قصتى مع الرجيم واخر رجيم نحفت عليه 10 كيلو فى 4 اسابيع مع دكتور احمد السيد

علاج السمنة والنحافة

السلام عليكم ورحمة الله وبركاته

مرحبا بكم حبيباتى الغاليات وحشتونى جدا :)
ان شاءالله اكتبلكم قصتى مع الرجيم من 4 سنوات وكمان اخر رجيم مع الدكتور احمد السيد بناء على طلب الغاليه نبض

انا من سنتين تقريبا كتبت قصة كفاح لي مع الرجيم هنا فى عالم حواء اذا احد يتذكر
وهى باختصارشديد

اول ما تزوجت كان وزنى 68 كيلو وكان جدا جسمى اوكييييييي لانى عظمى عريض وثقيل
واول ما تزوجت حملت فى ابنى الاول وزاد وزنى بشكل فظييييييييييييييع حوالى 110 او اكثر وجالى ضغط وسكر وتسمم حمل بسبب السمنه فى الحمل
وبعد ما ولدت قررت انى انزل وزنى وفعلا الحمد لله نزلت وزنى الى ن وصلت 71 كيلو ومريت بمراحل كتير اولها

تخفيف فى الاكل عشان اول ست شهور رضاعه تكون صحة البيبى تمام
ابر صينيه جدا ممتازه
دكتور عادل عبد العال مدة 5 اسابيع جدا فشل معايا للاسف
رجيم كميائى للدكتور يسرى الجزار ممتاز
رجيم الشوربه فاشل جدا معايا
واخيرا رجيم نوع الجسم للغاليه فاتن وبس الله يكرمها يارب امين رجيم جدا ممتاز
وكنت مستمره فى الرجيم الا انى حملت فى بنتى الثانيه
:( وكله رجع تانىىىىىىىى :30: :angry:

وكان وزنى بعد الولاده 96 وبعدين كنت تعبانه لانى بولد قيصريه فاهملت الرجيم ولقيت نفسى بقيت 100 ونص كيلوووو :( :icon33:

المهم قررت انى انزل القاهره عند اهلى عشان ما كونتش عارفه اسيطر على وزنى والتزم فى رجيم مع طلبات اولادى وزوجى وطلبات البيت :angry:
قعدت 4 اسابيع عملت فيهم رجيم دكتور احمد السيد مع الابر الصينيه مع رياضه الايروبكس والجرى والمشى
خسيت اول اسبوع 4 كيلو
وثانى اسبوع 3 كيلو
وثالث اسبوع 1 ونص
ورابع اسبوع 1 ونص

وبقالى اكتر من 4 اسابيع مبوظه الرجيم لانى للاسف بنتى تعبت شويه لانها كانت بتسنن وجالها نزلت برد شديده ونزله معويه فكنت لازم اترك الرجيم عشان السنان تطلع وتخف بسرعه بس كنت مخففه فى الاكل شويه وخسيت خلال 3 اسابيع حوالى 2 كيلو بس بوظت خالص لمدة اسبوع فا وزنى رجع 2 او 3 كيلو
ووزنى دلوقتى 90 كيلو ونص

دى قصتى بكل امانه والله على ما اقول شهيد
المهم مش عايزه اطول عليكم

رجيم دكتور احمد السيد

الاسبوع الاول

اليوم الاول
فطار: 2 ثمرة فاكهه
الغداء: 1 ثمرة بطاطس صغيرة مسلوقه+لحوم او دجاج اوسمك مشويه او مسلوقه
بعد مرور 3 ساعات: ثمرة فاكهه
العشاء: 1 توست رجيم+ثمرة فاكهه+سلطه

اليوم الثانى
الفطار: 3 م فول بدون زيت+1توست رجيم+كوب شاى بدون سكر
الغداء: 2 بيضه مسلوقه+طبق خضار سوتيه+ برتقاله
العشاء: كوب زبادى خالى الدسم+كوب شاى بحليب +1 توست رجيم

