شعركـ دهنيـ ؟ باهتـ ؟ لاتتضايقينـ تعاليـ اقولكـ سر لمعة شعريـ

العناية بالشعر

السلام عليكم ورحمة الله

صباح الورد ع الكل

اكيد فيه كثير منكم يشتكون من الشعر الدهني ومشكلة غسله اليومي وفقدان النعومة والمرونة واللمعه مع الوقت

انا عانيت من المشكله وشعري دهني مره

الحنا صح تنشف الدهن فتره لكن للاسف لازم تستمرين عليها ولا راح ينعدم شعرك وحتى مع الوقت بهت شعري وماناسبتني الحنا سبحان الله لازم احط معها الثلاجة كلها وحلبه وبلاوي زرقا عشان تضبط الامور
شغلتها شغلة وريحتها فتاكه ومابقى احد ماتذمر مني من اهلي

عموما اللي ماشيه ع الحنا وضابطة امورها ومو متضايقه من شي الله يقويها
لكن اللي مثلي تعبت او متزوجه او موظفه وماعندها وقت

تسوي مثلي وباذن الله مراح تندم


سدر + زبادي

بدون مقادير على اللي يريحك

بس عشان لاتجي وحده تقول كان تكلمتي زين ولا ابثرتينا بموضوعك

تقريبا علبة الزبادي احط عليها 3 ملاعق طعام كبيره سدر زيديها او نقصيها حسب طول شعرك وكثافته انا شعري تحت اكتافي بشوي لين وكثافته وسط وبراحتك لو تبغين تخففينها او تثقلينها لين توصلين للقوام اللي يريحك هيا طبعا تكون اثقل من الحنا تقريبا نفس قوام الزبادي

ليش المقادير مرنه ؟
لان الفكره ان السدر يجفف الشعر والزبادي يخفف من هالشي عشان مايصير الجفاف شديد ويعزز اللمعه فانتي حطي المقادير حسب حاجتك ودهنية شعرك

حطيها على شعرك اهم شي الجذور حطي غطا الشعر البلاستيك وبالكثير نص ساعه لو مستعجله

لكن احيانا احطه على شعري واسوي الحمام المغربي او اتصنفر او احط اي ماسك على جسمي كمان واقعد اشتغل عليه واخر شي اغسله واحط بلسم على شعري بس ابدا مايجي للجذور من فوق بس واركز على اطراف الشعر





عدد المرات طبعا على عدد مرات غسلك لشعرك بالشامبو

لان الترويش اليومي خاصتن المتزوجات بيكون بالمويه بس او الجسم فقط


يعني تقريبا 2 في الاسبوع حلو



انا مره مرتاحه مع هالماسك وشعري لمعته ماشاء الله قويه وناعم وصار مايدهن بسرعه واذا تركته فتره مايطيح شعري ولا يصير اسوأ من قبل بالعكس ياخذ فتره طويله لين يرجع مثل قبل وكمان خفف من تأثير الشامبو على شعري لمن احطه قبل الغسل


موفقين
17
3K

يلزم عليك تسجيل الدخول أولًا لكتابة تعليق.

تسجيل دخول

سوسه بس ننوسه
سوسه بس ننوسه
up لتعم الفائده
* ريد روز *
* ريد روز *
مشكورة
الفراشه المبخوته
مشكوورة
( بنت الجود )
( بنت الجود )
مشكوووووورة
محبةالنجوم
محبةالنجوم
مشكوووووووووووووووووووره