صديقتي طعنتني و تدعي علي ؟ طيب ليش

قصتي ماادري كيف ابدأ فيها عموما
كان لي صديقة و يعلم الله كم داريتها , و كنت ازعل الناس مني عشان هي ما تزعل و كانت تبادلني نفس الشيء
عمري ما اذكر استفزيتها بشيء , اتصل عليها و اشكيلها مشاكلي أول بأول حتى الخاصة جدا بيني و بين زوجي
تعرف كل نقاط قوتي و ظعفي , لكن والله كنت اخذ رايها في كل ما اعمل على اعتبار أنها عاقلة و لها خبرة في الحياة و قوية شخصيتها ماخذه حقها بزيادة ,
محد يقدر يدوس لها على طرف حتى لو غلطت ماتحب احد يقول لها شيء لازم ناخذ الموضوع من زاويتها هي .
صار بيني و بينها موقف و مشكلة لكن انا علاقتي بها الانسانه انقطعت مع انها تسكن معي في نفس الحي و بجواري ,
مع الايام النفوس صفت و مشى الحال
صار منها موقف وبكيت و هددتها بالدعاء عليها يوم عرفة
والله كان مجرد تهديد مني ما احب ادعي على احد والله , ولو يجرالها شيء احس بذنب عظيم حتى لو مو سببي
صديقتي جاها هبوط من الدعاوي اللي انهالت بها علي ؟؟؟؟؟؟؟؟؟؟طيب ليش
تقول دعت عليك دعاوي تعور القلب
صديقتي تقول حتى لو ما ظلمتيها يمكن تصادف دعوتها ساعة اجابه
والله يابنات اني ميته خوف من دعاويها و يعلم الله اني ما دعيت عليها و اكثر ما اقول حسبي الله
اقعد افكر ليش تسوي فيني كذا فين العشرة و ايش سويت لها ليش الحقد حتى يوم صارت المشكلة الاولى سترت و ما قلت لاحد هي اللي قالت لصديقاتنا و حاولت توقع بيني و بينهم و كلهم في البداية انحازولها من غير ما يتأكدوا مني
احنا بأيام فضيلة يابنات ليش تدعي علي
متى ترتاح و تنساني و تشيلني من حقدها , ما ني قادرة استوعب اللي قاعد يصير والله اني اعرف عنها اسرار ما تخليها دقيقة ببيت زوجها وساكتة غير اشياء كثيرة , و هي من أول يوم فضحتبي و لا خلت عني شيء

ممكن تجاب الدعوة حتى لو ماكنت ظامتها , الله يستر و يجعل كيدها في نحرها
تكفون اخواتي ادعولي , و الله اني وحيده مالي خوات و امي في مدينه ثانية ولا تعرف شيء و ما تحب هذا الكلام
ما افضفض لاحد غير صديقتي الاولى و الثانية و كلهم يعرفوها قوية و قادرة
تكفون ادعولي يكفيني الله شرها و يرد كيدها في نحرها
وحسبي الله و نعم الوكيل