هقولكم طريقة عمل كفتة الحاتى فى البيت ولا اروع على رايكم بصى يا ستى المقادير ابسط مما يكون
1- نص كيلو لحمه مفروم
2- بصله كبيره
3-ملح وفلفل (حتة فحم) مش بقولك مفيش ابسط من كده
الطريقه ابسط من المقادير بكتيييييييير هتبشرى البصله وتحطيها على الحمه المفرومه والملح والفلفل وتقلبيها كويس متحطيش اى حاجه فى الني لحمه وبصل مبشور بس وملح وفلفل انا قولتلك وخلاص
وبعدين تصبعى الكفته زى ماانتى عايزه حسب الحجم اللى انتى عايزاه ولو عايزاها مفتوحه من النص صبعيها على قلم او حاجه مدوره ورصيها فى الصينيه جمب بعض زى صوابع المحشى كده وبعدين حطى عليها معلقتين زيت وحطيها على النار والنار تبقى عاديه يعنى مش عاليه اوى ولا هاديه اوى بعد خمس دقايق او عشر دقايق بالكتير الكفته هاتنزل الميه اللى فيها هاتسيبها لما تشرب ميتها ويفضل الزيت بس ومتقلبيهاش الا لما تحسى انها مسكت هاتكونى مولعه الفحمه حمرا مووت تهدى النار على الكفته اوى اوى وتطشى فيها الفحمه وتغطيها جامد عشسان متنفسى ودقيقه واحده واطفى عليها وهاتدعيلى وتقولى ربنا يخليلك يوسف وانا هاقولك ربنا يسمع منك امين
sofiayoyo @sofiayoyo
عضوة جديدة
يلزم عليك تسجيل الدخول أولًا لكتابة تعليق.
ورده حواء 2009
•
الله يخلي لك يوسف ويفرحك فية وبعطيك العافية
ربنا يخليلك يوسف ويقر عينك بيه ويصلحه ويخلي ام يوسف وتسلم يدك مرررررررررررة لذيذه وعندنا في الحجاز نسمي الاكله دي مبشور بس نعملها دوائر مثل الكورة وناكلها مع سلطة اللبن ورز مكشن امممممممممم مرة لذيذه
الصفحة الأخيرة