**الفستونات**

لعمل الفستونات هنبدأ من عند النقطة 1 وأتجه بالشغل للنقطة 2
همسك الأبرة بأيدي اليمين وهرفع الخيط لأعلى فوق الخيط الواصل بين النقطة 2، 1 ( يعمل عليه زي كبري علوي ) وبمسك الخيط الكوبري دة بأيدي الشمال وبأيدي اليمين بمرر الأبرة من تحت الخيط الواصل بين 1 ، 2 وبعدين أمرر الأبرة تكمل فوق الخيط اللي في أيدي الشمال هتعمل فستونه واسعه نضيقها بحرص على الخيط اللي نايم علشان تعطي شكل دائري جميل زي الصور




وبعد ما نهينا الشغل في الخط ده هنمرر الأبرة من خلال شريط اللاسيه لأقرب خط جديد ونكرر الخطوات وهكذا لنهاية المفرش

والصورة اللي جاية تبين ثلاث أسطر فستونات على شكل مثلث ولكن يراعى للناحية الجمالية أن يكون أتجاه الفستونات للأسطر التلاتة أما للداخل وده أحلى أو للخارج لتنظيم المفرش



وبكدة نكون أنتهينا كليا" من المرحلة الأولى للشغل وهي التثبيت

**ملاحظات هامة قبل الشغل في الغرز المختلفة **

1 ) علشان يكون شكل الشغل منظم وحلو لازم يكون أتجاه الشغل واحد بمعنى أذا أشتغلت من جهة قاعدة الوردة في النموذج ونتجه بالشغل للخارج (من الداخل للخارج ) لازم ومستحب نشتغل كل النموذج بنفس الطريقة علشان نوحد أتجاه الغرز بتعطي شكل جميل للشغل

2) أذا كنا بنشتغل بخيط جنجاه (لون متدرج من الفاتح للغامق حوالي 5 درجات من نفس اللون ) من المستحب أن نبدأ الشغل بالغامق ليتدرج اللون معانا للفاتح فسيظهر الشغل حلو قوي ونشتغل المفرش كله بنفس الطريقة هتعطي نتيجه مذهلة كالشكل المعروض في الصفحة رقم 1

أولا" غرزة النسيج

وهى عباره عن فستونات متداخله ومتشابكه مع بعضها فتظهر مثل نسيج القماش

1) نمد خيط فردى من النقطة 1 و 2 موازي لقاعدة الورقة ( هنشتغل من الداخل للخارج ) وهنعمل فستونات لأخر الخط زي الطريقة اللي فاتت ولكن لازم نشبك الأول في حرف شريط اللاسيه اللي بقاعدة الورقة والخط اللي مدناه ولازم تكون العقد واسعه شوية صغيرة عن الفستونات اللي فاتت علشان في الخطوة اللي جاية

****هشتغل في الصوراللي جاية بالعرض مش من قاعدة الورقة لأن قاعدة الورده صغيرة وعايزة يكون في مساحة أكبر أوضح لكم طريقة الشغل بس
الصوره اللي جاية بتدخل الأبرة في رقم 1 ( شريط اللاسيه ) وبتمر من تحت الرقم 2 ( الخط اللي مدناه موازي لشريط اللاسيه)
وبنكرر الشغل علشان نحصل على الفستونات





2)نمد خط تاني يوازي خط الفستونات اللي فات ونعمل عليه فوستونات زي اللي فاتت لكن نشبك في خط الفوستونات اللي فات عن طريق تمرير الأبرة من خلال الفستونه اللي تحتها على طول وده سبب أننا عملنا الفستونات واسعه شوية

في الصورة اللي جايه رقم 1 هو خط الفستونات اللي أشتغلناه ورقم 2 هو الخط الجديد اللي مدناه موازي له

في الصورة اللي جايه رقم 1 بنمرر الأبرة بداخل الفستونه اللي تحت ورقم 2 هو الخط الجديد وبنمررالأبرة من تحته


وفي الصورة اللي جايه خلصنا السطر التاني


* ولما نشتغل السطر الأخير لازم نشبكه في شريط اللاسيه زي أول سطر
وفي الصورة اللي جايه كملنا الشغل كله ودة شكله النهائي

غرزه مربعات الشطرنج

من أسمها نعرف أن
1)شكلها هيكون زي مربعات الشطرنج مربع أسود ومربع أبيض وفي السطر التاني تحت المربع الأسود مربع أبيض وتحت الأبيض أسود لكن في الشغل عندنا هنا هيكون المربع الأسود مشغول والمربع الأبيض فاضي مفيهوش شغل
2)مساحة المربعات لازم تكون زي بعضها علشان تكون الغرزة منتظمة وشكل الشغل حلو

*نمد خط موازي لشريط اللاسيه وهنعمل فستونات عليه متشبكة بشريط اللاسيه اللي تحت زي بداية غرزة النسيج وهنستعمل خط الفستونات ده أساس نشبك فيه غرزة الشطرنج علشان تكون ثابته



* عند نقطة نهاية خط الفستونات بنرتفع عنها حوالي نصف سم ودي متحددة في النماذج اللي بنشتغل عليها ومن النقطة دي بنمد خط تاني موازي لخط الفستونات اللي عملناه في الأول زي الصورة اللي جايه




* علشان نحكم الغرزة ونضبطها نبدأ أول مربع فاضي ودة بشغل عدد من الفستونات في مساحة نصف سم على الخط التاني








وبعدين نبتدى فى مد اربعه خطوط جنب بعض وعمودية علي الخط التاني وخط الفستونات اللي عملناه يعني بنرفع الخيط والأبرة لأعلى وبنمرر الأبرة من خلف الخيط التاني ونمر بها من الخلف داخل الفستونه اللي في أول السطر

ونطلع نمرر الأبرة من خلف الخط التاني ونمررها من الخلف في داخل الفستونه التانيه ونلف من خلف الخط التاني ونرجع نمررها في الفستونه التالته من الخلف ونخرج منها من فوق الخط التاني وأخيرا" نمررها في الفستونه الرابعه ونخرج منها من فوق الخط التاني وبكدة يكون عندنا وثلاثة خطوط من خلف المفرش وأربع خطوط من وجهه وناخد الرابع نلضم فيه أول فستونه في المربع الفاضي اللي بعد كدة

و بشتغلنا عدد من الفستونات على مساحة نصف سم علشان تكون في المربع الفاضي وبعدين نعمل مربع مشغول وهكذا لنهاية السطر



*****ملحوظة مهمة ****
لازم نرخي الخيط وأحنا بنشتغل الأربع خطوط العمودية علشان تدينا الشكل العمودي المطلوب

* نمرر الخيط فى شريط اللاسيه علشان نمد الخط التالت

*****ملحوظة مهمة ****

1)اذا كان المربع الاول فى السطر الاول مشغول بالخيط فلازم يكون المربع الذى فوقه فاضي وهكذا يكون المربع الثانى فى السطر الاول فاضي فيكون المربع اللي فوقه مشغول وهكذا
2) لما نشتغل مربع مليان فوق مربع فاضي في السطر التالت والأسطر كلها اللي جاية لغاية نهاية الشغل هنلف الأربع خطوط حول الخط الجديد من غيرما نمرر الأبرة داخل الفستونات اللي في السطر اللي تحت يعني الشغل في الفستونات هيكون في السطر التاني فقط




ودة الشكل النهائي للغرزة

تسلم ايدك ربنا يجازيكى كل خير انا متابعة معاكى