ملف خاص لتطويل الشعر

الموضوع : شي يطول الشعر شبر لا خلطه بلا خرابيط بلا زيتوت غاليه بلا فايده

للكاتبه : سندويشه

السلام عليكم ورحمة الله وبركاتوا

بنات صار لي فتره يتساقط شعري ما تم ما استخدمت من خلطات ومن زيوت وايد خسرت علشان هالشعر وبعد مافي تحسن بالعكس يخف اكثر

المهم سرت عند طبيب جلديه هندي وعطاني امبولات زيتيه مرسوم عليها حصان اسمها

ecrinal
لون العلبه ابيض واخضر تقريبا العلبه داخلها 8 امبولات
والله العظيم يا بنات استخدمتها بالاول اسبوع وقف التساقط وبعد شهر طول شعري شبر كامل كل حد كلاني بسرعه شعرج طول

انا يوم شفت نتيجتها قررت اداوم عليها فتره طويله احسن لي من الزيوت وحمامات الزيت والكثيراء اللي عقت شعري



تحياتي لكم سندويشه

http://forum.hawaaworld.com/showthread.php?t=80768


-----------------------------------------------------


الموضوع : يطول شعرك في اسبوع..رهييييييب

للكاتبه : الواحة

السلام عليكم..

شخباركم ان شاء الله بصحة وعافية...


عندي لكم زيت بصراحة مرررررررررررررررررررررة خطيرة...

استعملتها مدة اسبوع وطالت شعري بشكل غريب بحيث استغرب الكل...



زيت اسمه ((أم الجدايل)) متوافر عند العطار والصيدليات على ما اعتقد وسعره 90 درهم
بس بصراحة يستاهل حتى لو كان 200 درهم...

تحياتي

http://forum.hawaaworld.com/showthread.php?t=71604



-----------------------------------------------


الموضوع : علاج.مجرب.لتطويل.الشعر

للكاتبه : امل الجروح


السلام.عليكم.ورحمة.الله.وبركات ه

كل.عام.وأنتم.بخير.

طبعا.حبيت.أسجل.تجربة.جربتها.با لصدفة.

وندمت.إني.تركتها

في.يوم.قصيت.شعري.عند.كوفيره.وخ ربت.القصة

وجلست.تقص.في.شعري.ألين.زبط.معه ا

صار.قصير.بشكل.مخيف

على.طول.اشتريت.بخاخ.الجينسينج. وبأقل.من.شهر

طول.شعري.والحمد.لله

ريحته.حلوه.واستخدامه.سهل

أنصحكم.فيه

http://forum.hawaaworld.com/showthread.php?t=134110



-------------------------------------------


الموضوع : عندي لكم زيت ولا دابر املا بريحته ولا الحشيش بمفعوله ولاحمام الزيت بفوايده وتطويله..

للكاتبه : Love_Bird


السلام عليكم ورحمة الله وبركاته..

ادري انكم بتردون عليي وبتكثر الاسئله ان شاء الله..
المهم حبيت اخبركم عن الزيت هذا..
هو هندي الصنع..
وعلبته زجاج والزيت لونه بني غامج على كركمي غامج..
وفوايده لا تحصى:
1- يطول الشعر في مده قصيره..
2- يغذي فروة الراس..
3- يحسن من شكل الشعر..
4- يغلظ الشعر..
5- يكثف الشعر..
و........ و........ و......... و........

---------------------------

يعني لا دابر املا من ناحية الريحه.. ريحته قويه بس افضل وتتحمل مش مثل دابر املا..
ومفعوله افضل من زيت الحشيش.. يعني يطول ويغلظ بسرعه..
وفوايده احسن عن حمام الزيت.. يعني التغذيه والتحسين وانبات الشعر..

---------------------------

رخيص وينباع في سوبرماركتات وبقالات هنديه..

واسمه: هيمالايا تاج= HimalayaTaj
عليه ستيكر فيه رسمت جبال هيمالايا المشهوره..
ومكتوب بالانجليزي..
---------------------------

طريقة الاستخدام تستخدمينه عادي كاستخدام اي زيت.. وكلما اكثرتي منه كلما حصلتي على نتايج زينه.. وادلكي فروة الراس كلما حطيتي فيه..

