح وبرجع قالت وين تروحين اقلك ولاده وهذا الكلام كله الساعه تقريبا 1 الظهر وراحت يمكن ساعه ورجعت تقيس وفكت مويه الجنين الا زااادد الالم بس مااكان الم قوي يعني تقدرين تتحملين الحمد لله وكنت اقرا قران وادعي واكلم في امي لانها في مدينه ثانيه وجايه في الطريق وجالسه تقولي لاتخافي ان شاء الله تتسهل وانا مازلت ادعي واقرا كل مازاد الالم وماتتصورون قد ايش يخف علي الالم وانا اقرا يارب لك الحمد وجات ام زوجي وجلست تقرا قران وانا قرا على نفسي وطلعو زوجي برا وقالو لازم شخص واحد والشهاده لله تعاملهم هم مررره حلو وحنونات الحمدلله وجات الدكتوره وقاست وقالت فاتح 10 سانتي يالله ولاده وانا معاهم امشي واحس بطمأنينه وراحه غريبه ماكانهم ماخذيني غرفة الولاده وبس اقرا في ايات الولاده وادعي ودخلوني وركبو المغذيات وكل شي ورفعو رجولي وغطوني الا جااني نوووم مو طبيعي ونمت قلت للدكتوره بنام قالت وذا وقت نوم يابنتي قومي خلاص ولاده قلت بالله عليك الله يخليك ابغى انااام فيني نوم قالت نامي ونمت:biggrinlo شويه الا احس شي من تحت دفني كانه روحي بتطلع وقلت الحقوني بموت وجات عمتي قالت :icon28::icon28:خلاااص ولاده وهم كانو حاطيلي الكمام واااااه يهذا الكمام احسن شي اخترعوه لو اعرف اللي اخترعه ما ادري كيف اشكره من جد رحمه يجننننن والحمد الله ماحسيت بعد هذا الالم بالم قوي لان النونو خلاص طالع وهم يقولو ادفعي وادفع شوي الا انا كاني في حلم ماحسيت بشي بس شفتهم وهم يحطونه على بطني بس ماكنت مرره حاسه ولا صحيت الا بعد ماقربو ينتهو خياطه وكانت خياطه رووعه وكان هذا الساعه تقريبا 3 العصر وجات امي وجا زوجي ومو مصدق لان على باله لسه انهم ماعندهم سالفه ولاعندي ولاده ولاشي وجا ابوي وسلمو علي وبعدين نقلوني غرفه خاصه زوجي حجزها لي الله لا يحرمني منه :heart: وجلست تقريبا اربعه ايام لان زوجي طلب اجلس ارتاح ومرره ارتحت تعاملهم مرره راقي ويجو يسوولي مساج ووقت الدوا يجو يعطوني هم بنفسهم ورجعت البيت وزوجي راح يكمل اغراضي مفرش النفاس والضيافه واغراض العطار الله يعطيه العافيه وفي النفاس كنت رابطه بطني في البدايه بمشد مطاط بعدين مشد اندونيسي وما اشرب مويه بارده ولا غازات ولا علك واخذ رشاد مع تمر وحليب بالحلبه والحمد لله كل شي تمام حتى بطني مع الربط اختفت يااارب لك الحمد وان شاء الله اطبق هذا النظام في النفاس هذا وحابه اقلكم شغله مرره عجبتني خذي زيت زيتون ودفيه شويه وحطي عليه شويه زنجبيل وادهني بطنك الى تحت واربطيه مرره حلو للكرش وينظف الرحم من الدم وانا مجربه بس ادعولي الله يسهل ولادتي ويحفظ جنيني ويجعله سليم معافى كامل الخلقه والخلق وهذا كل شي اتمنى ما اكون ثقلت عليكم بكلاميواعذروني اذا كان كلامي فوق بعضه
شذى السعاده @shth_alsaaadh
عضوة جديدة
يلزم عليك تسجيل الدخول أولًا لكتابة تعليق.
فاقده اخوها الغالي
•
الله يسهل ولادتك يارب ويهون عليك
زائرة
•
الله يسهل عليك
الله يسهل ولادتك التانيه بس قلبي عدلي دعوتك لزوجك انتي كاتبه الله يحرمني منه وانتي تقصدي لا يحرمني ترى تفرق هههههههههههههههههه
الصفحة الأخيرة