لايفوتكم تفريز الكشنه وراح ترتاحون برمضان لكل شي وأااو

السلام عليكم حبيباتي اول مرا انزل موضوع بصور و***** الله توضح للجميع حبيت افيدكم بعمل ترتاحون بعده راحه ماتشيلون هم اذا احد جاكم او احد على غفله لانها بتكون جاهزه من مجاميعه اول شي راح اكتبها وبعدها اوريكم صوره
الطريقه
ناخذ كميه كبيره بصل يعني خيشتين ونفرمها ناعم ونجيب قدر الضغط ونضع فيه زيت كميه يمكن كاستين لان كمية البصل واجد وبالنظر تشوفيه اذا يكفي او لا بعدها تضعين البصل المفروم كله بالقدر مع الزيت يحرك من وقت لاخر واهم شي ماينحرق بيجلس يمكن نص ساعه لحد مايحمر او يشقر بعدها تجيبين صندوقين طماطم وتغسلينهم زين وتفرميهم نفس البصل راح يطلع كميه كبيره ونضعها على البصل ونح رك ونجيب ملح ونملحهم يمكن نص كاسه لانها كميه مو بسيطه وكل شي بالنظر واهم شي ماتحطين عليها بهارات لانها على حسب الطبخه اللي بتسويها يعني الارز الاحمر له بهاراته وصلصة البيتزا لها بهاراتها والمسقعه والايدامات فيفضل تكون بدون والبهارات بعدين تحطيها براحتك المهم نرجع للكشنه وبعد الملح نجيب 3معجون طماطم السعوديه ونحطه كله عليها ونحركهم مع بعض وبعدها نضغط على القدر نقفله ونكتمه وننقص على النار لمده ساعه واهم شي تنقصين علشان مايحترق بعد ساعه تفتحين القدر وتشوفين اذا ثقلت معناته خلاص نخليها تبرد تمام التمام ونجيب برطمانات متوسطه قزاز يعني مثل قزازة حبنة كرافت العائليه تنفع او غيرها ونوزعه فيها وبالاخير نجيب زيت ونحط ملعقه فوق كل برطمان علشان يحفضها وتتقفل زين وناخذ واحد للاستعمال الاسبوعي ونحطو تحت بالثلاجه والباقي بالفريزر وقبل ماينتهي اللي تحت تنزلي واحد من الفريزر انا يكفيني الواحد 3اسابيع ***** الله وضح كلامي واستخداماته كالاتي كشنه للارز نضع مقدار 3ملاعق وتضيفين بهاراتك ومعجون طماطم وخلال ثواني وانتي مكشنه وخالصه وينفع للمكرونه وصوص للباشميل وصوص للبيتزا نزود اورغيانو ويصلح مسقعه ويصلح لكل شي اتمنى افدتكم واتمنى دعائكم لي بالعافيه من الصداع النصفي نجي للصوره


http://up13.up-images.com/up/viewimages/f3d3869ffb.jpg


وحبيت افيدكم لسهولة فرم البصل والطماطم شريت كينوود الوسط يمكن بحدود 700ريال والله نفعتني بعد الله واجد وحتى فرمت فيها البقدونس واكزبره والكراث والشبث للسمبوسه تفرمها بكل نعومه وبدون مايطلع مويه في الشي اللي تفرميه وهذي صورتها لما فرمت الكزبره

http://up13.up-images.com/up/viewimages/491b69d0f4.jpg



اتمنى منكم الدعاء لي ولامي والرحمه لابوي واي شي تبونه انأ حاضره لكم واسفه اذا مابان شي لاني اول مرا اطرح موضوع مطول والعذر والسموحه

وكل عام وانتم بخير