--------------------------

اي سؤال انا حاضره على الجواب..

http://forum.hawaaworld.com/showthread.php?t=275512



----------------------------------------------------------------


الموضوع : خلطه تطول الشعر بشهر ونص بدرجه كبيره

للكاتبه : في عيون البشر

هلا والله
بنات مره كنت اقول لربيعتى انى بشترى زيت ام الجدايل لكن مب امحصلته المهم قالت لى ليش تعبين نفسج تشترينه انا بعطيج طريقه سهله واطول الشعر بشهر ونص بدرجه كبيره
قالتلى انه بنت اختها كانت قاصه شعرها لين الكتف بعد ما استخدمت هالخلطه صار شعرها لين اخر ظهرها بشهر ونص وهالخلطه بعد تغلظ الشعر
الطريقه انه نجيب زيت جوز الهند لكن مب الازرق لا القوطى الاخضر الى مرسوم عليها جوز الهند هذا قديم الى نفتحه بفتاحه العلب وبعدين انجيب ثوم ونعمه وبعدين نحط الزيت على النار ونضيف له الثوم لمده عشر دقايق
بعدين نخليه يبرد ونصفى الثوم من الزيت ونحط الزين فى الثلاجه ونستخدمه 3 ايام فى الاسبوع
انا بصراحه شعرى لين اخر ظهرى لكن بخاطرى يطول اكثر قلت بجرب هالخلطه وحلفت اربيعتى انه يطول وبذمتها يالله من بتجرب معاااااااايه

http://forum.hawaaworld.com/showthread.php?t=89422


-------------------------------------



الموضوع : بنت جيرانا هبلت بي بعد ما شفت شعرها

للكاتبه : مطفـوقة بس ثقل

سلالالالالالام يشق وجيهكن شق انتي وياها <--- لا بس متحمسـه اول مشاركه لها

بصراحه يعطيكن العافيه على هالمواضيع الحلـوه كل موضوع احلى من الثاني بيتـنا غدى متحـف زيوت من بعد ما عرفت منتداكم المفيد

المهــم اسمعوا الخلطـه هاذي سـهلـه كثير ولا فيهـا أي صعوبـه انا قطعت جارتنا لفترة وامس شفتها<---امحق جيره وانهبلت قلت يمكن اني مضيعة في البيت طلعت برى وشفت الباب مره ثانيه الا هو نفس البيت لكن صاحبت البيت مهيب هي مدري وش سوت في نفسها ما شاء الله لا اله الا اللـه

شعـرها يجنن نعــومـة , طول , غلاظه , لمعـان كل اوصاف الشعر الصحي والجذاب <--- اصلح اسوي اعلانات تجارية مع وصفي اللي مدري وش يبي

المهم يوم سألتها الا تقولي بصراحـه انا اتبعت وصفـه لشعـري وصار بالشكل هذا قلت لها .. طيب وش هالوصفه اخلصي ؟ <--- مو كفاية قاطعتها ومن زمان ما رحتي لها ! .. الا قالت لي زيت عافيه حجم متوسط تحطينه في برطمان " مهوب جمع براطم ترى انتبهو " و تجيبين حلـبه تحطين الحلبه في داخل البرطمان اللي فيه زيت العـافيه تسكرينه زييييييين تتركينه لمدة 10 أيام بعدين تبتدين تحطينه بعد العشر ايام في شعرك هي تقول انها تحطه من العصر الى بعد العشـا و بعدين تغسلـه بشكل يومي بصراحه النتيجه فتاكه <--- وشدعوى بف بف !

ادري بتسألوني عن الكمية بصراحة هي قالت لي زيت العافيه حجم وسط اما الحلبة ما قالت لي بس ابي اسألها لكم ان شاء الله و اكتبها لكم . <--- دامك منتي متأكده وشوله جايه تكتبن الموضوع يا حظي !؟

بكره ان شاء الله ببتدي اجربها بعد ما أسألها لكم عن الحلبة ونشوف النتايج انا حبيت اكتب الموضوع لاني بصراحه متحمسه اني اشارككم مواضيعكم الحلوه وخاطري اسوي نفسي خبيره و ازعط شوي

بالنسبة لشعرها اساسا ناعم صراحه و زين بس ما كان بالطول هذا والكثافة هاذي واللمعان هذا وبعدين هي تقول جتها فتره طاح شعرها وبالذات من قدام بس بعد ما استعملت الوصفه هاذي تعدل شعرها و رجع لحيويته .