اليوم الثالث
الفطار: قطعة جبن منزع الدسم+1 توست +كوب شاى بدون سكر
الغداء: 2 سمكه مشويه +طبق خضار سوتيه+طبق سلطه6ثمرة فاكهه
العشاء: بيضه مسلوقه +ثمرة فاكهه

اليوم الرابع
الفطار: بيضه مسلوقه+1 توست+ شاى
الغداء: صدر دجاج+طبق سلطه+4 حبات فروله
العشاء: قطعة جبن قريش+1 توست+ثمرة طماطم

اليوم الخامس:
الفطار: 1 توست+4 ملاعق جبن قريش+خس او خيار
الغداء: لحوم او دجاج او سمك او تونه+ سلطة خضرا
العشاء: صنف واحد من الفاكهه باى كميه

اليوم السادس
الفطار: 1 جريب فروت+بيضه +1 توست
الغداء: جبنه قريش+سلطه بدون طماطم+1 توست +ثمرة فاكهه
العشاء: مثل الافطار

اليوم السابع
الافطار: كوب حليب خالى الدسم+قطعة جبن قريش +1 توست
الغداء: شريحة لحم مشوى اومسلوق+طبق سلطه+نص حبة جريب فروت او 4 حبات فراوله
العشاء: كوب زبادى منزوع+خس او خيار

دا كان الاسبوع الاول خسيت فيه 4 كيلو
والحمد لله كنتب بشرب قبل الاكل كوب ماء ساخن بالليمون
وعلى الريق كوب ماء ساخن مع نعناع عشان اقدر اتحمل شرب الماء
مهم جدا شرب الماء الساخن على الريق وكمان على طول اليوم لانه بينشط جهاز الحرق والجهاز الهضمى حتى تحسى نفسك بطنك مفيش مع الاستمرار على شرب الماء الساخن
وبعد الاكل كنت بشرب شاى اخضر على بردقوش طبعا البردقوش رهييييييييب بينظم الهرمونات فى الجسم وبيدوب الشحوم اللى تحت الجلد
وكذلك الشاى الاخضر والاسود مضاد للاكسده وبيساعد فى عملية الحرق
والدكتور كان يعطينى اعشاب شكلها مثل النخاله اخودها لما اجوع اوى بس كانت رهييييبه جميله جدا وطعمها يشيه البسكويت الويفر
وكمان كنت بشرب قبل الاكل بلح الكابلى الهندى +بزور الرجله مطحونين على ربع كوب ماء ملعقه صغيره بس طعمها :D كان قال عنها دكتور عبد الباسط فى التلفزيون انها بتذوب الشحوم حتى من غير رجيم !
نسيت ااقولكم انى اول اسبوع مكونتش بعمل رياضه ولا بجرى كنت بس بمشى حوالى ساعه فى اليوم

يلا نكمل


الاسبوع الثاني

الافطار يوميا3 م فول بليمون وكمون فقط وملح بدون زيت +بياض بيضه

اليوم الاول
الغداء: 2 بيضه+سلطه خيار خس طماطم فلفل احمر
العشاء:2 بيضه+طماطم

اليوم الثانى
الغداء:سلطه+لحم مشوى
العشاء:2 بيضه+جبن قريش+خضار مسلوق

اليوم الثالث
الغداء: جبن قريش+1توست+طماطم
العشاء: 2 بيضه +خضار مسلوق+طماطم

اليوم الرابع
الغداء:فاكهه صنف واحد
العشاء:لحم مشوى سلطه

اليوم الخامس
الغداء:سمك او جمبرى مسلوق او مشوى
العشاء:خضار سوتيه+2 بيضه مسلوقه

اليوم السادس
الغداء:لحم مشوى+طماطم+برتقاله
العشاء:فواكه طازجة منوعه

اليوم السابع
الغداء:صدر دجاج+خضار سوتيه +طماطم وجزر او جريب فروت
العشاء:2 صدر دجاج+طماطم او جريب فروت
خسيت عليه 3 كيلو وكنت بعمل رياضه وبمشى وبجرى كتير وكنت بشرب قبل كل وجبه خلطة بلح الكابلى وبعمل مغلى اعشاب مريميه +بردقوش +شمر+شاى اخضر


