فراخ بانيه ورز بالكاري
صوره تشويقيه
النهارده جايبلكم طريقه الفراخ البانيه والرز بالكاري ودى من احلى الاكلات اللى بنحبها اوى والاولاد بيحبوها
بس اهم حاجه البنات اللى بتقرا وتجري مش معقول الواحد بيتعب في الموضوع والتصوير وانتى حتى مستكتره تقدري تعب صاحبه الموضوع ردى وقيمى علشان غيرك يشوف الموضوع وكمان علشان كل واحده تتشجع وتنزل كل الخبرات اللى عندها لان الواحد بيجيله احباط لما يلاقي مشاهدات كتير وردود قليله جدا
ويارت تفاعل مع الموضوع كل واحده تضيف معلومه او طريقتها في عمله او تقديمه كدا يعنى
صدور دجاج مقطعه شرايح رفيعه انا بحب اعملها في البيت وممكن تشتريها جاهزه بس بتبقي تخينه الرفيعه طعمها الذ
تبليها طول الليل او قبلها بكام ساعه بليمون وملح وفلفل اسمر وكمون وكركم وحبهان وعصير طماطمايه ومممكن زبادى وممكن لا
في ناس بتحط بصل بس انا محبتوش بالبصل
وغطيه وسبيه في التلاجه
وبعدين هتحطيه في البيض وبعدين البقسماط مبحبش احطه في الدقيق برضوا
وهتقليه في زيت ساخن غزير يادوب يبقي دهبي مش تخليه يغمق بيبقي طعمه وشكله احلى
وتقلبيه علي الوش التانى بيستوى بسرعه جدا علشان الليمون اللى في التتبيله وكمان علشان رقيق
الرز بالكاري
2 طماطم كبيره 2 فلفل كبير وبصله كبيره كله مقطع مكعبات صغيره
في معلقه سمنه كبيره هتشوحى البصلبه يادوب تصفر تضيفي عليه الطماطم والفلفل وتسبيهم يدبلو شويه في ناس بتضيف بسله بس طعمها معجبنيش وتضيفي معلقه كبيره صلصه ومعلقه كبيره كاري وتحطى شويه فلفل اسمر وكمون وكسبره وتضيفي الشوربه ولماتغلي تضيفي الرز انا استخدمت رز مصري والاصل يتعمل بالرز البسمتى
وتسويه عادى زى ما بتسوى الرز
ودى الصور عند التقديم سامحونى بكون مستعجله علشان كدا مش بصور الخطوات
زوووووووووووووووووووووم
وانتظرونى مع الكانيلونى والكريب
ودى صوره للكانيلونى علشان اشجعكم
السلام عليكم ورحمه الله وبركاته
