• طبعا اتركيه

يعني كل هالمعاصي لسه تبغي تفكري


واللي تقولك كل الشباب كدا


لا ياحبايبي مو كل الشباب زناة استغفر الله
ومستسهلين المعاصي لهادرجة فورا مستعد تعالي لبيتي
اللهم عافينا ولا تبلانا

كيف عرفتي حسابة
اخوانك وعيال عمه وعمته وعيال خوالك ماحد شاف البلاوي
معقولة بس انتي الي دخلتي حسابه
ومفتوح حسابه ؟؟؟
اذا انتي صادقة وحسابة مفتوح مو خايف من الناس
حطي في بالك الي مايخاف من الناس من الحرام
مايخاف من الله
اتركيه والله يعوضك باحسن منه
والي تقول الشباب كذا قبل الزواج
حبيت اقولك لا في شباب صالحة وتخاف الله كثير
واهلهم مربينهم احسن تربية
في بنات صالحات وفاسدات
وفي شباب صالحين وفاسدين

والله انا اشوف ان الزواج من رجال زي ولد عمتك ماله داعي
استعدي اذا اخذتيه انك راح تكوني للل.... فقط
واللي تقول كلهم كذا الشباب بعدين يعقلون طيب مايخافون الله والا الزواج مسوينه الدخول في الاسلام
اذا تزوج الواحد خلاص اعتنق الدين الاسلامي
والله اللي يخاف ربه قبل وبعد الزواج مايجي السوالف هذي
نصيحة بما انك شفتيه وتأكدتي منه اتركيه و ربي يرزقك بأحسن منه

السلام عليكم وخيتي نصييحة لله لاتستعجلين من المعصوم من الخطاء الله يصلحس وتوس بالاولة وتدخلين اخوس بمشاكلس وغير وغير لالالا انتبهي انتي مابعد حيت عنده لاجيتي ملييت الدنيا عليه وبيغض البصر عن كل شي غلط بس من البداية مابعد خل عليس وانتي تنبشين بالرجال مايكفيس ان الله سبحانه يقول وعز من قال سبحانه لاتسئلو عن أشياء إن تبدى لكم تسؤكم الله المستعان من فيه من هالرجال الطاهر كلن به حقه وأنا أختس وانتي توس وتقدرين انتي تشيلين هالفكر السيئ كله بس لاأعرستو ان شالله الله يوفقس وييسر امرس ويسخره لس مسخر الابل لحيرانهايارب

اختي الله يهديك ويطمن بالك اولاً احذفي الحساب اللي حطيتيه وارتاحي وريحي ضميرك من المعاصي كم ذنب بيجيك من كل شخص شافها وحفظها والله الواحد مو ناقص ذنوب الله يتوب علينا جميعاً ويغفر لنا
ثانياً ماانصحك انك تواجهينه ولا اخوك يواجهه بالحقيقة اولاً لانه ولد عمتك وقريبك راح تدخلي بمشاكل ماراح تطلعي منها وراح يكون قطيعة بين ابوك واخته بسببك وغير كذا عمتك ماراح تصدق بولدها ولا ابوك دام هم شايفينه قدامهم مؤدب وخلوق وغير عن الشيء اللي بتقولينه لهم فبيقولون تتبلى على ولدنا وتبي تتطلق بأي طريقة مو عارفه انتبهي تسوين هالشيء كثير مشاكل بين الأهل سببها الزواجات من الأقارب الخ
ثالثاً تبين تطلقين انسحبي بهدوء من حياته بدون اي مشاكل واي كلام كذا ولا كذا وقالت فلانه ولا قالت علانه وبتفتحين سالفة لنفسك وماراح تطلعين منها لان الكل ساعتها راح يرميك بشرفك ولا راح يصدقون بولدهم حطيها ببالك مهما سويتي مستحيل يصدقون بولدهم هالشيء دامهم شايفين العكس!
رابعاً كثار هالأيام عندهم خرابيط واشياء كثيره مو هو لحاله الا من رحم الله لو بتجلسين تنبشين راح تنصدمين اكثر واكثر وراح تنصدمين ممكن باقرب الناس لك لان في اشياء وخرابيط بين الشباب لبعضهم وعند اهلهم العاقلين اللي مافيه زيهم لان حتى احيانا الاخ والولد قدام امه شيء ومع اصحابه وبرا البيت شيء ثاني اعوذ بالله !
خامساً شوفي ايش يريحك تتركينه بااقتناع منك واستخاره بانك ماتبين هالزوج لان من اوله كذا ينعاف تاليه او تصبرين وتدعين الله يصلحه ويهديه ويجمله بنظرك ويشغله بطاعته ويبعد عنه اعيال الحرام يمكن هو بس كلام ماسوى شيء بس كذا ماتدرين لاتظنين فيه انه لعاب وهو ممكن مامارس ابداً بس كذا يقول!
سادساً الله يهديه ويهدينا ويهدي الجميع يارب