حويوي

حويوي @hoyoy

عضوة جديدة

تجربتي في عيادة امج لطب الاسنان

المنزل والديكور

السلام عليكم ورحمة الله وبركاته
قال الرسول عليه الصلاة والسلام (خيركم انفعكم للناس) يتمنى الشخص ان يستطيع شراء خبرة سنين اونصيحه صادقه او معايشه شخص حكيم ولو كلفه الاف مقابل عدم وقوعه بالخطاء, فاحببت ان انفعكم بتجربتي في عيادات امج لطب الاسنان في الرياض ,في البدايه كانت اسناني منذ الصغر مضرب مثل للاسنان الجميله ولاكني مؤخرا لاحضت بعد ظهور اسنان العقل دخول بسيط في السن الجانبي بسبب ضغط اسنان العقل وصغر الفك فنصحني الاطباء بازالة اسنان العقل فازلتها جميعا , ولاكن السن الجانبي لازال على حاله فراودني قلق خوفا على تغير شكل اسناني ومن باب المحافظه والوقايه قررت استشارة طبيب فدخلت على موقع عيادة امج وانبهرت بكفائات الاطباء وجميع فريق العمل فاخذت موعداستشاره مع الطبيب عادل الهدلق واخبرته عن وضعي :انا الحمد لله شلت اسنان العقل ولاكني خايفه يكون اسناني فيها ضغط وانا ودي احافظ على شكلها وفيه بداية دخول بسيط في السن الجانبي وسئلته اذا اقدر ارجع السن لوضعه الطبيعي من دون ماااثر في الاسنان الباقيه , فنصحني في التقويم , كنت متخوفه من موضوع التقويم قلتله : يادكتور انا ودي ارجع السن لوضعه الطبيعي بس مابي تتاثر الاسنان الثانيه لافي المسافات ولا الزوايا ولا حتى البروز مثل ماانت شايف الاسنان ممتازه , قال : لا تطمني نقدر نرجع السن لوضعه الطبيعي من دون ماتتاثر الاسنان الباقيه والمده راح تكون قصيره من 4 الى 6 شهور, رجعت البيت وفكرت في الموضوع مده التقويم قصيره جدا واقدر ارجع السن لوضعه الطبيعي من دون ماتتاثر بقية الاسنان . فقررت احط التقويم , ومن حطيته وانا في كابوس , اسناني من دمار الى دمار ؟؟؟؟كل شي كان جمييل فيها تغير, والدكتور يقول انها ردت فعل للاسنان شي طبيعي , ودخلت في دوامه التقويم ولااقدر افكه على دمار ذي الاسنان لازم استنى لما تتحسن واذا تحسن شس اندمر شي ثاني ,رحت للدكتور وبينته بكل احترام انزعاجي قلتله : انا اثق فيك وفي كفائتك بس انا متفاجئه بالنتيجه مو هذا الي اتفقنا عليه كنت اتمنى انك حطيتني في الصوره وبينتلي في البدايه انه فيه احتمال نتائج سلبيه لانه ماتسوى احسن سن واحد واخرب جميع الاسنان , قال : اذا كنتي ندمانه مشكتك مو مشكلتي ؟؟؟ الصراحه تفاجئت بكلامه ظهر على حقيقته شافني حاله سهله ويبي يكسب من وراي كنت اثق فيه ومتامله انها راح تتحسن على كلامه وانها يبغالها وقت ؟؟؟ اذا كان الطبيب مشاكل المرضى مو من مشاكله ليش المريض يجي عنده ؟؟؟ طبيب يفتقر للاخلاقيات ويفتقر للاخلاص والامانه في العمل ؟؟ بدل ما يطمن المريض ويقول بحاول بقدر الامكان نعالج المشكله ؟؟؟ صارت مشاكل مرضاه مو من مشاكله ؟؟؟ وللاسف مر سنه على التقويم وزرت عدة اطباء وكلهم اجمعوا انه في اخطاء عده في تركيب التقويم ولازم افكه وارجع اركبه من جديد .. وفي حياتي ماشفت عياده ماديه مثل هالعياده ... وفي الختام اسفه على الاطاله عسى ان يكون في هذي التجربه خير مخبئ لي ولو كان ظاهرها قاسي وعليكم في الاستخاره في كل امور الحياه صغيرها وكبيرها واتمنى اني افدتكم في تجربتي
2
35K

يلزم عليك تسجيل الدخول أولًا لكتابة تعليق.

تسجيل دخول

Kraft
Kraft
انا بعد اصعب منك كنت اراجع بمسوتصف نهج التقوى رحت للدكتوره سوزان وياليتني ما رحت اول ما دخلت عليها على طول شالت العصب السن الامامي وحشت الجذور وثاني يوم حشت باقي السن بدون ما تعطيني لا مضاد والمفروض ما تحشاه الا بعد اسبوع من شيل العصب. وسني كان يوجعني وكنت اروح لها تقول مافيك شي المره الثانيه دخلت زوجي معي. قالها اكشفي عليها قامت كشفت طلع فيني خراج لي ثلاث شهور وسني مو راضي يطيب ويروح الخراج تورطت ورطه عمري