يله نبي نشوف بعد ما نجرب وش نيصير عاد علموني عن النتايج واتمنى انكم كلكم تستفيدون

http://forum.hawaaworld.com/showthread.php?t=55804

---------------------------------------------------


الموضوع : الخلطه الهنديه العجيبه لانبات واطاله وليونه ولمعان الشعر

للكاتبه : N.O.O.R11

بسم الله الرحمن الرحيم


السلام عليكم عزيزاتي ....

اليوم بقول لكم تجربتي مع هالخلطه الهنديه ....

بصراحه هالخلطه عطتني اياها هنديه في صالون وقالت لي لا تقولين حق حد بس انا ابي الاجر والله يشهد ان اللي قالته لي طلع كله صح قالت لي ان هم في الهند يسوون هالطريقه وانا بصراحه سعيده جدااا بالنتائج والله يابنات شي عجيب ....

هذي الخلطه تنبت الشعر 100% وايضا تخليه طري وناعم ولامع وتطوله بعد


::::::::الاشياء اللي نحتاجها ::::::::::::: ....

1- زيت Anoop تحصلونه في محلات الهنود هو زيت لون علبته خضراء

2- زيت جوز الهند حتى لو كان برشوت لان برشوت ايضا جيد

3-زيت اللوز

4-زيت الخروع

5- ماء ساخن

6-فوطه خاصه للشعر ((طبعا بتوصخ))

7- كاب للشعر

8-قطن الخاص بالوجه

9-ورق نايلون ((الخاص بالاكل))

::::::::::::::::::الطريقه :::::::::::::::::::::::::::::: :::::


تاخذين طاسه صغيره وتحطين الزيوت بكميات متساويه وتكثرين من جوز الهند ...

الحين تحطين القطنه في الزيت وتعصرينه شوي وتحطينه على فروة الراس مع التدليك بالقطنه

فهمتووو شلون اعتقد سهله يعني نوزع الزيت في الشعر عن طريق القطن لانه يدخل كميه للفروه

لين خلصتوووو الحين نسوي تدلين باطراف الاصابع مانضغط بقوه تحملوووو يطيح الشعر هالطريقه

بحركات دائريه بخفه نركز على الفروه مهب الشعر ...

الحين بعد ماخلصنا من وضع الزيت في الشعر و التدليلك نلفه بطريقه محكمه ...

الحين ناخذ النايلون ونلفه على الشعر كله مانخلي مجال للهواء تحملوووو الزيت يوصل للجبهه لانه ينبت الشعررر مب تقولوووون انا ماقلت ....

ونحط الكاب على النايلون ...

نحط الفوطه في الماء الساخن ((تحملو تحرقون ايديكم )) ونعصرها زين مازين ....

بس نحاول ان البخار يتم فيها ونحطه على الراس ونلفه مثل (((سندباد )) هههههههههههه يعني عمامه

لالا ااتغشمر وياكم بس لازم تلفينها بطريقه ان الحراره اتم في الفوطه ....

ونخليه لين تبرد الفوطه بامكانا نكرر هالعمليه اللي هي الفوطه

بس لازم لازم كل ليله تحطونه وتنامون او في النهار لمده 8 ساعات على الاقل لما تحطون هالخلطه ...


وصدقوني مايكمل 3 يوووم الا النتايج طالعه ... واستمرووو عليه لمده شهر على الاقل

وبتقولوووووووووووووووووون اني قللللللللللللللللت لكم الله يشهد انا يابنات مجربه هالشي ولين الحين

اسويها يوميااااا ....

بنات امانه الله عليكم اللي تستفيد تدعي لي ((بالخير والزوج الصالح )) .....

:
:

تحياتي للجميع
...

http://forum.hawaaworld.com/showthread.php?t=197296

-------------------------------


اتمنى الكل يستفيد

تحياتي لكم

فرفورة