رغم التعب والعذاب اللي مر عليك لكن الحمدلله انه في الاخير ربي رزقك بطفل سليم ومعافى ... والله في ذيك اللحظه كل العذاب يهوووووووون
الصفحة الأخيرة
المهم حولوني لدكتوره النساء والولاده طبعا انا كنت في المجمع الطبي العسكري اللي بالظهران ..دخلت لغرفتها وكانت فيه النيرس بس هنديه اتوقع ..
رجعت اخذت حرارتي وحطت علي تخطيط حق البيبي وحطت جهاز ومثل ملاقط الملابس على صبعي وجات وحده فلبينيه وسوت لي الترا ساوند شووي احس وجه الهنديه تغيير وهي تطلع نبضي ونبض الجنين :44:وتروح تدق اللي فهمته انها تكلم الدكتوره بس من الدوخه مو قادره استووعب وش تقووول طبعا انا اعرف انجليزي مو بلبل بس الحمدالله امشي اموررري.. المهم شويات الا وتجي الدكتوره وتسلم علي مررره تعاملهم قمه اتعب وانا اقوووول قمه الرقي وتعامل ودلع ولا اروع وتقول انا راح اكشف عليك من تحت نبي نشوف كم مفتوح الرحم قلت اوووكي:icon33: طبعا هي اول مابدت تكشف انا شديت لكن هي قالت لا وهدتني قالت رخي اعصابك تعاوني معاي علشان ماتتألمين والله واسمع كلامها حسيت باللم بسيط لما خلصت قالت مو مفتوووووح يادووب 1 ونص سم
وقالت شووفي حبيبتي نبضك ونبض الجنين مررره مضطرب وفيك حمى وهذا خطر عليك وعلى البيبي لازم تنويم وراح نحطك تحت الملاحظه لحد ماالأمور تستتب >> عجبتني ههه:09:
ولو ماتغير شي دايركت بيولدووني ..المهم واطلع لزوجي وهو جالس برى واقول له تنويم واحسه انحرج :arb:وتأثر لأنه كان مكذبني المهم خلص اوراقي حوسه وتوقيع وحاله..
ودوني لغرفه التوليد ياسلام وربي تحسين براحه نفسيه تخيلو فيها تلفزيووون وفيها ام بي سي وقنوات عربسات كلها طبعا بقول لكم ليه انا دققت على التلفزيون والقنوات ههه طبعا غرفه التوليد فيها دوره المياه والتلفزيون والقسم هدوؤ مافيه صراخ اتوقع لأنه يعطون ابر ظهر والممرضااات قمه زنجيات وهنود وفلبينيات واول ماجيت ساعدوني بتبديل الملابس ويسولفون ويضحكوون معاااي طبعا بدأو يعطوني ادوويه حبوب للحساسيه وعطووني مغذي وحطو لي اكسجين لانه مره كان النفس عندي تعبااان طبعاا زوجي كان معاي يعني عادي يخلونه يدخل وانا اولد ..
جلست اسولف شوي مع زوجي احس معاملتهم ريحتني نفسيا وشوي خلاص قال بروح وانتي نااااامي طبعا كل هذا صااار الصبااااح لما جاء على العصر جات الميد وايف زنجيه مررره طيبه وعسل قالت للمرضه خلاص نبض البيبي مستقر مايحتاج نولدها بنزلها لغرفه عاديه وفعلا نزلوني..
وجلست اسبوع مترقده ويعطوووني ادويه حبووب والله ذ مرات باليوم من غير الاكسجين وبخار كرتيزون في البدايه ولما خفيت فانتولين كنت مره تعبانه بهدلني الربو لدرجه كانو يوميا يحسبوون لي كم ساعه انا لانه كان معاي سعال مزمن مااقدر انا منه كويس يجلسني من عز النوم يعني يادوووب نص ياعه ساعه اللي انامها متواصله بس نفسيتي مره مرتاحه من معاملتهم حتى جابو لي استشاري متخصص باامرض الصدريه وانف واذن وحنجره وكشف علي وقيم حالتي ..
يابنات التلفزيوون فيه القنوات كلها وكان عندي لاب توبي ومع الكونكت والله امان ولافي سرقه ولاشي ومتى مابغيت شاي دقيت الجرس وعلى طوووول يجوووون بيجيون لي شاااي والملابس يجيبوون لي غيرات حتى الكلوت يجيبونن اللي تتغيريوميا مثل حقه الدوره ..
ونظافه حتى الأكل اذا ماشافووك ماكله يجلسوون يحاولون فيك تاكلين ..
اذكر من المواقف اللي شوي حطمتني صادفت وحده كانت تدرس معاي بالثانوي انا قلت لكم جاني زلال انتفخت مرررره اللي مايعرف انه زلال حمل يفكرني دوبا وسمررررت من بيضاء الا سمرراء على ازرق وخشمي انتفخ طلعت لي براطم اقسم بالله شكلي صااار غريب مو طبيعي حتى امي واخوتي كانو متأثرين من حالتي..
المهم جالسين نسولف كل وحده بكرشتها الا وسبحان الله اشوف زميلتي درست معاها بفصل واحد واكثر من سنه كنا اساسا بنفس المنطقه ودرسنا برضو بالمتوسط اول ماشفتها ابتسمت افكرها بتعرفني وبتسلم تخيلو ماعرررفتني احط عيني بعينهاوحنا جالسين عند باب الغرفه نسوولف واطالعها اطالعها ماعرفتني:icon33::44: وقتها عرفت لأي درجه كانت حالتي مره صعبه ..
المهم بعدها انا طفشت وجاتني رئيسه الممرضات فلبينيه حليووه قلت لها خلاص انا زهقت ابي اطلع قالت خلاص اذا جات الدكتوره تدور وكان وضعك اوكي بقول لها تطلعك فعلا جات الدكتوره وقالت خلاص وضع البيبي كويس نبضه تحسن وانتي احسن بكتب لك خروج لوحسيتي بكتمه تعالي على طول او ولاده تعالي وقتها على حسابها قالت باقي لك اسبوع وتخلصين التاسع وماراح نستعجل عليك بنعطيك اسبووع زياده ..طبعا الدكتوره غلطت لانه اعتمدت على التخطيط بالنسبه لوضع ولدي ولا سوت التراساوند تتأكد من وضعه يعني المشيمه المويه الخ.. المهم طلعت اخير ورجعت لبيت اهلي وزوجي اظطر يسافر يرجع لشقتنا
بنات سوري تعبت خلاص راح اكتب لكم اخر جزء بااذن الله بس بريح شوي تعبت:26::26: