غــ أم ــادة

غــ أم ــادة @gh_am_ad

محررة برونزية

دم + أعراض حمل + دكتوه غريبه حسبنا الله

تأخر الحمل

بسم الله الرحمن الرحيم

السلام عليكم ورحمة الله وبركاته

يابنات بستشيركم في موضوع قالقلني والله ومحريني لدرجه ماتتصورنها

ولأني عاااارفه انكم اكثر من اخواااتي وحبيباتي والصدر اللي ممكن يتلقى معاناتي ويعطيني بعض الحلول

الله لايفرقنا يارب ويجمعنا كلنا في قسم الحمل والولاده .. ويرزقناالحمل والذريه الصالحه اللي نتمناها يااااااارب

ببدأموضوع مااطول عليكم

أنا قبل فتره اقل من شهر كتبت موضوع هنا وكتبت أعراض الحمل اللي احسها وكنت بالفعل متأكده اني حاااامل لأني حصلت لي اشياء غريبه

على مااحسها كل شهر ورأيت راهين مو مجرد شعور بس

الأعراض اللي كنت احسها ... غثيااان , صداع , الم اسفل بطني وظهري , ريحة العطور والطبخ وجميع انواع الريحه مااحبها مااحب اطلع لجارتي

ولالي خلق على عيالي وزوجي , احتقان في حلقي وابلع ريقي كثير , كثرة تبول , مالى خلق احط مكياج ولا اتعطر ولا شي

كثرة النوم ... ونغزات في المبيض اليمين ... وألم في السره

كنت اسوي الغدا ومااتغدى اقرف منه كرهت اكله معينه .. احب دايما اشرب ليمون يريح معدتي , واحب اشرب شاي بحليب بس

وأكل أندووومي بس .

هذا الأعراض بأكملها ممكن أقول وهم ؟؟؟ بالرغم اني احسها بالفعل والكل لاحظ على

ولوني شاحب وعيووني صفرت احاول استفرغ الله يكرمكم تطلع روحي مايطلع شي ؟؟؟ لو قلنا هذا وهم ؟؟

طيب ايش رايكم بهذي الأعراااض اللي بقولها الحين والخاليه من الوهم !!!

نزلت على نقاط دم بعد الدوره بأسبوع ؟؟؟ عمرها ماصارت لي في حياتي كلها وشي غير طبيعي بالنسبه لي

صدري طلع فيه خطوط الحمل واضحه وكبر مررررررره ؟؟؟؟ ماتحصلي الا مع الحمل اعرفها

بطني قاسي من تحت وفيه زي التجمع قاسي كأنه كيس حمل ؟؟؟ برضوا عمري ماحسيتها الا وانا حامل

كره العطورااااااااااااات والروائح بأنواعها ؟؟؟؟ بالرغم اني ماعمري كرهتها الا وانا حامل حتى مع وحم الدوره احب اهتم بنفسي واتعطر

استحملوني طولت عليكم الله يعينكم

الحين بقولكم ايش صار معاي !!!!

للي تقريبا اسبوعين طايحه ع الفراش مااكل عندي غثيان وكل اللي قلته لكم قبل حاطه لي فراش كأني والد

ههههههههههههههه <<<<<<<< والله مالي نفس اضحك

اشتريت اختبار حمل منزلي ثلاث مرات .. مره طلع خط وردي شفااااف جداااا بس مايل
المره الثانيه وردي واضح شوي بي مااايل <<<< مدري ايش حكاية الميلان
الأخير وكان اليوم الـ 28 من الدوره ماظهر غير خط واحد بس

البارح قلت لزوجي ماني متحمله طيحتي هذي بروووووح المستشفى على الاقل ابي علاج للغثيان ماني متحمله

قال طيب ... طبعا ماودي اوضح له شي عشان مايفرح وبعدين !!! الله يفرح قلوبنا ياااااارب

بالرغم انه حاس فيني وكأنه عاااااااارف

رحت المستشفى قلت نزلني وروح .. ولدي معي .. المهم دخلت على الدكتوره طلبت تحليل حمل قالت متى موعد الدوره

قلت لها اسمعي هي تجيني كل 28 يوم ... يعني المفروض تجي يوم 6 / 11

قالت متى جات اخر مره قلت لها 8 / 10 بس هي تتقدم يومين

قالتلي اسمعي تحليل الحمل مايبين الا بعد 40 يوم من اخر دوره

قلت لها طيب سويلي الرقمي قالت حتى الرقمي <<<< الله يالدكاتره عليهم نصب

قلت لها لا الرقمي يبين العدد ... طنشتني اعتقد سوت العادي ..

قالت انا ماعلي بسوووي تحليل بس قلت لك ماراح يبين ... اذا طلع حمل كويس واذا ماطلع اشوف ؟؟

قلت لها والله لك البشاره يادكتوره لي 11 سنه ماحملت

بعدين قلت الله كريم

انتظرت ساعه ... ظهري يوجعني وبطني ونسيت اقولكم انه نزل نقط دم وهو اللي خلاني اروح المستشفى

تقلصااات قويه اقوى من الدوره وظهري مووووت قلت لايكون حمل وبينزل خلني الحق نفسي واخذ مثبت

وكان قرب موعد الدوره لذلك قلت بيبان في الدم والدكتوره قالتلي لو صبرتي شوي يبين قلت لهااااا والله تعبااانه

طايحه في الفراش

المهم بعد ماانتظرت النتيجه !!!

