miss bahrain

miss bahrain @miss_bahrain_1

عضوة جديدة

طمنوني الله يطمن قلبكم أبي معلومات عن ولاية لويزيانا في أمريكا

ملتقى الأحبة المغتربات

سلام للجميع

آنة باسافر مع زوجي في سبتمبر إلى أمريكا ولاية لويزيانا وبالتحديد باتون روج (جامعة ولاية لويزيانا) لآنة اهوة بيدرس دكتوراة هناك. حابة أعرف معلومات عن المنطقة من ناحية توافر المطاعم العربية والاسواق والمجمعات وأماكن الترفيه وحابة استفسر عن المنطقة اذا كانت آمنة او لا وهل يتقبلون العرب وهل في عرب ساكنين في المنطقة وهل الحياة كئيبة في المنطقة؟

و***** الله ماكون طولت عليكم وبانتظار الردود
11
12K

يلزم عليك تسجيل الدخول أولًا لكتابة تعليق.

تسجيل دخول

BASTA
BASTA
هلا

ان شاء الله توصلون بالسلامه

ماعندي خبره في هذي الولايه

بس حبيت ارد عليك

ان شاء الله البنات بيفيدونك

بس عموما بالنسبه لامريكا اتوقع اغلب الولايات متعودين على العرب والخليجين

خاصه اذا كانت الجامعه معترف فيها من التعليم العالي تلقين السعودين يدرسون هناك

لاتخافي ان شاء الله

واغلب الشعب الامريكي شعب حبوب على قولتهم فرندلي

اصرف من الاوربين

بالتوفيق
ام عزان
ام عزان
حيالله اهل ابحرين


حياك الله بين اخواتك في امريكا


شعب امريكا اجتماعي وحبوب ومحترم


اما المطاعم والبقالات على قولتكم (البراده)

موجوده ي كل مكان

هذا الموقع تحددين ولايتكم ويعطيك عناوين المطاعم والبقالات

موقع ذبيحه


اما الولايه ممكن البنات يعطونك معلومات اكثر

او تدخلين موقع العرب المسافرون

او ملتقى السعودي بأمريكا

واذا تقدرون تغيرون الولايه افضل

لأنها معروفه بلأعاصير لو تذكرين اعصار كاترينا مسمى بأسم الولايه

تأكدي يمكن منطقتكم بعيده عن الاعاصير

انا ما ابي اخوفك بس قبل ماتنقلون لها تاخذون حذركم ويكون عندكم علم بهالشي

والله يوفقكم وننتظر تشرفينا في امريكا وفي ملفنا
miss bahrain
miss bahrain
اختي BASTA وام عزان مشكوريييييين وااايد على ردودكم ومساعدتكم لي وترحيبكم فيني في وسط المنتدى حسيت اني وسط خواتي في هالمنتدى بهالترحيب الحلو :)
وطمنتوني الصراحه بكلامكم الله يطمن قلبكم وانا استفدت من المنتدى لما قريت كم موضوع وخذت فكرة عن الاشياء يلي اخذها معاي والاشياء يلي متوافرة في الولايات واتمنى بعد من يلي تعرف اي معلومات عن المنطقة يلي بنسكن فيها تعطيني فكرة عنها وباكون شاكره لكم
miss bahrain
miss bahrain
وابي بعد استشيركم
زوجي ينتظر قبول من جامعة بول ستيت في منسي انديانا
في احد يعرف اي شي عن الجامعة او منطقة
واذا طلعله قبول تنصحونا انروح اي وحدة لان الجامعتين تقريبا نفس المستوى بس انا يهمني المنطقة فأي وحده اتحسونها افضل ؟
سمرا1980
سمرا1980
السلام عليكم ورحمه الله وبركاته
ماحبيت ادخل واطلع كذا بالصراحه انا في ولايه لويزيانا بس بعيد عن هاذي المنطقه تقريبا 5ساعات
وماعندي معلومات عنها بس اذا كانت مثل منطقتي الله يعينك بالصراحه منطقتي امنه وهاديه بس مافيها محلات ولا اسواق ولا اماكن ترفيه واتمنى انها ماتكون زيها
والشي الثاني انك لازم تسافرين على 3 طيارات عشان توصلين للسعوديه يعني تععععععععععععععب السفر من هنا لانها بعييييييييده جدا واتمنى اني افدتك
وبنات خالي في انديانا ويمدحونها كثير ويقولون فيها عرب كثير ومحلات واسواق ومرتاحين فيها جدا ومع كذا منقبات ولا واجههم اي مشاكل مع العلم لهم 3 سنوات هنا ويكفي عندهم مطار دولي يوديهم على طول لنيوورك ومن نيورك للسعوديه يعني مايشلون هم السفر>>>>>>>>>>>>>عقدتي
والله يوفقك ويسهل امورك
والظاهر اني ماافدتك بشي ههههههههه