فعلاً ايش فيكم شكلكم مافهمتوا الموضوع زين هي تقول خمار واسع يعني مايوصف جسمها ولايبان شيء لان العبايه تحته وهذا الخمار معروف عند الجنسيات العربية بالذات المصريين والقطريين كمان يعني بالعكس اشوفهم بنفسي مايبان اي تفاصيل لجسمهم وكأنها لابسه عباية راس ثانياً صح الدين النصيحة وحلو الواحد ينصح بس لازم اسلوب كمان لما تنصح غيرك مو تجيه بالصراخ ولا لازم تنفذ الكلام بالزبط لا طبعاً انا عليا انصح وبس مالي دخل طبقته ولا لا انت تأمر بالمعروف وتحتسب الأجر من الله والاسلوب له دور يعني فيه شخصين يجون بنفس الكلام واحد تتقبل منه والثاني لا لان الاول ينصح بكل هدوء وحب وحرص والثاني بصراخ واوامر وكدا فراح تتجتنبوا فهمتي !
ثالثاً المتبرجات اللي عبايتهم مزركشة وضيقة ومفتوحة واللي تمشي بحجاب بدون تغطية الوجة كثار فبتنصحين مين وحتخلي مين لو مشيتي باي مكان راح تلاقي هالعينات المتسترات بشكل عام حالياً اقل بكثير وغير كدا المتبرجات مايرضوا احد يكلمهم او حتى يناظر فيهم كيف انصحها طيب بما انك ماااتحجبتي فاانتي جبتيها لنفسك تبغي الناس تناظرك !
رابعاً عندنا بنات كثار لو تقولي ليها شعرك باين من عبايتك حتعملك حفلة وانتي شدخلك وحتلم عليك الناس فليه اجيب وجع الرأس لنفسي كل شخص مسؤؤل عن نفسه وكل نفس بما كسبت رهينه !
خامساً ايش فيكم على البنت مجرد موضوع افتحته مثل غيرها وحبت تناقشه ليه حاولتوا تهاجموها ترى كل كلامها صح مية المية انتوا طولوا بالكم انتوا بعد ماتحبوا احد يتكلم او ينقد تقبلوا اراء ووجهات نظر غيركم بكل رحابة صدر الكل له حق يكتب وبس الله يهدينا ويهديكم

اذا نصحتني امام الناس فأنت فضحتني
الاسلوب اول شي لازم يتعلمه الداعيه
اللي بينصح لازم يتعلم اخلاق و طرق الرسول في النصح
اتوقع لو اني مكانها رح اقوم عليها حتى لو كلامها صح لانها خلتني فرجه قدام العالم وساعتها كل تفكيري رح يكون انها اهانتني و بينتني قدام الناس اني وحدة قليلة حيا و ما تخاف ربها و مرح يهمني اذا كنت صح ولا غلط



النوع ذا من الناس يكرهون البنات بالدين و الحشمة اساليبهم منفررررررره جداً كلها تدل على شدة جهل منهم
مو كذا تنصين الناس غلللط غلللط

قطعت صلاة التراويح في المسجد لي اكثر من 10 سنوات بسبب وحده....لبست عباية الراس عشان ما احد يزعجني في المسجد ولمن دخلت وصرت في قسم الحريم شلت نقابي ورحت اخذت لي قرآن ابغى استثمر وقتي قبل اقامة الصلاه.. وما انتبهت الا وحده داعسه 180 وتنصحني ليش البس بنطلون... يعني لا هي اللي التهت في نفسها وتعبدت ربي الا جالسه تراقب خلق الله ووصلت فيها النشابه تدقق وش لابسين الناس.. تنصح اذا فكيت عباتي اما انها تناشب خلق الله وتنفرهم فهذا موضوع مزعج.. وبسببها هي ماعاد صليت التراويح في المسجد...بعض الحريم تكرهك بالدين باسلوبها في النصيحه ونوعها... على الاقل اللي تعتبرونها متبرجه وتروح تصلي فهي سوت شي كثيرات ما سووه فلا تنفرونها من المسجد..

انا مرة وحدة جت تنصحني
كنت مسوية كعكة عشان شعري طويل ماشاء الله تبارك الله ولازم الفه ولا بموت من الحر
الزبدة من ورى العباية باين شيء مدور
عاد جت لمي تعرفين نظام العالم اللي ماعندها ذوق وماتعرف تنصح
المهم حرام وليش يبان واسنمة بخت ومدري ايش
وهي كانت لابسة نقاب ومرتفع فوق نص حواجبها باينة
قلتلها وانتي حواجبك باينة ترى حرام
تحسبينها قالت شيء الله يجزاك خير اي شيء
عطتني ظهرها وحطت رجلها من الفشيلة ومشت هههههه استغفر الله ماتتقبلين النصيحة وتبين تنصحين الناس
ليش تحسب نفسها ملاك ولا رسول ؟
اخش في عينها ولا علي منها
واحسن شيء اللي تبي تنصح تشوف نفسها بالاول , ثانيا تعطي كتيب او نشره
وتستخدم اسلوب ذوق والفاظ لطيفة في النصيحة ومهب عند الناس لاتسمعين احد ترى تصيرين فضحتيها مانصحتيها
والاهم تدعي للبنت في قلبها


او تتولم للي يعلمها ان الله حق ههههه