رمتها في وجهي أول مااادخلت لها ؟؟؟ ماااااااااافي حمل !!!! استغربت بس الحمدلله ماانصدمت حسيت شي مطمني

كأني حاسه اني حااامل ومابين مدري ايش كان شعوري بس مادخت من النتيجه كالعاده ودارت بي الدنيا

كنت عاديه وطول وقتي اقول في نفسي لا تنصدمي تخيلي انه مافي حمل عشان الصدمه وكنت طول وقتي استغفر وادعي

المهم بعدين قلت يادكتوره مابتكشفي على بطني في مكان متحجر <<< قلت بحكم انها طبيبه بتعرف اذا هذا حمل أو !!!

كشفت وياليتها ماكشفت طغطت على بطني بقوووووه كأنها بتنتقم منى والله طلعت روحي واقولها دكتوره بشويها

قالت استني وتضغط في الأخير شلت يدها قالت عندك امساك قلت لها ايوه واحس بحراره داخليه وطايحه بالفراش قالت في حراره بالبول

قلت شوي

قالت سوووي تحليل يمكن عندك التهاااب !!!! التهاب !!!

المهم دقيت على زوجي قلت له خلاص تعال ,, ركبت السياره قال ها بشري ؟؟؟ ايش فيكي ايش قالولك ؟؟ يااعمري شكله يبيني ابشره بحمل

والله قهر الحمدلله على كل حاااااااااااااااااال

يااارب إرأف بحالنا ولا تؤاخذنا بشعورنا وكلااامنا واغفرلنا

قلت له طالبين تحاليل ... فرح .. على باله يبون تحاليل حمل ... ماعرفت ايش اقول قلت له يقولون يمكن التهابات

وقف زوجي يجيب عشى وانا بمووووووووت من جلسة السياره يابنات كأني عندي طلق ولااااااااااااده الله لايوريكم

رجعت البيت الله يكرمكم حسيت بحشره قوووويه جلست بالكرسي نزل دم احمر كثيييير زي الحنفيه الله يكرمكم

وجتني دووووووووخه قوووووويه مرررره والم بظهري

قال زوجي تعشي قلت له مقدر الدكتوره ضغطت بطني بقووووه حسبي الله عليها

هذا الكلام كله كان امس الثلاثاء

قعد الدم للصبح بعدين خلاااااااااااص وقف

واليوم احس بدوووووووووووخه فظيعه جدااا مااقدر اوقف ابداااا

تخيلوا تحليل دم ؟؟ ودم نزل على

وانا الحين محتااااره جداااا

هل هذا دوره ؟؟؟

هل هذا حمل نزلته لي الدكتوره ؟؟؟

مدري شصااار فيني

طيب اذا دوره ليه توقف !!!

والله يابنات حطيت فوطه الله يكرمكم مافيها الا شوي ؟؟ نقط بس

وماعاد في شي !!

مدري شسوي ؟؟

انا قمت ادعي اقول يارب اذا دوره ؟؟ أجرني في مصيبتي واخلف لي خيراا منها <<< بالرغم اني استحي من هذا الدعاء

لأن الدوره كتبها الله علينا ماهي مصيبه واشي الحمدلله على كل حال

واذا حمل ياااااااااارب احفظه وبين لي اياه

احس بطني خف شوي من انتفاخه .. بس لازال جسمي طايح ؟؟؟ وتعبااااانه ؟؟؟ الغثيان كتبت لي الدكتوره حبوب اخذتها وارتحت

وكتبت لي تحاميل مهبليه ...

اللي بيجنني علاجاتها كلها كاتبتها للحامل انا قر أت الرشته

طيب ليه تضغط بطني بقوووه ؟؟ ماهي خايفه يكون حمل وتطيحه ؟؟؟

بالرغم اني قلت لها تحليل البيت طلع خط خفيف <<< كنت اضحك عليها ابيها تحلللي بأي شكل

حبيباتي طولت عليكم بس أبي أرائكم ؟؟؟

اللي مرت بحالتي تخبرني ؟؟؟؟

أبي إجاباتكم ع الأسئله ؟؟؟

الله يجراكم خير مقدما

وربي يرزقكم الذريه الصالحه ياارب ونبارك لبعض
69
215K

يلزم عليك تسجيل الدخول أولًا لكتابة تعليق.

تسجيل دخول

ام غزاله
ام غزاله
ختى الله يعوضك اتوقع انك كنتى حامل وطاحه طيب لو انك رحتى لاكثر من دكتوره عشان تطمين وتسولك سنار او انى سويتى فى مستوصف خاص تحليل دم اكثر من مره عشان تتاكدين الله يعوض عليك
arwahaj
arwahaj
الله يرزقك
بس المفروض تروحي لدكتوره تانيه
مس-ديور
مس-ديور
والله ياحبيبتي ماعنجي فكره بس ان كنتي حامل يارب يحفظه ويثبته لج وان ماكنتي حامل الله يرزقج ويرزقنا بالذريه الصالحه يارب
غــ أم ــادة
غــ أم ــادة
اشكركم يالغاليات على ردكم

الله يتقبل منك اختي مس ديور

ياليت يابنات تقولولي اذا وحده مرت بنفس حالتي

ربي يرزقكم الذريه الصالحه ياااارب
jawhara.casa
jawhara.casa
الله يقومك بالسلامه ويكتب لك اللى فية الخير