مرحبا بكن يا غاليات
معلش تأخرت بالرد بس المنتدى صاير بطيء جدا ..
محجبة .. ما شاء الله تبارك الله
شهيتيني اجي لعندك و شم روايح النظافة ... يا سلالالالام
الله يجعل أيامك كلها سعادة و بهجة وسرور ..
عم علم ولادي عل ىالنظام بس لا بد من الخروج عن القاعدة أحيانا .. وهالخروج بنرفزني .. الله يكون بالعون
والل هيجزيك الخير حبيبتي على مشاركتك الحلوة
أم دحومي الغالية
ما شاءا لله حولك وحواليك
افكارك كتير بطبقها .. الخزائن والسلات حتى اني اشتريت تشيست يعني خزانة كلها دروج لغرفة القعدة حطيت فيها ملابس الصلاة والسجادة و غراض البيبي و الشراشف للنهار .. بتعرفي الجو بارد فبحب يكون بين ايدينا حرام أو شرشف متل ما بتسموه صيفي ..
وبلاقيها كتير عملية وممتازة وحطيت فوقها مراية ..فطلعت كتير حلوة وملت الفراغ عندي بغرفة القعدة
والله يجزيك الخير على مشاركتك المفيدة
مزايا إنسانة الغالية
ما شاءا لله حولك وحواليك
كتير استفدت من البرنامج تبعك وكنت قريته من زمان كتير .. وكل فترة برجع بقرأه مشان تجيلي الهمة
بس سؤالي إلك بما انك جربتي الغربة :
- يا ترى بتلاقي النفسية بتلعب دور بهمة المغتربة ونشاطها بالبيت ..؟؟
أحيانا بحس حالي نشيطة كتير وبيتي مرتب 100% 100 .. وأحيانا بتضايق وما بعمل إلا الضروري ..
- هل يا ترى فيه بيت مثالي ؟؟ يعني رتابة ونظام 100%100 ؟؟ ولا هاد بالأحلام ..
وإذا كان فيه كيف بنوصله .. ؟؟
- هل لقيتي حالك بالغربة بتعتني بالبيت اكتر ولا بالبلد تبعك ؟؟
يعني ببلادنا لازم نكون مستعدين يوميا لاستقبال أي ضيف طارىء .. أما بالغربة فما حدا بزور حدا إلا نادرا ..؟؟
والله يجزيك عنا كل خير وينورلك قلبك متل ما نورتي صفحتنا يا غالية
الغربة مرة .. الله يوفقك انت وبنتك الصغيرة ويقويك على تربايتها
سعدت بمشاركتك يا غالية
بوكا .. الل هيحميلك الولاد ويسلمهم يا رب
انا ولادي بالمدرسة وعندي بيبي .. لما بيجوا الله يسلمهم كتير بصير حوسة كبيرة بالمطبخ وبغرفة الطعام .. بسبب أنهم بدهم ياكلوا سناك رايح وسناك جايية .. و كمان وراق المدرسة والكتب وكذا .. والتلوين .. ولادي بحبوا يرسموا ويلونوا ويعملوا اشغال كتير
بس لبين ما يضبوا هالشغلات بكون الوقت تأخر و صار فوضة كم ساعة ..
والله يعينا جميع ..
عبودي حبيبي ... ما شاءا لله عنك لساتك عروس
مزايا الغالية ما قصرت معك .. بس انت هلأ عم تاخدي خبرة وتجارب .. ويوم ورا يوم رح يصير عندك خبرة اكتر ومهارة بشغل البيت ..
والله يقوينا جميع
مرحبا بكن يا غاليات
معلش تأخرت بالرد بس المنتدى صاير بطيء جدا ..
محجبة .. ما شاء الله تبارك...
ماشاء الله على النضافه والترتيب شي بيفتح النفس ع شي كاسة عصير فريش
بالنسبه لي مخصصه بكل غرفه احتياجاتها مشان اي شي لزمني فيها لاقيه فورا بمتناول ايدي مثلا
الله يعزكم بالحمام حطيت خزانه برفوف ودروج للمناشف والبشاكير وعدة الحلاقه والشامبو والغيارات القطنيه الداخليه ..... لقيتها كتير ريحتني
بالمطبخ كمان جبت خزانه بدروج وحطيت فيها كل المعلبات والبهارات وهيك فضي عندي محل بالخزاين لاواني المطبخ
غرفة المستودع ريحتني من كتير دعاديع مو لازمه بالذات من كراتين الجوالات وقطع الكمبيوتر وشناتي السفر اللي بتاخد محل كبير
اما بالنسبه للتنضيف فباعتبار ان مافي غير انا وزوجي فماعندي فوضى كتير ولو ان زوجي ماشاء الله عنه ما بقصر بس بحاول لملم من وراه مشان ما يتراكم عليي الشغل
والجلي بجليه اول باول ..... يعني بين انك توقفي عالمجلى 5 دقائق بين تستني ليتراكم وتوقفي عليهم ربع ساعه
ونفس الشي بالنسبه للفرن بعد كل طبخه فورا بنضفه واحيانا بحط ورق قصدير وبالذات اذا بدي اعمل مقالي فما بتعذب بتنضيفه بمجرد ما خلص طبخ بشيل القصدير وبكبه وهيك بضل الفرن عم يلمع ع طول
اما الكوي مجرد ما بتطلع قطعه بدها كوي فورا بحط طاولة الكوي وبكويها وبعلقها سواء لازمه بالوقت الحالي ولا لا وهيك برتاح وما بتضل بوجهي وعم تزورني ايمت رح تكويني هههههه :hahaha:
ومجرد ما تتوسخ المغسله على طوووووول بنضفها لان اكرهه شي عندي البقع على المغسله
وطبعا كل يوم لازم غير هوا البيت سواء كان الجو برد او مطر او حتى تلج ولو 5 دقائق باليومبتحسي حالك عم تشمي هوا نضيف ونقي وخليه اول عمل بتعمليه اول ما تفيقي من النوم
كمان حطي شوية بودره بريحه حلوه داخل كيس المكنسه الكهربائيه وهيك لما بتنضفي البيت بتفوح هالروائح الحلوه
واستعملي لمسح الارض هي المساحه كتير مريحه وعمليه وما بتاخد جهد وتعب
يعني باختصار بحاول ما اترك شي يتراكم عليي وبنضف كل شي اول باول
طبعا كان الوضع غير لما كان عندي ابني الله يرحمه وبتذكر بيتي كيف كان طايف ويمكن الشارع انضف منه بس ماكان طالع بايدي شي بحكم مرضه لازم 24 ساعه اقعد جنبه
فالحمدلله على كل حال
ونصيحه لاتدوري عالكمال بس اعملي جهدكم توصلي له وبتصور مع وجود الاولاد فهالشي صعب يتحقق:06:
وخلي عندك قناعه ان انت عم تعملي اللي عليكي والباقي ع رب العالمين