03-03-1431 هـ, 04:37 صباحاً
السلام عليكم
إزيك يابنات
النهاردة هنرجع تاني لحملة التوفير المنزلي ومع إصدارة جديدة
جبن كريمى تحححححححححححححححفة مناسب جدا للتشيز كيك
وبكده نكون عملنا الحليب المركز والجبنة عشان تعملي تشيز كيك بطريقتي بمكونات بيتى مية لمية
بس كده ناقص البسكوت وإن شاء الله في الطريييييييييييييييييييق

كنت قبل كده كتبتلكم الطريقة وكانت النتيجة ممتازة جدا من ناحية الطعم وكان شكلها كده
120220101718
لكن المرة ده النتيجة بقت كده
120220101718
والسرررررررررررررررررررررررررر
لما تضيفي الخل على اللبن مش تضيفيه يدوب أول ماتطفي النار عليه
لأ سيبيه يهدى شوية حوالي 3 أو4 دقايق مع التقليب
عشان لما تضيفي الخل تتكون معاكي كتل ناعمة مش كتل محترشة
سيبيه بعد الخل لحد مايكون كتل والمية حواليها تبقى صافيه
صفيه بمصفي ناعمة يدوب 5 دقايق بس
وعلى الخلاط علطول ولو إحتاج زوديله شوية مية من اللي إتصفت منه عشان يدور معاكي في الخلاط ويبقى كريمي
بعدين ضيفي الملح بعدين الزبدة بعدين القشطة
أنا المرة ده حطيت رشة ملح صغيووووووووووووووووورة أوي عشان ناوية أعمل بيها حلويات
03-03-1431 هـ, 04:42 صباحاً
طريقتى السهلة والسرييييييييييييييعة جدا للبيتزا

الحاجة أم الإختراع
جوزي بيحب البيتزا وبيطلبها في اوقات أحيانا مش بلحق أعملها عجن وتخمييييييييييييير وفرد وأوووووووووووووووووف

شوفوا بقى الإختراعات
ده قبل السوا





ده بعد النص سوا






الفكرة هي إني لما بكون ناوية أعمل أي حاجة في الفرن كيك أو أي معجنات
أقوم بالمرة عاجنة عجينة بيتزا وأخمرها عادي
وأفردها في الصينية وأقطعها أو أحيانا بسيبها زي ماهية بس التقطيع بيسهل علية بعد كده
وأسيبها تريح شوية في الصينية حوالي 10 دقايق
بعدين أسويها على 180 أو 200 درجة في الرف الوسط لمده 7 إلى 10 دقايق
بتطلع مستوية تماما عادي بس بيضا
شوفوا شكلها من تحت


أطلعها وأسيبها تتهوى 5 دقايق
بعدين أغطيها بفوطة وأسيبها لحد ماتبرد تماما
بعد كده على الفريزر وتبقى عندي بيتزا جاهزة في أي وقت بدون عجن وتخمير وحوسة وكمان نضيفة ومن البيت

لما بكون عايزة أعمل بيزا يدوب أطلعها من الفريزر وعلى ماأجهز التوبينج يكون قرص البيتزا فك
أحطة في صينية مهونة زيت بسيط
أفرد عليها الصلصة (وطبعا الصلصة بيتى) والمكونات وتدخل فرن ساخن على 200 أو 180 برضوا بتاخد 10 دقايق
وبالطريقة ده البيتزا هتاخد معاكي بالكتير أويييييييييييييييييييييييييييي ييي نص ساعة

وكمان زيادة في التوفير إعملي الصلصة وخزنيها في التلاجة أو الفريزر

لو تلاحظوا العجينة فيها حاجات كده
أنا ضفتلها زعتر مجفف وبصل مجفف ولإتنين مش بودرة لأ خشن طلعت حلوة أوي

03-03-1431 هـ, 05:06 صباحاً





طريقة جديدة في الكيكة الإسفنجية


5 بيضات كبيييييييييييييرة
كوب إلا ربع دقيق منخول
1/3 كوب نشا
رشة ملح
معلقة صغيرة ممسوحة بيكنج بودر
كوب سكر بودرة
فانليا

إضربي السكر والبيض والفانليا لمده لاتقل عن ربع ساعة
إخلطي الدقيق والنشا والملح والبودر
إنخليهم مع بعض كويسسسسسسسسسسسسسسسسسسسس
ضيفيهم للبيض معلقة معلقة مع التقليب بهدوء
وبس سويها عااااااادي زي أي كيك

لونها بيطلع فاتح جدا زي الصورة التانية بس الأولى غامقة شوية عشان وأنا بصور ضللي جه عليها
وكعادتى عملت صينيتين كل صينية قسمتها دورين عشان يبقى عندي تورتة 4 طبقات بس للأسف يدوب حشيتها كريمة وكسلت رحنا واكلينها كده وخلاص بدون ماأزوقها بس الصراحة كانت تحفة هشة جداااااااااااااااااااااااااااا ا
03-03-1431 هـ, 07:07 صباحاً
لأ بجد مينفعش كده
كل يوم أدخل فيه ولا واحدة منكم تدخل معايا
مش ممكن الحظ ده
أنتو زعلانين منى ولا إيه
03-03-1431 هـ, 07:48 صباحاً
ما شاء الله يا فراشه تسلم ايديكى ..ممكن احط ايه بدل القشطه اصل مش بالاقيها عندى ؟


