من زوجها دخل يوم الملكه يده فاضيه

الأسرة والمجتمع

السلام عليكم

الله يجعل أيامكم كلها هنا و سعادة

بنات أنا حبيت أشوركم بموضوع كسر قلبي حيل

يمكن البعض يعرف عني أني تزوجت من رجل متزوج زوجته ما تنجب

طبعا هالكلام من سنتين و سبع شهور و انا الأن عندي بنت و ولد

المهم يوم ربي كتب النصيب و حللنا تحليل الزواج و حددنا موعد الملكه

كان بيت أهلي فيه ظروف وهي أن المجالس و المقلط و و حمامات الضيوف تترمم

وغير صالحه ابدا للإستقبال ................

طبعا انا سألت خواتي الكبار لأن أبي متوفى......

قلت لهم وين بنسوي الخطوبه ؟؟؟؟؟؟؟؟؟؟؟

فراحوا خواتي سألوا أخواني ألي شوري بيدهم

وفي ملاحظة ظروفنا الماديه بذاك الوقت كانت صعبه نظرا لترميم البيت

وعدم مقدرتهم على تأجير إستراحه

المهم اخي الكبير أفتى ان الملكه راح تكون بس بكتب كتاب الشيخ

و شاي و قهوه و قت العصر وخلاص

طبعا اخوي علم زوجي

فلما جا وقت الملكه أخي الأوسط قال بجيب كيكة من سعد الدين

تحتفلين فيها أنتي و خطيبك طبعا و سوا هالحركة جبرا بخاطري

فا والله يا بنات خواتي الصغار سووا لي بوفيه حلا و كيك صغير بيني و بين زوجي

كل هذا مو مشكله ......... المشكله ان زوجي جا يا بنات و يده فااااااااضيه

لا هدية ولا شوكولاه و لا باقه عطورات ولا شي

جا بس بالمهر و العود والعود ما كان غالي........

و المشكله ما كشخ حتى شكله أحرجني بوسط اهلي وحسيت بكسرة الخاطر

اني أخذت متزوج ما فكر حتى يكشخلي و جاي يده فاضيه

طبعا انا أنحرجت بوسط أهلي و أخذت عنه فكرة أنه بخيل

ما أدري يا بنات الشي هذا كسر بنفسي

و المصيبه أهل زوجي كله يعايروني أن أحنا ما عزمناهم

و يقارنوني بسلفتي و يفضلونها علي

و تخيلوا !!!!!!!!!!!!!!!!!!!!!!!!!!!!!!!!!!!!!!!!!!!!!!!!

زوجي وش عذره أن جا و يده فاضيه؟؟؟؟؟؟؟

قال أنتو ما علمتونا أنكم بتسوون حفله ولا كان قمنا بالواجب!!!!!!!

طيب حتى لو ما علمناهم رجل جاي يملك هل يعقل يجي يده فاضيه؟؟؟؟؟

يعني لو فيه حفله بنكرمكم و لو ما فيه حفله جاي واليد فاضيه؟؟؟؟؟

احس نفسي انحرجت بوسط خواتي ألي والكل تبارك الرحمن أزواجهم بيضوا وجوههم!!!!

صحيح أن زوجي طلع كريم بس حاسه أن تصرفه محرج

خصوصا أنه مملك مرتين مره فصل و مره موجوده على ذمته ألي هي الحرمة الي قبلي

أهل زوجي دووووووووم ينغزوني أنهم يعرفون الواجب ولو يدرون بوجود حفله كان جاو بهدايههم

بس احس انه مو عذر

لأن بولادتي معظمهم جاو و يدهم فاضيه!!!!!!

بإنتظاركم:44:
97
28K

يلزم عليك تسجيل الدخول أولًا لكتابة تعليق.

تسجيل دخول

تحفة*
تحفة*
اللحين وش اللي مضيق صدرس
خلاص اخذتي متزوج مو عزوبي عشان يطيير بك
تقدرين تقولين تعوود ع الشغالات ذي وراح الحماس
خلاص عيشي حياتك ولاتفكرين واجد
حرم الغامدي
حرم الغامدي
حبيبتي لاتكدرين خاطرك ولا تزعلين موضوع عدى وانتهى معك حق يقهر بس الأهم الآن تقولين كريم والحمد الله هذا الأهم عزيزتي والله يسخركم لبعض
حنين وطن
حنين وطن
طيب بعد هالفترة وش الي مضايقًك مافشلك قدام غرب


والحمد لله طلع اصله كريم خلاص ماشاء الله عندك بنت وولد خليه يجيب لك شبكه من جديد وهدايه وعيشي حياتك واهل زوجك طنشي كلامهم


الحياة مليانه منغصات لازم نمشي فيها ونتجاهل عشان نعيش
أمووووولا
أمووووولا
ياقلبي من سنتين و ماتذكرتي تتضايقين الا الحين!!
خلاص لا تضايقين ولا شي وسعي سدرك وانسي وعيشي حياتك
و يمكن خلاص مل من الهدايا وهالسوالف
وترى تفكير الرجل يختلف عن تفكير المرأه ، بعض الرجال مايفكرون بالتفاصيل الصغيره
الجوهرة النعيم
ردودكم أعجبتني ما عدا تحفه

و سبق وقلتلك يا تحفه أنتي فعلا تحفه