الاسبوع الثالث
الافطار يوميا:شاى اسود او اخضربدون سكر
بس انا كنت بشرب كوب حليب منزوع الدسم عشان الرضاعه

اليوم الاول
الغداء:2 بيضه+طبق سبانخ كبير قليل الملح مطبوخ بدون زيت نى فى نى
العشاء:لحم مشوى 3 قطعه+سلطه+ثمرة فاكهه

اليوم الثانى
الغداء: 3قطع كفته او لحم مشوى+ اى نوع من الفواكه باى كميه
العشاء: جبن قريش او شيدر او حلوم بس اهم حاجه منزوع الدسم باى كميه

اليوم الثالث
الغداء: 2 بيضه+سلطه
العشاء: جبن منزوع باى كميه

اليوم الرابع
الغداء:بيض مسلوق+جزر مسلوق او طازج+جبنه منزوعة الدسم
العشاء: فواكه+زبادى منزوع اى كميه

اليوم الخامس
الغداء:سمك مشوى+طماطم
العشاء:لحم مشوى+سلطه

اليوم السادس
الغداء:دجاج مشوى
العشاء:2 بيضه+جزر

اليوم السابع
الغداء:فواكه مشكله باىكميه
العشاء: اختارى اى عشا من الايام السابقه

الاسبوع ده خسيت فيه كيلو ونص بس دا الحمد لله اوى لانى لخبط فيه جداااااااااا الاسبوع ده اكلت بيتزا وبدلت اللحم بالبط فى اليوم الاول وكمان اكلت ربع حوواوشى وجبنه مثلثات وباتون ساليه وعيش وجاتوه وموز وجبنه رومى يعنى هيصصصصصصصصصت هههههههههه :D بس الدكتور والحمد لله عطانى كلمتين فى العضم

معلش نكمل الاسبوع الرابع بكره إن شاء الله :)

دعواتى ليكم جميعا بالصحه والرشااااااااقه الدائمه يارب انا وانتوا قولوا آآآآآآآآآآآآآآآمين
132
804K

يلزم عليك تسجيل الدخول أولًا لكتابة تعليق.

تسجيل دخول

رشيقة في الأحلام
:26: :26: :26: :26:
دلال202
دلال202
الف مبروك الغاليه على نزول الوزن
وعقبال الباقي
شجعتيني اقول عن تجربتي ولو انها في البدايه والانجاز يعتبر بسيط
انا قبل كان وزني تقريبا 120 كيلو
ولما عرفت هالمندى الغالي بديت افكر بالدايت
وقررت اني ابدا الرجيم العام الماضي من 15 مايوم 2004
والحمد لله بثلاث اشهر ونص خفيت ووصلت ل108
الحمد لله فرحت وايد خاصه انه كان مع الرياضه
اللي كان اكثر من ساعه مشي تقريبا يوميا وشويه تمارين سويديه
وكل اللي كان يشوفني يتوقع اني نازله اكثر من جذي
ما ادري عين صابتي او كسل
زاد وزني ل112
اسوي يوم واترك اسبوع
المهم الحين الحمد لله يوم اخر وزن قبل بدايه المسابقه كان 110
وان شاء الله اقدر اوصل ال100 كهدف اولي
تدرون بنات اكتشفت ان شكل الانسان له تاثير كبير على الصحه والنفسيه والمزاج
الله خلونا نشد الهمه ويا بعض
وشكراا
ســـــssــــاره
الله يسلمك اختي على الرجيمات وان شاء الله تنحفي ويرجع وزنك زي اول
sweetgirl_h
sweetgirl_h
مشكوره على الرجيم يعطيك العافيه يارب :26::26:
joy1
joy1
الله ينولنا جميعاً اللي في بالنا

عاجل مو ماهل

ان شاء الله تعيدين الوزن السابق بسلامة وخير يارب

سيري ونحن معك

معاً لهزيمة والسمنة والتغلب على الشحوم