استغفر الله لى ولوالدى ولزوجى ولاصحاب الحقوق على وللمؤمنين والمؤمنات والمسلمين والمسلمات الاحياء منهم والاموات
03-03-1431 هـ, 11:29 صباحاً
ما شاء الله يا فراشة الربيع تسلم ايديكى يا أحلى ايمان بجد و خصوصا فكرة البتزا ديه روعة يا سلام عليها و الواحد معندوش حاجة يتعشى بيها فى الويك اند هتبقى روعة
موقع قرءان رائع ادخلى من هنا
http://www.tvquran.com



03-03-1431 هـ, 11:38 صباحاً
السلام عليكم
ازيكم يا بنات

تسلم ايديكم علي كل الحاجات الحلوة ديه بس مش عارفه اركز معاكم خالص

ادونا فرصه يا بنات ننقل الوصفات ديه

فراشة -- تسلمي علي فكرة البيتزا حلوة قوي والطريقة واضحة

أماني -- جميله البيتزا بصي يا جميل انا عملتها بس الوش زيي ما يكون عليه ميه انا صفيت الطماطم كويس و كمان كنت شيله البذر بتاعها يعني كنت حاطه الجزء اللي بره بس هل طلعت معاكي كده ولا ايه

أبله دينا يارب تكوني بخير ديما يارب
مع don دايما احلى
03-03-1431 هـ, 11:53 صباحاً
اقتباس مشاركة  (الصبر يارب)
السلام عليكم
ازيكم يا بنات

تسلم ايديكم علي كل الحاجات الحلوة ديه بس مش عارفه اركز معاكم خالص

ادونا فرصه يا بنات ننقل الوصفات ديه

فراشة -- تسلمي علي فكرة البيتزا حلوة قوي والطريقة واضحة

أماني -- جميله البيتزا بصي يا جميل انا عملتها بس الوش زيي ما يكون عليه ميهليه لسه برده مش قولنا تبقي السوايل مش كتيير مش قلنا الصلصه تبقي تقيله والطماطم والفلفل والزيتون نقطعهم ونسيبهم يتصفوا كويس وحطي كمان طبقه جبنه اي نوع هتعملك زي العازل انا صفيت الطماطم كويس و كمان كنت شيله البذر بتاعها يعني كنت حاطه الجزء اللي بره بس هل طلعت معاكي كده ولا ايه

أبله دينا يارب تكوني بخير ديما يارب
صباح الخير يا بنات معلش اصلي مقريفه خالص اليومين دول ومش لي مزاج لحاجه خالص .

ابله دينا عودا عبد الحميد ايوه كده نور الملف يا بيتزاتك يا دندون وماكنه الكبيبه تحفههههههههههههههههه.
دندونه خدي الطبق كله دا بتاع ام ناصر مش بتاعي لا انا بهرج والله لو عاوزاه ابعتهولك قوليلي انت فين بس.

مصريه رقيقه ربنا يخليكي دا انا بتعلم منكو.

كوكو هرد عليكي علي الخاص واماني كمان علي الخاص.

فراشه كالمعتاد مبدعه ماشاء الله ويا بنتي هنزعل ليه بس الملف نايم اليومين دول واحسن عشان انا خرفت الشهر ده وهاخد ب 60 لومؤاخذه ولسه بسومه ماشاء الله وعزومتها ودندونه ماشاء الله وعزومتها .
03-03-1431 هـ, 12:27 مساءً
جزاكم الله خيرا وتقبل دعواتكم جميعا
"اللهمّ اغفر للمؤمنين و المؤمنات ، و المسلمين و المسلمات ، الأحياء منهم و الأموات "
مع don دايما احلى
03-03-1431 هـ, 12:39 مساءً
بسمه اسفه نسيت ارد التشيز كيك مش اققل من ساعه ولو الطبقه البيضا كثيفه ساعاه وربع وبعدين انا مش بخبز البسكوت لا بحط الخليط فيه وعلي الفرن واوعي تخرجيه من الفرن قبل ما الفرن يبرد التشيز كيك الناجح وشه ميبقاش مشقق.

سبيه لحد مايبرد الفرن خالص.وبعدين طلعيه وكلي احلي تشيز كيك وطريقه فراشه والله ما فرقت عن اللي كنت عملاها في اول الملف بال بالعكس بتوفر في الكريمه والسكر يعني المقادرير اققل ومظبوطه ميه بالميه.


الساعة الآن 01:41 .

جميع الحقوق محفوظة - عالم حواء - 2015