السلام عليكم
الموضوع يحتوي على التالي
(1) متى تنظفين فرش مكياجك؟
(2) مواد التنظيف الي ممكن تستخدميها
(3) طريقة تنظيف الفرش العميق للمكياج العادي
(4) طريقة تنظيف الفرش العميق للمكياج الي ضد الماء
(5) طريقة تنظيف الفرش الخفيف والاسبوعي للمكياج
(1) متى تنظفين فرش مكياجك؟
انا انصح الي تستخدم فرش مكياجها يوميا تنظف فرشها مرة بالشهر تنظيف عميق... ومرة بالاسبوع تنظيف خفيف... البكتيريا بتسبب لك حبوب بالوجه ...
الي ماتستخدم فرشها الا مرة من العيد للعيد, تنظفهم دائما قبل ماتستخدمهم بيومين وتخليهم يجفون تماما من الماء... لان حتى لو استخدمتيهم مرة.. وتركتيهم ثلاث اربع شهور... البكتيريا بتكون اخذت وقت كافي تتكاثر...
(2) مواد التنظيف الي ممكن تستخدميها
بنحتاج نوعين من المواد...(أ) مواد زيتيه تنظف الشغلات الكريمية زي الكنسيلر والشغلات الي ضد الماء...
- ممكن تستخدمي اي نوع من الزيوت الي تحبي.. حبذا يكون زيت خفيف ومايدبق... انا استخدمت مزيل مكياج من No7 زيتي بتشوفون صورته تحت رقم (2) ... استخدمته لانه موجود عندي شريته لوجهي وماحبيته... يعني مو تروح واحدة تتعنى وتشتري (!)... اي زيت موجود بالبيت استخدميه...
و (ب) مواد مائية تنظف البودرة زي الشادو العادي
- انا استخدمت نوعين هنا, (أ) منظف الفرش من MAC مرة عاجبني لكن ماكان باقي معي الا شوي وكان مزاجي انظفهم باليوم المشهود فـ اضطريت استخدم منظف ثاني معه... لكن ايضا مو تروحين تشترين اذا امكانياتك ماتسمح, لاني ايضا استخدمت (ب) صحن ماء اضفت له خمس الكمية فيري لاني ابي شيء يرغي ويشيل الزيوت + خمس الكمية بلسم للشعر (كوندشنر) لاجل احافظ على ترطيب الفرش... خاصة ان كثير من الفرش الغالية من شعر الحيوانات...
ممكن بدل الفيري تستخدمي شامبو مع البلسم ... الخيارات مفتوحة... المهم الترتيب الي بذكره تحت
(3) طريقة تنظيف الفرش العميق للمكياج العادي
بعض العدة موجودين بالصورة الي هنا ... عندي البلسم العلبة الكبيرة... وعندي علبة الماك... عندي مناديل الاطفال غير زيتيه (او كمية الزيت ماتبين فيها, مايعجبوني حقين جونسون & جونسون... والسبب اننا مانبي اثار الزيت تبقى على الفرش بعد التنظيف!)... ممكن تستخدمي مناديل التنظيف حقت الوجه زي حقين Simple... المهم مناديل المطبخ ما انصح فيها لانها تتقطع... نبي شيء مايتقطع وشعيراته ماتطلع... خلي مناديل المطبخ للتجفيف فقط
(2) حطيت المنظف الزيتي في صحن صغير.... (3) بالصحن الي فيه الماء حطيت الفيري + البلسم ... (4) حطيت منظف الماك ايضا بصحن صغير ........ وبكذا صرنا جاهزين
(5) غطست الفرشة مرة واحدة بالفيري والبلسم مو كلها بس مكان الشعيرات (الجزء الفضي لااا تدخلينه لاجل ماتخرب الفرش)... لاحظي لو استخدمت بس منظف الماك كان الفرشة هذي امتصت كل الي عندي !! فتغطيسه بمنظف ثاني طريقة توفير ليس اكثر!
(6) اخذت منديل وبدأت انظف الفرشة بنفس الطريقة الي امكيج فيها نفسي... (7) لما بدأت تنظف وراح الوسخ... غطستها بمنظف الماك والتكملة بالصورة الي بعد...
(8) وايضا رجعت انظفها مرة ثانية بمنديل ثاني نظيف ... (9) لما نظفت تماما اخذت منديل مطبخ وعصيت الفرشة من الماء... و(10) بدأت اشكل الفرشة حتى ماتنفش ... فيه شغلات يركبونها حتى تحافظي على شكل الفرشة... ماكان متوفر عندي فما استخدمته...
(11) اخذت كرتونه موجوده عندي ... اي كرتونه قوية موجودة استخدميها... سويت فيها فتحه من فوق بالمقص... و(12) دخلت الفرشة من تحت... يعني بتصير الفرشة مقلوبة زي ماهو موضح بالصورة... كذا الفرشة بتجف لتحت والماء ماراح يدخل على الصمغ حق الفرشة ويخربها...
(4) طريقة تنظيف الفرش العميق للمكياج الي ضد الماء
(13) اعدت الكرة مرة ثانية... حطيت الفرشة بالفيري حتى ماتوسخ الزيت... (14) نظفتها بالمنديل.... و(15) غطستها بالمنظف الزيتي الي عندي... وايضا اعدت الكرة مرة ثانية بالمنديل لاجل تنظف زي ماهو موضح بالصورة رقم (16) <<< الصورة هذي مجرد اعادة حتى ماتنسى الواحدة تنظفها كذا مرة... لا يغركم شكل الفرشة مهب نظيف :D ...
(17) والحين لما نظفت الفرشة شوفوا شكلها بالصورة... حطيتها بمحلول الماك لاجل اتخلص من كل الزيوت الي في الفرشة....... اخر شيء تبينه تصير فرشتك مدبقة !!! لا تخلين ولا اثر للزيت بالفرشة حتى لما تحطي مكياجك ينحط بشكل جميل...
(19) وخلصنا! حطيتها بجنب صاحبتها.... (10)وهذا شكل الفرش وهم يجفون... خليتهم يجفون 48 ساعة... لاجل مايبقى اي اثر للماء الي ممكن يتسبب في نمو بكتيريا جديدة! تأكدي من جفافهم تماما...
(5) طريقة تنظيف الفرش الخفيف والاسبوعي للمكياج
اكتفي بمنظف الماك مع المنديل (او الفيري والبلسم)... لو تستخدمي الماك مع المنديل راح يجفون بسرعة اذا انت مستعجله عليهم...
وشكرا!
ولكنها تعتبر شئ اساسي للمحافظة على البشرة
بارك الله فيك وفى موضوعك المميز